Milk Top (已搬遷) 新店位置

A colleague that was leaving treated us to this milk pudding.It was thick and creamy with a strong milk taste and it was not sweet at all which is good for people who are diabetic.

去milk top唔一定系食3.6牛乳布甸，其實奶類製品可以千變萬化，炎熱的天氣下我們決定冰琪淋爽丫丫一下呢～～～ 我要雙球因為一次過可以有兩種滿足感～榴連是我第一首選，因為家人對這種味道不能接受，但嗜榴連的我唯有在其他榴連食品中留連忘返另一球是薑汁口味，濃濃的薑汁加入牛乳做成雪糕，起初我選擇的原因原至薑汁撞奶😂😂😂,但原來雪糕卻是另一反風味、友人的特選3.6牛乳，我沒有試食，但友人說都好滑不太甜，而且加多一球只需$5，雪糕筒都脆囗，唔似存放已久淋到似紙皮的感覺

朋友仔請食雪糕！花多眼亂，最終揀咗新鮮石榴味，無花假，的確好石榴呀！好清新，甜度啱啱好，質地唔會好creamy, 有點似雪葩，有著濃濃石榴味，同埋食到裡面有一粒粒石榴籽，好似飲石榴汁果種感覺咁。另外杯裝有更多味道揀， 好想試生薑蕃薯，可惜係2-3月嘅期間限定，要等下年啦！

除了在sogo同層吃忌廉泡芙的外 這個也是筆者最喜歡吃甜點的地方 有些味道是這裡獨家的這次點了北海道牛奶味和日本柚子味雪糕北海道牛奶雪糕 牛奶味超濃 十分香甜 一定是我的favorite!日本柚子雪糕 味道沒北海道牛奶那麼濃 可是柚子味很香 雪糕裡也有粒粒柚子肉 很有口感 是清甜之選*注：跟其他店一樣 這店有試味服務 筆者試了生薑番薯 生薑味很濃 用料十足 也很值得一試

行開sogo見到milk top做緊特價,不過唔係款款都有~平時次次都係食佢原味,鐘意佢夠香夠滑~今次特價平幾蚊就轉下口味試下曲奇味~個口感軟少少,入面有d淋淋地既曲奇粒粒有d朱古力味,香奶味就一定冇原味咁濃,不過都有少少牛奶香既,感覺都唔錯~不過下次應該都會買返原味

MILK TOP的奶凍固然出名，它們的雪糕也算是不俗。可是份量卻有點偏小，往往令人'不夠喉'。椰子味雪糕，充滿濃濃的椰子香味，可是不足的是太多椰子絲，有椰子絲在雪糕當然不錯，不過令到雪糕變得有點不夠幼滑，有種一粒粒的感覺，雪糕在口腔裡慢慢溶化，散發出椰子香味實在不錯。北海牛奶味雪糕，帶有濃郁的牛奶味，而且雪糕也造得很幼滑，入口很快便溶化了。不過北海道的牛奶略嫌不太突出，與一般的牛奶味差不多，令人有種失望的感覺。忌廉芝士味雪糕，濃濃的忌廉芝士味，加上雪糕的幼滑，好像吃著忌廉芝士蛋糕一般，值得一讚。甜品評分:6/10

[[]]相比曲奇口味，我更愛椰子♥。初嚐椰子味🍦，出奇地味道好清新，而且每啖都夾雜住細碎的果肉，唔會太甜。曲奇口味牛奶味濃，朱古力味道亦唔會太甜。

上個月喺日本九州湯布院食過布甸，返到香港後，突然好想encore，所以專登去Sogo既Milk Top買4樽返屋企回味吓。我買咗2樽牛奶布甸、1樽奶茶布甸同埋1樽紅豆布甸。牛奶味好突出，但唔夠軟滑，同湯布院既布甸仲差好遠；奶茶味幾特別，富有香港本土特色，日本一定冇；紅豆味就普通咗D，但唔算太甜。但最扣分係店員，沒有笑容不特止，我有選擇困難症，揀得比較耐，佢就出不耐煩既樣子，係咁講邊隻好味邊隻特別，好似好想我快D決定咁。﹝當時只有我一位客人，應該唔會阻佢做生意喎。﹞我俾完錢後，佢快要將收據掉入垃圾筒，我話要收據，佢就話：「乜你要收據咩？」吓！將收據交比客人係正常既銷售程序，客人收到收據後自行抛掉係客人自己既決定，店員冇理由自己掉收據喎！係咪要再接受培訓呢？

突然間想吃布甸，又經過sogo, 即刻買番杯滿足下，之前食過牛奶味，信心之選，4杯有袋仔，今次就即管試下一杯黑芝麻味，黑芝麻的顆粒混合於牛奶中，好足料咁，芝麻好濃郁，味道豐富，質感雖比牛奶原味稍微粗糙一點，但都食到有牛奶味架，兩者平衡得不錯，最重要係甜度適中。

店名:Milk Top地址：銅鑼灣軒尼詩道555號崇光百貨地庫B2-12A好味指數:8/10價錢：$29牛奶，綠茶雪糕牛奶味香濃奶味，綠茶味道清新且奶味香濃。

店名：Milk Top地址：銅鑼灣軒尼詩道555號崇光百貨地庫B2-12A好味指數：8／10價錢：$23／1can曲奇味，焦糖味，芝士味，芝麻味整體味道不錯，很滑溜，而且奶味香濃。個人比較喜歡曲奇味。

同事生日，公司的蛋糕買手從Milk Top訂了一個五磅蛋糕。Milk Top以雪糕及布甸聞名，今勻姑且試試其蛋糕質數如何。蛋糕表層鋪滿著一片片金黃的芒果片點綴，外形十足十一個普通的芒果忌廉蛋糕，誰知道切開後才洞悉內有乾坤: 內容以蛋糕混和忌廉及布甸，相間地堆砌成這個特別的布甸蛋糕。芒果芳香馥郁怡人，布甸口感幼滑香甜，蛋糕甜而不膩，十分吸引。繼雪糕蛋糕後，布甸蛋糕已成為小人的另一至愛。

海鹽楓葉味雪糕Milk Top既雪糕其實都幾好食,又多味揀,真係唔錯今次揀左海鹽味(上),同楓葉味(下)整體黎講,雪糕質地軟滑,奶味都濃,海鹽味帶少少咸,但唔算話好咸所以當你食慣左隻味個時,其實開始慢慢feel唔到佢既咸味楓葉味其實係蜜糖味,蜜糖味幾濃,甜甜地,幾特別,甜而不膩味道亦唔會係人工味,所以試得過而個cone都算幾脆,即使我食野慢,食到最底,個cone伋然保持住係脆既

MILK TOP雪糕來自日本北海道，眾所周知，北海道乳製品屬高品質，據 MILK TOP說其產品是採用北海道產3.6牛奶，不加防腐劑、人造香料及色素，怪不得120ml杯裝雪糕要$25。MILK TOP出品的杯裝雪糕，約有30款，真的很難很難作出決定，不過今次見櫻花限定比較特別，亦不是每次都有售，於是很易作出決定，試一試櫻花雪糕。我在未吃其雪糕之前是充滿期待，渴望會充滿清香的櫻花味及柔滑口感，但一試之下，的確和我想像中有出入。粉紅雪糕，櫻花味薄弱，所以若純為了櫻花味則會有點失望；此外，它的雪糕口感水份比較重，不是很creamy口感，是的，我忘記了北海道產3.6牛奶的柔滑度其實亦不是十分特出，不過，越柔滑是越要付出代價，就是越多脂肪!幸好可以在買前先試味，既然我嫌櫻花雪糕的櫻花味不夠濃，便試了豆腐雪糕，豆腐雪糕有濃郁的黃豆味，甜度亦剛好，對於喜歡飲豆漿的我來說，味道吸引，而且食豆腐雪糕，不如飲豆漿般很快經過舌面的味雷便到了喉嚨，雪糕則需在舌中利用口腔溫度將之融化，待味蕾慢慢受到刺激，享受時間便得以延長，買了豆腐味雪糕，邊行邊吃，都是一種享受。

Milk top抹茶雪糕質感有點像沙冰，茶味非常濃郁，奶味較輕，但不苦澀，反而那股抹茶的清幽在口腔內縈繞不散，好抹茶者必吃！記起家中還有HD抹茶雪糕，馬上取出比較，HD雪糕質感的確更勝一籌，綿密幼滑，但奶味明顯較重，茶味雖算濃，但與milk top比就相形見絀了。而且，一流的質感和濃濃的奶香是有代價的，就是脂肪含量比milk top高近一倍呢！