Luca

营业中

休息中

Happy brunch ❤️ Black Truffle Scramble eggs on Toast with Salmon and Ham ($78)I like this very much! Very fresh and not heavy! 黑松露味香，不過食落黑松露味略淡！Gourmet Pizza ($78)今次叫左走肉，簿簿地唔會話食一件就濟，脆口。. English breakfast ($98)普普通通，不過薯餅真係好好食😂😂👍🏻..餐廳環境寫意，有室內室外，室外可以帶埋寵物🐶🐱一齊

好耐冇黎食過，今次久違入尾督食西餐，呢間既質素仍然係咁好。以往比較多食魚柳同牛排，今次叫左豬排配沙津，豬排肉都好冧同入味，油醋沙津都好大份，加埋羅宋湯同餐包，大大份好抵食。第一次去食既推薦試左牛先

食物：墨西哥芝士粟米薄脆，啱啱焗起，芝士香脆熱辣辣，配3款醬料，好味。特式芝士薄餅-菠菜、哥根蘇拿芝士，巴馬火腿拼招牌薄餅，薄餅底香脆，好正！生蠔-新鮮、有蠔味烤美國肉眼扒-5成熟，唔會有根，配烤青椒茄子，好味！蒜香炒海鮮意粉意粉軟硬度適中，蒜香好乾身，海鮮都算多。北京填鴨卷西餐少有的菜式好特別，味道唔錯。香辣雞翼Size比較細隻，味道比較咸忌廉汁雞柳磨菇闊面呢個夠creamy, 好味。生啤嘅酒杯夠凍，讚👍🏼服務💁🏻‍♀️:待應服務態度良好，主動加水。環境：飲嘢氣氛一流, 有室內同室外選擇。如果多朋友一齊玩飯的話或慶祝生日，原來可以包一樓的場地，裏面有桌球🎱、可以玩飛鏢、仲有得打機。真係一個唔錯嘅選擇。泊車🅿️：餐廳門口可以免費泊車，好方便。如果無位的話，亦可以泊大尾篤公眾停車場，行過去餐廳都只係5分鐘內的步程。總結：整體食物質素高，服務好，環境舒服。

谷友之前介紹食 Luca, 隔咗一排先得閒幫襯，前前後後起碼食咗 4 - 5 次 lunch，唔好食又點會返轉頭喎 😎早前佢哋嘅 Lunch set 有唔同價位，食過羊架好好味，性價比好高，但近排轉咗，全部午餐同一價格，無咗羊架揀咯 😖😖今次因為扭傷腳，星期五請咗假睇針灸，就可以輕輕鬆鬆嚟食個午餐，門口泊車方便，但成日無位，可想而知佢哋幾好生意! 入到餐廳真係嚇一跳，星期五郊外竟然差不多滿座 😲😲餐廳有室外同室內，兩邊我都坐過，當然室外感覺好啲，空氣都清新啲啦。侍應都好 helpful 同 nice 👍今次叫咗紅湯，味道濃郁，可以的話想飲多碗，朋友叫咗煎魚柳，原本跟薯菜，朋友話有啲滯所以淨要菜，我叫咗煎豬扒意粉 (唔記得影相)，今次有小小失望，因為豬扒唔太入味同硬，餐茶叫咗咖啡，呢度啲咖啡係我杯茶，次次嚟都叫架 😍😍 HK$78 一個餐，有齊餐飽，餐湯，主菜跟飲品，性價比實在高 😀

大尾督Luca雖不是正宗意大利菜。但好配合香港人口味！以前同女朋友最愛打邊爐。意大利菜。一班車友入大埔遊車河。食得泰菜多。都要食下西餐。西餐真是不太多間。每次去到一班人的話。必食薄餅。豬手。千層闊麵。如果自已一個人去就多數叫個蟹粉蝦天使麵加個餡餅🥙。已經好飽好滿足。

又係男朋友生日🎂飯，不過今次係佢d老死同佢慶祝🎉我地一行10人，一半人都有揸車，所以佢地都係揀左大尾篤，今次去Luca食西餐😬因為男朋友遲左少少收工，所以其他朋友到左先，但我地去到發現唔見人😱，於是即刻打俾朋友📱，原來侍應留左二樓俾我地😅。入到去，眼前係大張波枱🎱，隔離又有得玩飛鏢，另一角落有其他card game同switch玩🎮，露台邊就有幾張枱俾大家食野，同一個partyroom無乜分別。岩曬成班朋友聚會，可以邊玩邊食😬！我地分別order左三文魚凱撒沙律🥗: 好大碟，三文魚同蔬菜🥬都好新鮮，唔錯😌Nachos: 勁大碟，跟三種醬料，芝士🧀又多，焗得又香又脆，正👍🏼生蠔: 我無食🙅🏻‍♀，但男友話夠大隻又好鮮甜✅。香草焗羊架🐐: 羊架我就唔食的🙅🏻‍♀，但朋友話一d都唔蘇👍🏼。我就好欣賞佢d配菜，燒得唔乾，薯蓉又好好食，Yummy😋！烤美國🇺🇸西冷扒: 外面睇落小小燶，但無燒得過火，口感唔錯，入面好軟熟，又有牛香✅！蜜糖燒脆皮豬手配紅酒汁: 真係皮脆肉嫩，一d都唔痴牙🦷💯！招牌薄餅: 皮脆，辣肉腸同菠蘿🍍夾埋味道剛剛好，唔太鹹👍🏼。另外仲叫左三個意粉同飯 (成班都掛住食，無影相😬

大埔某程度上都係我另一個家，今日咁啱我地想去食個舒舒服服嘅晚餐，於是就揸車去左大尾篤大尾篤雖然有d遠，揸車入去都要大概20分鐘，我地去到Luca泊好車，餐廳安排左我哋坐室外，由於最近天氣稍涼所以坐室外都唔算太熱我哋首先order左凱薩沙律，最鍾意佢酸酸地嘅汁食落去個口感更加爽脆我哋仲order左一個Parma Ham菠菜pizza,Luca嘅Pizza冇令我地失望過，而Parma Ham pizza係我哋每次去到必定要order的慢煮黑毛豬，豬肉唔會話太鞋而且又有d juicy,配合個sauce一流

假日來到大尾篤，有各式各樣的餐廳 選擇，但我們每次都會到老地方。因為無論味道，服務都是一流的。雖然今日是假期日 但都有lunch set提供， 款式包羅萬有，沙律， pizza, 炸魚柳，牛肉漢堡，也有小朋友最愛的肉醬意粉餐每個餐都有麵包奉送餐湯有南瓜湯蕃茄湯選擇Pizza 有四件大大件的沙律餐肉醬意粉餐炸魚柳薯條餐牛肉漢堡餐兩位小朋友吃一個餐，待應哥哥主動介紹小朋友適合的飲品~ 柯華田。還細心地分開兩杯，兩位小朋友一人一杯飲得非常開心呢！一定會繼續支持

自從不再在大埔區返工，好耐都無去Luca食飯。趁著假期，同班friend諗緊大埔有乜嘢好食，最後決定要食豬手，咁當然係嚟呢間啦！其中有3個朋友未來過，一於帶佢哋嚟試試。好彩它仍然保持以往的水準，話我無介紹錯啫豬手必食是常識吧，外皮好脆，而D肉又夠琳。yum yum 餐麭令朋友有驚喜，質感介乎麵包和蛋糕之間Pizza 是薄底，啱香港女士蝦麵的口感和味道都好特別，唔錯唔錯！至於蘑🍄芝士意粉好creamy,最啱喜愛芝士的我，肥c

今日朋友約我帶我隻寶貝仔同我契女入大美督行下放下風,難得佢老公肯揸車帶我地,我隻仔又未去過大美督玩,我就當然奉陪啦。先發現原來大美督開左好多餐廳,我對大美督既印象只有BBQ,原來都仲有喧多餐廳可以揀。我就係俾呢間餐廳既LED燈吸引左,所以揀左佢做今晚晚餐了。MENU超多野揀,個MENU仲會著燈架(好似唔係重點XD)夏威夷PIZZA超多料.契女食到停唔到口.餅底都好脆,所以都唔敢俾契女食咁多驚熱氣燒烤汁雞翼醬汁超多,雞翼超入味PINK LEMONADE加左粉紅糖水既LEMONADE,好清新蜜糖燒脆皮豬手紅酒汁豬手超酥脆,都夠哂咸,但紅酒汁剛好解膩意大利豬肉腸伴肉醬意粉長意粉硬左少少,但個醬好香環境舒服,又可以帶隻仔黎,而家又涼涼地可以坐室外,呢D咁既好地方我一定會再黎架!

話說星期六同老公去左踩單車，踩到入大尾督我地就停低左，搵野食。Luca 餐廳有露天，又有室內嘅座位，我地好熱就入左室內歎冷氣🤣 我地叫Set Lunch !! 有餐包同餐湯，都係普通野。👆🏻老公叫左個黑椒牛扒意粉，意粉竟然係茄汁意！唔係浴烚完就俾你。老公話都算OK。👆🏻我就叫左個蕃茄芝士雞扒配薯菜，呢個味道一般，無乜芝士味，同好少薯條。不過杯熱朱好好味😋兩個人食午市套餐，有湯有包有主食同凍熱飲，喺大尾督都算係咁👍🏻值得一提，佢地嘅服務態度好好喔。

上年已經試過情人節出街食飯, 平時覺得好味既餐廳, 到左情人節都會大打節扣。今年即興想出去食, 渣老遠車黎到呢度, LUCA平時唔錯的。但係情人節食餐, 又出事了, 頭盤係洋蔥湯, STARTER 蟹肉TATA, 主菜黑毛豬, 甜品士多啤梨芝士餅。其實樣樣野食都唔係太差, 不過比起平時都有一節水準差距, 由其是D野食出得好快, 唔知點解要出甘快? 因為反正唔係分兩輪時間食飯的。好奇怪~~~ 我覺得成餐飯最好味係個餐包, 好熱好軟!!!

我們一家四人，點了3樣食物香橙蟹肉沙律-大大份，蟹肉新鮮，好味。豬手-強烈推介，皮香脆，肉軟多汁，配上酸菜，perfect蜆肉意粉-$168， 意粉彈牙，勁多蜆肉，蜆肉鮮甜，唯略有沙

個日諗住入大美督行下 見到間意大利菜即時入去試試啦 因為本人好鍾意坐室外的佢又全部都係室外座位 好吸引😍雖然大太陽 不過餐廳都遮得幾好 就唔多囇四個人叫左三樣野 大蝦伊麵 味道滿分！ 蝦係爽既 唔係雪到霉嗰啲口感 同埋都幾大隻 伊麵都好夠味 本身一直覺得伊麵好中式 估唔到用西式方法煮仲好食✌🏼️豬肋骨 唔會太乾 食落仲係好juicy 個汁甜甜既唔錯 Pamaham pizza 一定要試！！ pizza 個底係薄薄既 所以會整到好脆 Pamaham 咸咸地既口感再加上新鮮既火箭菜 好夾 好正！

已經係第二次食Luca 喇今次行完山食既 雖然附近有好多茶記士多但都不敵呢間西餐廳今日六點左右黎到 雖然係星期日但冇咩人直入依舊有叫焗豬手食 保持水準豬皮夠脆 豬肉夠滑 配菜依舊出色同朋友再叫生蠔 今次第一次試法國gernado 一人兩隻 好juicy 好新鮮再叫個紅酒牛尾闊條麵 煮牛尾工序繁複呢個牛尾好入味 連闊條麵都好入味 又唔太軟身👍🏼👍🏼總括黎講 保持左水準 下次會再黎！