Man Kitchen (已結業)

好耐無去過深水埗，正計劃食咩好時，見到寶血醫院對面開咗間餐廳，好似幾好咁，於是行去試吓。入去叫了美式辣肉腸pizza，小食拼盤，巴辣腸意粉，半份豬仔骨和一個沙律。首先是湯，有蒜容包跟。包的味道很香。而沙律，菜很新鮮，上面鋪了巴馬火腿，很好味，下面有啲醋，撈埋一齊好開胃。巴辣腸意粉，用料很足，辣味很夠，因我很喜歡食辣，所以覺得好正，但如果唔食得太辣又想試的話，可以叫少辣。小食拼盤有芝士焗薯條，洋蔥圈，水牛城雞翼和焦糖雞翼，芝士薯條的芝士很多，炸洋蔥圈很脆，水牛城雞翼有啲辣，而焦糖雞翼就有啲似燒烤醬味。辣肉腸pizza用料很足，芝士味亦很濃，啖啖都足料。豬仔骨半份其實都好多，可以切到6至7條，咬落去味道好好，燒到恰到好處，唔會太乾，啲肉仍保持到肉汁嘅味。另叫了杯特飲黑牛，可樂加雪糕，味道可以，值得一試。

見到餐廳由洪水橋搬了出深水埗, 於是約埋三五知己到餐廳相聚, 坐低後點了巴馬火腿沙律, 德國豬手, 半份豬仔骨, 蘇豪Pizza, 煙三文魚意粉.沙律菜很新鮮, 上面鋪了幾塊巴馬火腿, 配醋撈埋一齊食,相當開胃, 做前菜一流, 豬手好大隻, 皮相當脆, 裡面啲肉相當juicy, 而且好滑, 半份豬仔骨有大約5至6條度. 配以醬汁一齊燒, 非常野味, 蘇豪pizza係薄底, 邊位好脆, 餡料好多, 芝士味夠濃, 煙三文魚意粉有兩三塊煙三文魚蒲係面, 意粉配以白汁, 味道都OK.點了杯特式飲品黑牛試試, 係可樂加雪糕, 味道好特別, 好飲. 有機會會再去試其他食物

今次一行五人，我哋黎呢間新開張左冇幾耐嘅餐廳(之前原本嗰間都幾好味嘅都唔知點解執咗笠)。呢個組合第一次一齊食飯，我哋食量都唔算好大，所以只係叫咗三個菜式，分別就係莎樂腸薄餅、小食拼盤，焗海鮮闊條麵。呢個小食拼盤共有四樣嘢，分別有蜜糖雞翼，水牛城雞翼，炸魷魚圈同埋芝士薯條。我覺得最好味都係蜜糖雞翼好有肉汁同好香蜜糖味，其次係芝士薯條都煮得幾出色，不個水牛城雞翼走辣左少少囉。呢一個Pizza都幾抵，食好大份。熱辣辣又脆，莎樂美腸都幾好味。至於呢個焗海鮮意粉，我覺得算係中上啦，伍拾幾蚊左右，又幾多材料所以又真係幾好幾抵食嘅。總括來講，呢間平民價餐廳，分量唔錯，抵食味道都算幾好啦。

行經深水埗內街，見到間幾光猛既餐廳仔落地玻璃，睇落空間感唔錯，反正唔知食咩好，就不如試一試我叫左個焗海鮮寬條蛋麵 上檯仲好熱，有d 啱啱焗完d 泡泡係碟邊海鮮款式唔多，以墨魚仔同蝦硯為主好似連魚都冇不過個麵好夠蛋味，個sauce仲有d 芝士，拉到絲架男朋友就叫左set lunch 燒汁雞球炒飯味道唔差，係份量少左d, 感覺似tea set 多d但我就覺得燒汁鹹左d, 但個炒飯幾香總括，味道同賣相都唔錯，係份量爭d, 一般女仔會啱啱好，但男仔就等於tea 份量了。service 都幾好，姐姐見我地2個人比左4人枱我地坐，都好有禮貌提我地一陣有可能叫人搭枱加分既温馨小tips, 座位上又唔係好迫

估不到在深水埗近宝血医院附近会有間好西餐廳! set lunch 同 dinner 我都試過, 多种類選擇, 有焗飯, 意粉, 重有 pizza! 味道正!座位舒適! 晚餐可試店內主打菜 “德國咸豬手”, Ribs, 重有 12 oz 重的西冷牛扒, 味道可與一些連鎖西餐廳比拼! 尤其, 手製 pizza 的味道入口清新, 吃得出這間 “男人廚房” 的主廚是用製作新鲜而美味食物给食客享用!

放學後，嚟試下新餐廳先！點解叫 Man Kitchen(中文名…男人廚房)？哈哈！應該叫女人廚房價錢唔錯！我同朋友叫咗巴哈馬火腿沙律！但係巴哈馬火腿份量太少！只得三塊！沙律份量唔錯！加上一些醋！特别開胃！我哋又叫咗一個肉醬意粉，真係麻麻地！賣相一般！不吸引！味道一般！不夠味道！無香料！不夠蕃茄同汁！要自己加茄醬同辣椒仔！芝士不夠！一個意粉最重要係醬汁！

今日經過深水埗發現食慣的德國餐廳出左市區。可以試一試🤔🤔午餐已有十款選擇：黑椒牛扒意粉重口味夠辣識合我。同事的咖哩蝦意粉夠脆。白汁海鮮烏冬夠香甜。三文魚沙律夠清爽。夏威夷Pizza一食就知自製餅底😍😍😍。男人廚房男人班底，做樓面冇女士咁細心😏👬👬但有講有笑有機會一定會來試咸豬手，Pizza😘😘😘😘