Mee...lemongrass (已結業)

一心想食馬來西亞野，嚟到皇室堡見到呢間連鎖店，好多區都有分店，一行四人，或者係平日夜晚，完全唔使等位，好快坐低左叫嘢食，嘢食算來得快，價錢唔算貴，平民化，選擇也比較多，大家比較餓，所以叫咗一大隻海南雞，啲肉都好滑，冇骨嘅，好好味，再叫咗個肉骨茶，啲藥材味都好濃，熱辣辣，又多配料，飲完想再叫多個，最後叫咗個咖喱點薄餅，呢個就不過不失，好普通，可以唔使試，整體上來，算唔錯，下次經過其他分店，還會幫襯，試埋其他

銅鑼灣皇室堡分店牛骨湯河，牛腩酸臭，內有頭髮，店員態度惡劣。店員各自為政，互相推搪。喇沙湯底是凍的，蝦是凍的，麵是硬的。剛開業時服務食物衛生也很好，可惜質素一直下降，點賣廣告都無用。另外員工服務態度亦很差，食客已經得兩台，樓面經常一人都無，隔離台想點餐，叫極都無人理。衛生情況令人擔憂，送俾我食也不會再來。枱下有大量小曱甴，有一隻小曱甴還跟在我身上，埋單時員工惡言相向，（一位中年女性）講野大聲，亦非常無禮貌。實在太失望同氣憤😡

身為香港人香港服務業有幾差都心知肚明 反正食完就算野食唔差到死都算數但係依間野真係難食都算 服務仲係"一流"水準添 一家人入到去叫3位 問左走過GE長頭髮女WAITRESS 佢就提醒迷彩男WAITER(店裡面好似得2個迷彩 一男一女 唔係店長下嘛?男女都令人嘔心瀝血喎)接我地 佢帶左我地去近走廊位 家人A話想坐卡位 (餐廳咪FULL 無人等位) 迷彩男指住個卡位:"行過去坐囉" 然後我地過到去味坐低 個MENU就塞係個客手上面 唔係攏係枱度   咁都得??????然後要點餐啦 係個膠框眼鏡黎SERVE我地 好奇怪 點左餐A餐B 咪點餐C佢竟然AUTO話即係2個餐B都算 一個餐我話想少飯 佢話:"小姐 D飯係畢咁多就咁多架啦 無得少飯個喎" ..................???????????       下??????????    你D飯係用人手畢出黎架係咪?即係畢個個人淨係識畢一碗飯?如果佢剩係得一個技能點你就講啦唔係我以為你玩野呀膠框眼鏡好啦點左肉骨茶 海南雞 牛肉面肉骨茶黎先哇~~~好多野浮緊喎 排骨D肥膏脂肪浮哂上面 茶餐廳D排骨湯都識去下面頭GE油同脂啦下嘛....然

綜合喇沙 $64食材足料！入面有粗麵同粉絲 ，仲有大蝦魚丸等等配茶，喇沙味都好正宗😋😋，不過份量就一啲都唔似茶餐，份量大到食唔哂🙈🙈晚餐都食唔落海鮮炒貴刁 $66有多種不同海鮮，蝦、青口等等，炒得雖然無大牌檔咁有鑊氣，但唔油膩👍🏻.芒果糯米飯 +$28擺設得好精緻，做到好似壽司咁🤩🤩🤩，方便食用，仲有巨量椰汁比你慢慢自己落

可能因為星期一所以冇乜人，七點幾呢個時段無book枱都可以唔使等就入得。其實餐廳驟眼睇幾乾淨，但坐咗無幾耐就俾我見到隻大烏蠅係隔兩張枱附近飛來飛去，之後仲降落咗咗係隻碗邊…唔知係咪店員太大愛定睇唔到，無人有打算處理隻烏蠅。我哋叫咗幾個餸share嚟食：1. 一品牛柳粒（$88）對於呢個小菜我真心有啲失望，睇菜單張相啲牛柳粒係大一倍，實際係甜椒配料就嚟多過肉而且隻碟勁細。不過因為有黑椒調味所以都幾惹味，而且啲青椒紅椒都幾爽甜…但值唔值$88就見人見智了。2. 招牌無骨海南雞（$138半隻）最愛無骨雞，方便易食。雞肉調味適中，份量十足。雞脾位置肉質鮮嫩，雞胸肉雖然比較乾身，但未算是柴。3. 馬來海鮮炒粉絲（$72）呢個炒粉絲算係全晚最出色嘅菜式。雖然粉絲炒到碎咗少少，但勝在夠鑊氣，條條分明而且唔會好油（有西芹/芹菜中和油膩感）。4. 芭堤雅蝦醬炒飯（$78）不過不失的一道菜。豬腩肉加蛋絲配蝦醬炒飯，味道幾好但無乜驚喜，但幾飽肚所以會係叫白飯以外嘅好選擇。5. 小食拼盤（$168）本來覺得有啲貴，但上菜時份量比我想像中多。蝦餅好彈牙多汁，春卷都好脆，雞翼同串燒就普通。但當中最好食嘅係個無骨鳳

食過午市都ok，於是同朋友嚟試下晚市，嗌咗幾樣小食，蝦餅、串燒同紙米卷都唔錯。主食叫咗88蚊龍蝦麵同炒貴刁，不過叻沙龍蝦麵就一般，湯底同麵質係ok嘅，但龍蝦肉有啲老冇乜鮮味，下次嚟唔會再嗌呢個。

上次同朋友慶祝生日已經想鎖定呢間東南亞餐廳，可惜呢間餐廳不設訂位，大家都唔想冒險要壽星女等位，所以就轉左第二間餐廳啦。今次再有機會過嚟銅鑼灣，當然唔會放過呢個機會啦，我哋8:30左右去到，拎飛等位大約十五分鐘左右，有個小插曲，原本係得三個人食，後來有個朋友學完車話想join我地，所以我地三人入座都請店員唔好收走枱面另外嗰份餐具，點知隔左冇耐，有個比較高大既店員，態度唔算好好，質疑我哋問：乜你哋唔係三個人咩？我哋即時話而家四個，當下我地覺得好奇怪，照計就唔會再安排單人客過嚟同我地搭枱坐，何以要過黎質問我地呢？不過大家太肚餓啦！真係唔想理佢咁多！直接叫嘢食啦！知道呢度最出名無骨海南雞，3個人就叫住半份先吧！後來朋友黎到想叫多半份已經賣晒，的確名不虛傳，我地幾個都覺得好夠雞味又滑，呢個激讚！油飯就普普通通喇本身諗住叫個小食拼盤，後來發現單叫小食都唔貴，蝦餅印象中好似$68，餐牌上面寫住四件，原本我真係諗住佢係切開咁計四件，上到枱發現切開有八件，覺得驚喜！因為喺出面食泰國菜好多時候蝦餅份量都唔係咁多，佢有八件真係足料！另外佢個鳳爪沙律好惹味，薯仔薄餅淡淡薯仔，小食來講我非常推薦！另外都叫咗個炒

銅鑼灣皇室堡分店服務態度有問題！食物普普通通，不再來亦不推薦！侍應A-企門口等好耐唔帶位，㩒飛時又喝唔洗。又大聲問要唔要BB椅！5秒內問3次!侍應B-隔離枱飛張餐牌過黎！侍應C-坐係度同你落單，就算你當時可能落緊班，都唔禮貌。食物真係普普通通，唔係特別好。總結：管理非常不善，此餐廳及所有分店都不會再光顧。

今日同friend去銅鑼灣行街睇戲，去到夜晚諗住食飯個陣，老婆話佢同事之前食過一間泰國餐廳話好正，所以提議今晚去試試，地點原來好易搵，就係銅鑼灣地鐵站對出皇室堡地庫，我地七點半去到已經人山人海，好彩我地係2人位，好快安排入座！呢間餐廳裝修簡約時尚，坐位又寛敞舒適，俾人一種好舒服既感覺，坐底後我地開始睇Menu叫嘢食！首先上菜係”無骨酸辣鳳爪沙津，地道雞牛肉串燒”首先鳳爪酸酸辣辣，個醬汁又特別食落非常開胃，而佢地既串燒更加令人喜出望外，首先肉質鮮嫩，而且師傅燒得剛剛好，將肉汁完全鎖住，食落齒頰留香之後上既主菜係”印尼炒飯，馬拉盞炒通菜”佢既印尼炒飯係我食過既泰國菜入面最正宗，飯粒鮮明，而且炒得好入味，飯既乾濕度剛剛好，配埋佢地既雞肉同荷包蛋，簡直係一絕，份量又多，一定夠飽!另外佢地既馬拉盞都好惹味，火喉剛剛好，加上佢地獨有醬汁，堪稱一絕！最重要大部份菜色價錢相宜，係銅鑼灣呢個黃金地段，好難搵到第二間，所以大家絕對要一試！

每次買完衫經過呢間Mee...Lemongrass 都好多人等緊，呢日早放工終於唔使等位開胃小吃米紙卷 蝦仁生菜青瓜粉絲多重口感上面仲有炸蒜為清淡既米紙卷添加了蒜香成功引起食慾 薯仔薄餅 很簡單的薄餅夾著咖哩味的薯仔令我諗起咖哩角的味道薯仔控必試！比較飽肚的主食，多啲人share會更好！咁就可以留肚食多幾樣野最想食既係喇沙微辣 唔知點解入面有類似油麵的麵和米粉粗身既吸左湯非常入味米粉幼身得黎浸左好耐都唔會稔 🤩蝦肉爽口唔會梅豆卜吸晒啲湯汁蜆肉鮮甜 可惜只有兩粒🥺點左呢個喇沙再望下隔離左右先發現原來有個promotion係原隻龍蝦上嘅喇沙😍😭好吸引 下次一定要試下 而家仲要半價同呢個喇沙一樣都係$84！！完全覺得我今次蝕左😅我最期待既芒果糯米飯每每就算食到幾飽都總會一啖接一啖咁食既甜品《拖鞋上面的芒果糯米飯》一啖一件既芒果壽司惟芒果略熟賣相差了點還好芒果算甜仲有一堆粒粒芒果

今天下午和朋友打算到附近新開的戲院看梅艷芳電影，買了戲票後，見這家很多Like, 於是試下。等了十分鍾後有枱很高興。但戴位那位阿哥以不友善的態度告訴我們90分鐘要交枱。我們叫了海南雞飯，味道不錯，份量也很大。另外又叫了庶蝦檬粉也很好吃。但𧐢仔炒蛋只有幾隻𧐢，又很多水，有些失望。後來加飲料，未到已叫我們埋單。又不是有人等，不用趕客吧！下次不會再來了！

係皇室堡地庫嘅泰國餐廳上菜速度超快 睇戲前食就一流馬來海鮮炒粉絲 $72海鮮有鮮蝦 魷魚 粉絲好入味食落去非常彈牙 充滿鮮味招牌無骨海南雞飯 $80海南雞好足料 雞差不多有四分一隻海南雞去哂骨 食落啖啖肉 適合一眾懶人油飯雞油香十足 好夠味雞飯包一碟油菜 幾健康仲有一碗紅蘿蔔湯 抵食！椰汁千層糕 $32少有上枱時 仍保持到暖暖地千層糕椰汁香濃 好軟熟唔硬 岀色再嚟杯泰式特飲正宗紫米豆奶 好有泰式風味 加上土產豆奶造型有特色 睇得又好飲

跟同事食午餐，其實都是輪流在附近開餐而矣！今天輪到檸檬草，心水餐廳之列。點了兩個餐，有招牌無骨海南雞飯套餐，銅鑼區來說是個不錯選擇，有飯有湯有雞，有前菜青菜飲品甜品，都只是 $80，而且味道還是很好的，地點也方便。可以加$8 upgrade 飲馬來特色手拉茶。又香又滑。雞肉嫩滑，附有三式醬料 👍白灼菜心，份量都頗多。另一個是秘製肉骨茶配飯 $78，超大碗超好味，至愛湯水之一。每次光顧都必點 😍😍😍 實在太好味了。冬姑大大隻夠腍夠入味，切件後都還是大大件的。回想著都想再吃 😋😋😋跟餐的柚子沙律，雖是跟餐前菜，質素都不差。馬拉盞炒通菜 $64，醬料夠味，通菜尚可，但不及夏天當時得令那麼嫩。同樣加$8 upgrade 飲熱檸檬柚子茶。跟餐的是日甜品，芒果小布甸，跟餐的算是高分貨色。椰汁千層糕 $32，一客有4件。玫瑰花造型討好，入口暖暖的，口感軟綿彈牙，是剛出爐。味道頗好，價錢公道，交通方便，環境企理；唯座位略窄，香港特式之一 😂😂😂。

月前買了相機，還有幸運大抽獎，自知運氣很少降臨我身上，很快便遺忘了！誰知運氣話黎就黎，相機代理電郵通知得獎，遂擇日下班後與太座逛街時領取。之後順道在皇室堡吃過晚餐才回家，沒有到地庫一段日子，店舖也物換星移，環顧一週，見這店高朋滿座，太座也有興趣，最理想是剛巧有位。小吃方面點了香葉蝦仁米紙卷，以米紙卷包著菜絲，甘筍絲，米粉和蝦，還有些炸蒜乾，蘸點醬汁吃，清淡健怡，偶爾吃一次是不錯的。海南雞飯，有菜，有湯有飯，雞肉已起骨，湯中有冬瓜，清甜可口，菜心較平淡，鹽也沒有放？灼一灼便是，雞肉相當滑和嫩，味道算鮮，黑豉油可提升調味，油飯不過不失。太座點了Mee喇沙，材料豐富，有兩隻大蝦，魚蛋，豆卜，蜆，魷魚，雞蛋，芽菜等，傍邊還有一pat醬料，以便客人自行調整湯的辣度，喇沙是chum chum的，有麵和米粉兩種，口感多元化，湯底有椰香和辣香，吃得愜意。以銅鑼灣地區來說，價錢不算貴，地方稍窄，服務跟得貼。

位處皇室堡地庫的星馬泰餐館，不止價格親民，食物更是水準甚高，可謂色香味俱全。馬來蜜汁炭燒厚切豬扒撈檬粉 $68首先推介的豬扒撈檬，特別之前在於豬扒加上蜜汁炭烤而成，香甜惹味，豬扒厚切更能鎖住肉汁，令人一試難忘。檬粉份量大大碟，認真抵食！芭堤雅蝦醬炒飯 $78又一鮮味之選當然是蝦醬炒飯。配料的鹵豬肉香而不膩，跟帶咸香的炒飯互相配合，相當美味。馬來脆雪山 $52第一次品嚐這道特色甜點，原來是一大片圖錐形薄脆，撕開會發現薄脆內塗有糖醬及花生碎，香甜無比。椰汁千層糕 $32這道甜品是必食推介，實在太美味了！椰汁味濃郁突出，口感非常有嚼勁，絕對不容錯過。