Luna Bar & Restaurant

营业中

休息中

朋友帶我嚟咗尖沙咀一間隱蔽嘅酒吧食泰菜，估唔到質素又幾好喎，場入面唱K掟鏢VIP房樣樣都有，啱晒一大班friend聚腳！諗住點個蝦餅做小食，點知件件又大又厚身，熱辣辣又彈牙，估佢唔到～串燒豬牛雞每樣都試吓，意外地一啲都唔乾身，咬開有肉汁而且香料味剛好唔會Over～黃咖喱雞配蒜蓉包都係100頭有找，仲配埋蒜蓉包，而且非常多雞肉，黃咖喱香甜唔辛口，啱我！估唔到喺酒吧會食芥蘭炒豬頸肉🤣，仲要有質素！芥蘭脆口仲帶豬頸肉油香～～Happy Hour有promote,唔飲酒嘅叫返杯泰式飲品一樣可以同朋友好chill咁傾計～

# 劣評某食店的經歷最近我造訪了一間名為的LUNA的食店，卻讓我感到非常失望。雖然這間餐廳在網上評價不錯，但我卻經歷了一次不太愉快的用餐體驗。首先，餐廳的音響系統實在讓人難以忍受。背景音樂音量過高，混雜著其他客人交談的聲音，讓我根本無法聽清朋友的對話。即使我們試圖提高聲音，也還是被刺耳的音樂淹沒。這種環境下，享受美食的心情大打折扣。其次，服務質素也非常不理想。我們的服務生似乎對餐廳的菜單不太熟悉，點餐時需要反覆查詢，浪費了不少時間。而在我們用餐過程中，服務生也並未主動關心我們的需求，甚至在我們要求加水時，等了將近十分鐘才送來。這樣的服務態度讓人感到失望，彷彿我們的存在並不重要。總結來說，LUNA的音響和服務都讓我難以推薦。如果你想要一個能夠輕鬆交流、享受美食的地方，我建議你尋找其他選擇。希望餐廳能夠改善這些問題，讓以後的客人有更好的用餐體驗。

📍 Luna Bar & Restaurant (尖沙咀)地址：尖沙咀麼地道41-43號地舖📞：63383963（Whatsapp)今日嚟到小編同朋友嚟到麼地道，發現咗呢間隱世高CP值嘅泰國🇹🇭餐廳，地方寬敞坐得舒服適合打卡之餘，食物質素亦都很好😁💎泰式牛油果🥑香芒沙津🥗 💸HKD98呢個係超fresh既配合！小編本身就好鍾意牛油果🥑無諗過配合香甜既芒果🥭同車厘茄🍅係咁Match! 真係好正！好好味🤤💎泰式明爐烏頭🐟 💸HKD198小編最鍾意食烏頭魚☺️配埋芫荽、洋蔥🧅、辣椒🌶️豬肉等配料再淋上湯，淡淡魚肉充滿濃濃鮮魚味🥴💎泰式肉碎海鮮粉絲湯🍜 💸HKD128熱辣辣既肉碎海鮮🦞湯加埋軟綿綿既粉絲，岩晒涼涼地既天氣🥶🤭💎泰式串燒牛🐮 💸HKD20串燒牛肉夠淋再點一點沙嗲醬唔錯👍🏻好滋味😙—————————————————————-Overall Performance:味道😋：5/5環境🍀：4/5服務👯：4/5衛生👀：5/5抵食💵：4/5

📍Luna Bar & Restaurant (尖沙咀)呢間餐廳位置非常方便，係地鐵出黎過條馬路就到。地下仲有個燈射嘅logo guide住你入去。當日去到仲有公司gathering 緊，氣氛好熱鬧。餐廳外面都有啲座位，啲人坐出面就飲酒🍻為主，比較chill 啲🙂‍↕️不過野食都相當唔錯🩵鮮椰肉沙冰 ($68)入面每淡都有細細地嘅椰汁絲🩵泰式肉碎生菜包 ($108)生菜包啲肉相對地會比較辣小小，唔食得辣嘅朋友仔就要主意下🩵泰式冬蔭公湯 ($138)佢有一大碗嘅，店員上完之後就會幫手分湯，成個湯都好足料都好夠味，係我今餐飯最鐘意嘅，有原隻大蝦，我個隻蝦仲有少少膏。🩵泰式串燒 ($20/串)小小地試左1串雞腎 1串豬肉個醬相當惹味🩵泰式青咖哩配蒜蓉包 ($118)蒜蓉包就應該即叫既焗，所以好脆由於朋友唔食得辣，所以就叫左青咖哩，入面仲好多我鐘意食嘅豆。牛嘅份量都多門面:入面都有卡拉ok唱，有飛鏢🎯玩

同老公聖誕去咗尖東打卡，經過附近見到有新開既酒吧餐廳，見都幾多好評，同埋地方幾闊落，就想去試下。泰式串燒：串燒6串都燒得好香口，同埋驚喜既位係有配埋唔同既醬汁，有清新既酸汁+沙嗲汁。泰式燒豬頸肉：呢個真係MVP!豬頸肉燒得外層焦脆得黎有肉汁，同埋豬頸肉肥瘦均勻，食落唔會油淋淋，點埋辣椒汁一齊食幾惹味。泰式蝦醬炒飯：呢個既份量真心大，3-4人都得，個人覺得如果可以乾身多少少就更好。海南雞：雞係比較結實的，廚師好有心思較咗蔥薑油+酸汁作搭配，令成件事多咗層次，但如果用多番油分既雞就更好個人覺得份量幾大，同埋地方都坐幾舒服，值得下次一班人黎share多少少野！

今次同朋友去咗位於尖沙咀麼地道一間新開張無耐嘅泰國菜餐廳Luna Bar & Restaurant，餐廳由泰國當地出名五星級酒店餐廳主廚主理，味道正宗。餐廳走泰國休閒風，營造出椰林樹影嘅感覺，充滿泰國風情，令我聯想起喺泰國清邁餐廳食飯嘅時光。餐廳設有室內外座位，休閒感十足，另外提供卡拉OK、掟飛鏢等多種娛樂設施，比食客多重享受。泰式大蝦金邊粉泰式金邊粉炒得乾身，好有鑊氣，金邊粉味道甜甜地，加上芽菜，食落爽口，可以伴以青檸、花生碎、棕櫚樹糖、辣椒碎，味道層次感豐富；上面大蝦經過酥炸，大蝦爽彈，可以連殻食，味道甜甜地，好惹味。泰式串燒泰式串燒有雞肉、牛肉同埋豬肉各2串，三款串燒嘅肉質都好高質，每一串都燒到恰到好處，外焦內嫩，而且仲保留肉汁。當中豬肉串肥瘦適中，口感彈牙，有兩款泰式醬料可以配搭，花生沙嗲醬同埋泰式酸辣汁，沙嗲醬沙嗲味濃郁，仲有花生粒可以食到，好有咬口，層次感豐富，另外伴有沙律菜，減少油膩感。泰式黃咖喱配蒜蓉包黃咖喱香氣濃厚，裏面嘅咖喱雞肉質嫩滑。黃咖喱味道偏甜，辣度低而且椰香味重，好適合配蒜蓉包，蒜蓉包焗至金黃色，外脆內軟，好味道。泰式香芒沙冰芒果沙冰入口透心涼，由新鮮芒果打

唱K唔一定要去K房呢間bar and restaurant 會有埋K房比大家盡興🤩有私隱同時又可以enjoy好味泰菜同bar而且好欣賞裝修好有熱帶風情又有啲工業風✨泰式酸辣鳳爪$88泰國菜必點前菜酸酸辣辣超開胃口味偏辣食落好刺激過癮✨香茅檸檬葉鹽燒大烏頭$198👍🏻非常推薦啲一道🤩唔係平時預先炸過/蒸過亦因為係即點即燒記住預返半個鐘時間上菜～魚身燒得岩岩好唔會乾好難得食到真鹽燒大推！✨泰式燒羊架（3件）$168擺盤好精緻羊肉唔會重羶味配埋兩款醬好惹味✨泰式燒茄子$68醬料偏甜、唔會辣茄子肉都燒軟稔又多汁✨泰式大蝦炒金邊炒$128大蝦先炸過再擺面金邊粉份量絕對唔細性價比高

今日嚟咗尖沙咀呢間超有feel嘅泰國菜酒吧，環境好chill，有得玩飛鏢同埋聽live Band，放工過嚟食飯鬆一鬆都唔錯。泰式生蝦 ($138/6隻)個生蝦刺身賣相幾靚，每一隻都用shot杯仔裝住。每杯分別有泰式辣醬同埋辣辣地嘅青醬，仲有蒜頭同埋紫蘇葉。生蝦食落新鮮彈牙，成個組合食落好Perfect。泰式肉碎生菜包 ($108)個泰式肉碎炒得超入味，酸酸辣辣咁。佢仲落咗辣椒仔、洋蔥喺入邊，side dish有脆皮豬皮。太好食了，反而覺得唔係幾夠生菜包。香茅檸檬葉鹽燒大烏頭 ($198)烏頭即叫即燒，魚肉非常嫩滑，切開之後入邊仲見到佢包咗檸檬葉，所以食落都有淡淡嘅香草味。佢分別俾咗有少少甜嘅魚露同埋泰式辣汁，個人就覺得佢同泰式辣汁夾啲。泰式珍多冰 ($48)椰奶味好重，食辣嘢送就最啱。

Located in the heart of Tsim Sha Tsui, Thai Spice offers an authentic Thai dining experience that captivates both locals and tourists. With its warm ambiance and friendly service, it’s a perfect place to enjoy a vibrant meal.One of the standout dishes is the **Lettuce Wraps**. These fresh and crunchy wraps are filled with a savory mix of minced chicken, vegetables, and a hint of Thai spices. Paired with a tangy dipping sauce, they provide a delightful balance of textures and flavors, making them

今日同朋友去咗尖東配眼鏡，經過Luna Bar & Restaurant 入去食泰國菜先，餐廳環境好闊落, 有室內及室外用餐地方，見有客人同心愛狗狗在室外一起用餐，原來這間係寵物有善餐廳👍🏻，下次我都要帶🐶🐕一齊再嚟。兩個人叫咗三樣食品，泰式大蝦柚子沙律，蝦肉新鮮，柚子香甜，加埋泰式醬汁及炸椰子片配搭，相當開胃。泰式串燒有豬、牛及雞肉每樣各兩串，用泰式調味料醃製，點埋沙嗲醬一齊食，更加香濃惹味。咖喱軟殼蟹用一大個法包承載着，分量足夠四個人食，軟殼蟹外面香脆，我仲食到有蟹膏，麵包配泰式咖喱汁一齊食，Yummy！我哋叫咗杯青檸薄荷梳打好refreshing 及椰汁冰都好重椰子味，好飲！

尖沙咀麼地道K11 Art 附近有一間泰國菜餐廳酒吧，無論係去食飯，或者和朋友聚會飲酒唱K掟鏢，都是不錯的選擇。餐廳外有一些餐枱，我見很多顧客都會帶埋𠖥物一同去吃晚飯，帶狗狗食飯散步，實在太方便。餐廳內間隔得很好，卡拉OK區、掟鏢區、用餐區，都在不同的位置和餐枱也有點不同，設計上花花上不小心思。泰式大蝦柚子沙律 $118大蝦新鮮，份量多，柚子酸酸甜甜，帶點微辣，非常醒胃，配串燒，可減油膩感。咖喱炒軟殼蟹 $268軟榖蟹外脆，肉嫩有蟹味，加上咖喱的香味，實在太美味，最正是用麵包配埋一齊食，麵包吸收了咖喱汁，一點都不浪費。泰式串燒 6串 $108串燒包括牛、豬和雞，各兩串，肉串利用泰式的醃製方法，味道非常濃郁，而且廚師燒得很好，肉串環保流很多肉汁，不會太乾身。泰式椰水 $42澊荷青檸梳打 $48泰式椰水，椰香濃郁，甜甜的味道，實在是配泰國菜的首選。薄荷青檸梳打，清香開胃。餐牌選擇多，酒類選擇也不少。

尖沙咀搵間坐得舒服嘅泰國餐廳真係唔容易好多都坐得好迫或者限住進餐時間朋友咁啱搵到這一間喺漆咸道南的泰國餐廳 餐廳比較大，多位，唔使等門口都有都有好多張枱入面都好大， 座位都好寬敞一嚟到我就見到有大閘蟹不過今日就唔食了串燒六串108蚊有牛肉,豬肉,雞肉冇諗過係咁厚肉沙爹醬好好食，夠香口，重花生味泰式大蝦柚子沙律味道夠濃鬱又唔會太辣柚子份量多同埋好清甜裏面仲有 一啲椰絲有脆脆的口感生菜包餡料大大份 淨返啲肉碎仲可以用嚟撈飯 唔使就住食好開心菠蘿炒飯份量即係畀我想像中多菠蘿底切咗v型，食完面，下面都仲有料都有好多，底放咗好多隻蝦happy hour飲品仲有買一送一整體餐廳坐得好舒服， 餐廳夠大座位數目多食物選擇多元化， 一次食唔曬下次再食過

今日收工朋友帶我黎呢間bar and restaurant chill 😚 係尖沙咀近紅磡嘅地方。入面好多娛樂設施，有得唱K，掟飛鏢，等等嘅活動。我哋叫左三個小菜，分別係泰式燒豬頸肉，泰式串燒同埋馬拉盞炒通菜。第一道黎嘅菜係馬拉盞炒通菜，同平時食嘅有少少唔同，佢呢個加入左薑去炒，食到辣之餘，都會食到個人有少少慶。😂第二道黎嘅菜係泰式燒豬頸肉，份量唔細呀！🥹我好愛食豬頸肉，豬頸肉燒到外表焦脆，而且爽口，唔沾佢嘅醬汁都好好食！😚第三道菜係泰式串燒，包括左雞肉、牛肉、豬肉 各2串，餐廳有個細心位，佢將肉同肉之間cut左一刀刀，所以食嘅時候就一啖一嚿肉，唔會食得好狼狽。飲品方面，點咗兩杯Mojito，檸檬同薄荷好清新，不過我酒量太差，飲一杯夠了😂

尋晚早收工,約咗friend嚟到尖沙咀呢邊食dinner,我哋揀咗呢間泰國酒吧餐廳,佢嘅泰國菜好似幾吸引~正值Halloween,餐廳有好多萬聖節嘅裝飾,好有節日氣氛~餐廳都好闊落,坐得好舒服，同埋有唔同嘅泰國菜選擇咖喱軟殼蟹超級大份嘅咖喱軟殼蟹~佢有一個好大嘅包,切咗幾塊,圍住個碟擺盤,麵包中間有好多切成一件件嘅軟殼蟹，軟殼蟹外表好香脆，食落幾有咬口，好鍾意佢嘅咖喱汁，調味好香好濃郁燒茄子好大份嘅燒茄子🍆表面有好多蒜蓉粒粒，燒得好香好入味～茄子幾淋，食落覺得好香好惹味羊架一碟切成四件羊架，半肥瘦嘅羊架，食落覺得好有咬口，煙煙韌韌嘅感覺，佢哋嘅調味幾正，配埋佢哋特製嘅醬料，有蒜汁同辣椒汁，不過食落都唔會覺得辣，仲有啲西蘭花伴碟🥦幾健康嘅感覺芒果沙冰酸酸甜甜嘅芒果沙冰，凍凍地嘅感覺🥶有好香好濃郁嘅芒果味🥭好好飲

一黎到見到個場完全冇人 可能得1成入座率勁驚係伏 點知啲野食又幾好喎🤔 睇op 見到原來個廚仲要係泰國5星級酒店嘅大廚黎 我地喺op叫左個2人set 就$303✨泰式鳳爪酸酸辣辣好開胃👍🏻 個辣都唔少野 食到會出汗🫣 ✨泰式串燒（雞 牛 豬各2串）2個人分一人一串唔洗爭😆 啲串燒都燒得好好 燒得好香但又唔會好乾 沙嗲醬幾香花生味😋😋 仲有另一個係好似醋咁嘅 點左都好夾✨青咖哩雞配蒜蓉包個青咖哩都好香 不過我覺得個雞肉有少少雪藏味同埋茄子煮得有啲淋🫣 蒜蓉包好脆 蒜蓉味好濃郁 總括黎講都係好食嘅✨泰式大蝦炒金邊粉呢個幾出色👍🏻 大蝦有3隻大大隻之餘 蝦肉係實淨 新鮮 有蝦味嘅 真係有少少out of expectation 👍🏻👍🏻 個金邊粉炒出黎都好有鑊氣 好味道😋🥂白酒*2 $196唔係我鍾意好fruity 嗰啲 總括黎講啲野食都幾好食 仲要有人唱live 🙈🙈 坐得好舒服 鬆動 不過佢地比人喺餐廳食煙就唔係咁好🙈味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰晚餐人均～$270（包括+1）