MR冰室

营业中

休息中

夜晚去食，餐厅完全冇人，以为系伏同贵，点知有二人餐好抵食！有前菜、有小食、可以食饭又可以试到汉堡仲有三只猫猫做店长// 三文鱼沙律个酱汁未酸甜好食同开胃，其余就是一堆沙律菜，加三四片烟三文鱼，冇特别好/坏。//酥炸鱿鱼须炸得不错，好少炸粉，鱿鱼烟韧弹牙，份量算多。// 焗咖喱牛脷饭热辣辣，好腍牛脷、浓郁多咖喱汁，唔会焗到太干身，完全唔吝啬，有好多嚿牛脷、同埋蔬菜。有两碗饭嘅份量。// 烤菠萝鸡扒汉堡汉堡中上发挥，不过不失，煎得够脆，菠萝同蕃茄都提供咗水份，食落够Juicy。啲薯条就一般了，炸得唔够脆，亦唔够咸。// 巨峰梳打// 乳酸梳打梳打一律一般，比梳打水沟淡咗，成杯嘢好淡。巨峰梳打会系比较好饮。