MOS Burger (已結業)

幾個月前，經過MOS Burger店，入去吃早餐，早餐沒有牛肉包，選了魚柳包。我覺得MOS Burger最好吃的還是牛肉漢堡包，雖然魚柳包不是主打，但是仍然比M記的魚柳好吃。店內可以見到員工、貨物擺放及清潔有點不同，可能有點日式管理味道。 MOS Burger 的MOS代表 山Mountain、海Ocean及太陽Sun，在日本是第二大的漢堡包快餐店，總部在日本東京品川區大崎。2006年MOS BURGER在香港開設第一家分店，現在有30多間分店。總評味道：性價比高，比M記的好吃。環境：小店，餐廳內，整齊，簡潔；服務：店員有禮貌；衛生：可以。

其實呢間漢堡包餐廳開咗咁多年，都未有機會試過。我真係大鄉里，一直以為佢同美國過江龍嗰兩間漢堡包專門店一樣，都係走高檔路線。一入到餐廳，見到個餐牌簡直喜出望外。漢堡包選擇多，亦都唔係貴，由$2x-3x都有。就算大少叫嗰個和牛漢堡包，單一價錢都只不過係$38。大少叫咗個套餐，我就單點吉列蝦他他醬漢堡🍤🍔再加多個粟米湯🥣。大少就話漢堡包冇乜和牛味平時食開麥當當，今次轉食呢一間漢堡包專門店，都係多一個選擇👍

Mos burger近期開返好多分站比以往亦多咗款式當然唔少得佢嘅珍珠堡系列!今日叫咗個海鮮珍珠堡($27)雖然佢望落比其他漢堡包薄同細但係好飽肚 因為上下層都係米飯🍚佢個飯係珍珠米 又黏又有咬口 加上佢煎一煎過兩面 面層脆脆地 厚度啱啱好咬到 好好食😍而且有少少似糯米飯 口感好得意 又唔會好似飯團咁一食就散中間係炸咗嘅帶子粒加紅蘿蔔絲同洋蔥煎得好香脆 而且帶子原先好淋 有肉地👍🏻份量比例亦唔少 加上脆得黎唔油淋淋醬油係照燒黑椒醬 同帶子洋蔥超夾味 濃味得黎唔太鹹成個漢堡一齊食 簡直係大満足😌真係好好食🤤一定成日黎食一個都係$27 已經飽好值得試 推介!仲有烤牛肉珍珠堡同金牛蒡絲珍珠堡揀呢

今次幫襯左mos burger 呢間真係窮人救星 以前由中學讀書開始食佢 價錢都無咩點變 味道又一樣咁好味 今次試左佢個炸帶子包 $13咋！ 抵到爛 雖然賣相真心麻麻 但真係好食 絕對會再幫襯

7月尾嘅疫情持續嚴峻，午飯時間真係儘量都唔出去食，多數叫外賣或者買返公司食，減低人與人之間嘅接觸，公司附近嘅餐廳真係食到悶哂, 又係叫外賣嘅時候啦飛雲！今次點左復刻升級版： 特盛B.L.T和牛漢堡🍔有輕量級118同埋增量版150克兩種！無激素澳洲和牛肉餅🥩，酸甜蜜糖芥末醬🍯，香脆煙肉🥓，爽口生菜🥬同蕃茄🍅，仲有脆邊太陽蛋一🍳成個包都好豐富，材料份量十足，牛肉餅果然好味有香濃嘅牛肉味雖然唔算入口即化，但食落係啖啖肉！超正超滿足！150克增量版 特盛B.L.T和牛漢堡$38，外賣跟餐有一款小食同飲品 $76. 另外同事點左佢話食極都唔厭嘅辛味熱狗 $28. 

鰻魚一直都係我至愛，知道MOS BURGER期間限定有得食當然要黎試下啦睇番好多網上記錄都話之前都出過，不過呢次有少少唔同，稍後再講由於疫情關係，我選擇外賣自取，而呢段時間外賣自取全單仲有85折！我叫咗蒲燒鰻魚珍珠堡$31 再+$23多個大厚切薯條同汽水另外再叫咗熱狗+粟米湯熱狗包夠軟熟，一如以往的標準，不過不失粟米湯夠CREAMY，甜度適中主角蒲燒鰻魚珍珠堡，先睇包裝有句小心內有魚骨，的確幾貼心 打開後，魚堡入面有一片鰻魚，約佔五分一，算厚身燒汁甜度調較得不錯，雖然係叫蒲燒，但唔係店舖直燒是常識吧呢個感覺只是焗爐翻熱，不過味道可接受至於配料方面，呢次用咗腐皮睇番前幾年出果個係炒蛋，呢次用腐皮明顯係出色同夾左，有驚喜再加多幾片菜葉，整體清新好多厚切薯條好大條,，雖然明顯唔係原個薯仔炸但入面薯蓉都好結實，炸到金黃色啱啱好

今日唔想食飯，所以就嚟食burger。又因為成日叫餐，所以我決定叫兩個burger，唔要嘢飲同薯條！ 我叫咗一個最basic嘅摩斯漢堡同埋一個黑醋雞肉漢堡。可能因為廚房少人，所以等咗20分鐘先有得食。兩個包都熱辣辣，呢個係我最欣賞mos burger嘅地方。 塊mos burger厚切番茄好juicy好fresh，塊漢堡扒比較厚，再加埋啲大大粒又多到爆晒出嚟嘅生洋蔥粒，咬落去勁有口感，食多10次都唔悶。個黑醋雞肉漢堡就無咁特別，但係塊炸雞都幾厚身同埋炸粉唔係好厚。

大食妹最鐘意食快餐，平時趕住食飯，諗唔到食乜通常就咁食麥記麥記，今日想對自己好少少就去咗Mos Burger食漢堡包🍔<熱狗配南瓜薯餅$43>熱狗餐好似唔錯最後放棄左漢堡包改叫熱狗餐，出到嚟完全冇失望條熱狗有一把長間尺咁長，非常足料，咬落去D汁必曬出嚟，加埋番茄汁同埋芥末醬真係好正南瓜薯餅咬落去見到南瓜絲，味道好清新，食落去仲係最暖地，好新鮮40幾蚊一個餐貴就貴過麥記㗎喇，不過質素真係差兩倍間唔中放棄麥記食Mos Burger享受下人生

朝早去食Mosburger，早餐有好多款可以揀，配埋個粟米湯一定夠飽。今日我叫咗雞肉火腿牛角包，裡面仲有生菜，芝士同蕃茄，好新鮮😋。隔離嗰位叫咗魚柳包，裡面啲鮮洋蔥，蛋黃醬同芥末令到個包升爆級，以$28蚊呢個價錢同埋味道跟埋野飲覺得好值。店內嘅員工比較安靜，朝早無乜歡迎氣氛，明嘅，大家都未訓醒🙃。另外仲試咗個大芝士火腿多士，兩個人食一份都一樣夠飽🙃⋯⋯大食嘅朋友必點，唔鍾意食脆嘢嘅朋友可先叫店員飛邊。

前幾日黎灣仔接男朋友收工，我地想食平d，但又唔想食米線，經過Mos Burger就即醒起呢排有個期間限定既炸八爪魚堡，二話不說咁入左黎男朋友叫左呢款辣汁牛肉漢堡，不過佢話其實只係微辣，岩哂想食惹味但又食唔到太辣既朋友～～我呢個炸八爪魚堡，上層淋左一層明太子沙律醬，下面放左好多椰菜絲，之後就係以八爪魚同雜菜打磨而成既一塊炸物，食落好香口，而且食到一粒粒八爪魚肉我地都加左套餐要薯仔同炸雞塊，不過覺得後者d肉質過於乾身，唔夠juicy整體每人$5x，呢個價錢都算抵食既～～

想食素又要出街食嘅日子都會食Mos Burger。我最鐘意佢嘅牛蒡珍珠堡😻。牛蒡、蘿蔔夠腍夠入味，膳食纖維又豐富，自己喺屋企炒都冇咁好食。珍珠堡壓得夠實唔易散。可惜呢日啲牛蒡油咗少少，滴到周圍都係☹️。男朋友話佢個元氣漢堡都好好食，啲千島醬夠多，好味到唔記得俾我試就食完😵。薯條一貫水準夠熱，厚切夠薯味，次次都係叫large size先夠食。紅茶係Twining English breakfast tea👍🏻👍🏻👍🏻。

今在灣仔VTC考試，考完都9:30點，想來個快速輕食，就來了這裡。唔鐘意食fast food嘅我，呢個牛蒡rice burger 係最好選擇。素菜漢堡，配埋個清新嘅沙律🥗都免強叫做健康！ 因為係即叫即做，個包好熱，入面啲餡非常juicy ,牛蒡好爽口，其實加埋個似bbq sauce 味嘅汁，唔覺得自己食緊素。入面仲有紫菜，和風味十足。

隨意行行到Mos burger，間店唔大，門外見到好多人排隊，入到去都有幾個位，於是坐低諗下食咩，兩個人叫左個薯條，摩斯芝士漢堡，黑醋雞肉漢堡同可樂。摩斯芝士漢堡：有好厚的漢堡和番茄，有好多洋蔥，入面仲有啲汁，我唔係好食得出，但好味的，成個包好厚身，超好味，食完一個包好飽。黑醋雞肉漢堡：辣辣地，塊雞脆，包皮應該焗過，脆脆地，好好食，個包有足料，仲有好多椰菜，食完一個都超飽。薯條：唔太好食， 無咩味，好淡，熱嘅，但唔脆，淋淋地。

都食過幾次mos burger 的早餐今天叫左摩斯魚柳餐配咖啡購票後取號碼牌等職員送到我枱面三分鐘有得食一條法蘭腸仔一分為二幾多肉汁 ...吾會話乾爭爭，而且腸衣爽脆，十分有口感是我喜歡腸仔的那類型。而魚柳係新鮮炸起，炸粉不太厚，但係好難用叉食，事關一叉d魚柳，d肉就散哂lol另外，魚柳好似無咩味要靠那白醬汁調味，而沙律菜則一般般 。同樣設有塊多士一分為二切半的多士，可能我最後先食，所以已經無外脆內軟的感覺，下次一定要食左多士先。杯咖啡比較失望，咖啡香氣不香濃，而且入口苦澀，一共加左兩包糖同兩個奶！員工的服務態度好好，而且十分有禮，有機會的話，我一定會再光顧的！

當一人用餐又不知道吃什麼時就會光顧的店。返工的日子，無數次在下午茶時間光顧。放假的時候，也可能視乎心情又來這兒光顧一下發下呆放空。雖然它的座位偏窄，但勝在食物美味，而且服務生的態度都很好，是好的用餐體驗的信心保證。美中不足的是它選用的都是即棄餐具，雖然物料是循環再做甚麼的，但仍然是好像與環保的大趨勢有點矛盾的感覺。這店每一陣子都會有新口味推出，今期是薯餅漢堡。但由於不太肚餓的緣故，所以點了份量較少的熱狗跟沙律餐，算是補充一下少吃菜的缺乏纖維。飲品方面，推介它的抹茶鮮奶。由於奶的質素高，所以非常味美，假如是非汽水一族，這是個十分不錯的選擇。而且它的糖是另附供你自己加的，大可以因應自己的口味多加少加，非常靈活。