MUSEe

营业中

休息中

如題$70嘅3餸飯外賣 佢畀得兩舊西蘭花會唔會太過份 個蒸蛋極咸 雞髀又老又唔入味然後佢包裝係非氣密嘅紙盒 根據政府網頁所講 係可以不收費提供膠袋要求提供袋裝住嘅時候 話膠袋要收$2職員態度亦係一個問題 該名職員表示佢地由紙袋變成膠袋好耐 作為客人係唔會知你地嘅好耐係幾耐 另外 佢熱食同沙律個價錢係一樣 但佢永遠都唔畀客人熱食加沙律 只可以全熱食 或者全沙律價錢由原本$68 有3餸 到依家加價$2 都唔緊要 黃竹坑真係美食沙漠 有似樣少少嘅食物已經好開心唔會再喺呢度買外賣

東南亞美食、西餐既菜式也可選擇款式多，味道好每道菜大人、小朋友也覺得美味，價錢適中侍應清晰介紹食物的配搭，服務態度也很好餐廳環境很舒適，燈光柔和，令人舒適，值得再去

今日去黃竹坑諗住去新商場搵嘢食，見到呢間兩餸飯賣$58雙餸，立即試試佢夾餸嘅時候前面位小姐（普通身形）已經覺得職員好孤寒，出聲問點解淨係得咁少肉？真搞笑。到我自己揀咗豬肉同雞。一打開得啖笑，兜亂晒，雞肉又少又生，得啲頭頭尾尾位！豬肉又鞋又少，最多就係咖喱汁，仲要極不好食！簡直侮辱兩餸飯！一個新商場一間餐廳做到咁應該都冇得救，但可唔可以對得住個良心？我都知要交租，但係食物質素就係咁？仲要喺個客面前畢完餸覺得太多肉，倒返出嚟再畢！有冇咁小家啊？

路過見到有下午茶，咁岩想食意粉，就叫左野菌忌廉扁意粉，啲野菌幾新鮮同忌廉醬都幾濃郁，配埋即磨咖啡都只係$64。即磨咖啡仲有唔同選擇。而且餐廳裝修靚，有格調得黎又坐得舒服。

平日lunch time單機幫襯左兩次，每次去餐廳都係滿座要等位，不過可以用GULU app攞定飛第一次食紅酒汁牛尾糙米飯，埋單連加一$8x，食物好食，環境又舒服不過第二次去，叫馬拉盞炒豬頸肉卷心粉，成碟粉好鹹好油，埋單要$101，覺得好唔值… 而且發現成個lunch menu其實都加左價未必再有下次…

係美食沙漠返工基本上有咩新餐廳開大家都會蜂擁過去依間多國菜我幾欣賞首先個裝修做得好好唔錯其次係入到去咩都有得食門口有啲高質外賣三餸飯嘅選擇坐低食又有西餐，東南亞菜等等選擇起碼一家大細行落去都有啲嘢可以揀而且喺南區嚟講呢間嘢都叫做中規中矩絕對算係抵食今次同同事就試咗一個泰式炒卷心粉其實就即係好似一般嗰啲泰國炒麵咁幾有鑊氣嘅同埋好惹味另外叫咗個喇沙湯就唔OK 淡到飛起蕃茄大蝦意粉都係好一般要瘋狂加辣椒仔先有味不過lunch嚟講仲送一杯免費嘅冰茶都算係咁就算嘢食一般般下次諗唔到食乜都會想行落去起碼環境有優勢乾淨舒服又夠闊落上菜時間都幾快手服務水準都有中等啲員工全部都幾Nice親切嘅重點係多款款式可以揀喺黃竹坑返工嘅朋友仔可以考慮考慮

第一次去the southside, 商場比想像中細, 行過見到MUSEe餐廳, 環境幾好就試吓晚市餐牌 並唔係套餐, 飲品或者餐湯沙律都要另外加錢, 相中只是晚市餐牌其中之一越南火車頭河粉（生牛肉.牛腩.牛丸.牛栢葉）$98，足料，但牛肉偏肥，湯唔濃，唔推薦原隻越南大頭蝦忌廉汁意大利麵,$158, 大頭蝦有鮮味, 意粉算多汁, 味道唔錯是日餐湯 加$12 蘑菇忌廉湯, 味道一般, 下次唔會再飲餐廳環境氣氛都算好總括: 味道一般，晚餐價錢適中，行過都可以試吓

唔錯喎，仲有兩餸飯！個Menu同啲菜式同之前IFC金鐘的Simplylife極度相似，但份量就多一些，（除了果茶，沙律，湯和麵包份量比Simplylife少，但我不介意，最緊要main course份量多），一樣咁好食，但價格稍為便宜。門口counter仲有take away兩餸飯，$68，我是堂食，但都想試吓那兩餸飯，有炆牛尾，炸魚塊，大大隻雞髀，炒西蘭花cum椰菜花,大大盒真係好OK啵. 我堂食，和朋友點了炆牛尾糙米飯及laksa, 味道唔錯。我諗佢都會逼得Southside其他餐廳加把勁！只可惜喇沙和相片不符，缺少了兩件豆卜，豆卜塑料喇沙的汁這應該超級好味的，但這碗卻偏偏走了兩粒豆卜，我們追問waitor他竟然說話我們那碗不是喇沙，所以沒有豆卜，佢真係傻咗，唔通我食完都唔知嗰碗係唔係喇沙？

剛一星期前開始有tea set，即和友人到訪試試😄 Tea time ☕️2:30-5:30pm Mon to Fri💥班蘭咖央多士配香蕉+泰式奶茶👉香脆多士沾滿咖央再加上一片牛油，另以焦糖香蕉件碟，整體口感豐富，但個人感略甜😂👉泰式奶茶濃郁茶味，香滑可口，煉奶過甜。。。。💥蘑菇芝士飽配薯條+Americano👉芝士+幾類菇菌+菠菜蓋在香草飽上，份量甚大，調味剛好，香草飽軟绵。👍👉Americano 濃度適中帶微酸😄

今日午餐點了份英式全日早餐。這份早餐包含了新鮮的蕃茄和香氣撲鼻的蘑菇，為整體增添了豐富的口感同自然嘅味道。另外都係面包上加左牛油果蓉，雖然份量少左啲，但都算提供了健康的脂肪，讓今次嘅午餐變得更加有營養同十分均衡！！！之後炒蛋都可以食得出經牛油調配的味道同埋食落都好滑，真係有種入口即溶的感覺，做得唔錯。最後雞肉腸都好合適我嘅口味，雖然本身小食香腸但都可以接受。而煙肉則為整道餐點增添了濃厚的香氣，外皮有點焦燶但整體都十分鬆脆可接受。選擇這款菜式主要都是因為這些食材都十分合乎我的口味，所以嘗試一下結果發現都不錯，推推推！！！

今日星期四個兩餸飯麻麻地，個男職員有點問題，三文魚好似比得一半，蒸水蛋太小，沒有外賣餐具$56兩餸飯有點不夠飽（昨天星期三個女職員比較還好，兩餸十分飽滿，有外賣餐具）

無去the southside 3 個禮拜左右，又開多幾間新食店了，一路上樓層搵野食，搵到依間MUSEe, 見到門口個menu 好似價錢ok woo , 又裝得幾好，所以入去試吓啦⋯⋯零等候但見都七八成入座，員工同餐廳style吻合，著causal wear 唔係著制服，出面門面連水吧位有pizza donut ，drink 賣… 入面就堂食。叫左紅酒慢煮牛臉肉配紫蕃薯、白酒煮蜆•辣肉腸扁意粉、一個餐前菜：香蒜油浸蝦•黑水欖•水瓜柳 •車厘茄，跟餐有杯凍果茶，如果其他特別drink 就正價.個餐前油浸蝦真心推介好食，個蝦唔係雪藏野（應該係掛😂😂) ，個配菜好match 好開胃，$68 底👍；牛臉肉好嫩，唔‘hi’ 口；個pasta 唔差，個蜆肉肥美，加左辣肉腸片好夾。依間CP 值好高，會再回頭的….埋單320👍👍👍👍