Loft -The Party Room

营业中

休息中

上次同屋企人上去BBQ,今次朋友生日上去打邊爐,係室內一邊烚下烚下,一邊打VR/街機,超正. 邊爐湯底我哋揀咗蕃茄薯仔豬骨湯,味道超甜又夠料. 每次加湯都係預先煲好嘅湯膽,吾會好似出面得水,攪到越嚟越淡而無味👍.老闆話佢哋重有椰子雞湯底,下次諗住試.食物方面,有安格斯牛肉,黑毛豬片, 蝦,馬刀貝帶子,鮮尤,丸類,蔬菜,款式多,份量夠. 因為壽星鍾意食長腳蟹,另外加錢叫了一隻,去到時見到重識郁,蟹肉新鮮又鮮甜😍

🙋🏻上次同事帶我黎呢間新開既party room玩,開頭諗住同平時去開party room無分別，以為都係嗌外賣上去食，但點知個日去到個個都圍住個火爐☺️😊😊😊嘩超開心，原來party room 都有得BBQ,,而且佢既BBQ食物水準都好出色正！另外..除左BBQ食物. Party room 店主仲炮製左原隻羊脾好食到停唔到口除左食，個度都有好多好玩既野 個日好多同事一齊熱舞 battle ,仲要係有埋VR 玩😅😂😂好玩又好食，下次會再黎

市面好多party room ,但一般照顧到小朋友 ,D大人就坐哂係度,睇住佢地玩幾個鐘,都唔好話唔悶,D食物又一般.所以我去過1 ,2 次就冇去了.但朋友介紹呢間就唔同,因佢地點係工廈頂樓,有open area 比大人BBQ ,D小朋友又係室內玩. 仲提供好多唔同既遊戲比大人細路一起玩,全日只係聽到歡笑聲.佢地仲有PS 既VR 同任天堂 ,充滿左童年回憶,諗返起以前打機打到唔瞓比呀媽鬧既日子.....食物方面,我地間左BBQ ,D食物有水準,老闆仲準備左一隻烤羊脾比我地食,聽講佢地焗左6個鍾.好味!!!!!!!!!!!!!!!!!!!玩左成日,幾個老闆仲好好招呼 ,有時仲同我地玩埋一份,一句講,食物,環境 ,氣氛 ,招呼都一流,值得推介!!!. 每人平均3幾百,有得食有得玩,大人可以聚下 ,細路又可以盡情放電, Very Good!!! ,5粒星.!!

之前有朋友去個呢間係荃灣好難book到嘅Party Room, 讚口不絕,所以趁復活節長期就同一家大細去咗試吓.佢哋除左一般Party Room有嘅設備如PS4/VR,紅白機同board game外,亦可以代訂食物BBQ.BBQ除咗一般大路嘅豬扒,雞扒,腸仔,雜丸外, 當晚佢哋重預備咗青檸烏頭,燒馬力貝,鹽焗蟹.最誇張係嗰塊厚切安格斯牛扒!!!另外值得一讚係佢哋嘅南乳雞翼同秘製金沙骨,大人同小朋友都食到吾停得口!!!