MOS Cafe

营业中

休息中

淘大商場嘅MOS CAFE裝修簡單，環境寛躺舒服。以前Mos burger 就只有漢堡，而家MOS CAFE就有埋飯同沙律，多咗選擇。漢堡包另外加$2x,就可以加小食和飲品。我叫咗和牛漢堡，炸洋蔥圈和cappuccino。漢堡扒又厚又大塊，份量十足，又香又好味，炸洋蔥圈熱辣辣卜卜脆，雖然主打漢堡，但咖啡都唔差。

經過九龍灣淘大商場，見到接近中庭位置有個露天嘅Cafe，一睇原來係mos Burger嘅分支mos Cafe，覺得環境好舒服，所以就入去坐低。我同朋友分別帶咗一個精選套餐同埋一個他他醬蝦堡配薯條飲品。朋友對個精選套餐係咁讚，因為可以滿足晒佢對選擇食物恐懼症嘅要求，首先個套餐有包一個田園沙律，然後喺三至四款意粉裏面揀一款，朋友最後揀咗明太子意粉，然後再有三個漢堡裏面揀一個迷你漢堡，佢最後揀咗燒牛肉漢堡。佢話個明太子意粉一啲都唔會因為份量少而比唔夠明太子醬，佢仲食得好滋味，至於個燒牛肉漢堡佢話牛肉份量唔算少而且好濃味，基本上食完兩個主食都已經好飽，再加上沙律成個餐真係好豐富。而我就揀咗他他醬蝦堡再配薯條同埋凍抹茶鮮奶，味道不過不失，蝦堡好厚好多蝦肉，次次都係食呢個。好鍾意餐廳嘅位置下次一定會同朋友再嚟。

今晚趕住睇戲所以入咗去食，我本身無食過mos cafe嘅意粉，但又有少少想食漢堡包，所以揀咗個套餐$62係有迷你漢堡包，迷你意粉和迷你沙律。漢堡包我揀咗煙三文魚，雖然話係迷你，但煙三文魚好足夠。意粉揀咗雞肉，醬汁同溫度都控制得好好，沙律雖然少咗啲但當伴菜食下都ok，個人認為如果套餐都包埋嘢飲就好啦

同朋友揾地方食飯傾計，周圍行左一陣，入到淘大商場，見到呢間d坐位幾闊落又乾淨，唔會太嘈，岩哂傾計，所以就坐底左。一睇Menu就比佢地既「和牛漢堡」吸引左。仲有唔同既小食可以加。加多小小錢仲可以配特式飲品。最後我就叫左個「特級和牛漢堡」配左「摩斯脆雞」同「黑糖珍珠奶茶」，朋友就叫左個「法式和牛漢堡」配左佢好想試既「北海道南瓜薯餅」同「冰凍楓糖果仁鮮奶咖啡」。我個漢堡既和牛漢堡口感同味道真係好味，個脆雞幾香口，味道又唔會太濃。

九龍灣淘大的分店有一區劃分位親子活動區，小朋友可以一邊食一邊玩，枱櫈比較矮。不錯的構思！值得一讃👍🏻早餐選擇了芝士火腿多士，配奶茶。奶茶雖選用了twinnings 茶包，喝不出港式奶茶，有點失望！腿蛋漢堡，是即叫即整，不錯！價錢相宜，值得再試😋

MOS Burger食得多，原來多左條線叫MOS Cafe，環境升級唔少，而且係送餐服務，唔錯唔錯我叫左個和牛漢堡，$4x，其實真係唔知堅定流，不過食落多汁，足料，有牛油果，蕃茄同生菜。而其他漢堡都唔貴，$2x都有個，算係咁啦。另外加$23轉餐有埋小食同飲品，我叫左個忌廉蕃薯餅，外面脆卜卜，裏面滑滑流至於女友就點左呢個迷你甜漢堡，佢揀左朱古力紅莓醬同宇治抹茶，朱古力紅莓醬應該有個酸嘅醬，所以唔覺太甜，但抹茶果個可能重手左，而且包頂太多糖粉，變左更加甜，但呢兩個已經收$40，唔抵食！

Weekend 食咗下午茶所以晚餐時間都仲未肚餓想食light 啲今次嚟咗mos cafe有mini burger餐可以揀三個或者兩個今次我揀咗兩個分別揀咗煙三文魚同埋日本和牛煙三文魚配有洋蔥生菜cream cheese味道層次豐富煙三文魚味道突出值得推介日本和牛漢堡包比較乾牛肉 都尚可配有生菜 感覺清新最後，食漢堡當然要配冰凍可口可樂la

無試過Mos Cafe的漢堡包，揀左最經典的芝士牛堡。店員送來的時候，發現有好多生的洋蔥粒，熟的洋蔥我鍾意食，但生的洋蔥真係好大陣洋蔥味，後悔無走洋蔥，食完一口洋蔥味單純唔鍾意生洋蔥，下次再試下其他口味的漢堡

＄25 Grill ham And Cheese toast 厚多士好夠份量！芝士味道濃郁、火腿大大塊，不過多士不夠脆口，可能是太多人惠顧，店員在烘多士後未能即時派送令致變軟。熱奶茶☕️控的我覺得只得一個茶包，奶茶味道過於偏淡！＄26 Burger set 豬柳漢堡最值得推薦，兩片包厚厚的，香厚的豬柳漢堡配合生菜、洋蔥和醬汁，口感豐富，分量十足。配合香濃熱咖啡，一定是抵食之選！值得一讚的是餐廳現在設有送餐服務，感覺非常貼心，客人可以坐下休息等待食物送到面前。而且這家餐廳環境舒適，可以令我們慢慢享受早餐。

今日打完波去食飯，就見到Mos Cafe。平時我都幾鍾意食Mos Burger，所以見到佢有新餐廳開都想試下咁我就叫咗嗰蜜糖芥末特級板燒雞漢堡，食落唔係好食到蜜糖芥末味，加上個雞煎得有啲鞋，有啲失望。不過佢其他嘢食好似幾吸引，大家如果想試下Mos Cafe，可以試下佢其他嘅嘢食，但係依個漢堡就真係可免則免。

以前叫Mossburger ，以家大部份都轉左叫cafe 。感覺高級左，個價錢都貴左。叫咗摩斯漢堡加凱撒沙律。摩斯漢堡塊肉幾厚配合埋番茄汁好有口感。凱撒沙律除咗有平時嘅麵包糠之外呢度仲有沙律蛋，乾蒜片。感覺好清新。

叫咗凱薩沙律，極脆魚柳漢堡同埋和牛油果和牛漢堡。凱薩沙律：egg mayonnaise醬好出色，令到個普通不過的沙律加分不少，沙律菜好新鮮，咬落爽甜極脆魚柳漢堡：個魚柳炸得好香脆，但內面魚肉依然濕潤，食到魚肉的口感，配埋個咖哩蛋黃醬，超級夾牛油果和牛漢堡：不過不失，牛油果軟身香甜，但和牛扒略嫌煎得有啲乾，好彩佢塊蕃茄好多汁，中和返乾的感覺

行街去到九龍灣見到mos cafe ? 我都係第一次見!好特別. 平時賣包為主，點會諗到有飯食之餘仲有沙律區!即刻去睇到有咩岩食先~最後叫咗牛油果照燒雞肉飯+烤牛肉飯+冰凍野莓鮮奶咖啡味道方面都滿意~小朋友都岩食!牛油果照燒雞肉飯上面係wasabi味沙律醬!好像食緊壽司飯咁~好食!又甜又供鼻!~HAHA!整體都係健康為主!另外一碗烤牛肉就普通，照燒汁味配粟米蕃茄粒 ..其實好岩附近工作嘅人!~想食得健康啲，呢間mos cafe 都唔錯!係價錢比較貴!~普通飲品最少都要加$9所以當時現場所見，啲人飲水為主~下次再試下其他

「Mos Burger」在九龍灣區內，本來只是在「德福廣場」二期的日資百貨公司裡面，開設了一間小分店，設置少量的餐檯餐櫈，方便光顧「Mos Burger」的食客，在店內享用日式漢堡包食品。可惜九龍灣「德福廣場」分店的「Mos Burger」，因為該日資百貨公司最近關門，舖位被層層圍封。不知道「Mos Burger」是否受到百貨公司關門所影響，同樣被迫結束營業。後來「Mos Burger」終於選擇了離開「德福廣場」，遷往位於「德福廣場」對面，在「牛頭角道」旁邊的「淘大商場」地下舖位內開設了新「Mos Burger」，應該是「Mos Cafe」才對。「Mos Cafe」其實是走餐廳路線的「Mos」系列食店，「Mos Cafe」除了有般「Mos Burger」長期售賣的牛肉漢堡包，還有以米飯代替麵粉製作而成的「珍珠堡」之外，還有一般餐廳提供的碟頭飯食品提供。我在上手手提電話裡面的「開飯喇」戶口裡面，就曾經去到港島東區，光顧位於「康怡廣場」樓上的「Mos Cafe 」分店，試食過「Mos Cafe」裡面的晚飯菜式。「康怡廣場」裡面的「Mos Cafe」分店舖位，除了擁有正常間隔之外，兼且有玻璃

佢地嘅漢堡包，相信有多人都好鍾意食！ 但你有冇食過佢地出品嘅飯呢？ 原來佢地靜靜雞出左飯餐😲 等我幫大家試食下先吉列三文魚飯 $50吉列三文魚比較少見到，幾特別😋 三文魚漢堡有啖啖三文魚肉，而且炸得好香脆！ 上面點左少少沙律醬，幾新鮮😋！跟餐配一個小沙律，有菜有肉，但總覺得有少少寡，食完唔滿足🧐 點解呢！？ 可能因為冇咩醬汁，冇汁撈飯，好似食白飯咁！ 而且三文魚扒只有一塊，唔夠食😝！ 另外，亦叫左一個板燒雞漢堡，好味道！ 雞扒嫩滑多汁！ 麥樂雞，食落有肉質感，的而且確同麥當勞嘅唔同！絕對值呢個價錢😛!