My Little Coffee (已結業)

之前仲係屯門工廠區仲食過一間黃色漢堡叫做casa blue開係恆威1樓但其實個位於係大廈外圍有d難搵係21年年頭已經執左果時見佢有羊肉漢堡覺得幾特別個包無咩羶味但都幾juicy幾好食薯角都只係需要加六蚊野飲就要左自家製冷泡茶一杯仔咁咁其實佢餐牌仲有款有6安士全手打100%純牛肉漢堡餐廳算係全自助式但已經無機會試得到我覺得係區內算係好高質加埋都係六十幾蚊好好好抵食都幾多工廠佬黎食希望將來有機會捲土重來啦

星期六lunch time去，唔使等位，但keep住都有人黎食，生意唔錯見多數人都係黎食牛堡，我就揀左香辣羊肉漢堡＋薯角＋自家制桃味冷泡綠茶試下一拎上手，嘩，好大個！仲要feel 到佢啲熱辣辣嘅肉汁流哂響張紙度打開一陣好香新彊菜嘅孜然味，羊肉唔騷，雖然話香辣，但就一啲都唔辣，就算唔食得辣都可以食，啲肉勁juicy, 食哂都唔覺得膩唔覺得滯薯角係冇皮嘅，正建議食左啲薯角先，因為處理完個包先食佢就會淋左個桃茶好解膩又少甜，唔錯👍🏻除星期一外，聖誕節果幾日佢唔開呀，記得check左時間先去

早前喺報咗d興趣班喺屯門工業區度上堂，咁岩星期六都要返學，老公就過左黎同我食飯，揀左間食burger嘅地點都算低調，真係要跟住openrice嘅提示搵到間地產舖先搵到點行上去🙈唔知係咪星期六嘅關係，無飯餐提供，不過都唔緊要，我地主要想試burger點左一個手打牛芝士漢堡同他他醬魚柳堡餐飲點左熱朱古力同冷泡綠茶味道唔會太甜手打牛肉芝士漢堡有驚喜，大份、juicy，呢個價錢食到手打牛漢堡真係好抵👍🏻他他醬魚柳堡吉列炸，相比起手打牛堡就覺唔魚堡比較普通喇，雖然都好味另外跟餐叫左一份薯格👍🏻下次再黎會想試埋佢個羊堡🤤

星期六要喺屯門工業區返學，周圍都無乜嘢食，之前聽日講工業區有間食burger嘅小店，原來就喺返學嘅斜對面！叫《藍屋》CaSa Blue@My Little Coffee喺樓梯口已經放咗一塊黑板介紹食物！上到去勁多人喺門口等位，雖然得一個鐘食飯時間，但都要堅持等落去！(等待期間有一行十一人要嚟食，可惜太多人，無位!!走咗！)終於坐低叫嘢食，我叫咗個車打松露雙菇純牛漢堡（6安士）加$6就有薯角，我其他同學仔分別叫咗他他醬芝士魚柳堡同自製手打100%純牛肉芝士漢堡（6安士）！飲品可以優惠價加錢換，我就叫咗杯自家製冷泡綠茶（水蜜桃味)!自家製冷泡綠茶（水蜜桃味）比想像中淡，少甜幾好，可惜無乜香味！而Cappuccino都幾香，亦唔會太甜，不錯！車打松露雙菇純牛漢堡份量十足，厚厚嘅漢堡扒配上黑松露醬夾住菇菇，好滋味呀！漢堡扒大約七成熟，每啖都有肉汁，可惜黑松露味唔突出，好難食得出，但整體嚟講都好好食，大滿足！薯角食得出新鮮製造，香脆而厚實，唔會太鹹，正😋而且份量十足🤩我啲同學仔話佢哋個他他醬魚柳堡入面塊炸魚柳炸得好脆，size等於一個女仔手掌咁大，唔油膩，同他他醬好夾！好好味！自家製100%純牛

本身去呢度食嘢係想飲下佢既咖啡既，咖啡是可以的，但我竟然係比佢個牛肉漢堡吸引，份量足，好食，但為食嘅我再加多個薯條，最終我比最高分嘅係個牛肉漢堡，值得試吓呀難怪鋪仔細細，仲要係工廠大廈，都好多人幫襯

本來屯門已經係山區偏遠地方呢間良心鋪頭仲位處屯門工廠區真係夠曬隱世😦🍔6oz 100%手打純牛肉芝士牛煲🍔 -$44首先成個漢堡真係好大個 好難一啖咬得曬我同朋友每人食2/3個都飽咗😂但burger一黎就歪曬😔.包入面有牛肉 番茄 生菜 洋蔥 牛肉真係落足料✨又厚又大塊✨麵包冇烘過 食落鬆軟 但食得慢就會比肉汁整淋如果預先烘脆會更好😌牛肉嘅熟度啱啱好 好juicy✨一路食一路噴汁滿口牛香🤍 不過又唔會有油膩感✨配埋番茄同生菜🥬抵食又好食不足嘅係佢嘅咸味幾淡重口味嘅朋友就要自己加鹽啦😌btw啲汁滴到成枱係 都真係幾狼狽😂我覺得未到必試😌______________________________入面嘅座位唔多 不過都唔會好逼環境衛生 有唔少盆栽 裝潢以木色為主職員有禮貌✨去到係以食客手寫形式落單✨之後再自己拎餐✨算係自助店喔✨

星期五同同事出街食lunch其實工業區好小選擇唔係碟頭飯就係飲茶今次同事帶左我去食cafe首先地方好偏僻 可能行過都見唔到不過唔緊要 但都好多人去佢出面既環境係有d花花草草既盆栽好似d花園甘（掛住同同事傾計無影）而裏面有2間 一間比較細一間比較大小小 可坐多少少人佢落完單就會要你俾左錢先餐都係自己拎既薯角另加 好好食 黎到要即刻食左先 又唔油外脆內軟burger 好大個 基本上我係一口咬到要分開黎咬麵包鬆軟 牛肉多汁 所以要小心d食 d汁同醬 好易流出黎牛肉係堅厚 啖啖肉 牛味香 我係完全食唔曬個包 太大個好足料最後杯蜜桃綠茶 真係好飲 唔甜 重好消濟食到甘飽飲杯野 慢慢攤到夠鐘翻工真係一個好好既lunch hour 傾下計 食下午餐加埋都係57元食完記得自己收d垃圾

先來兩張在上年年末仍未封關，攝於美國Shake Shack的牛肉漢堡，再對比現在My Little Coffee的出品。我肯定的說，My Little Coffee比美國正宗做得更好。我非常喜歡吃薄餅及漢堡，在美國加拿大座長途車又或晚上空閒，都會光顧流動美食車或漢堡店，基本是賣十美金一個漢堡包。但不會如香港般講究牛肉質量，美國只當作是快餐是簡餐而已，只在乎麵包大小及醬料配搭。朋友言談間介紹My Little Coffee，翌日立即驅車前往，車泊在樓下五金店旁。順帶一提此五金店如寶物庫，只是手套都有許多款式，產自歐日，買了些高質防水防割防油手套回家以備不時之需，還有一桶消毒綠水才賣$30元，如獲至寶。咖啡店在二樓平台，踏上樓梯即可看到。兩舖相連，閉門深鎖，時間尚早，以為仍未營業。開啟玻璃門，被店員指示往鄰店就座，間格一邊是廚房一邊是客座，中間正方小洞子連貫兩室，用作落單及出餐。店內播放輕慢純音樂，柔和淺黃燈光，塗上南美風格孔藍油漆，懸掛幾個麻包咖啡豆袋，舒服寫意。員工男女各一，男士負責廚房，女士負責收款及沖調飲品，自助形式運作，到小洞下單付款，叫號自取食物，完膳後自行清潔離開。餐牌簡單，

呢度真係好偏遠嘅小店，我揸車去都搵咗好耐。餐廳內冇幾多位，可能坐到10個客左右。今次同兩個朋友去食下午茶，叫咗三個牛肉漢堡另加咗薯角，60幾蚊食到好味嘅漢堡同牛肉真係非常抵, 牛肉好juicy, 唔會乾爭爭，樹國又啱啱炸好，熱辣辣非常之好味。尤其是特別欣賞我叫個杯flat white ，口感好滑。但可能都講吓個人感覺，因為間鋪太細啦，又可能無做太多調查，原本諗住同朋友去傾吓計，點知隔離枱嗰個人坐到好似同你搭枱咁近，開頭都有啲唔習慣但整體水準非常好！

推薦：抵食好食！！缺點係位置偏遠，冇晚巿，同好多人食要等位😂😂因為冇位，所以坐outdoor，叫左凍Mocha。我唔食牛，叫左朋友試，佢話好好食。我自己食雞堡🐔🐔🐔有一大塊菠蘿，同熱辣辣雞扒，簡單但好食。食完覺得咁難得黎到叫埋蛋糕蛋糕都好好食，唔知佢地自家制定買番來解凍，但味道真心好，有驚喜❤️

最近見到朋友去過呢間Cafe食嘢，睇相都覺得吸引於是就黎試吓平日lunch hour 去都full full地，睇完個menu發現呢度原來除咗burger仲有飯食，但係我去到嗰時已經賣晒。最後我哋帶咗一叫牛、一個叫雞burger。加薯角、Chocolate Fudge Cake, mocha 同蜜桃🍑綠茶🍵薯角都係新鮮炸起熱辣辣又大隻唔好睇小個burger，都好大隻下。入面嘅手打牛肉份量足，仲juicy, 配埋爽脆嘅生菜🥬好match! 如果芝士可以溶d同多d仲正😋雞堡塊雞又大又滑同埋菠蘿🍍一齊食正👍🏻飲品都好飲。mocha 朱古力🍫味出d會更好。蜜桃綠茶唔會太甜，而且好解渴！朱古力蛋糕上面有脆脆、中間有兩層cream, 但唔係好甜。

工廠區內可以有一間性格小店cafe 真難得是日叫了一杯ICE mocha 及雞扒溫泉蛋飯雞扒個皮好脆，照燒汁的濃度剛剛好，不過個溫泉蛋不夠流心，有進步空間Ice Mocha 也是中規中矩旁邊的乘客不斷大讚他的漢堡及薯角下次可以來試試

今日帶咗mama去呢間隱秘咖啡店，其實我都好想試吓佢個漢堡包，但由於頭先食得太飽啦，所以我就只係嗌左杯cappuccino，而mama叫咗杯Latte，呢間鋪頭係自助式既，落單同埋拎野都係自己黎。坐左一陣，我同mama都覺得間鋪頭環境都唔錯，幾舒服。講返杯嘢飲先，杯咖啡我覺得都唔錯幾好飲，mama都覺得幾滿意。下次再黎會試吓個漢堡包。

今日去左朋友介紹CP值好高嘅My Little Coffee!一向都係burger迷嘅我，知道工廠區入面有間CP值非常高嘅cafe，當然要去潮聖啦！隨性嘅陳設，入到去好有小島小店feel❤️我叫左個招牌手打芝士漢堡配薯角同熱cappuccino ，朋友就叫左個Americano同羊肉漢堡配薯角。自己覺得手打芝士漢堡好好食！有豐富嘅肉汁，有牛肉味配埋洋蔥好夾👍🏻個薯角帶微辣同樣岀色！加埋咖啡都係62蚊，真係CP值非常高，唔怪之得咁多人食，坐滿晒人！我相信呢間我會經常去，抵食又好食👍🏻👍🏻👍🏻👍🏻

以為係屯門工業區就淨係得茶記，估唔到開咗間小店。工廈裡面嘅小店喺1樓，lunch 都幾多支持者，遲咗去就要等位了，小店嚟講都坐行幾舒服。我哋叫咗羊肉漢堡同普通burger 再加薯角同coffee , 2個漢堡都好食，羊堡仲有香料味！夠juicy! 薯角係即炸小小辣非常美味！而咖啡就預咗好飲(因佢其實有咖啡豆賣)價錢一人一個burger +薯角+咖啡，大約$6x，非常抵食🥳留意佢有時會close, 去之前最好check 下先