MOS Burger (已結業)

有失望既係，個芝士流心漢堡已經無賣啦。咁就食個魚柳漢堡算啦，可能係午飯時間，人都比較多。呢間最唔好既係開放式設計，真係坐得比較唔舒服。魚柳漢堡魚柳新鮮炸，好香好味道。而配料真係幾得意，有洋蔥同芝士。好彩既係，芝士係呈半溶既狀態，真係好正。薯條一向都覺得呢度既厚切薯條好好食，薯味好夠不特止，最緊要既係新鮮炸既，咁先好食架。整體上都唔錯架，因為野食真係有料到。同整得好認真。

這次吃的是脆雞漢堡，本人喜歡這間店的漢堡裡的汁和菜。上次吃的蝦堡不錯，每一啖都吃到大大隻的蝦，可惜的是蝦沒有太多味道。可是同樣地，這次的脆雞也沒太多味道！？首先雞不夠脆，但是夠厚(圖)，肉多，但是無味。漢堡有味道主要是因為汁，可是這次連汁和菜也不多了，漢堡的價值只餘下「厚」。必須一提的是MOS Burger滿貴的，一個脆雞漢堡(非餐)要19元，在M記差不多可以買到一個餐了，雖然吃了它的包也差不多飽了。一個餐多了一杯汽水和一包份量較少的厚切薯條，近40元。可能有人覺得得值吧，但是以一間本港快餐店來說，算貴了。但是薯條的確不錯。下次我會試一下其他口味的，MOS Burger也算是一間高質素的快餐店。

星期日為免母親節的擠迫, 朋友提議去食包, 這店子在這裡已經開了好幾過月, 今日總算是第一次去幫襯.燒牛肉珍珠堡 - 熱棘棘, 醬汁惹味, 肥牛嫩口, I like it. 感覺好似濃味版的吉野家牛肉飯. 不過吃得有點狼狽. 因為牛肉片片相連, 顧得食牛肉又顧唔到D飯. 吉列蝦漢堡 - 朋友異口同聲話好味道蜂蜜檸檬蒟蒻 - 朋友話份量比想像中細, 配搭出來的味道亦有點怪薯條 - 幾有薯味, 不過我喜歡麥記薯條多D天氣熱熱哋, 轉吓口味, 都唔錯.

11/2/2010 (星期四)有新口味推出，當然要試下這個吉列八爪魚漢堡，叫咗一個餐，將餐飲改為餐湯。吉列八爪魚漢堡： 即叫即做，新鮮熱辣，咬落口表層很香脆，而且入面多料，有很多八爪魚，口感特別，配合醬汁非常美味，漢堡包加入了一些菜絲，十分健康。周打蜆忌廉湯： 非常美味。

昨日下午,到了mos burger 食野叫了一個唔知咩咩照燒牛肉飯ge包($20)之後好似加了$19要個薯餅,再要多杯橙汁,等了很久才有得吃,照燒牛肉飯包 D牛肉好''林'',D汁好香,好似吉野家D牛肉咁之後個薯餅味道和一般的薯餅不同(不知怎樣形容好了)就是很有薯仔的味道,內裡很像有些蘿蔔似的很MATCH,值得一試但是有點貴,要$19

呢一晚放左學之後，諗唔到食咩好。見呢度開左Mos Burger，就行左過黎呢度食。間舖真係好細，而且位又唔算多。算啦，都係黎食野姐。雞漢堡係炸雞加沙律醬既，味道都唔錯。炸雞係新鮮炸，配上惹味既沙律醬，味道好夾呀。好食過M記既包，雖則個包係細左。厚切薯條真係好有薯味，厚切得黎又炸得好脆。雖然條數唔夠M記多，但食完已經覺得好飽，好有滿足感。凍抹茶鮮奶味道都係普通，抹茶味好淡。反而比鮮奶搶哂味。呢餐都唔差既，雖然份量小。但又可以食到好飽，真係好神奇。

近年形形式式的連鎖/獨立漢堡包店愈開愈多，令麥當當不再是唯一選擇。在葵芳工作了大半年，經常都是吃餃子、車仔麵... 早於年尾見到mos burger即將登陸，已是非常興奮，好不容易等到正式開幕，當然要和同事去踩踩場!!午飯時間，搵位不算太難，見到很多人都選擇take away，不過落order的人龍就排到出店外，所以記得要先拿餐牌，善用輪候時間!!試了新推出的魚柳包，加green tea latte跟薯條，再同同事share北海道千層糕...魚柳包: 炸得好香，醬料好足，芝士是足一片的!! 包亦好鬆軟 (話說今次係第一次食mos burger海鮮堡以外的東東)green tea latte: 綠茶和牛奶味很balance，甜味適中。北海道千層糕: 幾得意，味道都OK，但印象不深，未能吃出伴碟的醬是什麼味道。略嫌餐廳採開放式設計，常常被途人打量... 有點尷尬。

MOS BURGER出左蝦堡咁耐都未試過 ..今日終於一試啦 ,,心諗一定好好食 ..因為食佢咁多次無一之令我失望過 ..點知 ..今次就失望啦 ..個包真係好熱好熱 ..原本應該可以好好食 ..可怕d汁小左d ..可能因為蝦堡係炸既 ..佢地怕太多汁會"淋"啦 ..所以提醒大家下次食既時候可以叩佢地多汁 ..咁就一定好好食 ..

月前發現乳酪店位置釘上紅彤彤mos burger木板,這間漢堡包店終於在葵芳有分店了,好幾星期後終於開業了,在開業第一個週末就來試試。店子面積很小,座位不多似乎主打外賣多一些,跟一眾食客在玻璃門後排隊,順道欣賞一下高貴漂亮的開幕花籃,排隊時如置身花海,真開心!從多款漢堡中選了熱賣的吉列蝦漢堡,麵包十分柔軟,包裡煎得帶焦脆加上有些牛油味,很香的包子; 新鮮椰菜絲切得幼細,爽脆的混著甜酸他他醬,味道也是很配;蝦堡表面酥脆,一咬之下咔嚓一聲聲音非常清脆,爽!蝦堡裡面真有原隻蝦仁,雖然蝦仁不是太爽口水準,味道也不可跟鮮蝦鮮甜味相比,以冷凍食品來說已是不錯了,幾款簡單材料合成的蝦堡真的蠻好吃,難怪前面幾位客人也是點這款漢堡了。 套餐所加的雜菜沙律, 以蕃茄/ 生菜/火箭菜和紫色生菜組合而成, 以一隻像飯碗的外賣碗盛載, 份量不算很多,用來中和蝦堡熱氣也算可以; 蕃茄切成粒粒, 應沒有半個份量,還算鮮甜,紅彤彤的非常搶眼; 生菜鬆鬆的放著幾層,表面看來翠綠新鮮,可是仍找到一片有變黃的菜葉呀,選菜時又要當心一點了 =) 較貴價的沙律菜份量最少, 寥寥兩支火箭菜和一塊紫生菜而已,兩款貴價菜新鮮爽脆,蠻

周不時都係葵芳出沒o既我...知道葵芳開mos burger 好高興...但係鋪站選址就真係唔係好適合la...係恒生銀行隔離...鋪位又細...頭幾日開鋪或者lunch hour 外賣o既人多到要企出鋪頭等候....但個條路係入恒生atm 同由二樓離開新都會必經之路....而且鋪頭座位又唔多...@@所以好擠迫.....黎到摩斯漢堡店我就最鐘意食classic 的mos burger with cheese la...有芝士一個$22 無芝士只係$20,...對於我黎講真係覺得好抵...!! 一個足三兩都要$16.5 la....講返個包mos burger wif cheese ...我不嬲都覺得mos burger 個包係比burger king 鬆軟..有厚厚的蕃茄同漢堡,仲有好多肉醬同芝士....我最愛就係個肉醬....有好多洋蔥...即日外賣買到返屋企食都仲好好味....葵涌人有福了...!!

第一次食mos burger,係老友"帶"我去...第二次,都係老友"帶"我去...第三次,我叻喇,識得"帶"老公去...第四次,我仲叻叻,識得"帶"媽咪去tim咯...(就係今日囉)冇錯...out out的我...之前從未食過mos burger的!(相信mos burger"紥根"响香港應該都一段時間咯呵?!)但點解我而家又會一口氣幫襯4次咁多呢?!係因為自從上次食過佢地既"吉列蝦漢堡"之後...我就對mos burger朝思夢想喇!真係好鬼誇張!個包真係好鬼軟熟好好味!而且咬落去嗰陣好鬼過癮...點解咁講?因為佢個醬汁係凍既,而個蝦係熱既,一啖咬落去,就會feel到:麵包鬆軟+凍凍地既醬汁+熱辣辣既蝦...wow...美味到呢!真係好食過麥當勞...咁當然,價錢亦都貴過麥當勞tim...不過呢...偶然食一餐半餐以慰單思之苦都ok既!!加19蚊配既炸雞搥,都得喎!唔係嚡硬un雞肉噃!又唔太油...唔錯唔錯...不過都係貴咗d囉...咁細隻既雞搥仔,要成19蚊啊...至於個粟米湯,佢唔似得一般粟米湯咁內有一粒粒既粟米...反而係成碗湯都充滿濃厚既粟米味道,個湯係比較"杰"同夠晒熱