Mrs Fields Cookies (已結業)

如果你問我點解之前坊間果隻珍乜曲奇點解咁受國內fans垂青 以我咁嘅level真係答唔到你 不過如果你問我平時會幫襯邊間買曲奇餅食 我會同你講Mrs Fields囉 買咗4塊曲奇 埋單果陣見到有隻迷你muffin 官方稱為迷你杯子蛋糕 試下 買咗一盒一陣返歸嚟個high tea

Mrs Fields Cookies!呢到啲曲奇真係好好食!佢唔同出面個啲曲奇佢係軟的!有食過SUBWAY既就知道..呢到既曲奇係同SUBWAY個啲差唔多~不過呢到價錢貴啲但多款啲!而且經常有Promotion...e.g:買五送一同買$300coupon會送一張送四件的coupon!真係幾抵~今次買咗10塊送多兩塊~分別有:甘草莓白朱古力、牛油曲奇、牛奶朱古力、椰子曲奇、白朱古力曲奇、純朱古力曲奇每塊都各有特色!其中推介甘草莓白朱古力和白朱古力曲奇呢兩款~佢地係用白朱古力整所以好香而甘草莓酸酸甜甜好開胃!雖然呢到啲曲奇係有啲貴..但真係值!食過一次就愛上了!好多地鐵站都有佢分店所以每次經過某地鐵站都會去買好方便!

熊爸知我愛吃Mrs Fields的brownies, 就買了一堆與眾同樂抱住滿心歡喜的心情去食第一粒果仁brownies ... 怎麼回事!? 味道甜到漏, 還失去了朱古力那甘甘的味道 brownies質地亦欠缺了舊時的chewy, 一嗒就腍兼且有點乾到起砂的效果其餘的就留待其他人吃吧

Mrs Fields Cookies每日9:30PM都有「買3送3」優惠, 必定大排長龍!!! 由地鐵站內搬咗上康怡吉之島依然長龍...雖然好怕肥... 但係偶爾食吓都無妨吖... 自圓其說-ing, 哈哈哈哈...朱古力果仁曲奇, 朱古力合桃曲奇--至愛味道之一!!! 曲奇好香牛油味, 濃濃的朱古力味, 加上足料果仁, 曲奇的軟與果仁的脆撞出奇妙口感, 再加上黑白朱古力粒, 黑朱古力朱古力味濃, 白朱古力奶味濃, 溶在口中, 美妙極了, 百吃不厭!!!牛奶朱古力紅莓曲奇, 牛奶朱古力果仁曲奇, 牛油曲奇--呢幾款我麻麻地鐘意, 不過每次都會盡量試多d款, 唔會獨沽一味~ 牛奶朱古力紅莓曲奇牛油味重, 白朱古力粒奶味濃, 紅莓酸甜, 但不太搭配... 牛奶朱古力果仁曲奇牛油味重, 脆脆果仁加上白朱古力粒, 又脆又軟, 果仁好香, 白朱古力粒奶味濃, 卻欠缺朱古力味, 不是我喜歡的類型...牛油曲奇牛油味重, 但完全沒有配料下, 味道太單調, 而且咬落會太軟身欠缺口感, 不太喜歡...6片曲奇分開2餐食, 1餐宵夜1餐早餐, 剛剛好~ Yummy!!!我最最最愛的3料朱古力曲奇, 永遠都