Morokok (家樂坊)

营业中

休息中

餐廳裝修光鮮，以摩洛哥風格做主題，室內環境闊落，亦有室外座位可以chill下。一入去到餐廳，就有花圓拱擺設。晚市6點半左右入座，已經有幾枱客人，之後陸續有食客入座添，book定位就最好不過。叫左黑松露BB菠菜煙肉意大利麵($128)，珍珠蠔蛋餅($88)，泰式炸豆腐($78)。黑松露味道濃郁，配合大量菇、煙肉一齊炒香，配料份量多，醬汁唔膩，不過BB菠蘿就唔算多，但幼嫩，食完唔會鞋口。初時冇諗過係類似炸蠔餅既style，以為好似蛋餅款，厚身既煎蛋咁。不過，尼個蛋餅做到脆口口感。蠔既size比想像中大粒飽滿，重點係切開小塊後，每件都食到蠔粒，分佈均勻之餘，蠔量多。不過，略微有d油膩，食到底，見到個碟閃令令。可以配埋辣醬，會好開胃。炸豆腐一客有超多件，食極都仲有既感覺。賣相好似豆卜咁，面頭淋有炒香過既蒜蔥。豆腐外脆內嫩滑，加唔加醬食，都一樣好味。整體，侍應服務唔錯，環境舒服係好大優勢。今次坐既位冇咩打卡地去，但餐廳內有唔少位置可以打下卡既。餐牌選擇多，仲有飲品、甜品添。

冇得返鄉下“日本”旅行，唯有帶咗兩隻豆釘去morkok食個afternoon tea 自我陶醉一番先🤣😂 因為而家Morokok有個🔔🌸【櫻花和服賞櫻之旅 Afternoon Tea】可以著和服在二千尺的戶外空間櫻花樹下影靚相，櫻花Afternoon Tea Set仲可以帶埋你最愛嘅寵物到來品賞精緻下午茶🌸賞櫻之旅🌸～正式開始🌸🌸💪💪兩隻馬騮就最鍾意食櫻花白豆蓉瑪德蓮蛋糕同埋京都抹茶英式鬆餅個櫻花炸蝦意大利飯團超好味呀兩杯嘢飲真係超好飲🌸好有係日本賞櫻花🌸嘅感覺，好值得喺度享受一番下午茶Menu：玄米茶戚風蛋糕京都抹茶芝士蛋糕櫻.牛油蛋糕櫻花白豆蓉瑪德蓮蛋糕京都抹茶英式鬆餅原味英式鬆餅配抹茶醬丶紅豆蓉Xo醬櫻花蝦炸意大利飯團香煎北海道刺身帶子 配 三文魚籽 一口烤多士黑魚子醬 火灸吞拿魚多士 迷你多士煙三文魚慕絲迷你三文治海膽 火雞胸 配 金巴利醬 青瓜卷櫻.芝奶蓋 (*奶蓋冰茶兩杯) 櫻花親子和服體驗 x 櫻花主題下午茶Afternoon Tea$498/2位包括兩套和服租借 (每人可使用和服時間為45分鐘)及附送於室外場景即影即有1張首段：14:00-16:00 （15:45還枱）

之前享受完下午茶決定嚟試一試佢哋嘅日常menu，預約咗七點鐘食飯，呢間餐廳晚市比較滿，有打電話問可唔可以改晏少少時間，但係都話預約好full，建議大家記得預約個人特別偏愛呢一間餐廳嘅風格，小小異國風情嘅裝修，餐單大部分都係我比較鍾意食嘅嘢，所以對呢間餐廳都特別期待， 主要都係泰國菜同西式菜單為主個人推薦佢哋嘅特色嘢飲上次叫咗嘅抹茶脆脆奶昔， 今次再N call😋， 咁重新介紹佢係抹茶奶昔，有好香嘅奶味，但係抹茶味都唔會唔見咗， 因為好多樓上cafe會出現奶味多過抹茶味嘅情況，咁呢一杯嘢飲就冇，然後飲落去會有少少脆卜卜，覺得係幾新鮮男朋友叫咗榛子朱古力奶昔飲咗一啖，味道都非常濃厚，榛子甜味之後慢慢淡出朱古力味， 上面嘅忌廉都適中，唔會過多令到成杯嘢飲嘅味道唔平均，值得推薦， 係好飲嘅小食叫泰式春卷對春卷有特別嘅情意結，所以嚟到泰式餐廳一定會叫春卷， 佢係長條形嘅形狀，落枱好香，入口外皮鬆脆，唔會太油，個人覺得佢入面嘅料唔算好足， 如果多番少少會滿足感強， 但整體感覺都算不錯， 如果係四人聚會可以食嘅小食，兩個人有啲多沙律好大份，兩個人share食還好，沙律菜非常多， 新鮮爽口食沙律， 配

在旺角區想食泰國菜，食過幾間，今晚試間未食過的，在OpenRice 上揾到呢間餐廳，泰國fusion 菜,近年曼谷都有很多類似的餐廳，食品種類多選擇，價錢合理，味道好👍🏻👍🏻餐廳一入門口，已經少女心爆發，全部都係花，花啊花啊餐餐面積很大，有卡位，有長木枱亦有啲二人枱，二人餐枱太細，兩人叫四樣嘢食，已經放不下，但職員都很細心，先上三樣食品，都差不多才上最後一樣，當然，如果想一次過上齊四樣食品，就另作別論啦青木瓜沙律，泰式地道的味道泰式雞肉生菜包，賣相不俗，雞肉Juicy, 生菜新鮮咖喱軟殻蟹，蟹就一般，咖喱汁頗甜，薄餅好味冬陰功意大利飯的筒鱿，筒魷一流

呢間餐廳其實都有好多網上嘅人過嚟朝聖同打卡，而且留意到佢成日都轉主題令好多鍾意影相嘅人都會特登約朋友去嗰度影相📸️亦都有提供水煙，吸引到好多鍾意食水煙嘅人去另外最主要係佢位於旺角所以呢約朋友都非常就腳佢嘅餐廳舖位非常大有好多唔同區域嘅座位，有酒吧位，又有卡位又有室內室外佢呢個同學嘅牆壁亦都係其中一個好靚嘅打卡位，我就話係摩洛哥風格但係其實佢成日都會轉唔同嘅場景，最近就係和風櫻花有 和服體驗服務價錢係$498兩位， 不過聽朋友 話佢同其他人食咗覺得唔好食所以我哋今次就散叫，叫咗個巴馬火腿Pizza，個Pizza其實都幾好食嘅，配咗個湯呢個忌廉湯都唔錯，我杯凍咖啡就麻麻哋，朋友叫咗120幾蚊嘅一杯酒雞尾酒，我自己覺得味道就一般啦不過影得都幾靚嘅，朋友叫咗一杯熱嘅咖啡我覺得拉花都唔錯，但係認真講佢呢度嘅食物價錢偏貴，而且味道唔算好好份量亦都較細，碟意粉唔好食，朋友叫呢個煎蛋泰國飯真係感覺似茶餐廳嘅感覺，職員服務唔算好好如果你係想去影相打卡嘅話可以嘗試吓，這家餐廳，如果你係想品嚐好食嘅食物唔係主要打卡我建議你可以選擇更加專注係食物嘅餐廳😆

It was a hot sunny day so my friend and I wanted to go to a nice place for a nice cup of tea or something like that. We walked around randomly in YMT and found this place.About the food:Like honestly, it’s not worth the price and I am not kidding. Even if the place had nice AC and nice decorations like Sakura flowers etc, I wouldn’t go back.So basically my friend ordered an avocado toast which costed $78. Normally you would expect to have 2 pieces of average sized toasts right? No. The dish only

今日黎食。本身對食物無太大期望都係食環境。點知每一樣餸都好好食又好美觀。我地四人都估唔倒。雖然分量係比較小。但都可以接受。環境舒服衛生。檯同檯之間有足夠距離。唔會出現凳撞凳既情況。而且員工雖然忙。但都好nice👍🏻👍🏻今日太趕時間無買得切蛋糕比朋友慶祝生日。淨係帶左生日蠟燭黎插落芒果糯米飯度。佢地仲自動額外送多塊HB既牌。好surprise 🥰總結黎講今晚食得好開心。會再黎幫襯🥰

朋友生日,簡左呢間好HIT既餐廳食晚飯應該係泰式fusion菜 所以早早就預左 無正宗泰菜咁好食呢到環境好大 好闊落 座位間隔亦都好好 任何一張台都話得好舒服本身我地係二人台 佢都唔比我地轉台 但我地點得比較多食物所以先比我地轉左張4人台. 今次係EATXXXX訂台 本身應該有40%折扣但埋完單番到屋企睇張單先知30% 折扣條件係單點正價飲品2杯 so easy$56 Bailey's latte  原本以為無咩酒味 但點知黎到好重酒味好岩我口味 最怕係淡酒味 之後成杯野唔咸唔淡. 估唔到呢到咖啡又做得唔錯$40 泰式青檸水 唔夠酸 偏甜 唔夠氣$88 生蝦刺身奉勸各位 真係真係千奇唔好叫 未食過咁難食既生蝦刺身一食就知 係急凍貨 似咩呢 似凍肉店20蚊1包20隻個種仲要D肉又梅又鞋口 真係好差 但係佢既生蝦汁幾好 酸酸辣辣$98 豬肉生菜包 呢樣菜 無讚亦無彈 純粹想食菜 豬肉調味亦唔差咁囉$168 冬陰公煙三文魚溫泉蛋貓耳朵首先 佢個冬陰公醬 好好食 辣辣地酸酸地 好襯貓耳朵 係每粒粉都包住醬汁煙三文魚都唔小 但佢個隻 SORRY 真係唔可以叫溫泉蛋諗住叫呢個 可以有蛋汁撈埋意粉

前年去清邁旅行，愛上左泰北菜💗仲記得第一餐係食咖喱湯麵，上面放滿炸麵，超級好味😋Moroko 餐牌有呢個湯麵，一於朝聖下門口絕對係其中之一打卡位😍一行二人，用OpenRice book定枱，入到去等職員帶位。有幾位職員見到我都冇理會，各自忙緊，我明白大家都好忙，但至少講聲叫我等等之類會好d😉呢個係我好懷念的咖哩湯麵🍜湯底濃郁，上面的炸麵好脆，浸在咖哩湯一齊食勁正😋有兩隻雞髀煮得太老就麻麻地椰汁湯底的金邊粉，椰汁味濃郁，又香又甜，都好好味😋跟餐有杯熱情果冰茶，味道ok 食泰國菜一定唔少得的芒果糯米飯，芒果呢排當造，非常清甜。斑斕味和蝶豆花糯米飯令整道甜品色彩繽紛，見到都心花怒放🥰餐廳入面仲有唔少打卡位，還有室外位置，不過d布置就較為殘舊。環境和食物都唔錯，可惜大部分職員感覺上都唔太友善，睇嚟要有心理準備先可以再來😳

初嘗呢間朋友經常推介嘅餐廳 終於嚟到試下閒日去walk in好彩都有位 假日呢間應該大排長龍啦 首先一入到去 環境已經佈滿唔同嘅打卡background 佢唔係一塊牆紙/佈景版咁簡單 果日咁啱撞正佢搞櫻花主題嘅event🌸好多人book位嚟著和服打扮到靚靚咁影相 就睇個場面都夠哂心思...可惜我無影低🌝首先嚟個最好食嘅 賣相都夠哂colourful攝影技術差嘅我都影得佢幾靚😂平時食開街邊泰國鋪嘅芒果糯米飯都係平平無奇 有啲仲好難食唔新鮮佢呢個糯米飯係由班蘭同碟豆花上色 就咁食舊飯都好香 黏度適中 配上啲脆脆米 成碟野即刻點綴咗 椰漿好香 芒果鮮甜😋主食嗌咗呢樣 少咗啲 不過好好食 唔係求其整/伏野 朋友仲以為南瓜會好難食 點知佢都食左一半🤣 帶子煎到好香 整體很夾其實仲有嗌個豬鞍 都好嫩滑 掛住食同睇人地影和服唔記得咗影😆😆我會再返嚟食同影返齊啲相㗎🙌🏻

前排見到啲人著靚靚和服企喺櫻花樹下🌸打卡兼食tea 覺得好吸引 於是就拿拿臨同朋友去下💕一入到門口 就已經見到好幾棟以假亂真嘅櫻花樹迎接我哋 餐廳內部和風滿滿 外面嘅戶外空間就更加唔使講 櫻花樹喺自然光嘅映照下顯得更加像真 非常適合打卡！Book位時可以揀坐室外定室內 為咗影靚相 就算冇冷氣 我哋都揀咗室外～📍和服體驗2個人一共可揀4套和服 職員就會睇下有邊2套拎畀你 仲有油紙傘、髮簪、木屐提供 好貼心💕職員仲會幫我哋影一張即影即有 不過因為咁樣而時不時要清場 變相令到打卡時間減少 呢點有少少可惜📍櫻花主題下午茶分別有5款鹹點以及6款甜品 仲有1杯櫻.芝奶蓋水果茶 嘢食賣相好靚 不過味道就冇賣相咁吸引 我哋就覺得鹹點比較出色 每款口感都好清新 而甜點大部分口感都較厚實同埋乾 只有瑪德蓮係最鬆軟又夠香 反而飲品就出眾啲 奶蓋creamy又香濃 水密桃茶開胃又解膩 好啱配呢個tea set😍

已經係第三次嚟Morokok啦～前兩次食tea同dinner個感覺都好pleasant，今次同同事嚟試埋佢個lunch～餐廳嘅裝修先聲奪人，一踏入門口就被花海包圍，非常IG-able！座位好闊落，坐得好舒服！$88 set lunch有一款泰式/西式主菜加一杯汽水/是日冰茶。見menu嘅美國保濕豬鞍扒配蘋果醋汁個名幾搞笑又特別，一於試試塊豬鞍扒有幾保濕！等到頸都長埋終於嚟！厚厚一塊豬鞍一切落去就見到D汁咇出嚟，勁juicy～哦～原來保濕就係咁解～ 扒煎得啱啱好，外面微焦而裏面嘅肉超粉嫩又爽，加蘋果醋汁酸酸地分外開胃！仲有我至愛薯餅做配菜添！同事分別order左招牌泰式椰奶雞湯金邊粉配豬肉 同 煙三文魚菠菜汁忌廉扁意粉，賣相都唔錯！試左一啖泰式椰奶雞湯feel到好濃郁嘅椰奶味，正！

位於旺角的Morokok，是一間新派泰國菜餐廳。餐廳名由旺角Mong Kok和摩洛哥Morocco組成，聽說店家希望讓客人身在旺角，也能瞬間置身外地，展開一場充滿異國風情的美食之旅。 餐廳佔地8000呎，地方環境非常寬敞。裝潢走香港少見的摩洛哥風，到處都是打卡拍照的好位置，女生們記得預先把相機和手機充好電才光顧啦!踏入人見人愛的櫻花季節，Morokok把整間餐廳、整個埸景佈置成日本櫻花主題，夢幼有仙氣，猶如身處日本一樣呀! 餐廳更新設和風下午茶，每位客人可穿上和服拍照，最適合同閨蜜一齊去打卡留念啦~ Morokok X LUX 賞櫻の旅體驗 $498/2位 包括:。櫻花主題下午茶 。45分鐘的兩套和服租借服務 。室外場景即影即有1張 。更加$249會多一套和服租借服務 。可選擇兒童和服在還沒品嚐食物前，我先到室外的露天位置拍拍照吧! 室外的地卡區，擺放著櫻花樹和藤製圓椅，甚有和風氣氛。客人更可撐著和風油紙傘和拿著扇子，更有當地風情呀~ 櫻花主題下午茶 ，包含: 5款鹹點、4款甜點、2件鬆餅 和 櫻芝奶蓋茶。鹹點有XO醬櫻花蝦炸意大利飯糰、煙三文魚芝士三文治、北海道刺身帶子多士、海膽火雞

📍Morokok📍旺角登打士街家樂坊8樓801室#摩洛哥🇲🇦風 #泰國🇹🇭菜 #fusion菜——泰式椰奶湯金邊粉🍲（$98）椰奶味夠重，好香好食！煙三文魚菠菜扁意粉🍝（$98）西式菜，意想不到的好吃！+牛油果羽衣甘藍奶昔（+$39）特別飲料，牛油果🥑羽衣甘藍🥬營養豐富！+士多啤梨奶昔（+$39）士多啤梨🍓整體比較普通。+薯條🍟set（+$15）熱辣辣，新鮮出爐，好好食！泰式炒通菜🌿（$88）泰國餐廳，必食通菜，不過不失！——人均消費：211.5 HKD（LUNCH）｜好味指數：🍔🍔🍔🍔🫓環境舒適：🍔🍔🍔🍔🍔考慮再吃：🍔🍔🍔🍔🫓

平時好少喺旺角食泰國菜 一般都比較坐得冇咁舒服或者價錢偏貴今次朋友介紹喺家樂坊有間裝修特別而且坐得舒服嘅泰國菜 所以就去咗試吓一入到去 佢門口嘅裝修已經吸引咗我嘅目光 真係幾特別 唔知道係摩洛哥定係希臘風 因為我兩個地方都未去過但係真係覺得幾靚同埋好多打卡影相嘅靚位講返食物 飲品方面本人自己就覺得一般 因為冇叫特色嘅泰國嘢飲 淨係叫咗啲草莓梳打之類 都係一啲糖漿再溝梳打水 唔算太特別但係食物方面就覺得幾好 生蝦同埋大蝦粉絲煲我都好鍾意 另外仲有個fusion菜係牛柳粒意大利飯 都好好食。甜品係雙色嘅芒果糯米飯 又可以一解相思之苦