影片
更多
2022-08-10
344 浏览
猶豫咗好耐要唔要寫呢篇食評，本身打算息事寧人，但諗諗吓大眾係有知情權嘅......唯有儘量保持中立，如實寫返事發經過。話說今日中午過黎試吓呢間新餐廳，我哋三個人其中兩個叫牛肉漢堡，一個叫炸魚薯條，個餐有湯或者沙律、主菜同飲品。餐廳環境唔錯，坐得舒服而且檯與檯之間嘅距離都足夠。Scan QR code 自助落單，之後黎咗一個漢堡同炸魚薯條，仲有一個漢堡遲遲未到。好不容易到咗之後，我食咗最上面塊包先，包係有烘過，有少少脆嘅，之後牛肉同番茄一齊食，咬咗兩啖之後，突然驚見牛肉同番茄中間有條嘢郁吓郁吓 顏色好似熟咗嘅八爪魚咁，暗紅色，佢舞動嘅節奏都好似一隻游緊水嘅八爪魚，但我呢個唔係生八爪魚漢堡！！！我個腦嗰吓直頭好似地球停轉日咁靜止咗，過咗兩秒後先大叫：「啊啊啊啊啊啊啊！呢個咩黎㗎？？？？？」侍應同老闆九秒九速度應聲而至，老闆連聲道歉並且話今餐唔收我哋錢，仲叫我揀個另外一個嘢食，但我嗰刻已經嚇到飽咗所以話唔使喇。三分鐘後，老闆居然攞咗碟蝦意粉過黎，我好欣賞老闆嘅誠意同服務態度，可惜嗰刻真心食唔落只想雞咁腳離開案發現場。事後諗返，嗰條「八爪魚」個樣似係蚯蚓（可能係菜蟲），可惜當下太驚慌所以無影到
話說今日中午過黎試吓呢間新餐廳，我哋三個人其中兩個叫牛肉漢堡，一個叫炸魚薯條，個餐有湯或者沙律、主菜同飲品。餐廳環境唔錯，坐得舒服而且檯與檯之間嘅距離都足夠。
Scan QR code 自助落單，之後黎咗一個漢堡同炸魚薯條，仲有一個漢堡遲遲未到。好不容易到咗之後，我食咗最上面塊包先，包係有烘過，有少少脆嘅，之後牛肉同番茄一齊食，咬咗兩啖之後，突然驚見牛肉同番茄中間有條嘢郁吓郁吓 顏色好似熟咗嘅八爪魚咁，暗紅色，佢舞動嘅節奏都好似一隻游緊水嘅八爪魚，但我呢個唔係生八爪魚漢堡！！！我個腦嗰吓直頭好似地球停轉日咁靜止咗，過咗兩秒後先大叫：「啊啊啊啊啊啊啊！呢個咩黎㗎？？？？？」
侍應同老闆九秒九速度應聲而至，老闆連聲道歉並且話今餐唔收我哋錢，仲叫我揀個另外一個嘢食，但我嗰刻已經嚇到飽咗所以話唔使喇。三分鐘後，老闆居然攞咗碟蝦意粉過黎，我好欣賞老闆嘅誠意同服務態度，可惜嗰刻真心食唔落只想雞咁腳離開案發現場。
事後諗返，嗰條「八爪魚」個樣似係蚯蚓（可能係菜蟲），可惜當下太驚慌所以無影到條蟲。撇除條蟲之外，其實個漢堡味道係 OK 嘅，分量都好大。朋友仔食曬佢個漢堡似乎無咩事，另外一個朋友就話佢個炸魚無咩魚肉，炸粉比較厚。
值得一讚嘅係餐廳老闆服務態度好好，睇得出佢已經儘力補救。事後諗起都有啲心有餘悸，雖然未至於有 PTSD 但都夠曬難忘 建議大家唔係唔可以去食，但食漢堡嘅時候不妨分開一層層咁食，睇清楚啲先擺落口
新鮮嘅沙律
更加新鮮嘅黑松露醬蘑菇芝士牛肉(蟲蟲)番茄生菜漢堡
张贴
