影片
港铁油麻地站 A1 出口, 步行约3分钟
继续阅读
电话号码
65570724
附加资料
星星主题cafe
营业时间
今日营业
12:30 - 23:30
星期一至日
12:30 - 23:30
公众假期
12:30 - 23:30
公众假期前夕
12:30 - 23:30
以上资料只供参考，请与餐厅确认详情
-
网上订座服务暂停
真系好好食！我叫咗炸虾咖喱乌冬，虾炸得外脆内嫩，咖喱酱又香又浓。搭配的蜜桃梳打又清新又好饮，啱啱好可以中和咖喱的味道。而且佢哋午餐仲送饮品，性价比高到爆！餐厅的环境都几有趣，星星主题嘅装饰好有feel，整体又干净又卫生，令人感觉好舒服。店主都好亲切。佢哋仲有星星主题的甜品Menu，听讲好特别，下次一定要试下！总之，Moonlight Destiny真系值得再去，食物新鲜又唔贵，环境又靓，仲有创意甜品，绝对唔会失望！
继续阅读
上年周深生日应援嚟过，先知有呢间cafe的存在，入口喺条小巷入面都几难揾！但嚟过一次就识路！夜晚约咗屋企人食饭，下午约朋友吹下水hea下，分享追星资讯。午餐有5-6款选择，60几70几蚊，沙律意粉饭都有。唔想食太饱，叫了1个沙律1个意粉。牛油果沙律的牛油果份量好多！整到朵花咁好靓！个人劲钟意黑椒，个黑椒猪柳意粉叫老板娘落重手啲，黑椒味超重！食得好过瘾！猪柳略嫌硬咗少少，但唔影响我哋清碟。跟餐嘢饮加钱转咖啡，叫了泡沫咖啡同玫瑰咖啡，老板娘记得我系周深fans，专登写个“深”字俾我，仲画咗心心，好sweet！朋友的玫瑰咖啡都好靓！话唔食咁饱，但坐坐下口痕又叫咗甜品：窝夫同蛋糕，我麻麻地士多啤梨，又唔太钟意Oreo、抹茶，就拣咗焦糖香蕉窝夫，窝天即刻夹的，等的时候就闻到劲香！窝夫嚟到好靓，外脆内软，唔太甜又有蛋香，香蕉切到一片片，我哋容易分嚟食，上面有一层脆脆焦糖，好盏鬼！蛋糕叫咗最“plain”的特浓芝士蛋糕，芝士味好浓，食完有啲滞⋯⋯静静地环境好舒服，好怕啲餐厅Cafe好嘈，连对面朋友讲嘢都听唔到，但呢度完全冇呢个问题，我哋坐咗成4个钟大倾特倾，好爽！埋单300蚊都唔洗，好抵！
继续阅读
剪片剪到天昏地暗9点几不想煮饭于是又跑上来这时段客人已经走晒，意外地包场更意外的是老板娘竟然认得我还问我想吃什么，是否照旧(我才上过去4,5次！计都未倾过太多)自问不算是太偏食的人但老板娘竟然记得我喜欢的食物和小习惯所以说小店比较人情味是没错的突然好想食炸猪扒最后就没点上次的蛋包饭店新加了好多装饰碟都换了新的加上桌上的灯职业病又发作左调右影的影到碟饭暖咗先食味道不过不失店做紧周年活动食完饭食不到6折窝夫加9蚊要了件曲奇芝士蛋糕餐后甜点唔太甜为今天的疲累划上完美句号
继续阅读
有台湾同上海朋友嚟香港参加我嘅婚礼，佢哋搭飞机过嚟，婚礼后隔日就走，所以我搞完三朝回门同埋还衫，就同佢哋聚餐一下。因为搞婚礼太忙，完全冇时间去揾地方食饭，上次嚟过坐得舒服，冇限时又唔贵，就直接再嚟呢度。本来book 6点，但我太多野搞，搞到迟晒到，坐低都6:45了！今次得4个人，人太少，冇得用上次兄弟姊妹𠮶个餐牌(上次个餐牌好抵食)，不过都有多人餐，又有沙律又有小食几丰富。老板娘见我哋讲国语就搭嘴问边度嚟、去咗边度玩咁，讲讲下先知我上海朋友原来系今晚9点几飞机，旺角入机场都应该要一个钟左右，吓到即刻同我哋加急整野食！但因为今次系即叫即整，上菜速度比上次慢，结果出到第一个主食，大概7:20，我朋友食两啖就要赶去搭车入机场！沙律拣番上次好好味嘅凯撒沙律，婚礼完咗我唔使戒口，可以狂食煎炸野！粗薯条即炸热辣辣，外脆内软，好正！原来台湾人唔知乜野系咖喱角，就叫咗咖喱角俾佢试吓，佢话细细只三角形咁，好得意！个餐冇瑞士鸡翼，就叫咗蜜糖鸡翼，甜甜地几好味。主食叫咗粟米蚬肉饭同鸡肉茄汁意粉，一红一白，一饭一意，今次冇汁怪，但个饭都好多汁，同埋份量真系好多，我哋食完个饭(加上得返3个人)，个意粉食咗少少已经食唔落，结果又系打包拎走！最后大家都好好奇朋友赶唔赶到飞机，可能因为冇行李，所以系赶到嘅！多谢你哋专登过嚟参加我嘅婚礼！
继续阅读
呢间cafe个大厦入口系条巷入面，都几难揾！揾左好耐结果要打去cafe问先揾到！平日夜晚去到发现我地系包场！有选择困难症既我地拣左好耐先决定到要食乜！叫左豆腐沙律🥗 好fresh，豆腐滑嘟嘟，同芝麻酱好夹~ 👍仲有柚子鸡翼! 呢个系期间限定既，d柚子蜜唔系就咁擦喺鸡翼上面，而系d柚子酱包住晒成只鸡翼，咸咸地但又唔会死甜！😋另外叫左烟三文鱼忌廉意粉🍝 意粉有d硬，不过就唔系茶记意粉！碟意粉有好多菇，烟三文鱼份量都算多，砌成玫瑰花咁 睇起黎好靓！🌹蛋包饭配咖哩鸡肉🍛 半熟滑蛋好吸引！d饭量好多，多到块滑蛋都包唔晒d饭，咖哩就系唔辣既、甜甜地！鸡肉都好多，但就切得比较细粒，如果原块鸡扒切件上观感上似乎会好d！跟餐加左2个汤，系周打蚬汤，有蚬肉又有薯仔，都好鲜味！我地特别钟意汤上面个d脆卜卜既包粒！烟三文鱼pizza🍕 以为d烟三文鱼会好似意粉咁放喺面既，点知原来系焗熟左，同想像中有d出入，不过熟左既烟三文鱼又几香！pizza底好脆，仲有大量既拉丝芝士！好好味！饮品就叫左玫瑰朱古力同特浓朱古力配朱古力雪糕！玫瑰朱古力有淡淡既玫瑰味，而特浓朱古力再加朱古力雪糕真系好邪恶，岩晒朱古力控！😍因为食得太饱叫唔到甜品，但见到menu有蛋糕有炖蛋有窝夫仲有芭菲，有机会要再黎试下！全晚冇限时仼坐，由6点几坐到11点几，岩晒我地倾计倾唔断气既人😁
继续阅读
您可能会有兴趣的...