Man Kitchen (已結業)

好耐无去过深水埗，正计划食咩好时，见到宝血医院对面开咗间餐厅，好似几好咁，于是行去试吓。入去叫了美式辣肉肠pizza，小食拼盘，巴辣肠意粉，半份猪仔骨和一个沙律。首先是汤，有蒜容包跟。包的味道很香。而沙律，菜很新鲜，上面铺了巴马火腿，很好味，下面有啲醋，捞埋一齐好开胃。巴辣肠意粉，用料很足，辣味很够，因我很喜欢食辣，所以觉得好正，但如果唔食得太辣又想试的话，可以叫少辣。小食拼盘有芝士焗薯条，洋葱圈，水牛城鸡翼和焦糖鸡翼，芝士薯条的芝士很多，炸洋葱圈很脆，水牛城鸡翼有啲辣，而焦糖鸡翼就有啲似烧烤酱味。辣肉肠pizza用料很足，芝士味亦很浓，啖啖都足料。猪仔骨半份其实都好多，可以切到6至7条，咬落去味道好好，烧到恰到好处，唔会太干，啲肉仍保持到肉汁嘅味。另叫了杯特饮黑牛，可乐加雪糕，味道可以，值得一试。