Main Place

营业中

休息中

隨意踩進花園街一間Bar & Restaurant，無預期中激起咗味蕾旅程🍽️🌟。喺昏黃燈光下嘆菠蘿汁，新鮮得黎濃郁萬分，一流！Pussy foot更係飲落去後，果香四溢，頓時令呢個炎炎夏日都涼爽起來🍹😊。食物方面，法國鵪鶉釀鵝肝飯真係大獲全勝！金黃酥脆皮下，藏著香濃又滑溜嘅鵝肝飯，吃喺咀裡，真係滋味十足，油香閃閃。意大利薄餅方面，每一口都扑鼻而來嘅pama ham鹹香，個薄餅底脆得啱啱好，簡直係口感同味道嘅雙重享受。仲有特式燒美國豬仔背骨，甜甜嘅醬汁加上骨肉間嘅肥瘦香嫩，食落個口中肉汁四溢，絕對係抵讚之選🤤。喺度，呢啲菜式令我體會到，平民食堂也能有格外精緻嘅味道。下次你行經呢度，記得要停一停腳步，感受下這份大眾飲食嘅小確幸。

大家好，今次我嚟到一間好吸引嘅餐廳，叫做Main Place，佢哋嘅食物簡直係驚喜連連！🍽️首先，嗰碗金奬英倫蜆肉周打湯，一詞彙：正！湯底香濃得滯，飲落去暖笠笠，蜆肉咬落彈牙得黎唔過火，仲有種謂得上嚟海洋嘅鮮味。😋荷蘭汁焗鮮蘆筍就真係另一番天地，火候啱晒，蘆筍爽口又鮮甜，個荷蘭汁黐黐地，微微嘅酸甜又帶出食材嘅原味。然後就係香草帶子天使麵，望落去已經心郁郁，帶子煮得啱啱好，食落真係一詞彙：贊！👍 麵條Q彈唔硬，恰到好處，搭住淡淡嘅香草味，實在係太滋味。飲品方面，Flamingo喝落去清新爽口，視覺同味覺都滿足咗。而且呢間餐廳嘅環境，真係幾有格調，適合同朋友聚一聚，輕鬆食個晚餐。極力推薦大家過嚟試吓！🍹💯

🍻🍺🥃🥂🍷🍹Time〰️性價比超高既多國菜酒吧 Happy hour好抵飲 食物質素都中上水平架🤙🏻▫️意大利薄餅 $108Size唔會太大 餅皮食落煙煙韌韌咁〰️▫️意式肉丸伴薯蓉 $65肉丸份量都算多 有成8粒 醬汁幾yummy😋加上有薯蓉 食落都比較飽肚▫️椒鹽魷魚酥 $68中規中矩啦 椒鹽味唔係好出 比較普通😗▫️烤德國腸拼盤 $128一上枱見到有3 4款腸😳一開始望到覺得好似好乾身咁 點知食落有驚喜 好juicy🤣❣️建議呢個拼盤幾個人嗌一盤就好了 送酒一流🤙🏻如果係2-3個人 應該會飽死🤪▫️孜然雞軟骨 $62正常水平〰️份量都多 配酒飲一流😳❣️

第一次黎呢間bar, 因只在Openrice 見過圖片。一黎到就覺得環境各方面都好，不論座位，氣氛，燈光。咁啱我地早去7點幾，未多客。可以靜靜地傾下計。重要係個哥哥service 幾好。又young又有活力可惜我地一幅圖片都冇影到。我地order 左Baby back Ribs 半份，唔算好好食但可以接受。happy hour 去到9 pm 非常啱我地。所以Drink 我地都一人order 左2~3杯。Drink Menu 都唔止classic, 重有啲own recipe 嘅Mocktail, Cocktail 都有。我見佢有杯 "冬陰公" 寫住 Spicy Vodka, 而我真係見到佢 homemade 左一支 辣椒Vodka, 所以就試下。雖然個味道唔會真係冬陰公咁味。但飲落係清淡微甜微酸，飲到入喉 筀有辣味 回返上黎。有啲層次，算唔錯。 因我比較鐘意微甜嘅 drink...另一杯係 Lychee Tea, 真係幾好飲，又微甜清淡，微微有Lychee 味飄出黎。有pineapple juice, Green Tea...Lychee+pineapple 都有清香味，好夾我地都一人

喺附近咁啱食完晚飯，見時間仲早就諗住去飲杯野。成條街行落好似得呢間有得飲吓嘢，入去睇Menu發現Happy Hour好抵飲。當日坐低都只係8:30 ，香港好多人呢個時間都仲未食完飯，每人嗌左一杯cocktail，都係$70左右，仲有啲小食。呢間餐廳首先覺得佢飲野抵，二黎唔會播好大聲既音樂，啱晒傾吓心事傾吓計，有啲酒吧限每一個鐘要嗌一杯嘢飲，呢度唔使，喺Happy Hour時段嗌完杯嘢飲坐到夜晚慢慢傾都幾舒服。

一年一度既聖誕節到左,當然要出去撐枱腳啦🥂🍽️但無奈撐腳友夜晚先收工 普通餐廳已經關曬門 所以就去左呢間酒吧食野啦～見到openrice食評都吾差 同埋野食種類都多選擇 所以就入黎試試酒吧位置比較偏僻 附近有酒吧街 兩條路都係一連串既酒吧 但係呢間系再遠少少 所以環境上就比較安靜 同埋 無甘雜亂 入到去客人人數都吾算多 所以唔洗等位食之前當然上網做足功課 睇下有咩推介啦👀今次就試左燒春雞,豬肋骨,串燒同埋兩杯酒原本對食物質素都吾算抱太大期望,因為畢竟子酒吧,主要系酒,但係食物味道又幾唔錯wor,出乎意料評分10/10尤其最值得推介系燒春雞,肉質好滑,味道亦都十分好味,薯條都係熱辣辣,所以十分值得食評分6/10而豬肋骨就叫左半份,但係半份都係超級大舊,價錢都只係$150,十分抵食,但係無奈燒得過火,無汁配送,所以有d乾,比較難啃,如果淋d就更好啦評分8/10串燒分別叫雞腎,香腸,牛肉味道都係好好味,醬汁唔錯,但只有三串,價錢稍貴至於酒,因為本人同腳友都唔係飲酒之人,所以不懂欣賞了叫甘多野當然食吾曬啦！仲剩翻一半豬肋骨系度🙇埋單500幾 價錢都可以接受☺️

星期五一班朋友一齊到Main Place聚一聚， 朋友介紹這間酒吧餐廳，她說價錢便宜又坐得舒服， 所以我們一行六人就去試一試！ 一坐低店員就送上花生和蝦片，整晚我們點了兩支紅酒，幾杯hoegaarden， house wine， 還有腸仔拼盤，滷水雞翼，墨西哥脆片，帶子天使麵。 食物質素響酒吧嚟講都算中上， 我最鍾意腸仔拼盤， 一碟有四款不同的腸仔， 每款有兩條仲有薯條，用嚟送酒一流！ 鹵水雞翼醃得好入味，帶子天使麵都做得唔錯，天使麵的質地幼身而有咬口， 帶子鮮甜！ 反而墨西哥脆片的味道比較普通，白色的醬料不是忌廉，而是沙律醬！ 如果正宗的墨西哥脆片應該是配搭牛油果醬，番茄容和忌廉醬啊！飲品方面紅酒都幾好飲，店員還會貼心送上暖水， 我哋當日埋單大約$1800， 每人$300蚊，又飲又食非常抵！

今日約咗個異性朋友想靜靜地傾下偈 於是就嚟到旺角花墟附近嘅呢條酒吧街度食嘢 經過呢間main place裝修好有情調 啱曬叫杯酒邊食邊傾叫咗個黑松露燒雞 燒雞雖然係春雞 但係Size都唔細 外面個皮燒到好乾身脆口 入面嘅肉夠曬嫩滑多汁 加上黑松露汁係分開上 個汁微酸有少少茄汁味 但係黑松露味亦都好重 可以點埋雞肉食一流 16安士牛肩胛肉 牛肩胛肉個size唔大 睇落有一個男人嘅手掌咁闊 已經成為230蚊好貴 不過牛扒煎得啱啱好 外脆內嫩 啱啱好五成熟 而且肉質豐富 牛味濃郁同埋好淋 鵪鶉釀鵝肝飯 呢個飯個size又係超細已經要98蚊 鵪鶉有小小酥味 不過勝在肉質超滑 入面嘅鵝肝飯冇鵝肝味咁樣埋單已經要五百幾蚊 有d貴

同friend喺旺角花墟球場打完波得返兩個人，就兩個一齊行過去太子食晚飯。一轉入花園街行兩部就黎到Main Place呢間酒吧餐廳度食。有別太子區其他嘅酒吧，由於呢間係清吧嘅關係，冇左平時嘈吵嘅骰盅聲同猜枚聲，再加上暗暗嘅燈光，別有一番風味。一坐低個侍應就問放低個餐牌同問我地飲咩，我本人就唔好酒所以要左杯水，個friend就叫左杯cocktail，飲完佢都有話幾好飲，不過就真係唔記得左佢叫左D咩啦。野食方面我地兩個人叫左個肩胛肉同芝士青口share，D野食唔洗話等好耐先黎，個肩胛肉真係好大份又重牛味又完全唔硬，個青口粒粒都好大粒，D芝士汁香得黎又唔會蓋過青口D鮮味，真係一流。到埋單原來食牛扒青口都可以每人200蚊埋單，D侍應仲要態度好好，如果下次再喺太子食飯一定會再黎。

終於約齊一班知己朋友，當然要搵個地方促膝長談。Main Place 系一家多國菜酒吧，除左系到飲返杯外，仲可以品嚐西式、意式、泰式菜等等，五花八門，款式創新。昏暗環境下，圍著一燭光，氣氛良好。一坐低就上小吃，有花生同蝦餅。今次叫左太多野食，就吾逐一介紹啦，但講下邊Ｄ我喜歡既、特別既。新西蘭金殼青口配泰式辣汁$78，凍食搭配泰式辣汁，青口肥美飽滿，口感爽脆，鮮甜美味。必試法國鵪鶉釀鵝肝飯$98/1隻，脆身既鵪鶉外皮、嫩牙既肉質，包裹著鵝肝炒飯，十分香口。第一次見呢款菜式，極力推介。特色燒美國豬仔背骨$150/half，最喜歡肉連骨位，肉質紮實，甜而不膩，而且份量好大，滿滿飽足感。牛油果，青椒，薄餅$98，超薄餅底極香脆，同厚片牛油果相當配襯，健康之選。意式肉丸、芝士焗生蠔、日式燒計魷魚....

好難得約到一班朋友出嚟聚會，咁就梗係去太子嘅酒吧街啦，行過見到一間餐廳好多嘢食揀，我哋就入咗去啦。餐牌呢間餐廳有好多唔同嘅嘢食，有泰式、西式、德國菜等等，款式好多種。講返嘢食先，第一碟上菜嘅係鮮新西蘭金殼青口配泰式辣汁$78，今次係第一次試配泰式辣汁，青口食落新鮮，而且都大大嚿，泰式辣汁就吊起左佢嘅鮮味，令到食落個感覺更新鮮。之後好想左牛油果，青椒，薄餅$98，薄餅店係薄底，而且餅底脆得黎唔會太焦，好有口感。牛油果嘅份量都好多，店家一d都唔孤寒，整體口感係唔錯。不得不提嘅係法國鵪鶉釀鵝肝飯$98/1隻，價錢比較貴，但係好值得一試。鵝肝飯包係鵪鶉入面，一切開就好大陣香味，而且食落飯粒黏黏地，好似軟飯一樣；而鵪鶉外皮趣，入面嘅肉質仍然很juicy。除咗嘢食好出色之外，呢度嘅飲品都好多選擇，好適合一班人黎聚會同埋傾計，呢度嘅場地都好大呀，可以容納到好多嘅顧客，如果你行過不妨嚟呢度坐一坐，飲一杯野飲～

是日晏晝太晏先食於是夜晚成九點幾十點先識肚餓，落到樓下一點心又排哂長龍，於是就善用下openrice附近美食既功能哇見到呢間西餐廳清一色好評，一於就黎試下真唔真先！去到門口其實人就得三幾個，心諗會唔會係中伏呀..睇睇menu病緊既我淨係想食意粉，而呀寶就決定食烤雞餐廳內燈光非常暗，都幾有情調😂 電視仲播住張敬軒唱k版，冇咩做既店員仲得閒跟住唱兩句話咁快就見到店員由第二度搬左我碟意粉入黎，係條街運食物過黎有個膠蓋蓋住食物，都幾衛生賣相唔錯，但好似又冇其他食評講到咁大碟喎，唔知夠唔夠我呢個大胃王食呢？天使麵炒到好似炒米粉咁，有好多三色椒，夠哂熱，香草味好勁，唔會油，幾好燒帶子大大粒啖啖肉，唔會痴牙，仲有成六粒咁多，可惜有少少凍。結論係食極都仲有，岩岩好夠我食烤春雞等左都一陣，我食完成粒意粉都未到黑松露汁好香，唔係翻炸既薯條點落去幾好味，唔使要茄汁。烤春雞啖啖肉，幾嫩滑，可惜雞脾位雪味重左啲貼士：如果唔飲野其實可以試下叫店員唔使比nuts你，慳返30蚊整體黎講都ok啦！

基本上食物都ok, 價錢亦都算合理。之前見到吸煙者都喺外邊食煙頭同食嘢，但原來餐廳裏邊都是可以食煙嘅，咁對我哋呢啲非吸煙者嚟講，就真係有啲辛苦囉。所以只可說對於吸煙者嚟講，系值得推介的。

早幾日見到雜誌極力推薦呢間，寫到d野食有幾好味，又話啲牛肉有幾新鮮，野食又多選擇，就諗住黎試下啦，點知中伏，啲扒多油到呢....好似食左成碗油落肚，又亂收費，不會再去

早前去花園街食飯，見到附近有間酒吧，名叫Main Place,酒吧裏燈光柔和，客人邊飲酒邊談笑，氣氛非常熱鬧，是放鬆心情，享受一下悠閒的好地方。老公今天剛趕完報告，放工想放鬆一下，就約埋我一起去Main Place 分享一下他們的氣氛和美食！喜力啤酒：老公最愛食野飲啤酒，喜力是其一！蜜椒甜薯粒：外層有脆口的感覺，內面軟甜，加有蜜糖黑椒，味道甜美！意大利薄餅：餅底薄脆，芝士份量都好多，每一塊的薄餅上面都有大大片Pama Ham,非常足料又惹味！香草帶子天使麵：帶子都好大粒，煎封兩邊至金黃色，十分香口又鮮甜，天使麵軟硬適中，味道帶有香草味，好味！黑松露烤春雞： 春雞入味嫩滑，烤至微蕉，皮脆肉嫩，點些帶有黑松露香味的醬汁，非常惹味！