MAZ Thai & BBQ (已結業)

星期六下晝去灣仔揾下午茶， 去到蘭杜街諗緊食生牛河定喇沙好既時候， 見到一間泰式酒吧，由於係late afternoon，入面無乜人客， 望下望下畀佢一張poster 吸引左。Poster 寫住4:30 to 6:30pm $88 free flow of 🍺🍷+ fries + chicken wings 。 睇到之後成個人醒曬， 第一個動作係問侍應星期六有冇呢個offer。侍應答有。我地就無再猶豫， 走咗入去。同一般嘅酒吧差唔多，入面比較暗， 下午茶 時段有好幾位職員都休息緊， 只係有一位服務員工作。 我哋分別叫咗啤酒同house wine， 當然仲有薯條雞翼。 啤酒有好幾款選擇包括泰國嘅Chang and Singa， 薯條同雞翼都係即叫即整， 想讚下啲雞翼真係整得好好食， 同埋都夠大隻。總括嚟講，以呢個價錢有酒同埋小食任食， 真係非常之抵

呢間餐廳系灣仔酒吧街入面，非常有feel.我地三個人叫左足足六樣野食，雖然價錢有啲貴，但啲野食真係整得幾惹味。-泰國生蝦刺身🍤（$118)肉質爽口，啖啖肉，點醬食一流！/蟹肉咖哩+蒜蓉包🥖($188)極級推薦！呢個配搭真係絕配，咖哩攞來撈飯/點蒜蓉包食都好perfect!/泰國生菜包🥙($116)唔太辣，份量大，可以包勁多次來食😋/芒果糯米飯🍚 ($66)識食嘅人就知道芒果糯米飯趁熱食先好味，佢地係按人頭預份量俾你，可惜芒果唔夠甜/呢間野係食個feel,如果價錢親民啲就perfect池了

本來見佢裝修個feel係相對上有設計小小個種，以為會偏貴喇， 但竟然比想像中平！ ！食個set lunch都係60幾蚊，係個區黎講實在唔貴！上菜速度都叫快~ 個日食左個 限量發售嘅蟹肉炒飯 (唔太記得個全名) 同想像中有小小出入 因為我冇諗過佢竟然會有串燒同雞翼，係意外收獲!!不過同事就咁岩唔食串燒就嘥左啦 ，如果係餐牌寫下會好啲。同埋野飲佢竟然有得揀洛神花茶，對於我呢啲想扮健康下嘅人實在有驚喜！整體黎講係有下次嘅一間餐廳~

介乎灣仔與金鐘之間之泰國菜，在灣仔上班差不多一年了，試過好幾間不同的泰國菜，特別喜歡這家橫街裡的小店，大概是緣份吧！第一次是來Happy hour，點了泰式拼盤，朋友大讚這裡的泰式拼盤裡的泰式春卷，炸得外脆內軟，春卷裡有泰式粉絲，口感豐富，呷一口啤酒，爽也！不消一會什麼都吃光光其後，試過Happy hour，再帶同事來這裡試試午餐，開頭不明白為什麼店內坐滿了人，門外還要排隊，試過後便知了！午餐做得很精美，繼續試泰式拼盤午餐，及青咖哩雞，泰式拼盤果然係這店的signature，有著淡淡的香矛香味，而且不會太油，難得之處！青咖哩味道剛好，伴汁送飯，同事都忍不住讚-飯都要吃多兩啖！又一驚喜是這裡的海南雞整很好滑好入味！整體而言，這家小店是小女子在灣仔揾食中發掘到，好想同人分享，好正啊

I have been hearing positive feedbacks about this place and my friends suggested we go here for lunch so I finally got the chance to try it! Picked the Hainan chicken rice (as usual) the set comes with a drink and I picked Thai coffee! it was indeed a reasonable price around the wan chai area (that’s why it’s always so crowded during lunch hours). The dish also came with a soup! It was very tasty but on the sweet side. Chicken was very moist and perfect for one. Would definitely come back!

開心星期五，同老公又外出試不同餐廳了😆今次睇中泰國餐廳🤤有lunch set呀，野飲不用加錢，又不用加1老公叫限量發售餐，以為好特別，個飯好正，點知飯又乾又硬，可能因為我喜歡軟飯，所以不識欣賞，雖然飯份量不多，但蟹肉都足料，另外配上串燒同雞翼，令個飯不會沈悶，以為只得炒飯，點知有美味既配料，正雞翼同串燒都好香美我叫了湯麵試，哇，好大碗，好香，有炸蒜！令碗湯麵好香，好喜歡這個味道，牛頸脊都好好食，

去完美食展都九點，仲想食野，係灣仔搵食，咁我地本身想据扒，walk in 冇位，就去搵另一間，行行下見呢間暗暗地，環境幾好，所以就揀左呢間。因為又唔太餓，所以冇叫啲好飽肚嘅野食，叫左個沙律，小食拼盤，同椰青一個兩份飲，飽晒。埋單每人百四蚊。沙律初時見到以為好辣，有啲後悔，但食落又唔錯喎，不太辣，柚子好清甜，冇苦味，加啲腰果，口感不錯，酸酸甜甜，幾醒胃。小食拼盤，兩個人剛好，三個人應該唔夠食春卷係咖哩味嘅，我麻麻地。椰青都算清甜，好冰凍，如果再甜啲當然更好留意返個身刻左餐廳logo🤭

終於放飯啦~立即衝去平時既飯堂~好彩快人一步，唔係LUNCH時段真係有排等唔誇張，每次LUNCH門口起碼排左十幾廿人嫁~~嘻嘻~一入去，唔使睇餐牌我已經知道自己想食咩了~登登登~泰式蟹肉炒飯$68!好味呢不過多D蟹肉就更好了~雞亦再襯佢既醬汁更惹味啦叫左杯洛神花茶，雖然用茶包，但又幾好飲喎~~同事就叫左青咖哩雞$63，一樣好味道椰香味不錯唷~埋單無加一其實金鐘附近食午飯呢個價錢算係平啦~所以多人排隊係正常既~好啦,食飽又要返工去了

今日Happy Friday，上Openrice搵間好餐廳，同朋友好好稿賞自己，估唔到搵到呢間隱世餐廳！隱世係因為佢位置真係比較隔涉唔起眼，但空間雖小，裝修搭夠：有空間感、深色設計令人放鬆、播放悠和英文歌（唔新先識聽）份外有格調。前菜叫咗我至愛既生蝦刺身，呢度啲蝦大大隻，新鮮彈牙，唔錯網上見大家都叫三食蟹，但我地只有兩個人怕食唔晒，就叫咗個咖喱炒蟹，咖喱又香又好味，唔辣既咖喱。蟹好新鮮又大隻，啖啖肉，點啲咖喱汁來食簡直人間美味！不過可能佢比較大隻，殻好硬，食既時候就有少少狼狽啦。本身想叫薄撐點咖喱，可惜呢度無，只有蒜蓉包，一份有五件，我地又係怕太多，最後無叫。每道菜都即叫即整，上菜時間啱啱好，差不多食完蟹，就上鹽燒馬友啦！賣相一流，比出面一般泰式餐廳多好多好多鹽，仲有啲伴碟。揭開塊皮，啲熱氣即刻標出嚟，仲傳來一陣陣香味其實已經好夠味，甚至都唔駛點佢個醬同鹽，試過點兩樣，都覺得唔點最好食，好有鮮味我哋一邊食一邊讚不絕口，想叫多個菜，就揀咗生菜包。由於食咖喱蟹都唔辣，就無為意個生菜包可能會辣，上菜我同朋友試過之後，真係辣到不得了食一啖，飲幾啖沙冰都止唔到（平時我地都會食到少少辣）。由於真係

中午飯同同事落咗去灣仔食。 由於蘭杜街係電車路側邊，所以都好方便。見到依間泰國餐廳有人排隊就試一試！ 由於中午時間，所以要人齊先可以入座。四個人食，叫咗三個主食同兩個小食。主食有海南雞飯、東蔭功同青咖哩雞飯；小食有豬頸肉同串燒。值得一試嘅係青咖喱雞同埋串燒雞。佢果青咖哩好易入口、好岩我依啲食唔到辣的人。另外，依間野的串燒都唔錯，上碟時仲係熱辣辣、仲真係有泰式風味。不過呢，飯同飲品的份量略嫌太少。如果可以增加份量就一家食得更開心同滿足。

Lunch和同事係蘭杜街選擇食邊間，好多間都多人，此時這間店員話幫我地落單，未入去座已落單，有效率👍🏻（店員好似日本明星谷原章介😆）我叫左個6.泰式豬扒酸辣撈麵，左邊d肉 同麵上的炸蒜有驚喜，肉有肉汁味道又好，不硬有少少軟，炸蒜夠多👍🏻豬扒夠脆👍🏻最正係佢個辣汁放係一邊，我怕辣的，可以只沾少少食，但就唔夠汁食個麵，所以麵就普通。如果多點選擇便好了，因為我唔食雞 又怕辣🙈

今日lunch同同事揀左蘭杜街既MAZ, 係食泰國野既， 我就揀左泰式酸辣豬扒撈麵$68，同事就揀左泰式辣肉碎煎蛋飯$58，青咖哩雞飯$58同埋冬蔭公炒飯都$68。呢個撈麵好特別呀，用鐵盤上已經夠特別啦，豬扒好大塊炸得剛好，醃料味濃，而且配料好多，撈起上黎條條麵都好有味！遲d我會黎試埋晚飯，想試冬蔭公火鍋🥘，仲有蠔食添！

同好友想回味泰國日子，係灣仔區食街搵食，萬中選一 選左呢間 ，好彩早一步入黎，遲多步都要等位 選擇唔多 不過真係樣樣都係泰國地道野。 扎肉雞絲金邊粉 湯底正 金邊粉好滑 扎肉好入味 。 有心思之作品 好滑好彈牙既墨魚餅， 唔係雪藏既硬膠膠。 青咖哩 椰子味香 雞好滑 送飯一流 牛肉沙嗲 牛嫰滑 入味 一流 同泰國整既好似 生牛肉湯粉 都係果句 湯底超入味。 泰菜整得咁正宗 好值得一讚 同睇得出店舖好花心思去凝造泰國味道，難怪吸引到咁多人黎食， 有心就有機會 。

一個人食的好處當然就是易揾位，12:30pm 到都唔洗等就可以坐低。佢地有兩種lunchset, －種$58,－種$68。都包括飲料，如洛神花茶，柚子茶。我因為不想吃鷄和牛，就選了泰式辣肉煎蛋飯，哈哈，但我又有d 怕太辣，想叫佢地少辣，佢地就話午飯所有野set 好曬。係嘅，多數餐廳都係咁。幸好，食落都ok! 其實肉和飯份量太多，吃不完呢，浪費了一點！很香但油份多了點，減肥人士注意。食到差唔多，旁邊張二人枱，就開始被催促埋單。尼頭吃午飯眞係趕頭趕命！

經過朋友介紹，知道左位於灣仔同金鐘交界嘅喱間泰國餐廳。一入去就覺得呢間餐廳嘅裝潢好靚，有feel，本身以為係高級餐廳，但睇Menu又唔算太貴。我地5個人點左牛肉冬陰公火鍋，菠蘿炒飯，泰式金邊粉，生菜包肉，串燒小食拼盤。每樣餸菜都非常惹味，其中我最欣賞嘅係牛肉冬陰公火鍋，冬陰公又唔算好辣反而好creamy, 配合埋上等牛肉，簡直令人食完又想食，強推介要點喱個火鍋。另外，呢度嘅服務一流，老闆見我哋生日，仲送咗幾杯嘢飲甜品，真心好鍾意呢間餐廳，以後要介紹多啲朋友嚟食。最後埋單每人＄150左右，非常抵食！