Lobster Central (已結業)

Lobster roll 龍蝦包($138)Lobster Central推出結業前嘅買一送一優惠，今日特地黎到試一試佢地嘅龍蝦包🦐龍蝦味道鮮甜，即使冇好重手嘅調味都好入味，而且好足料，麵包烘得微脆，滲透出牛油香，幾有驚喜！由於太多人，我地只係嗌左lobster roll方便外帶😛不過除左招牌嘅lobster roll，其實仲有crab roll, shrimp roll等等🦀🍤，仲要都係買一送一！sides方面又點少得人氣嘅truffle fries，相信味道唔錯，一定好味過麥記嘅鋒味避風塘薯條🍟.ps: 優惠一出都幾多人慕名而來，星期六12點半去到，點完餐大概等左半個鐘先有，諗住去嘅朋友記住預時間🕦

Lobster Roll + Crab Roll（$148）開業3年嘅Lobster Central龍蝦包專門店宣布即將光榮結業，直至11月29日，店內所有包類都會有買一送一優惠，想試就要趁早啦！Lobster Roll採用咗美國波士頓龍蝦，龍蝦肉口感紮實，但講真鮮味全無，而且份量好少，同圖差天共地，如果原價食就認真唔值，但要一讚佢個熱狗包，焗到外脆內軟，又充滿牛油香，唔錯！Crab Roll相反有驚喜！首先蟹肉好足料，啖啖都係滿滿嘅蟹肉，另外Crab Roll比Lobster Roll重口味好多，檸檬汁同牛油等嘅簡單調味唔會搶咗陣鮮味，而係令蟹味更加濃厚。雖然整體而言我會比正評個Crab Roll，但其實佢size都係好細，如果以原價買黎食，我都要三思三思

曾經風靡一時，專賣lobster roll既lobster central轉眼間就要執臨執前再搞個買一送一，無論係開業定結業都引起好多討論👏🏻marketing嚟講，贏晒不過一間餐廳，始終食物先係最重要既竟然lunch time都唔使排長龍今日試左個lobster roll+crab roll, 加$58有嘢飲同truffle fries每人都要成$100，原價都幾貴下Lobster roll無乜特別，龍蝦份量還可以，不過味道麻麻地，無乜味個感覺就係食緊個暖暖地既包咁龍蝦味唔重，唔講係龍蝦，都真係唔係好食得出係龍蝦🤦🏻‍♂️Truffle fries薯條加黑松露醬，其實都唔會唔好食，不過都係嗰句：無乜特別啦🙁就係自己去麥當勞買包薯條，加啲黑松露蛋黃醬咁囉🤦🏻‍♂️鋪頭得企位，幾細同幾逼下🙈食完之後同朋友都不禁認同，難怪要執啦🙈🤦🏻‍♂️唔平，份量少，但又唔特別好食，又無得坐🤫食完好似食左陣風咁👻啲人最多咪貪新鮮試一次🤷🏻‍♂️

聽朋友講呢度做埋呢一個月就執喇， 最近做緊買一送一優惠今日嚟到中環大館行下影下相， 咁就同朋友嚟試一試佢龍蝦包之前喺大阪都食過， 要百幾蚊一個，我個人就覺得普普通通唔算抵食， 但去到日本總店就試下今次喺中環食呢個包， 佢做緊買一送一， 如果要曬兩個龍蝦包就hkd 158蚊, 要曬兩個蟹肉包就hkd138蚊, 我哋就選擇咗一個龍蝦包一個蟹肉包， hkd 148蚊買完嘢等咗五分鐘左右就有啦， 呢度係冇坐位嘅，我哋全程企喺度等個飽黎左好細個。。。。 因為係同朋友share嘅， 咁我哋就問佢有冇刀可以切開啦，佢答我地冇咁好喇。。。我地唯有用手撕開， 因為係有料嘅， 咁當然啲料就跌曬個兜度我先食咗個蟹包， 啲蟹肉係凍嘅同有腥味之後再食龍蝦包， 龍蝦肉係有少少暖嘅， 肉質感覺都幾好所以如果大家要食， 就建議只叫龍蝦包唔好要蟹肉飽啦但如果一個包158蚊， 我相信我絕對唔會食， 因為呢度嘅size畀我係日本食既少一半。。。。個飽實在細得有d 過份

老實講$1xx一個爛鬼包，平時真係唔會食、好啦，見佢有買一送一，就貪下優惠，點知去到就發現個優惠完全誤導消費者，去到就話無得落單，要得4小時後先再可以落單，個識員仲要無視企街好無助的客人，仲話大大隻字寫左門口要4小時後先可以落單，唔怪得要執，垃圾

從友人口中得知這間在中環以龍蝦包為噱頭的Lobster Central因快要結業，推岀了包款買一送一的優惠，當晚我和友人放工後前往，差不多七點到達，店內是頗熱鬧的，要在吧台找到位置吃還是有點難度，但是買食物則不需排隊我們點了龍蝦包和蟹肉包，價錢則是以較貴的龍蝦包計算($148)這個包比我想像中小呢，麵包烘得頗香脆的，而饀料確實十足，但夾著的龍蝦肉只是暖暖的，並不夠熱。我認為買一送一後70多元一個是可以接受的，但假如以正價的話就不會考慮了另外點了Truffle Fries,薯條炸得香脆，反而比龍蝦包更有驚喜

知道佢做緊買一送一，就同同事過來買lunch. 全部飽款都買一送一，原價$1xx , 加多$58有薯條有野飲。但我地只係叫左兩個龍蝦飽 + 黑松露薯條，平均都差不多一人$100，還稱不上好抵吧。成個飽都鋪滿龍蝦肉，望落相當吸引，食果陣啖啖肉，但味道就吾算相當特出。反之，個黑松露薯條就好好食，好香黑松露味。未食之前，以為只有沾著黑松露醬既著條先有黑松露味，但原來吾係，連無醬係上面既薯條都有松露味，果下都幾驚喜！

上網見到 Lobster Central 26號結業，而家龍蝦包做買一送一優惠，見喺公司附近就lunch同同事去咗排，唸住share個優惠，一人一個試下。去到都幾長龍，排左兩三個舖位。排隊的時侯，上openrice睇下資料，見有人早幾日話龍蝦包$138買一送一，但當我哋去到嘅時候已經加咗價$148買一送一。我哋大約十二點到，排隊比錢加等食物用咗大約半個鐘。店舖入面位置唔多，全部都係企位，我哋就叫左外賣拎返去食。龍蝦包size唔大，我同朋友一人一個，食完得兩三成飽，好似冇咩野落過肚咁。龍蝦包味道一般，唔會話特別好食定難食。總括而言，對龍蝦包失望，買一送一平咗都唔太推薦大家試。

包包位烘得香口 滿滿的牛油喺入面 金黃色的 又脆又軟👌🏼👌🏼小龍蝦肉鮮甜的 見倒原隻小龍蝦鉗好可愛😊😊但係太多olive oil浸住個包🤔🤔份量亦都太少所以係要再有下場的。。味道：6/10Lobster CentralLobster Roll$158

見到買一送一優惠就嚟試吓 本身3點零到左 跟住睇到佢個牌話要四點先再開始take order 好彩附近都有野行下 都差唔多四點 見到都小小人龍 不過好快就已經排到 本身諗住叫個lobster roll 同埋sweet potato fries 點知sweet potato fries已經冇咗 等左一陣已經有個包 賣相都唔錯 個包皮都係暖同埋脆既 龍蝦肉唔算好多 不過買一送一個份量已經算係唔錯 龍蝦肉加埋啲蒜香味 同個包好夾 之前係Boston食過lobster roll 所以同呢個比都係有啲分別嘅...順帶一提係鋪頭全部都係企位 所以就減咗少少分

龍蝦包專門店之前曾經風靡一時，今日開始就結業所以至11月26日推出買一送一優惠👍一於要試下個招牌--龍蝦包麵包烘得香脆，食落好香牛油同香草味😋，幾有驚喜重點係個龍蝦超鮮味爽口😍，唔需要任何重口味既調味料已經好夠味而且龍蝦好足料😋每食一啖都會有濃郁鮮味既龍蝦👍p.s. 買一送一的優惠吸引左好多人，本人5點幾去都等左45分鐘，記得預返時間呀總括黎講:不過的確比正價既份量係少左四分一，但呢個價錢絕對抵食👍CP值高🍳🍴味道: 8.5/10👩👨服務: 7.5/10🏠💺環境: 7/10💰💸抵食: 7.5/10總消費: $138 (2人)

其實好耐之前無論係facebook定instagram，都見到好多朋友upload龍蝦包既相，而自已就一直未試過，依排出開中環就試一試佢$148同朋友一人一個lobster roll， 龍蝦肉塞滿成個麵包，咬落去啖啖肉，老闆加入左蒜蓉，牛油同檸檬汁，十分開胃！店內空間不大，所以今次係外賣攞走$68配埋我最愛嘅龍蝦湯，啖啖都充滿濃沃嘅龍蝦味，一個字正！上網見到營業三年幾嘅餐廳，終於敵不過時代巨輪，黎緊會結業。現推出龍蝦包買一送一優惠，有興趣嘅朋友就不要錯過了

My friend and I had mixed feelings about this place, but one thing for sure, we won’t be returning anytime soon after the experience.The food was pretty good. We ordered potato and sweet potato fries, plus their recommended lobster roll and lobster/beef burger. It was my first time trying a lobster roll and it was truly delicious!The service was so-so. This is also the main reason why I will not consider going back again unless I had desperate cravings. We booked on app and showed our booking co

星期日來到中環上蜂蜜啤酒堂～上堂之前想食少少嘢先～所以係中環啲橫街行吓睇吓有咩特別～見到呢間lobster central裝修幾fusion～食龍蝦包但係有香港風味？咁就試下呢間啦～佢個室內裝修好特別，有自己畫嘅menu係黑板，同時又有舊式街市嘅紅底白字告示牌～好fusion嘅感覺～而且佢嘅龍蝦包有好多款唔同嘅配搭～例如鵝肝或者避風塘，好特別！因為第一次嚟所以我決定叫最簡單主打嘅龍蝦包啦！ 另外叫多一個蟹肉包加黑松露薯條～龍蝦包非常多餡料～龍蝦鋪滿成個包，整體黎講個包size唔算大，不過好香！龍蝦肉爽口，食得出唔係急凍無運動嘅龍蝦～個包甜甜哋有啲似排包，左右都烘到微焦～增加返成個包嘅口感～而龍蝦肉落咗羅勒，蒜蓉去調味～食落去有汁～唔駛自己剝肉就可以食到啖啖新鮮鮮味十足嘅龍蝦肉！不過size有少少細，食完唔係好有飽肚感～男友點了蟹肉包～蟹肉多到滿瀉嘅一個包～食落都係好惹味，比較鹹香一點～我覺得呢個包都要落好多心思先可以做到因為蟹肉真係唔易起呀！佢仲要落足咁多蟹肉～淨係食個手工已經值回票價！另外窩心位一提係佢可以幫你切開個包share，而且個放包嘅盒子係一半！令到食個包嘅時候方便好多！最後

識食唔會食呢啲。自助形式，即是沒有服務。連清水都無供應。環境是高枱，坐十分鐘都唔會想繼續坐。這種又迫又窄的環境，可能適合趕時間的人。如果你兩個人去到，唔會想坐呢種環境。龍蝦飽唔好食。價錢太貴。不會再錄用。