MR冰室

营业中

休息中

有段時間冇過來，喺時候要支持下貓仔基金！！貓店長困喺個籠度其實好悶，貓仔其實要有大啲空間走來走去跳來跳去，咁樣先健康咖嘛！！餐廳午餐好平，48蚊仲包冷熱飲品，是有良心小店H.芝士肉醬意粉肉醬都算多，意粉好大碟，味道合格，不過不失咁啦！！不過唔知收銀係唔係老闆呢？成日好似黑口黑面咁，有啲似趕客咁。。

其實都食左4，5次有猫猫3隻有好既服務啲侍應姐姐及一位要睇彩數既有服務既男士。唔好彩既就會係位黑口黑面戴住AirPods 既XXLsize 男士。要澳牛服務定開心餐服務就自求多福喇。食物上佢個巴東咖哩飯，4人餐既漢堡小食及野飲都唔錯。仲要有雪糕（第一次服務好既男士會問想食咩味，XXL size 既就會攞定雲尼拿味俾你）都係咁講睇你彩數你食都咩既味既雪糕。無加一服務費，但睇彩數既服務態度都算係一種體驗。講到咁，野好食服務不一，完

夜晚去食，餐廳完全冇人，以為係伏同貴，點知有二人餐好抵食！有前菜、有小食、可以食飯又可以試到漢堡仲有三隻貓貓做店長// 三文魚沙律個醬汁未酸甜好食同開胃，其餘就是一堆沙律菜，加三四片煙三文魚，冇特別好/壞。//酥炸魷魚鬚炸得不錯，好少炸粉，魷魚煙韌彈牙，份量算多。// 焗咖喱牛脷飯熱辣辣，好腍牛脷、濃郁多咖喱汁，唔會焗到太乾身，完全唔吝嗇，有好多嚿牛脷、同埋蔬菜。有兩碗飯嘅份量。// 烤菠蘿雞扒漢堡漢堡中上發揮，不過不失，煎得夠脆，菠蘿同蕃茄都提供咗水份，食落夠Juicy。啲薯條就一般了，炸得唔夠脆，亦唔夠鹹。// 巨峰梳打// 乳酸梳打梳打一律一般，比梳打水溝淡咗，成杯嘢好淡。巨峰梳打會係比較好飲。

搬左過嚟幾個月 經過無限次呢間小店，每次想食都多人就話下次先堂食 今日收工很夜 突然再經呢間小店 就入店叫外賣 之後再發現此店有黃貓 金仔乖巧不怕人 同老闆閒聊幾句貓經 見到老闆也是愛貓之人 貓貓之非常乾淨見此老闆照顧呢個主子非常好 今晚一次外賣 下次就可以再試漢堡包其他美食了☺️

OpenRice 外賣自取有9折🤘🏻叫左兩個餐 手打牛肉漢堡 同 菠蘿牛肉漢堡 跟餐配薯條 沙律 都算大份抵食 完全係可以share 食 叫左外賣等左10分鐘就有得拎算快🙌🏻拎到上樓 兩個漢堡仲熱辣辣 薯條都係脆🤩沙律菜中規中矩 正正常常 仲估唔到係 跟餐有得揀利寶納😗手打牛肉漢堡 7/10 有芝士 生菜 塊肉都算厚 仲要好多汁漢堡包面都有略略烘底 牛肉係有少少筋 夠哂調味 食得出有落黑椒🤤菠蘿牛肉漢堡 8/10 包入面有整塊罐頭菠蘿 都算唔錯 比牛肉漢堡豐富 係比較Juicy 令人回味😋

📍MR冰室 (青衣)青衣細山路2-16號美景花園10座地下28號舖==============================呢間西餐主要係賣漢堡飽同薯條，有竹炭漢堡同普通漢堡選擇，每款漢堡餐都包埋薯條，沙律同飲品，價錢都係$60左右，真係好抵食==============================竹炭大啡菇雜菜漢堡餐呢款係全素漢堡，大啡菇好多汁，配埋入面有d酸酸甜甜ge 醬汁非常好味薯條係原個薯仔切開再炸，外脆內軟無油膩感MR牛肉漢堡漢堡似係鋪頭自家製，質感比較鬆散左牛肉味濃，配埋醬汁好好味西班牙海鮮焗飯焗飯好香海鮮味，醬汁沾滿每粒飯粒，海鮮份量都好多

真係要特別讚一讚佢哋嗰個薯條，真係食過返尋味，薯條佢哋應該落咗啲特別調味粉超級惹味，就算我外賣拎咗返屋企啲薯條都係脆㗎，個漢堡牛肉煮嘅時間好適中唔會太熟有口感，整體嚟講有驚喜。

因暫住附近,所以近近地喺美景花園揾食。見Openrice食評唔差,同老公一齊喺午飯時間幫襯。一人叫一個漢堡餐（豬柳蛋+大啡菇）。跟餐有飲品+沙律+薯條。第一啖食沙律,已經立即有驚喜,沙律菜爽脆、醋汁濃淡得宜,薯條新鮮炸加上調味粉,好食！主角漢堡我老公一路食一路叫好,連杯餐飲都冇令人失望。我杯齋啡有香濃碳燒味,連平日麻麻地日式咖啡嘅我都覺得好飲。最後不得不提server哥哥,服務有禮有效率。用餐價錢對比食物及服務質素,絕對係抵食。到底我哋有幾滿意？老公即晚帶兩個朋友再去食過

之前黎過一次摸門釘没開，今日終於試到了。午膳時間，坐位不算多，差不多坐滿人了。女待應估計是老闆娘，說話一句起兩句止，估計是快人快語那種，服務一般，問她拿收據，回應即使給了我亦不會懂得看，最後甚麼收據發票也没提供到，感覺怪怪的。 3人行order了兩個漢堡包餐及一個意粉餐，食物上碟賣相靚，份量一般，感覺漢堡牛肉size偏細了一點，從相片看到包和牛肉的比例，估計男士應該要加點才夠飽，反正我們3個人也不飽。但食物味道是優質而且好味的，價錢也不貴。

美景終於再有餐廳有新鮮沙律🥗食😌夏天熱辣辣真係好需要沙律，仲要咁新鮮～Even係蝦堡個個伴沙律👍🏻炸雞翼好好味，薯條都係，即炸，調味都好出色😋未轉新menu之前都有幫襯開，環境舒適，食物質素都唔錯，不過可能位置問題，一直都唔多人幫襯。因為呢個位置真係睇住佢不停轉手😅今次burger set比以前好食咗，洋蔥多d，又多咗沙律菜👍🏻 Feel到個廚師對食物幾有heart😌 至於飲品方面就一般啦，不過不失👌🏻最近新裝修後，風格都突出番d，唔錯👍🏻

#街坊價冰室今日亞媽懶得煮午餐叫左我落樓下買外賣✅MR冰室 (青衣)▶️乾炒牛扒公仔麵好夠鑊氣，公仔麵炒得好乾身，質感好爽身，公仔麵伴隨芝麻食落好香口，配埋芽菜和葱香，口感好豐富，牛柳絲口感軟腍肉汁豐富▶️熱奶茶奶同茶比例岩岩好，茶味香濃，咁就可以嘆杯靚奶茶▶️卡邦尼意粉 份量好多，一開已經聞到好香蒜香味，意粉質感岩岩好，唔會太軟太硬，醬汁唔多，每一口意粉伴隨濃郁蛋香，配上咸香煙肉，好滋味▶️凍檸茶等外賣先發現原來有蝦🦐漢堡，唯有等下次試下啦!青衣細山路2-16號美景花園10座地下28號舖

同朋友一齊喺青衣處理一啲事情，搞掂咗之後，肚仔餓，要開餐，對呢頭完全唔熟悉，路過呢度，有嘢食，諗住簡單快趣食一餐，就決定入去醫肚😆我哋叫咗幾樣嘢share😆- $55 嘅「乾炒牛河」：「乾炒牛河」呢個地道港式美食，最容易睇到廚房師傅嘅功力😆，呢度炒得好有鑊氣，一個字：讚😆- $26 嘅「法蘭西多士」：外邊脆脆哋，裏邊軟熟，加埋煉奶，甜甜哋，食完特別開心😆- $16 嘅「熱好立克」☕️- $65 嘅「MR 蝦漢堡 Shrimp Burger，包薯條🍟、熱飲」：薯條🍟出奇地美味，火候控制得好好👍； 蝦漢堡咬落少少彈牙，外邊仲有熱溶咗嘅芝士🧀包住，好美味😋；奶茶☕️幾香幾滑😋

同朋友咁岩經過青衣見到有間BURGER就入去食65既價錢食到出面閒閒地過百蚊質素既BURGER薯條有D幾特別既粉, 我自己就唔鍾意加醬食雞翼都好好食, 應該即叫即炸, 又香又脆朋友就嗌左個雞排餐全部野都好好食

今日接姪仔放學，話肚餓要即刻醫肚，帶咗我嚟佢學校附近嘅一間小店，叫咗兩個餐，有啲意外可以用連鎖店價錢食到比較優質嘅Burger。Mr蝦漢堡，夾有酸瓜、蕃茄、菜、芝士、洋蔥，跟粗薯條，揸得外脆內軟，非常香口，仲有兩種醬汁，小店難得嘅認真。講返個漢堡包，個炸蝦餅係真係有蝦味，望落個樣已經吸引過平時食開間連鎖店，未到食落果然勝一籌，姪仔話呢頭冇個間連鎖店，但係呢間小店仲好食，所以不可惜。除咗漢堡包薯條，中式又有，炒粉面又有，扒餐都有，今日叫過牛扒跟意粉，大大份味道又OK，仲有餐飲。呀！係喎，雞翼係好食嘅！價錢唔貴，可以再幫襯。

MR冰室 (青衣)青衣細山路2-16號美景花園10座地下28號舖今日去左青衣食Burger🫶🏻，好開心🥳好耐無食，入到餐廳見到入面都幾舒服，好寬敞！又明亮牛肉漢堡餐❤️ 雞扒漢堡餐想講個牛肉漢堡一路咬一路爆汁！好好食，個牛肉都好厚，個口細小小都咬唔到！好大個❤️食完之後飽左幾個鐘！個餐仲有啲薯條，啲薯條好脆！無食過甘脆既薯條❤️店舖仲有自己自家製既醬，好好食！好似係用蛋整岀黎！秘製醬汁！正 加左錢要2隻炸雞翼！炸雞翼好正！必食！好脆！未食過甘脆既雞翼！而雞扒漢堡既雞扒就好滑，亦都好大塊。如果我食都5個包，可能會食到舖頭破產！因為佢啲扒真係好大塊，不論是牛肉定雞扒都好大塊好厚！🫶🏻