Moonlight Destiny

营业中

休息中

剪片剪到天昏地暗9點幾不想煮飯於是又跑上來這時段客人已經走晒，意外地包場更意外的是老闆娘竟然認得我還問我想吃什麼，是否照舊(我才上過去4,5次！計都未傾過太多)自問不算是太偏食的人但老闆娘竟然記得我喜歡的食物和小習慣所以說小店比較人情味是沒錯的突然好想食炸豬扒最後就沒點上次的蛋包飯店新加了好多裝飾碟都換了新的加上桌上的燈職業病又發作左調右影的影到碟飯暖咗先食味道不過不失店做緊周年活動食完飯食不到6折窩夫加9蚊要了件曲奇芝士蛋糕餐後甜點唔太甜為今天的疲累劃上完美句號

有台灣同上海朋友嚟香港參加我嘅婚禮，佢哋搭飛機過嚟，婚禮後隔日就走，所以我搞完三朝回門同埋還衫，就同佢哋聚餐一下。因為搞婚禮太忙，完全冇時間去搵地方食飯，上次嚟過坐得舒服，冇限時又唔貴，就直接再嚟呢度。本來book 6點，但我太多野搞，搞到遲晒到，坐低都6:45了！今次得4個人，人太少，冇得用上次兄弟姊妹嗰個餐牌(上次個餐牌好抵食)，不過都有多人餐，又有沙律又有小食幾豐富。老闆娘見我哋講國語就搭嘴問邊度嚟、去咗邊度玩咁，講講下先知我上海朋友原來係今晚9點幾飛機，旺角入機場都應該要一個鐘左右，嚇到即刻同我哋加急整野食！但因為今次係即叫即整，上菜速度比上次慢，結果出到第一個主食，大概7:20，我朋友食兩啖就要趕去搭車入機場！沙律揀番上次好好味嘅凱撒沙律，婚禮完咗我唔使戒口，可以狂食煎炸野！粗薯條即炸熱辣辣，外脆內軟，好正！原來台灣人唔知乜野係咖喱角，就叫咗咖喱角俾佢試吓，佢話細細隻三角形咁，好得意！個餐冇瑞士雞翼，就叫咗蜜糖雞翼，甜甜地幾好味。主食叫咗粟米蜆肉飯同雞肉茄汁意粉，一紅一白，一飯一意，今次冇汁怪，但個飯都好多汁，同埋份量真係好多，我哋食完個飯(加上得返3個人)，個意粉食咗少少已

7月下旬結婚，約埋班兄弟姊妹出嚟見下面同傾野，家姐去過呢間cafe，話夠清靜傾野一流，就book咗，因為姊妹想試埋姊妹裙，唐突問可唔可以book早啲嚟試衫，又ok喎！👍佢個門口好難揾，喺兩幢大廈中間條巷入面，我家姐已經同我講過，我都搵咗一陣先搵到，有啲兄弟姊妹喺下面兜好耐都搵唔到，我哋要落去接佢哋。算準時去到，姊妹先試衫，個廁所好大好整齊乾淨同衛生，換衫都幾方便，但廁所得一個，輪住逐個試都搞咗好耐，不過伴郎有野做要遲到，試住衫等啱啱好，最後差不多1點半先齊人，開始一面食野一面傾。兄弟姊妹互相唔識，費事煩，野食我一早order晒，上菜大家一齊食，野飲就一樽樽自由斟。因為啲姊妹好鍾意多汁，係汁怪，主食嗰啲卡邦尼同埋南瓜汁已預先要求超級多汁，都完全冇問題。沙律啲餸好多，蟹柳都唔係得幾條，鋪滿成個面咁滯，凱撒沙律隻蛋同包粒好好味，嗰啲蘿蔔都會整成星星形。蛋沙律三文治、小丸子同瑞士雞翼最快俾人清晒！本身意粉同飯嘅份量都好多，然後真係勁爆多汁，啲汁多到幾乎滿瀉！汁怪姊妹表示非常滿意！但份量真係太多，大家最後都係食唔晒，有個姊妹鍾情卡邦尼就打包帶回家。估唔到傾流程要傾咁耐，我預傾個半鐘左右，點知我哋

之前同朋友上過來覺得食物和環境都不錯然後一個星期六下午再上去hea一下才回家意外地星期六下午人不多點了個咖喱豬柳飯做lunch 咖喱是日式的不太辣，豬柳份量十足吃完飲着跟餐的綠茶坐在那靜靜地回覆手頭上積落海量的訊息最喜歡這裡有扶手的沙發，超舒服！坐坐下到3,4點又想再食嘢常常都想食街邊的小丸子，但又覺得會不乾淨點了個小丸子做下午茶熱辣辣脆卜卜好好味！食完再返去繼續努力！

呢間cafe個大廈入口係條巷入面，都幾難搵！搵左好耐結果要打去cafe問先搵到！平日夜晚去到發現我地係包場！有選擇困難症既我地揀左好耐先決定到要食乜！叫左豆腐沙律🥗 好fresh，豆腐滑嘟嘟，同芝麻醬好夾~ 👍仲有柚子雞翼! 呢個係期間限定既，d柚子蜜唔係就咁擦喺雞翼上面，而係d柚子醬包住晒成隻雞翼，鹹鹹地但又唔會死甜！😋另外叫左煙三文魚忌廉意粉🍝 意粉有d硬，不過就唔係茶記意粉！碟意粉有好多菇，煙三文魚份量都算多，砌成玫瑰花咁 睇起黎好靚！🌹蛋包飯配咖哩雞肉🍛 半熟滑蛋好吸引！d飯量好多，多到塊滑蛋都包唔晒d飯，咖哩就係唔辣既、甜甜地！雞肉都好多，但就切得比較細粒，如果原塊雞扒切件上觀感上似乎會好d！跟餐加左2個湯，係周打蜆湯，有蜆肉又有薯仔，都好鮮味！我地特別鍾意湯上面個d脆卜卜既包粒！煙三文魚pizza🍕 以為d煙三文魚會好似意粉咁放喺面既，點知原來係焗熟左，同想像中有d出入，不過熟左既煙三文魚又幾香！pizza底好脆，仲有大量既拉絲芝士！好好味！飲品就叫左玫瑰朱古力同特濃朱古力配朱古力雪糕！玫瑰朱古力有淡淡既玫瑰味，而特濃朱古力再加朱古力雪糕真係好邪惡，岩晒朱古力控！😍因為食得

放復活節假就要約出來見面！抓住lunch的尾巴！傍晚來到才5點多，先點了3客lunch🍝（中中）蜆肉忌廉汁意粉（$68）- 蜆肉如常的很多，就是這次的汁感比較少，剛好能拌勻意粉🥗（下中）蟹柳沙律（$60）- 這個是油醋汁的（以為是芝麻醬！），酸酸的很醒胃！想不到跟蟹柳滿夾的～（後來店主說這預設是油醋汁，如果是要求芝麻醬也是可以的，下單時說明就可以！）🥗（上中）凱撒沙律（$61）- 本身鍾意凱撒沙律的醬，沙律來到吃到一半才發覺忘了加温泉蛋！吃剩一半才加一隻蛋感覺有點多，所以就沒加！下次一定一定一定要記得加温泉蛋才行！（右上）周打蜆湯（跟餐+$12）- 這個是朋友女兒說要喝湯點的，小朋友自己飲光！😳朋友帶女兒下了興趣班一起過來後（小孩子長得好快，才沒見半年長高了好多！😳），清理好沙律和意粉，然後我們只點了小吃，因為之前一直都點太多主食沒辦法吃到甜品，所以這次絕對少吃主食，主攻甜品！😋🍡（左下）小丸子（$35）- 每次必吃的小丸子，外脆內軟，小朋友最愛 （也包括我🤣）🥟（左上）餃子（$42）- 即點即煎，等了滿久才上，外皮煎得香脆，餃子本身不會很鹹，加上那個醬吃就剛剛好～（中左）牛油蒜蓉扇貝

朋友終於係外國返嚟，3年幾4年冇見，r爆頭諗唔到食乜好🫣但竟然佢個女原來鍾意Sailormoon，於是就去咗呢間啦～哼～果然冇揀錯，囡囡一去到好興奮好開心！我哋叫咗2個主食套餐1個沙律1個雞翼2個甜品😋（甜品係另一個胃，肯定食得到嘅😆）雞翼本來想叫蜜糖，但囡囡要求要唐揚，人仔細細竟然食咗4隻，我同朋友先每人分到一隻，不過熱辣辣炸好脆卜卜，唔怪之得囡囡食唔停啦🤭！要食返啲菜所以就叫咗個沙律，想要雞肉沙律，但又想要凱撒汁，咁就要咗雞肉凱撒沙律，脆麵包粒簡直係點晴之筆🤩！主食就叫咗卡邦尼同蛋包飯，囡囡係外國長大對飯一啲興趣都冇，只肯食意粉，鹹香芝士香同蛋香都有。蛋包飯個蛋超級滑，芝心漢堡略嫌細咗少少唔係好夠喉！飲品叫咗熱朱古力和柚子蜜，朱古力寫了2024，又畫咗心心，好靚好surprise 呀🤩！最後套餐加甜品叫咗主題芭菲🍨同Oreo 芝士蛋糕🍰杯芭菲堅靚，囡囡食得好開心，食到飽到食唔晒先俾我哋食🤣！我哋個芝士蛋糕不會很甜，為聚會劃上完美句號！好朋友係要見嘅，下次見唔知又要等到幾時了⋯⋯🫣呢度環境食物味道都唔錯，係服務因為得店主一個人所以要啲時間，但係cafe傾住食，食住等下一道，都差不多時

冇用一排，一度搵唔番個acc，今日突然諗起，終於login得番個acc！教會聖誕想包場開party，想起之前來過這cafe，家庭式食物清新不會太肥膩，又抵食，就推薦了給教會！聖誕前夕下午包場3小時，想不到每人二百蚊都唔洗，很經濟實惠，感覺仲平過包partyroom叫外賣！（不過partyroom會有大型設施玩）小朋友比較多，加上我們第二天有派禮物活動，要大家做小手工，所以先跟店家溝通好整個活動流程借用了店的藍芽speaker播聖誕歌，氣氛一下子就來了！先玩了一下遊戲，炒熱氣氛，食物都上齊就開餐！下午包場食物沒晚上份量多和豐富（記得上次夜晚包場嘢食多到食唔晒要打包），但也夠大家裹腹了！本來不想點炸物太熱氣，為了小朋友點了一個咖哩角，可能太耐沒吃咖哩角，炸出來熱辣辣脆卜卜超多好味！被秒清的一盤！然後豆腐沙律、蟹柳沙律同炒雜菜都係被秒清的！蛋沙律三文治同蜜糖雞翼都係好好味！主食兩大盤，鋪滿鴨胸同煙三文魚！未食午餐的兄弟幫忙清掃才吃得完！個人還是比較喜歡牛奶布甸，滑嘟嘟又不太甜！嘢飲叫咗蜜糖茉莉花茶，啱晒我哋這年紀！另外的芒果同士多啤梨嘢飲，小朋友就勁鍾意！吃飽飽，大家就DIY曲奇餅，第二天當

我其實勁肚餓咁去試呢間餐廳但食物我自己煮仲好味同衛生（我平時好少煮嘢食）結果我食咗少少就落樓下食小食… 煮嘢食嗰個一腳踢（寫嘢、落單、煮嘢、埋單）所以係會有啲躁底，雖然佢盡量冇喺客人面前表現出嚟。食物上面有時會用啲字寫可愛嘅日文，又有旗仔咁，d蔬菜亦切到星星形狀，但睇得出唔新鮮，同埋味道真係一般般連嘢飲味道都一般有啲似我喺自己屋企時沖但失敗嘅味道😂我建議餐廳好好反省自己食物質素。🙏如果唔係，自己經營得唔開心，客人又食得唔開心，就算經濟好都應該做唔到好耐…

朋友生日，決定去Moonlight Destiny這家餐廳慶祝一番。一推開門，立刻被那份星星點點的溫馨環境迷住，坐下來時，menu一看竟是手繪風格，感覺好有心機！我哋點咗他們嘅招牌菜，意粉系列真系吸引！朋友搞掂咗一碟雞肉茄汁意粉，見佢食得好滿足，啖啖雞肉，茄汁味濃郁得嚟又唔會太濃太膩，真系得意！我呢，就揀咗蜆肉意粉，轉咗長通粉，一啖咬落去，通粉Q彈得嚟帶點微微麥香，混合咗蜆肉嘅鮮味，真系正！仲有奇異果梳打，清新得嚟消暑，喺這種炎熱晚上真系一流🌙💫。最正嘅係，餐廳嘅氣氛，真係會令人放鬆。星星主題嘅裝飾令人好放心，加埋隨處可見美少女戰士嘅元素，呢個驚喜真系夠晒得意！服務員寫上祝福嘅字句，感覺真系貼心暖笠笠。幾個朋友傾計到深夜，喺呢個溫馨嘅小宇宙度過咗一個美好晚上🌟。

其中一道菜有好大陣餿味我已經唔係味覺同臭覺好敏感嘅人但都幾肯定係道菜發霉變臭竟然咁都可以唔發現仲俾客人食真係好難食😵 有好明顯嘅臭味，冇可能食得落最正常呢就係個雞翼，味道就一般般啦，個賣相同喺OpenRice度見到個相就差唔多啦不過呢都有少少雪味，未完全解凍晒我哋嗌咗一杯嘢飲，飲咗兩啖就算啦，唔建議嗌嘢飲今晚嘅大佬係碟飯，個賣相就一啲都唔吸引，我將第一啖飯擺落去口裏面嘅時候，最想做嘅嘢就係秒速嘔返出嚟，但係就算嘔完出嚟之後口腔裏面都有種酸臭味，要不停漱口先至叫做好返少少大佬呀，啲肉壞㗎餿㗎食死人呀令我百思不得其解嘅係點解佢可以咁耐都唔執？

位於商業大廈的一間小小cafe，由一個人主理，廚師、侍應、收銀一腳踢，所以出菜的時間也比較慢。店主應該好鍾意sailor Moon，有一個飾物櫃裝滿曬裝飾，有啲菜名也用主角名或術語，而菜單也用了一些手畫插圖。我哋去食下午茶時候沒有人所以環境十分之清靜。我們叫了：芝士四重奏pizza章魚小丸子脆炸洋蔥圈日式煎餃子白酒忌廉藍青口蒜蓉牛油焗扇貝溫泉蛋凱撒沙律木星抹茶風暴芭菲一杯粉紅甜蜜小不點芭菲一杯燕尾服幻影芭菲一杯oreo曲奇美斯蛋糕一件不過食物味道一般，章魚小丸子和日式煎餃子更像氣炸鍋食品，沒什麼特色。

與朋友出旺角相聚，又book 了這家樓上cafe。見出左新野，梗係要試下。之前食過沙律同意粉都幾好食，新出的pizza也沒有令我失望。沒有浮誇的賣相，因上面鋪滿芝士再焗，芝士下其實很足料，每一啖都食到餡料和拉絲的芝士，也不會一路食一路掉餡，大概因為芝士和餡的分佈很平均吧。而且size都幾大，值得encore。服務員小姐也按我們的人數切了pizza, 很貼心。新menu還見到有無骨豬手和煎鴨胸等菜式，還有新的甜點如焦糖燉蛋等，可是當天吃不了那麼多，要下次再試了。

呢間真係唔search唔知，仲要係公司附近有間上樓cafe大廈入口難揾嘅，喺條小巷入面（可以話係後巷添😅）同朋友行過左，再睇google map先揾到！上到去見到門面，原來已經開左5年😳得一個似係小妹妹嘅睇舖，之後發覺所有嘢都係佢做，應該係老闆，係嘅話真叻女！係講嘢細聲，落單嗰陣問問題，有啲問非所答！同介紹唔清晰！舖內貼滿某韓星嘅相，應該叫小俊，見Menu有個以佢命名嘅set menu！呢個menu放枱面，得2款意粉揀，就問小妹有無其他set，點知佢講嘢真係好細聲，淨係聽到“⋯⋯得呢個”，但又唔係無禮貌，咁算啦，我地照order，點知order後再睇枱上面放左個細stand，係有其他set，我地再去慢慢理解，再估⋯⋯原來枱面個小俊set menu係應援set，叫呢個menu會有小俊嘅“應援物”送，相信佢頭先“⋯⋯”係送小俊應援物“得呢個！”🤣，即叫返小妹幫我改一改order，因為我地真係唔需要小俊應援物！舖面環境舒服嘅，全梳化，仲有好多美少女戰士嘅figure，所以我諗我口中嘅小妹應該都過30😂😂講返食物：😋😋😋😋😋最好味，有🥰係推介🍽煙三文魚雜菌忌廉汁意粉$73😋😋😋-個汁好好味嘅，

小學同學聚舊, 找了這家cafe, 入口非常難找, 在一條又黑又濕的小巷內, 大家都找了很久, 要打電話問職員才能找到因為包場的關係, 來到已經set好場, 全沙發的關係, 加上窗邊和門口的飾物櫃 (好多美少女戰士!) 感覺好像在家裡聚會, 倍感親切! 包場的食物預先已經點好, 所以大家先傾一下近況, 等齊人就開餐! 百多元的價錢, 頭盤已經有冷海蝦, 而且每人絕不止有1隻那麼少, 我見有同學仔吃了3-4隻! 海蝦很鮮甜, 加上那個酸酸辣辣的汁很醒胃, 還要全部去殼方便我們食用, 很貼心! 沙律選了凱撒沙律和大蝦沙律, 菜很爽脆, 蝦很爽口, 基本上很美味, 不過醬稍稍少了一點, 所以吃到最後會有沒有醬的情況出現因為不喜歡食炸的東西, 所以小食都全選了非炸的小食! 種類蠻多: 蛋沙律三文治、吞拿魚三文治、鱆魚餅、蜜糖雞翼、肉醬薯茸、雞肉串。三文治小件小件的很方便入口, 而且蛋沙律和吞拿魚都做得很好, 酸酸甜甜的全部很快被清理掉。鱆魚餅第一次食, 有點像把2粒八爪魚丸搓在一起再煎成餅, 加上醬汁好好吃肉醬薯茸很滑, 加上肉醬, 也是很快被清理的一道菜!蜜糖雞翼不像其他餐廳的用炸, 是用煎