Mimila (已結業)

又同豬嬸（老婆）出去周圍食，俾個榴連芝士餅吸引左入去。一入去覺得啲人好似亂坐咁，有張六人枱俾兩個人坐，啲待應有成3-4個但個個條條揈，掛住企埋一邊吹水。啲嘢食到齊，我問佢攞水佢先比兩杯我哋，但見其他枱完全係水都冇杯。我地一個叫咗喇沙飯，另外一個叫喇沙手撕雞麵再加個串燒。個飯啲雞無雞味，個菜水灼的，基本上無味，比頹飯更難吃。個喇沙面湯底冇蝦膏味，配料足但主角雞很一般。串燒得驚嚇，我們懷疑牛未熟，咬不開兼很紅，雞肉還可以。個沙嗲汁我還以為只有花生醬，完全感覺不到有辣味。只有一個四眼侍應在我們想找地方放東西是給了我們一個掛鉤，還有上菜時間極快，令我們懷疑廚房只是在流水作業。

新城市啲餐廳成日都轉.....7/F 都好多嘢食，對比G/F，呢層既價錢就貴少少！自己係 ，鍾意食喇沙，見有呢間好多好評，真係忍唔住試吓⋯馬來蝦湯海鮮摻摻：蝦湯底有少少微辣，有濃蝦味，味道適中唔太咸，海鮮配料夠新鮮，海蝦係大大隻，仲有通菜拌麵，不過我覺得油麵比較多，個人喜歡米粉多啲秘製香炆牛肋飯：牛肋飯個汁好香濃，牛腩牛筋參半，如果分量多啲會比較好，男士就未必夠食豬骨雞湯配海蝦米粉：呢款湯底就比較遜色，唔太特別，一樣~海蝦大大隻幾新鮮凍馬來奶茶：一般奶茶貨色，唔覺得特別係馬來奶茶本身想食貓山王甜品，不過真係太飽食唔落，唯有下次再幫襯

難得喺香港搵到間馬來西亞菜 試左佢地嘅招牌「馬來辣蝦麵」佢係用左三十斤既鮮甜海蝦🍤🍤 加上八個鐘既手工炒料 同六小時慢火熬制 湯底好鮮甜🍜🦴所有湯麵有兩款唔同粗幼嘅麵 咩都可以試啲啱曬我🍝

週末唔想係屋企食lunch，於是同屋企人出左新城市廣場搵野食，見有一段時間冇食過呢間餐廳，所以今日再會一會佢!我們大概下午2點黎到，餐廳還是很多人，不過就唔駛等位!餐牌都有幾多唔同款式可以揀，今次每人揀選了一款麵再加多一份榴槤蛋糕。馬來蝦湯麵配海蝦手撕雞($88)，這裡的蝦湯麵個湯用上三十斤蝦煲6小時熬成，所以湯底有好鮮甜的蝦味!配料蝦已經剝殼，方便了唔中意剝殼的我!而手撕雞肉質都幾滑，不會好鞋口!麵底揀選了油麵，可以吸收到湯的味道，更惹味!喇沙海鮮湯麵($118)，湯底辣味和咖哩味都剛剛好，不會搶了大家的味道!配料揀選了海鮮，有蝦、魷魚仔、魚片，魚片幾爽口!麵底就選了摻摻，即是油麵加米粉，食落口感幾特別!貓山王芝士蛋糕($58)，這款蛋糕好有榴槤的味道，口感好軟，而芝士蛋糕本身幾creamy，所以口感上也像在吃榴槤般!

🏅招牌菜🏅. 🦑咖喱喇沙辣蝦海鮮麵🐟： 咖哩喇沙湯底一流，有別於印度咖哩果種辛辣或者泰國東蔭公的酸辣使用香料， 所以只係微微辣， 好惹味✌️. 沙嗲魷魚🦑： 魷魚幾彈牙，大大份好抵食👍. 手撕雞沙律🥗： 手撕雞好大份， 配埋麻糊醬啲味好夾，補蛋白質首推🏋️‍♂️~~~~~~~~😋味道: 8/10📸賣相: 8.5/10🛋️環境：8/10💁‍♂️服務: 8/10💎性價比: 8/10💲人均：$200/位⏪回頭率：85%~~~~~📍Mimila馬來西亞菜地址： 沙田新城市廣場1期7樓704號舖

見到附近都好多餐廳都係要等位，但係又好肚餓要搵食喎，所以就諗住試吓呢間，因為只係等幾個位就到我地啦，所以排咗隊都唔係話好耐！馬來蝦湯配手撕雞河粉 (3/5) 其實個湯同埋個河粉都好食嘅。 湯底亦都充滿大蝦嘅味道，但係個蝦同埋啲雞就真係好老... 如果啲配菜係好食嘅話呢一個麵都係滿分㗎！喇沙雞飯 (2/5)個雞同啲菜都唔錯，但係嗰個汁就一啲都唔係喇沙汁。只係一個好普通嘅馬拉味辣汁，所以唔建議叫， 同埋佢嘅汁都唔係好多，好似茶餐廳會抵食好多咁。檳城白咖啡 (3/5)好似一般雀巢白咖啡咁嘅味，不過淡啲，唔知係唔係因為太多冰。

早日在沙田家居城行街，轉瞬間到了晚飯時間，於是便到鄰近的沙田新城市廣場醫肚。今次在7樓覓食，經過馬來西亞餐廳MIMILA，見到門口推介的招牌馬來辣蝦湯麵賣相好吸引，於是便排隊等位。餐廳裝修雅緻，食客人來人往，所以未到7點已全院滿座。當晚好彩只等了10分鐘就有位。因唔太餓，所以只叫了招牌湯麵及小食兩份食。馬來蝦湯麵配海蝦、美國牛肉 (HKD98)稱得上招牌麵，全因主角「鮮蝦湯底」嚴選了三十斤鮮甜海蝦去殼、挑蝦腸，以八小時手工炒料及六小時慢火熬制出來，所以送來時傳來陣陣鮮味，我就忍不住飲了頭啖湯，味道鮮甜少少辣。爽口彈牙海蝦跟肉嫩美國牛肉相當襯，而碗內仲有大量芽菜及青菜，有菜有肉都幾好。另可加錢追加食材：白胡椒肉骨、蝦、手撕雞、魚蛋/魚片/半蛋、指天椒。這個招牌麵預設的「摻摻」為油麵及米粉，一粗一幼，令口感更豐富。另可自選油麵、米粉、河粉、銀針粉。香脆單骨雞翼 (HKD58)外層炸到脆卜卜，雞肉仍能保持嫩滑，沾點酸甜醬，味道會更惹味。(左) 檳城特色鴛鴦 (HKD30)口感香滑，淡淡地，唔太甜。(右) 桔子梳打 (HKD32)內有青檸及桔子肉，酸酸甜甜，好清新。

今日黎到Mimila ， 叫左蝦麵 （蝦+扎肉）$88。碗麵一黎，就嗅到好大陣蝦香味，佢個湯真係好香蝦味，食落都係充滿住一啖一啖既蝦香味，呢個係我之前未係其他餐廳試過，好值得讚，而且唔係味精湯，我食完之後完全無口乾感覺。餸果方面，份量就真係比較少，$88建議可以比番多d。質素方面，蝦係正常野，唔係新鮮彈牙但又唔係梅梅爛爛咁。 扎肉有驚喜，幾好食，而且夠厚身，食落好爽，唔似得有餐廳切到紙咁薄。麪就油麪+米粉，就無乜亮點/要彈既地方，正常野。總捨黎講，岩budget 既朋友可以一試，但實在唔平，仲要加一喔！

大前日(22-6-2019 Sat) 同老公睇完戲就到lunch time,要搵嘢食,去La Terrazza Bar & Grill食,但都只係西餐,唔食喇,走入新城市廣場,記得除咗地下外,上面近頂層都有食肆,於是帶老公嚟睇,見到呢間食馬拉嘢嘅,就試吓啦.睇完menu,我哋叫咗:2. $78.00嘅新加坡白胡椒肉骨茶端上嚟,見到白色唔係深色嘅,豬軟骨有好多舊,食落,白胡椒味幾重,我食唔到肉骨茶嘅茶材味, 豬軟骨夠腍好味.我都係覺得馬來西亞版嘅肉骨茶啱我口味.味道:4分1. $88.00嘅馬來蝦湯配手撕雞摻摻原本老公揀蝦籽撈麵,但佢見menu介紹佢嘅蝦湯用好多蝦殼煲咗7,8個鐘而成,所以轉呔叫個.端上嚟我嗅到好香蝦味,啖湯有輕微辣,米粉索晒啲湯,好正.隻蝦竟然係半乾,咁樣味道反而更濃.味道:5分3. $58.00嘅老巴剎雞翼未食過老巴剎雞翼,落單時問辣唔辣,侍應答唔辣.一客四件大大隻中翼,原來係炸嘅,味道我就唔識形容,只知可以接受,外脆內裡多汁.味道:3分4. $26.00嘅熱馬來拉茶呢個口感滑,味道偏甜,我覺得麻麻.味道:2分5. $58.00嘅貓山王芝士蛋糕落單時叫後上,榴槤味唔太

這天去了沙田，然後到新城市廣場吃午餐！我們每人點了一份食物及一杯飲品。我吃的是馬來蝦湯麵。湯底味道香濃鮮美，我十分喜歡。而麵條，我選了摻摻，即是油麵及米粉兩溝。我覺得兩款麵食混合在一起，口感比較豐富，感覺很有趣。配菜方面，我選了海蝦及手撕雞。海蝦不算大隻，但肉質亦算彈牙，味道亦很鮮美！手撕雞方面，肉質偏向嚡，但勝在毫無肥肉及雞皮，健康又滿足！我的飲品是馬來檸茶，其實它跟普通檸茶差異不大，但茶味比較濃，而且裡頭有青檸，味道是很不錯的！

有老友移民申請批核了，臨別之際都出來聚聚。裝潢都算特別，融合了南洋小店風格。先來一杯青檸淡啤小酌一番，入口清新。手撕雞咖哩喇沙有雞蛋、芽菜及豆卜。當然有最重要的手撕雞 ，L 不消一會就將湯喝光了。摻摻(即是油麵加河粉) 份量都算多，最重要就是吸收湯底令吃的時候很爽。至於海鮮辣蝦湯麵份量都多，有三隻海蝦、墨魚仔、魷魚翼、帶子及蟹棒。能夠於香港感受到東南亞美食的風情。伴碟的蒜乾都不錯至於貓山王芝士蛋糕就最正，榴槤味道沒有被芝士蓋過。口感很幼滑而餅底亦鬆脆。

近日無咩心情煮飯，星期五放工同老公係屋企附近搵食！想試呢間好耐，之前經過話想食，但每次都無食到！今次食左手撕雞喇沙同小食拼盤！喇沙湯味道香濃，可以配河粉，油麵，金邊之類，但我地選返油麵！配菜都不錯唯一要改善的是整體唔夠熱！小食拼盤有雞肉串燒、墨魚卷、春卷、雞翼同炸雲吞！雞肉串燒醃料很入味，本身唔點醬都已經好好味！雞翼香脆！雲吞似酒樓的炸雲吞同樣香脆美味！墨魚卷同春卷亦美味，整體不錯，有機會再試其他！

經常在沙田新城巿廣場迷路的筆者，今次有幸由友人帶路，帶了這隻迷途羔羊到7樓「Mimila」吃個星馬風味午餐。上電梯後，左手面就可看到這間餐廳。筆者之前喝過的肉骨茶大都是馬來西亞口味，今次在「Mimila」嘗了新加坡口味，且看兩者有何不同吧。顏色上，新加坡肉骨茶淺色，感覺較清淡。但入口卻不然，有著濃烈白胡椒香味，惹味又不算太辣。少了馬拉口味的中藥材甘苦味，但卻更令筆者喜歡。肉骨茶有豬手和豆卜在內。豆卜固之然索味。豬手蠻有驚喜，熬得軟腍，豬肉入口一咬即可撕開。表明會有微辣感的馬來蝦湯底，對筆者和不吃辣的友人來說，非但不辣，反而帶有一絲鮮甜味，整體味道頗為香濃。麵底配的是摻摻，這是馬來西亞話，意即解作兩溝，油麵混合米粉。口感多重特別，時而是油麵的煙韌感，時而是米粉的爽身。但麵底有點少。配餸方面，海蝦質感頗為彈牙，手撕雞不過不失。另外多加了半蛋，但不感有太大特別的地方，普通的一隻雞蛋。最後配上一杯香甜特飲，為這餐星馬午餐作一個句號。

餐廳：Mimila (沙田)地址：沙田沙田正街18號新城市廣場1期7樓704號舖沙田新城市廣場相信係好多人成日去嘅地方，沙田站一出就直達，非常方便，而且無論shopping定食野都岩，今次就去左沙城市廣場1期7樓搵野食，7樓就好似美食廣場咁，充滿住唔同類型嘅餐廳，中式西式韓式日式等，任君選擇Mimila係一間馬來西亞餐廳，星期六嘅中午1點幾去到，坐滿哂人，等左7分鐘左右先有位入到去，出左camp好餓，所以都忍唔住即刻叫野食喇沙湯配手撕雞油麵 $88喇沙湯作為出名嘅娘惹菜，亦係新加坡同馬來西亞嘅地道美食之一，又點可以錯過呢？呢度嘅喇沙湯香濃入味，微辣之外蝦味亦凸出，品嚐湯式時亦試到少少椰奶香。隨湯仲有手撕雞、溏心蛋、魚片、豆卜等，相當豐富，每一款配菜都好入味，吸盡湯底精華馬來蝦湯配海蝦、越南扎肉油麵 $88以蝦頭、蝦殻、多種香料鮮製嘅馬來蝦湯底，帶有陣陣微辣香，蝦味湯底鮮甜美味，海蝦同扎肉各有兩件，海蝦仿佛有雙重鮮蝦味，蝦湯加上鮮海蝦呢個配搭真係無得頂參巴醬時茶 $38參巴醬係星馬地區非常流行嘅一種辣椒醬，係唔同嘅娘惹小炒同街邊小食成日都會見到，不過試就係第一次，通菜經炒香後充滿住參巴醬

新城市一向都算多食肆，不過食肆價錢偏貴，喺新城市7樓搵到一間價錢經濟，而且食物都多元化嘅東南亞風味餐廳😙叫咗餐廳招牌嘅辣蝦麵，蝦麵係每日嚴選30斤蝦剝殼淆製而成，所以湯底非常濃沃，充滿蝦味🦐在加埋少少辣味🌶吊出鮮蝦湯底嘅味。揀咗肥牛及蝦，再加左蛋，覺得都幾好食，而且價錢經濟；另外叫咗蝦子撈麵，蝦子都幾香，而且麵夠乾身，適合做撈麵😙撈麵跟白胡椒湯，白胡椒湯飲落去好夠味😍好香，呢個我覺得幾鍾意！