Main Place

营业中

休息中

最近去了一間可以食水煙的 Bar & dining 的餐廳，環境昏暗，營造輕鬆有氣氛情調，尤其適合同朋友家人飯聚。除了飲啤酒紅酒雞尾酒等，食物主打燒焗德國鹹豬手、法式燒乳豬、黑松露炸鮮蠔、香蒜雜菜扁意粉。餐牌設計簡單，但主菜都挺豐富，有牛扒、羊骨、豬仔骨、羊架、春雞、薄餅、龍蝦、羊膝等。創意料理如田雞腿、雞全翼、蔥油腸、天使麵、金殼青口都幾吸引，下次聚會有機會再試。Kiwi frozen Happy hour $50奇異果和新鮮薄荷葉味道幾夾，淡淡薄荷葉香，好清新！豬背骨 可選半份/一份，適合多人聚會或兩人飲酒食飯。肉質鮮美帶嚼勁，髹上BBQ燒烤醬料，帶蜜糖的微甜，用上香料烹調，好惹味。Pizza 是薄脆餅底，鋪面加上 Parma ham 和溶掉的烤芝士，美味又無罪惡感的輕食。帶子天使麵的香煎帶子很滑嫩又香口，加了紅青椒、香菇片去炒香，用了很多香蒜洋蔥調味，香口惹味。最後撒上芝士碎使香味更突出。

周日晚，朋友說想到花墟買了小盤裁，結果，由旺角中心一直走，用了差不多個多小時，終於順利完成任務。到來想隨意找間cafe坐坐，喝點東東便各自回家，可惜天氣實在太悶熱，再加上已經是晚飯時間，所以，我們決到在這裏走走，看看有什麼好吃的。 輾轉的來到了 花園街的一間餐廳，說是餐廳又好像有點不對，因為它是一間bar & restaurant，而且餐廳有水煙吃的。餐廳的環境非常有格調，全店都是昏昏黃黃的，枱上更放有小燈，而店內不停的播放著流行音樂。來到這裏不點酒品，確實有點奇怪，不過，近日氣管有點小毛病，所以還是乖乖的忍口，點了菠蘿汁及pussy foot。菠蘿汁的味道超級香濃，感覺就是新鮮打出來的，而pussy foot味道酸酸甜甜的，充滿果香，喝後相當醒胃。 法國鵪鶉釀鵝肝飯 - 鵪鶉送上來時，鴿身漲卜卜的，內裏釀滿了香噴噴的鵝肝飯，鵪鶉表面燒至金黃色，入口時帶點香脆感，配上味道香濃的鵝肝飯，令整個口腔增添了一份油潤的甘香感覺，餘韻悠長，非常好吃。意大利薄餅 - 這個薄餅可以說是材料十足，基本上每一片薄餅都能分到一塊大大片的pama ham，pama ham口感軟腍，帶有濃郁的鹹香味道，配上香

依間酒吧有水煙食！係太子係第一間？唔知係咪，但我第一次係太子見，又唔係劈場啦。好想食呀，但今日星期一，都係唔好咁chur玩，下次weekend試下先。Grill物一流 青口 虎蝦 龍蝦都吸引，今次食左羊架同法國鵪鶉釀鵝肝飯先。法國鵪鶉釀鵝肝飯 $98，細細個好香。鵪鶉好juicy，肉質好嫩細。入面飯好入味，鵝肝好細緻濃味。油脂好多同飯帶硬勁，食完係口留香到不得了。香草帶子天使麵 $148，好多菇同三色辣椒。天使麵份量多，香草汁岩岩好，夠香不喊。帶子有5粒到，多又size ok，抵食！澳洲羊T骨 $78，一大件羊架。上枱好香，仲有少少沙律菜配，如果怕太羊油重，可以食下沙律清下。羊T骨比鵪鶉肉厚實，帶一點嫩。餐廳無煮到好熟，岩岩好，羊肉有點帶紅。Fresh juice - Tomato juice $38，好似bloody mary咁既款。仲有件檸檬令蕃茄汁更帶酸，嘻嘻，朋友喜歡。岩喜歡酸甜既野飲既女仔。Tamu Bubbles (Champagne, Lychee, Ginger, Cranberry juice) $62，好重荔枝味，易入口一d都不似醉酒呀！一開始以為ginger會好薑

通常飲野都會去尖沙咀或者港島，但係估唔到呢日無意入左間位於太子嘅Bar,用平民嘅價錢有諾士弗台級嘅享受😍一入到去店員就比左menu同snack我地😋等我地揀野食同時都有啲野食下。我就揀左hoegaardeb嘅rosee, Happy Hour $60就有勁大杯， 勁抵飲朋友揀嘅cocktail, 個人覺得酒味有啲重😂都係鍾意rosee多啲。我地點左個炸青椒釀車打芝士，青椒有少少辣，獨有嘅味道中和番車打芝士嘅咸味同膩感。我地仲叫左個香草帶子天使面，有5粒大大粒嘅原粒帶子😍煎到勁香勁好食。天使面以洋蔥、青椒紅椒等配料炒熟，食落有勁香嘅香草味同鍋氣，食落好有新鮮感。我地仲叫左半份ribs, 上菜嘅時候真係以為佢黎錯左😂以為佢黎左全份，因為真係勁大份。呢個ribs係我呢餐最鍾意嘅一道菜，佢外層塗滿左厚厚嘅蜜糖，烤到脆卟卟，又唔會太熟，食落非常香脆之餘肉感仍非常嫩滑，好好食🖒店員嘅服務亦都非常唔錯，因為果日係我朋友嘅生日，所以都麻煩佢幫我地影左好多次相😂又相機又即影即有咁，但係佢都冇嫌麻煩hea影🖒

呢排發覺自己變左酒鬼，無酒不歡，收工要嘆返一兩杯先開心。今日去太子花墟附近既酒吧餐廳，摸住酒杯底同我個姊妹談心，播住柔和歌曲，傾得自在，坐下坐下都成兩個幾鐘。餐廳有又吸煙區，仲有得食水煙，食得好舒服既一餐！拎起個drink list，簡直係諗唔到野，好多選擇，好多cocktail都唔知揀邊款好......最終選擇左Peach Lady(White Wine, Peach Liqueur, Strawberry)同埋Sangria Blanc(White Wine, Pineapple Juice, Grand Marnier, Soda)兩款都幾好飲，清得黎又有氣又易入口。叫左幾個食物，蜜椒甜薯粒，原來蜜椒係蜜糖黑椒，我原先仲估係類似黃椒既野食添。薯仔切粒炸得好脆，甜甜地口感好好，加埋飲酒，不自覺一粒一粒放入口好快食晒。炸墨西哥青椒釀車打芝士，炸物一咬落去好香青椒味，再加上芝士爆出來，呢個配搭又幾新鮮喎！法國鵪鶉釀鵝肝飯，bb鵪鶉超勁滑，切開見到d飯好有衝動成隻拎上手食呀！鐵板上溫度保存得好好，食緊都一直霧煙！食完又叫多杯Stella飲下，鍾意冰凍啤酒有汽解渴。見到其他客人三五友好聚餐

閨蜜A最近單身一名女仔搬了出來太子獨居, 見她租樓吃力到一個點, 身為閨中好友的我, 少少請她吃一餐好的, 以示支持XD 來到太子的Main place, 被店內酒吧格局吸引住了!!! 看到大家悠閒的在喝着wine望着行人, 令我也想入來喝一杯呢~~ 餐廳以西餐為主, 大路的牛扒羊扒都有, 我和朋友二人各自點了飲品和主菜一客, 另外也點了一客焗薯皮~ 先來了飲品, 是橙汁和蘋菓汁- 喝上去清涼可口, 沒有加進太多水, 放耐了都不會變淡口~ 焗薯片 - 內裡釀有惹味的火腿和煙肉, 增加不少香味和咬口, 再配上拉絲的芝士, 啖啖滋味! 朋友的鮮立魚柳配珍寶帶子配金萬利汁- 魚柳很香, 吃下去雖然不夠滑但可幸不太膩口, 帶子很大隻, 質感軟滑幼細, 整體感覺不錯~ 香草帶子天使麵 - 帶子份量很多, 足有6-7粒, size不算少, 每隻都彈牙, 肉質柔滑,好味! 天使麵都不錯, 不會太淋和太黏口, 再加上香草, 牛油和蘑菇弄的白汁, 富層次又美味~ Main Place 旺角花園街227-231號翠庭閣地下1號舖 35655168

之前發現有間酒吧有水煙食突然想起在北京時到酒吧街的日子本來打算帶老婆仔去見識一下不過來到時發現沒有其他客人吃所以也不敢亂試最後決定只吃個晚餐喝杯酒就算不過這裡的環境確實不錯偏昏暗卻很有情調我們分別點了98元的法國鵪鶉釀鵝肝飯以及150元的特色燒美國豬仔背骨再加了份68元的特厚薯仔皮殻飲品方面選了68元的Oreo Monkey以及48元的Lychee Tea先來的是小食特厚薯仔皮殻四件燒得很香的薯仔皮薯仔包著內裡有芝士和蘑菇難怪會這麼香加上確實很厚吃起來很實在老婆仔很欣賞再來是法國鵪鶉釀鵝肝飯本來還很好奇會是什麼菜式原來是在一隻乳鴿大小的鵪鶉內釀入拌上鵝肝醬的飯吃起來有很濃烈的鵝肝味而且由於飯是嵌入到鵪鶉內所以也感受到那肉汁就像是很濃味的意大利飯一樣果然是這裡其中一款招牌菜而特色燒美國豬仔背骨我們只點了半份但也比想像中大份燒得很香程度也適中切起來很容易而且有很多肉吃起來很享受飲品方面這杯Oreo Monkey是Cocktail成分有Bailey's, Banana, Liqueur, Kahlua, OreoBailey味很重酒精類飲品來說我們最喜歡就是Bailey帶點果味另外因爲有香蕉

返左成日工，飢腸轆轆…挾住老友去happy hour relax 下先。來到同事推薦既Main Place …係太子站A出口行三五分鐘…都幾就腳本身以為純屬吹水飲酒無好嘢食。但喺唔係wor，嘢食好得呀…首先來個沙律開下胃先，新鮮雜菜配上個蛋黃沙律醬，甜甜酸酸，醬汁又有蛋黃香。不消10秒幾食曬lu…再來個前菜，白酒洋蔥芝士煮青口。呢個真係好好食，青口鮮甜得來很肥身，配上洋蔥粒&芝士白酒去煮，芝士香融合海鮮甜味，送酒一流。囉來撈意粉應該都好正…到主菜啦，有澳洲羊T骨，羊肉煎到剛剛好，入口柔軟多汁，配上香草鹽簡單調味，唔會搶左羊本身既肉味，一上臺已經聞到好香羊味。還有half size燒豬仔背骨，呢個真係好好食..表面擦滿低糖燒烤醬烤到略為幹身，本身以為d肉應該會好dry好鞋。結果出乎意料，入口鬆化不肥膩，濃濃肉香，好juicy，我地食到吮曬手指。heyhey…配埋杯Stella啤酒，簡直一流。最後就係帶子天使面。嘢飲呢，呢度都好多選擇，紅白酒又有，rum酒vodka，whisky，champagne 都有。我就偏好cocktail，叫左杯summer holiday…由香檳mix菠蘿汁調配

相約朋友在太子吃生日飯。突然心血來潮想吃咸豬手，於是選擇了這間餐廳。餐廳的環境不錯，可以靜靜的傾下計食下野。友人在西餅店預先買了個蛋糕給我慶祝。餐廳職員們很好，不但沒有收取切餅費，哈哈...還唱了二句生日歌給我聽。過了一會兒，他們還download 了生日歌播給我們聽。仲有送了生日酒（玫瑰荔枝酒）給我們。謝謝Tony 同另一個職員令我們擁有一個愉快的晚上。