Little Break Coffee & Kitchen (已結業)

很久沒跟好友O小姐見面難得這天有空就來一下午小聚！本想到1/10可惜要等位之餘更只剩下一款食物所以決定打退堂鼓，之後轉戰同區的Little Break來一個休閒的小息！ 小學雞時候最期待的正是每節的小息，一響鐘便可衝往小食部買孖條、薯片跟同學分享快樂時光，人大了的小息就可以吃得精緻些喔！ 熱到High High的下午點來一杯芒果檸檬荔枝梳打＄58配餐加＄29解解渴，坦白講對於我來說有點過甜要加點水才能享用，轉個角度看杯梳打又幾足料哈哈哈......... 趕得切來下午茶的車爸爸點了伯爵奶茶＄42配餐加＄6，口感溫柔中帶幽幽的伯爵茶香味道挺不俗！ 我們一人點上一款Tea Set來開心Share，我和車爸爸先後選了海膽芝士炒蛋多士和脆炸春卷配黒松露沙律醬。 海膽芝士炒蛋多士＄68賣相十分不錯，厚身的酸種麵包上鋪滿滑溜的炒蛋還有一行海膽，吃下口感挺有層次味道也算不俗。 另一份脆炸春卷＄58配合黒松露沙律醬吃總不叫人失望！但我更愛伴旁的黒醋沙律菜好新鮮可口。 O小姐一來便看上雜野莓Dutch Baby Pancake跟一杯飲品＄88，Pancake鬆

經過荔枝角見到嚟間cafe環境唔錯 個名仲幾得意😆 所以就排隊試試～ 當日係weekend 三點幾左右 但都依然好多人排緊隊🤓 等左30分鐘左右終於可以入座 因為唔係太肚餓所以我哋兩個人叫左一份 all day breakfast 套餐 share 再加一杯飲品.Signature Breakfast Set 🍳🥓 $158套餐有煙三文魚、煙肉、豬肉腸、炒蛋、烤菇、茄汁豆、車厘茄、菠菜、薯餅和麵包 其中嘅雞蛋、蛋配料和麵包可自選 桃子就揀咗黑松露炒蛋🍳同牛角包🥐 聽落真係幾豐富但嚟到嘅時候發覺份量真係幾少 每樣配料都係幾啖食晒🤣 對比其他cafe嘅份量真係少幾多 另外煙三文魚唔知係咪因為放喺鐵板上邊 所以食落都幾腥 同侍應姐姐反映之後佢即刻好樂意咁比多左一份煙三文魚俾我 份量仲要比套餐入邊嘅煙三文魚更加多😮 服務態度抵讚👍🏻.飲品方面套餐包括一杯飲品 我揀咗一杯凍嘅dirty 另加左一杯macchiato 咖啡味道一般 macchiato 咖啡味仲有啲酸 個人唔係好飲得慣🙈.總括而言呢間cafe食物標價甚高 份量較少 一個女仔應該都可以食完一份仲可以加甜品🤣(有d誇張) 但勝在服務都真

平均一個月都會黎呢度食一次，因為呢度不論咸食、甜食定咖啡都有水準。今次晏左去，所以已經過左午餐時段，都係要等位，好在都好快有位。每次必叫嘅係佢個貝殼，有三款湯可以揀，我三款都試過，今次叫嘅係白酒湯。白酒湯相對清啲，另外個Xx同芝士都好惹味，呢兩個湯底配蒜茸包更好味。而且佢啲貝殼隻隻都好肉，唔會有沙，佢有個火爐熱住，如果食得慢記得閂細個火，如果唔係啲貝殼就會過熟了下午茶有pancake，好薄好滑嘅皮配上煙三文魚同橙肉出奇地夾，再加上楓糖又係唔同嘅感覺平時會叫佢啲意粉/意大利飯，每一款都好味，即使係啲創新配搭都會有驚喜，佢嘅豬手都係推介之一，但因為今日唔太餓所以冇叫，改為叫大蝦加鰻魚，加$48可以跟餐，餐湯係雜菌湯，好足料，菌類好香大蝦同鰻魚份量都大，蝦味好香最後當然唔少得佢嘅咖啡，佢嘅豆本來不錯，不過視乎咖啡師手勢，唔係次次都保持到水準，但幸運地今次咖啡味都好出色。另外好想稱讚今日嘅店員，過去有幾次黎啲店員都唔太主動，態度一般般，但今日其中一個店員好有禮貌，好主動，效率亦好高，唔需要出聲已經主動添水，食完嘅餐好快幫我地收走

去餐廳食野 除左食食物既質素 餐廳既環境 都會影響你既心情心情亦會影響你既味蕾今日放假 不停訓 訓到2點先起身約左人5點係荔枝角 決定去荔枝角食個tea所以揀間cafe坐下hea下 餐廳內部好清新既感覺 以木 雲石 小植物為主每位用餐時間90mins 食完野再坐下 身心都好舒服 就算自己一個都唔會坐到好眼瞓 成個人都好放鬆我黎到 當然係tea time揀左H 又鹹又甜 會唔會好古怪？一黎到 賣相好精緻煙燻火腿同芝士都夾左係熱香餅中間火腿同熱香餅嘅熱度 剛剛好會令塊cheese溶成件事 個厚度 係可以一啖放落口估唔到熱香餅做包 會可以咁夾面頭既beacon算係乾身 脆口果種略嫌煎蛋過熟 個蛋黃流唔到蛋醬但係呢到食住個pancake 再chill下 身心真係好舒服

下晝兩點幾嚟到呢度，點左兩個午餐。午餐包沙律、湯同埋一杯飲品。1. 烤加拿大豬鞍扒餐 $158 豬扒肥瘦度啱啱好，烤得個面有少少脆，而肉質亦不會「鞋」，值得一讚！蘋果醋汁甜酸度適中，同個豬既味道好夾！2. 冬陰功軟殼蟹漢堡餐 $168軟殼蟹成隻上，冇特別調味。係麵包上搽咗啲冬陰功醬，味道都唔錯！兩個餐嘅配菜都係薯仔南瓜同埋菜，配菜製作認真，味道都好好！睇得出兩個餐既擺盤亦有花心思！我同友人亦點了hojicha latte 同埋紫薯latte （午餐各加$6）, 味道稍為偏甜左少少。前菜的沙律則普通。埋單要加一，總括價錢上有少少貴，但食物質素確實不錯！P.S. 平日3點後keep住有客入黎食野，人氣幾旺！

Daily dessert: matcha roll cake $58 唔係好食到綠茶味 朱古力粉裝飾作用不大 我諗唔洗咁貴🥵🥵Miss berries baby pancake $88 Pancake 蛋味太重 無咩麵粉咁🤔整體好普通 性價比低野飲包埋既 hazelnut latte 完全飲唔到hazelnut味 hojicha latte就幾好 只係飲到尾尾就有啲粉🥵不過拉花就幾靚☺️

Miss berries🍴雜野莓pancake上面有雲呢拿雪糕同檸檬皮，無乜特別Ham so excited🍴有煙肉、蛋、芝士、火腿同楓糖，食完無excited嘅感覺總括呢間食物一般，份量細定價偏貴唔抵食，飲品麻麻，紫薯味唔出

呢間cafe成日都好多人🤓今次book咗終於去到（平日下午茶時間少人啲）menu睇落所有食物都$150+，驟眼睇好似好貴咁，其實好大份，一碟都夠2個人食😋今次Lunch食咗大蝦蟹肉龍蝦忌廉汁扁意粉🍤🦞🦀🦐（$158）有3大隻新鮮蝦，而意粉既蟹味好濃，份量都幾多🥰🥰而德國🇩🇪之咸豬手（$168）真係超好食，夠曬大份，做到外脆內軟，加埋個汁一流‼️‼️依兩款都包餐湯（今次唔係紫蕃薯🍠湯，係黄色既忌廉湯）同餐包💛仲有一杯coffee☕️，好多嘢揀，所以幾抵🤩大家記得加$20食蕃薯條🍟（好大份🤩）表面有蜜糖同好脆，好好味

這家餐廳的擺設很有文青風，擺設都令你心曠神怡。🥗松露帶子青檸蟹肉酥盒有淡淡的松露香味，帶子有10分新鮮，酥盒的皮10分鬆脆，是餐前小吃不錯的選擇。🥗照燒賣鰻魚牛油果嫩葉菠菜沙律菠菜和牛油果加上鰻魚這個配搭10分新鮮，是一般小店沙律未必能吃到的，再加上有甜甜的乾果，美味。🥗巴馬火腿羽衣甘藍黑松露野菌薄餅這是將意大利般很薄的薄餅，吃起來份量不是太多，不會有很飽的感覺。若果薄餅的皮能再脆一些就更好味了。🥗澳洲和牛肉眼扒紅酒汁我們叫了五成熟，切開牛肉還有少少的血紅色，吃起來很多牛肉汁，肉也挺嫩的。🥗白酒牛油忌廉煮青口青口的份量不是太多，配上了白汁，但不是很有特色。🥗紫薯鮮奶賣相10分吸引，很有少女心，喝起來有紫薯的香味，挺好喝。🥗鮮薑伯爵奶茶鮮薑加上伯爵茶的味道，配搭10分新鮮，但本人喝起來不是太慣，不是很喜歡這個配搭。

久違了的Little Break，由餐廳開業已經非常喜歡。一段時間沒有來，室內的設計比以前更闊落，感覺更輕鬆，好適合同朋友傾謁的地方。.今次同朋友去開附近，想輕鬆食個晚餐，就揀咗依間。同朋友各點了一個套餐，今晚的餐湯是磨菇湯，餐包黑黑的，相信是自家製的竹炭包。餐湯味道不錯，反而餐包的味道比較淡。朋友點的西冷牛排，賣相非常好，沙律也十新鮮。而我點的則是和牛漢堡，賣相亦是很不錯，即使我要求全熟，都沒有乾巴巴的，值得一讚。餐飲我點的是紫薯牛奶，頗香的，淡淡的紫薯味道。最後我們在店逗留了兩個多小時離開，很舒適的環境，造就了一個好晚上。

Little Break Coffee & Kitchen係D2 Place One地下，係電梯位既右手邊後街位置比較特別係佢室外有2張枱 岩曬食煙既人今日我地叫左3款Main course所有主菜都可以加$48轉套餐餐會有個餐包、湯、飲品蘑菇湯（餐湯）好味指數😋😋😋😋😋個湯好足料 好重菇既香味龍蝦汁大蝦帶子意大利飯好味指數😋😋😋呢個飯既帶子食落口感似係未溶雪就煮既質地無帶子味 好淋好軟但飯既味道同大蝦就正常香煎鵝肝野菌意大利飯好味指數😋😋😋鵝肝比較薄身但飯既味道不錯香烤蒜蓉包好味指數😋😋😋包烤得岩岩好但上面既蒜蓉好似bbq個種好重辣味同有啲啲苦炸薯條配黑松露沙律醬+韓國辣醬好味指數😋😋😋😋粗薯條加上醬 應該好難唔好食唯一係韓國辣醬無咩辣味DIRTY (跟餐)薑汁咖啡 (跟餐)跟餐飲品除左咖啡之外 仲有果汁可以揀大家黎開D2 PLACE附近可以黎試下呢間黃店喇

同事提議食呢間，當日喺冇訂位嘅情況下12:00踩場。去到目測只有2檯客，我哋需要1:30前交檯先有得入座。當日午餐我就揀咗黑松露野菌帶子意大利飯。用砂鍋上，飯質地一啲都唔似意大利飯，太淋仲食落冇口感，差少少仲以為自己食緊糊仔。黑松露味欠奉，亦唔覺自己食到任何菌類，反而帶子有驚喜。飯面有芝士碎，白汁過濃，成個飯都好咸。同事就叫咁個軟殼蟹大菇漢堡，目測件軟殼蟹真係好大，同事話食落啖啖肉，其他冇特別。另外都有同事叫咗澳洲西冷，反而有驚喜喎！是日午餐都跟餐湯、沙律同飲品。餐湯係橙色，打到有泡泡，不過一啲都唔綿密。以為係南瓜湯，但係飲落又唔似，成檯食飯嘅人都冇一個估到飲緊咩湯。沙律一般，至少都係新鮮蔬菜嚟啩！餐飲嘅齋啡反而唔錯，咖啡味重，而且飲落口感厚醇。當日見到隔離檯食客點咗咸豬手，係成隻中Size香脆型，反而仲吸引。其實呢度食物一般過一般，午餐價錢嚟講，都屬於中上價，服務員啲姐姐又好似愛理不理咁，我哋成6個人去，只放4人餐具俾我哋，問佢哋攞時有感佢哋有一股不滿嘅表情。坐位方面都尚算正常，舖頭有室外位置。

同朋友喺茘枝角行完街，同佢周圍行去搵食，因為都聽過茘枝角果頭新開左好多餐廳。行行下無意發現左呢間鋪，靜中帶旺又唔係特別難搵，三個人就膽粗粗地入去試試。點左個羅宋湯，個湯係足料嘅，湯有香濃嘅蕃茄味同附上脆餐飽一個，本身都冇期望過個餐飽有咩驚起，點知又出符意料之外，有焗返熱個飽同外層係脆脆的。蒜蓉包－熱辣辣上枱 蒜味濃 讚👍🏻日式鰻魚牛油果千島汁pizza -呢個有齊我喜歡的牛油果同鰻魚，呢個分量足無論係配料定牛油果或者鰻魚，而且又估唔到牛油果配鰻魚再配埋個千島汁係可以咁夾，而且唔會好滯，可以一試。牛油焗龍蝦伴芝士忌廉汁扁麵 - 半隻龍蝦，個龍蝦肉質唔係「鞋」囗果d都幾好。反而要讚下個意粉同個忌廉汁，意粉軟硬適中一定唔係淋，而且個汁啱啱好可以掛汁係意粉度。其實食度呢度已經好飽，但點都要試埋個甜品。😬😬心太軟 - 果然又係冇令我失望，個心太軟焗得剛剛好，雪糕配上咖啡粒，成個配搭剛剛好。總括呢間餐廳一個會再幫襯

已朋友推薦相約黎到依間店食晚餐，朋友已預先book枱，我係最先低達既，聽住不算嘈吵的音樂下分外舒服😌2個女人仔食唔多，點左2款餐分別牛扒同pizza，包湯同飲品☕，另再點薯條🍟，整體主食都可以，但特別會喜歡加酒咖啡，每一啖都會有酒同咖啡味，兩者配搭得好好。

疫情下餐廳並無特別注意清潔, 餐桌同餐具衛生一般; Lunch set標價甚高, 人均消費$180 但食物質素甚底, 餐湯同主菜都唔熱, 令人好失望, 唔會再幫襯! 完全唔明點解會比人吹捧! 感覺上員工都係hea 做, 服務質素都係一般, 唔係好明點解咁多人慕名而來打卡. 由於枱與枱之間距離好逼, 大家都高談闊論之下令到餐廳好嘈好嘈, 同friend 傾計好似要鬥大聲咁... 不過環境局限又唔關餐廳事嘅, 要幫襯嘅話建議避開peak hour la...