M Zone 親和藝術 (已結業)

我尖沙咀咁多好嘢食，真係要好好發掘下，朋友話上次嚟過呢一間餐廳之後就念念不忘，今次就同佢一齊再嚟食下平時冇行過呢個位置，估唔到呢度有間咁大間嘅餐廳，呢間餐廳係餐廳酒吧，七點幾鐘已經坐滿左人食物方面，餐廳有好多餸酒嘅小食，薯條雞翼炸雞軟骨，飲酒一流；另外當然仲有一啲西餐啦，意粉都有成十幾種，仲有burger，扒都有我同朋友就叫咗香煎四味雞翼：雞翼一上枱已經聞到好香，有六大隻，仲要煎得勁香脆，上面好似仲有啲七味粉提升咗個味道，如果呢個配杯啤酒真係一流干炒蒜蓉黑椒雞扒意粉：呢個一開始仲以為係一個中式嘅炒意粉，原來呢一個係好西式嘅意粉，意粉用橄欖油同蒜蓉加咗少少辣椒去炒，真係好惹味，雞扒一樣煎到好香，真係冇得彈芝士手打牛肉漢堡拼薯條：呢個burger好有層次，芝士同手打牛肉後落去都幾Juice，牛扒有煎過，個漢堡基本上一啖都交唔晒，分量十足估唔到呢間餐廳嘅食物都咁有水準，下次飲酒食飯又有一個好去處

M Zone以霓虹燈裝飾，色調柔和，每張枱距離唔會太近，所以坐得好舒服，同朋友傾計都唔驚俾隔離枱嘈到。芝士香草雞扒漢保 $118雞扒用香草醃過同香煎食落好夠味，雞扒又好嫩滑，薯條可以選擇辣同唔辣，加咗辣粉更加好味。卡邦尼意粉 $98意粉有煙肉、洋蔥、蘑菇等配料香煎，再加入忌廉一齊煮，最後加入生蛋，味道好好。芝士焗大啡菇 $98大啡菇好大粒，食落好彈牙，仲要啖啖菇汁，好juicy，再有芝士配搭一齊焗，好有層次。

夜晚嚟到M Zone親和藝術，好多人都飲緊酒傾緊計，感覺大家都喺度享受緊工作後自由嘅時光，互相叉下電。飲嘢之外餐廳都有好多大路嘅Cafe主食－點咗廚師推介嘅黑松露飯同芝士牛肉漢堡試試～帶子黑松露飯好香口，食落仲多咗層蒜香味；帶子外面有層薄薄嘅麵衣，輕輕炸過但裏面依然嫩滑，飯入面都有帶子粒。漢堡賣相唔錯，手打牛肉好腍唔乾，除咗芝士外仲加咗gravy同沙律醬，味道幾豐富；另外有得揀配原味／辣味薯條，炸起熱辣辣點茄汁一定好食。睇住咁多人飲酒我地都忍唔住嗌番杯cocktail－可能見我地兩個女仔所以杯Pina Colada整出嚟好易入口冇乜酒精味；每杯飲品都配咗一張Message Card，為客人帶來更多正能量✨

Happy hour時間同同事去了附近食個午餐，餐廳主要以意粉、Pizza及扒類為主，另外還有多款小食。先叫了個凱撒沙律，平時多數醬汁舖面，自己拌勻，這個沙律則在出菜前已攪拌，每啖入口都有濃郁醬汁酸味，加上些煙肉碎及麵包粒，清新健康。我就要了芝士香草雞扒漢堡配薯條，漢堡超大份，中間有些生菜、番茄等作配料，在加上些千島醬，麵包略烘至香脆，雞扒煎至帶焦香，肉質juicy，粗薯炸至金黃香。松露芝士大蘑菇意粉十分creamy，意粉比較有咬口，蘑菇味突出。

去過喺荃灣嘅「Sol House 親和藝術」，幾好味留低唔錯嘅印象，店員話尖沙咀都有一間餐廳，比荃灣店更加早開張，呢日喺尖沙咀，諗起呢段說話， Google一下正確地址，就過去試吓😆叫咗$98嘅「帶子蟹肉牛油果醬多士」同 $118嘅「鮮茄大蝦煙肉意粉」，再加一杯$78嘅 Errazuriz Estate Sauvignon Blanc 2017😋Sauvignon Blanc 先上，係嚟自智利嘅 Aconcagua Valley，非常fruity, 超refreshing😋, 絕對可以媲美來自紐西蘭嗰啲名牌 Sauvignon Blanc，餐廳揀咗呢個牌子嚟賣絕對係一個好選擇👍。「帶子蟹肉牛油果醬多士」嘅牛油果醬味道幾清新，多士就脆卜卜，配埋一齊食幾好夾😋。「鮮茄大蝦煙肉意粉」幾好食😋

大中伏！食物、服務及環境全中伏！同餐廳嘅名完全相反！好諷刺！食物- set dinner嘅選擇好似唔錯, 但頭盤同主菜所用嘅炸蝦竟然係一模一樣嘅! 咁樣嘅配搭真係唔合格! - 同朋友點咗兩款意粉，但個意粉醬汁係一模一樣嘅！真係好求其！- 最恐怖嘅係個沙律菜。應該擺咗好多日，非常唔新鮮。入口嘅個質地係’琳啤啤’嘅，食落仲有陣陣嘅苦味！- 啲嘢飲更加係酒店級價錢，但茶餐廳水準！一個凍檸茶都收$58仲要加一服務費！服務 問題黎喇！！！- 喺餐廳用信用卡俾錢竟然被要求+10%費用！信用卡收費都應該係2%姐！想自己將多收嘅附加費直接袋落袋？仲好過去搶。- 入座之前又唔同人講原來用信用卡俾錢要消費者比附加費- 喺餐廳門口仲要貼晒啲信用卡visa, master, AE 嘅標誌- 可能我哋用優惠券，所以被人蝦？！- 咁嘅經歷真係第一次！環境- 餐廳嘅佈局根本就係酒吧! 完全同佢嗰餐廳名’親和藝術’完全唔夾!精明既你應該懂得為自己選擇吧

同朋友去完科學館就喺尖東搵野食，朋友話呢間餐廳唔錯，於是一齊去咗食我地睇完menu覺得野食都幾吸引，最後揀咗芝士香草雞扒漢堡配辣薯條、牛柳溫泉蛋意粉同埋香草牛油焗雞翼。麵包表面既黑白芝麻好香，中間夾住兩大塊雞扒，雞扒份量好大，另外有芝士、蕃茄片同生菜，整體感覺唔會太heavy，加上醬汁係千島醬，超好味！薯條我地揀左辣味，辣粉辣味適中，唔會太辣，非常惹味香口，亦都炸得好香脆！自己最鍾意牛柳溫泉蛋意粉，因為牛柳非常juicy，而拌勻蛋汁之後，成碟意粉口感更香更滑！因為每樣野食都係即叫即整，雞翼一上碟就聞到好香，焗得香脆，唔錯唔錯！一人一個main course，再加一樣小食，咁就過咗一個悠閒既下午💕

餐廳舒適又充滿藝術氣氛，牆上掛上充滿著愛意既燈飾，餐廳亦設有多款酒精，各式各樣食物同酒精飲料，絕對係一個朋友相聚飯局好地方餐牌寫上餐廳成立既故事由來、宗旨，散發正能量，宣揚出用愛傳遍各人，好窩心帶子蟹肉牛油果醬多士帶子煎外皮成金黃色，內裡又保持著嫩滑感，外觀同口感一流。蟹肉同沙律菜撈埋一齊，配上牛油果醬，味道清新得黎又能夠中和帶子油膩感，配搭得宜。底部多士亦絕不馬虎，香脆口感並無因為醬汁而變軟腍，作為開胃小食的確唔錯香蒜意大利巴馬火腿意粉巴馬火腿份量多，切出黎厚薄度啱啱好，味道方面食落充滿鹹香味。意粉香蒜味濃郁，意粉生熟程度掌握得好好，煙韌程度適中，整體意粉味道濃郁惹味，味道長時間停留口中，回味無窮慢煮牛柳溫泉蛋意粉牛柳以慢煮方式烹調，生熟程度剛剛好，食落軟腍，口感一流，牛味都算出眾，可見餐廳真係用心制作。意粉同樣保持上述水準，溫泉蛋方面時間掌握得好好，保持著流心狀態，意粉配上蛋汁同醬汁撈埋一齊食，Perfect

M Zone係一間集cafe同酒吧於一身嘅西餐廳，佢除左有波睇有酒飲，店內仲用霓虹燈同仿真植物做裝飾，好啱黎打卡。野食都算多款揀，小食pizza主菜飯麵甜品都有。自家製餐湯配蒜蓉包($68) - 是日餐湯係龍蝦湯，creamy得黎唔會太鹹，最特別係用芥辣喺湯上面寫左M字，除左用黎裝飾之外，飲落仲有少少辣辣地幾得意，碟邊嘅蒜蓉包亦好香脆。迷你小食拼盤($108) - 小食拼盤除左薯條之外，另外仲可以喺九款小食入面任揀一款，我就揀左香辣脆雞。薯條熱辣辣，連住少少薯皮，香脆得黎有啲咬口。香辣脆雞其實叫香辣雞塊啱啲，雖然唔脆，不過醬汁鹹鹹辣辣幾惹味。鮮茄羅勒煙肉薄餅($128) - 哩度嘅pizza比較細份，直徑大約只有六吋，比較似係小食多過主菜。雖然份量唔多，但pizza餅底唔會太厚太硬，上面鋪滿芝士，加埋茄醬足夠，味道都唔錯。總結，雖然價錢唔算特別平，不過野食唔差，而且又可以睇波又可以打卡，男女都啱。

窮小子間唔中就會用booking app搵下有咩又平又好食嘅餐廳🙊今次就比我搵到一間係尖沙咀韓國街附近嘅餐廳酒吧🍻🍴鮮茄羅勒煙肉pizza($98)不得不提餐廳嘅薄批做得非常薄仲好脆😋拎上手都要輕力啲🤣pizza嘅配料唔複雜但係食落都會好滿足😋食落口感濕潤但又好脆~🍴Snacks Combo($148)拼盤內有墨魚嘴、炸雞翼、炸魚手指同炸蕃薯條🍟每款小食都炸得剛好~墨魚嘴食落爽彈~😋炸雞翼同魚手指入面都好濕潤完全唔會乾仲好有魚味😋蕃薯條味道幾香但略為油左啲~🥂Sex on the Beach($78)🍻Heineiken($50)成間餐廳氛圍都幾好~平時唔係好理叫咩嘅男朋友都唔理我坐低就叫杯Heineiken chill下🤣大家都支持下小店💛快啲去book啦~❤️📍 M Zone 親和藝術 (尖沙咀)尖沙咀漆咸圍9-11號若璠閣地下

尖沙咀找來這間情調餐廳地點方便就腳有酒有西餐座位闊落，播著音樂有情調傾計好地方好怕餐廳通常有酒飲都好重煙味但呢度冇呢個煩惱點了兩款set dinnerset dinner包括餐湯，沙律，主食，餐飲餐湯配上脆口蒜茸包沙律係檸檬大蝦沙律沙律分量多，大蝦也爽口彈牙作餐前小食不錯慢煮牛柳 溫泉蛋意粉牛柳慢煮juicy，肉味濃溫泉蛋剛剛好，流心效果使意粉更香大蝦煙肉意粉 龍蝦汁大蝦大大隻，爽口彈牙龍蝦汁配意粉不膩更香set dinner可選加配啤酒或紅白酒值得稱讚店員有禮親切，也很樂意介紹菜式

睇個門面，都幾靚 諗住入去食個all day breakfast 入到裏面 店員好貼心咁比杯水你濕濕口先而店員亦都好努力咁推介佢啲set加20蚊轉泡沫咖啡之類既飲品，仲推介話星巴克係飲唔到架！我就點咗一杯抹茶鮮奶，外貌80分，再加上每杯都有不同既小字句，店員再同你讀多次小字句既內容，真係幾warm架！飲品既飲管仲要係環保飲管，非常環保，但係清潔就差少少，飲管入面仲有啲朱古力積。當我飲左一啖，我終於明白，點解店員話星巴克係飲唔到！有興趣可以自己感覺下！因為真係 好 難 飲！ 星巴克好味佢100倍。其餘食物不過不失。落樓埋單250，2set。

今日想relax下就同朋友去咗尖沙咀親和藝術食dinner，餐廳燈光好柔和，加上內裏嘅音樂同埋擺設令人好relax。Order咗海鮮濃湯意大利飯、芝士手打牛肉漢堡配原味薯條及紐西蘭炸魚手指配薯條。個意大利飯煮得恰到好處，意大利飯唔腍唔硬，撈埋醬汁食一流。加上表面嘅大蝦及帶子海鮮，配搭得好好。手打牛肉漢堡就牛味十足，而且個牛肉係手打嘅關係比起一般普通漢堡扒多好多重口感，入面嘅配菜、蔬菜蕃茄都好新鮮。另外炸魚手指就好有魚柳嘅味道，點沙律醬食，好味到停唔到口。

餐廳：M Zone 親和藝術 (尖沙咀)地址：尖沙咀漆咸圍9-11號若璠閣地下因為家庭嘅巨變，帶比呢個屋企入面嘅人不一樣嘅經歷同成長，造就成一個親密又有連結嘅家庭，喺2018年一家人開始咗呢間餐廳—— @mzone_cafe ，希望將呢一份愛帶到去餐廳入面同每一個客人分享💛門面一個大大嘅「Love」logo，加上餐廳裏面一個大大嘅「愛」字，唔知你又能唔能夠感受到呢一份厚愛呢💞？今次同朋友朋友叫咗幾款食物🍽：檸檬大蝦沙律 $98香煎帶子蟹肉黑松露飯 $118芝士香草雞扒漢堡 $118唔知你鍾唔鍾意食檸檬🍋，我就係一個成日食檸檬嘅人🤪，三隻炸至金黃嘅大蝦放咗喺一片片嘅檸檬上面🍤，成隻大蝦連埋檸檬放入口，檸檬嘅清新加上大蝦嘅滋味又真係幾match幾好食😋先將帶子煎香，再蘸粉油炸，整齊咁放咗喺飯嘅上高；黑松露香本身冇咩特別，但係加埋蟹肉同埋撈勻碟邊嘅芝士碎同七味粉就惹味好多👍香脆嘅麵包🥯，夾住鋪滿熔岩芝士嘅原塊嫩口雞扒、蕃茄片同埋生菜🥬，同朋友一人一半，一齊分享「芝」味🧀，另外仲可以揀原味或者辣味嘅脆炸薯條🍟，一邊食一邊傾偈，簡單嘅一餐頓時都變得豐富咗好多🥰

很有慢活的意景，半開放式設計，通風舒暢。入面有大自然的風氣，也有霓虹燈的點綴，感覺非常舒服。.食物方面選擇都不少，有飯/意粉/扒/小食等等。.Have a nice day - 全日早餐 $128嘩嘩材料好很多：黑松露炒蛋、英式豬肉腸、焗茄汁豆、煙三文魚、烤蘑菇、生果、法包、沙律，五顏六色，覺感很健康。炒蛋炒得很嫩滑，加上黑松露醬，更加正。煙三魚卷到好似朵花咁好靚；又有豬肉腸，好豐富食得好飽。.香煎帶子蟹肉黑松露飯 $118每一口都有香濃的黑松露味，入口creamy，帶子是jumbo size 的，煎得金香。.也有不同的飲品/甜品，如柚子茶、酒、cocktail 等等。Earl Grey Crispy Choco - 伯爵茶朱古力脆脆 $48，精巧賣相藝術品似的，consistent好香伯爵茶味，不會太甜，好食！ .本身以為親和藝術的意思是平民化親民的藝術，但原有是指另一個意思（答案見menu)，哈哈