影片
更多
2024-12-27
108 浏览
佐敦新開呢間素食餐廳 Loft Green Mama (舊名 Loft 206），都新咗一段時間，似乎講佢嘅素友唔多，有朋友食過就覺得啲嘢食麻麻。咁唔知真漢子食咗有咩評價呢？🤔據我所知呢間餐廳未搬之前係响地下，只得少少地方比人企响度食。而家搬咗上閣樓，變成一間正式餐廳之餘，仲有貓貓駐場添，咁大轉變，我諗可以重新評估一吓？😊真漢子今次點咗：🇹🇭 素泰式肉碎炒飯 $58好食，炒得唔油，飯又粒粒分明，好香九層塔味而且唔辣。肉碎好好味，而且好真，如果响葷素餐廳食，真係會問佢哋係咪煮錯咗（其實我果刻個心堅係好想問 😂）。另外配料有紫椰菜同紅椒，好爽口都加分不少。🍏 五蔬汁 $38包括青蘋果，青椒，青瓜，涼瓜，西芹。飲落去主要係青蘋果汁嘅味，換言之非常清新同易入口。☺️見啲嘢食唔錯，又想同啲貓相處多陣，就叫多少少嘢試吓：🍅 清爽梅子醋大蕃茄 $20以為蕃茄已經酸，加咗梅子醋應該都係冇咩分別，係咪有啲多餘。估唔到加咗梅子醋嘅蕃茄食落仲更加鮮味，而且作為小食嚟講夠健康。餐牌上有其他小食都好吸引好想試，例如邪惡嘅炸嘢，同埋見到其他客人食嘅素牛肉球。🤤☕ 凍美式咖啡 $28以非專做咖啡嘅餐廳嚟講算唔錯，幾有
據我所知呢間餐廳未搬之前係响地下，只得少少地方比人企响度食。而家搬咗上閣樓，變成一間正式餐廳之餘，仲有貓貓駐場添，咁大轉變，我諗可以重新評估一吓？😊
真漢子今次點咗：
🇹🇭 素泰式肉碎炒飯 $58
素泰式肉碎炒飯
$58
0 浏览
0 赞好
0 留言
好食，炒得唔油，飯又粒粒分明，好香九層塔味而且唔辣。肉碎好好味，而且好真，如果响葷素餐廳食，真係會問佢哋係咪煮錯咗（其實我果刻個心堅係好想問 😂）。另外配料有紫椰菜同紅椒，好爽口都加分不少。
🍏 五蔬汁 $38
五蔬汁
$38
0 浏览
0 赞好
0 留言
包括青蘋果，青椒，青瓜，涼瓜，西芹。飲落去主要係青蘋果汁嘅味，換言之非常清新同易入口。☺️
見啲嘢食唔錯，又想同啲貓相處多陣，就叫多少少嘢試吓：
🍅 清爽梅子醋大蕃茄 $20
清爽梅子醋大蕃茄
$20
0 浏览
0 赞好
0 留言
以為蕃茄已經酸，加咗梅子醋應該都係冇咩分別，係咪有啲多餘。估唔到加咗梅子醋嘅蕃茄食落仲更加鮮味，而且作為小食嚟講夠健康。餐牌上有其他小食都好吸引好想試，例如邪惡嘅炸嘢，同埋見到其他客人食嘅素牛肉球。🤤
☕ 凍美式咖啡 $28
凍美式咖啡
$28
0 浏览
0 赞好
0 留言
以非專做咖啡嘅餐廳嚟講算唔錯，幾有水準呀。
💦 以下長文慎入 😆💦
如果講到素食又有貓嘅餐廳，好自然就會同「毛所樹樹」作出比較啦（下稱「毛」），雖然「毛」而家都唔係只賣素食啦。
真漢子嘅感覺就係，就算未嚟 Loft 之前，我都麻麻地鍾意「毛」，一來佢哋啲貓係緬因貓所以好大隻，對唔鍾意貓嘅我有啲嚇親；二來佢哋枱與枱之間好迫，加埋貓就仲迫 😂；三來佢哋貓嘅數量多，而且開嘅位置關係（旺區嘅地鋪）吸引好多一心為玩貓同打卡嘅客人幫襯。😅
而 Loft 呢度感覺好舒服，好似一間好親切嘅小店，嚟幫襯嘅都係熟客，客人會同貓玩但唔會表現得太瘋狂，都係比較斯文（當然可能只係我呢次遇到嘅客人係啦，但始終餐廳上咗樓，冇咁招遙係事實）。呢度嘅貓暫時有三隻，一隻當時响籠中（我勁遠影佢個 friend 果陣佢全程啤實我 🤣），一隻正常活躍，一隻小貓有啲內向又少少好奇，好可愛。😍
我覺得雖然要上樓，但始終係佐敦站一出就到，咁方便又有貓貓駐場嘅餐廳嚟講，價錢都算抵食。下次經過佐敦想食素可以考慮吓嚟呢間試試。👍🏻
张贴
