My Thai Bar & Restaurant

营业中

休息中

清大假入左去大嶼山行下. 唔係好想行山, 改去行outlet, 個商場真係好大下, 行行下都冇乜mood. 所以諗住去附近行下, 其實冇乜好行, 反而撞到個舊同事, 正想搵個地方坐低聚下舊, 見到間泰國餐廳, 唔算太大, 但裝修都幾特別, 顏色反差都好大好搶眼, 所以就試下佢. 環境其實都OK, 服務員都有禮貌笑容. 至於食物方面其實都算唔錯, 例如個菠蘿炒飯好夠鑊氣, 熱騰騰咁, 另外叫咗咖哩軟殼蟹農夫包, 呢個都抵食, 足料, 夠3-4個人分乾咖哩虎蝦, 都好大隻新鮮, 雖然都有少少貴, 但都值. 仲有個生菜包, 四個人食四個菜, 加埋飲品七百幾埋單, 就咁天南地北就傾左幾粒鐘. 

上星期去完愉景灣玩，就坐番車出東涌食晚飯！大家一致決定話食泰國菜，咁我即時揾吓邊度有泰菜揀！🤩🤩🤩登登登👉🏻比我揾到係《My Thai Bar & Restaurant》 大家都好肚餓🤤menu內最正除咗泰菜之外仲有西餐可以揀！唔駛驚小朋友怕辣食唔到都仲有多樣選擇！🪻泰式雜錦拼盤🪻鮮蝦柚子沙律🪻海鮮濕炒河粉🪻咖喱軟殼蟹農夫包🪻燒原隻尤魚🪻芝士焗通心粉⏩️我就最喜歡個拼盤，多款選擇又款款好食😋⏩️老公就話鐘意柚子沙律好開胃，個汁調得合到好處⏩️仔仔就緊係芝士啦，佢係「芝士🧀️人」丫嘛🤭所以一定係呢個粉最合佢心意⏩️細佬就話個濕炒河粉🍲最好食，滑流流嘅河粉又真係冇小朋友不愛⏩️契仔就竟然最愛燒尤魚😍我諗佢食咗半碟😆佢話好香口，仲要唔靭小朋友先容易咬開呢度好似好遠咁，但其實我哋黎開東涌行街shopping完，或者好似我哋咁，去完愉景灣個playhouse玩，都可以過嚟一試！由東滙城行嚟好近架咋！

個日去左機場送機，所以係個邊揾左間食泰國菜既餐廳🍴個雞翼扎肉撈檬，D雞翼🐔炸得啱啱好，咬落去嘅時候D汁流晒出黎😋加埋魚露汁雞絕配，口感濃郁多汁另外，個無骨鳳爪沙拉都好開胃，酸酸地又冇雪味🥗❄️餐廳嘅環境整體上都唔錯坐得都幾舒服。結論：絕對可以encore！👍🏻

📍My Thai Bar & Restaurant (東涌)東涌海濱路12號藍天海岸商場地下9A1號舖==============================今日放假約埋朋友一早去東涌行outlet,行完就去搵野食，因為東薈城周圍都好多人，所以就唯有行遠d去到藍天海岸果邊搵野食，竟然比我地搵到呢間泰國菜，仲有戶外位坐，依家天氣涼涼地坐出面超舒服😌==============================泰式喇沙湯粉🍜呢款喇沙湯粉湯底好濃蝦味，微辣麵質彈牙，上面仲有幾塊蝦片,好有泰式風味🇹🇭蒜茸炒時菜半份🥬時菜揀左通菜，d菜都嫩唔會好多渣👍🏻自家製龍眼冰🍹龍眼冰好清甜，仲有幾粒新鮮龍眼😍

前幾日同男朋友去咗東涌行下，禮拜日商場啲餐廳排晒隊，唔想等咁耐就決定行出去試下依間朋友推介嘅泰國菜，又真係幾好食喎叫咗兩個主食同一碟小食，份量都幾多幾足料，一定夠兩個人食。扎肉雞翼撈檬好惹味，雞翼炸得啱啱好，唔會太乾爭爭，加埋魚露一齊食好開胃。海南雞飯最怕就係啲雞鞋拾拾，同埋有雪味，但呢度又唔會，啲雞食落去幾滑身，份量絕對唔少。杯青檸特飲唔會太甜，啱晒要減肥嘅我哈哈。 餐廳佈局幾舒服寬倘，啱晒一大班朋友食飯傾計！

前兩日Daddy生日，去左東涌outlet買野比佢，順便去呢到食飯，原來除左東薈城入面，行遠少少都有甘出色及既泰國野。我地叫左幾樣野，無骨鷄爪、海南鷄配黃姜飯、泰式乾炒河粉，價錢一定平過東薈城食，但就要行遠少少，位置都吾算難穩。講反D野食，無骨鷄爪酸酸甜甜，而且非常爽口，有時有D餐廳雪太耐、放太耐會有振怪味，但呢個完全無。海南鷄既肉質非常話滑，同樣都係無唔應該出現既怪味，個河粉都好有鑊氣，呢幾樣入面我最中意呢樣。總括而言，除左位置真係遠左少少響東涌，整體來講，環境、食物質素都極好，如果來開呢邊行街都不妨可以行遠少少，而且家父都好滿意。

早幾日”提早”收工，難得正常午餐時間返到屋企附近，就順便食個飯先返去。雖然唔係第一次食My Thai，但咁岩試左依碟炒飯覺得真係好得，而且佢地上菜幾快手，所以推薦俾大家。泰式雞肉菠蘿炒飯，金金黃黃好吸睛，飯量夠多有穫氣。中間混合青豆、粟米同拌碟蕃茄，感覺帶D纖維，好似健康D營養均衡D。雞肉量唔算豐富，但好嫩滑，唔會炒到乾柴。菠蘿酸微微，加入炒飯底減少油膩，就更加開胃。頂層加左不少肉鬆同腰果，食落更加惹味，亦都添加整個層次感。

泰國菜味道通常都會比較濃郁因為泰國有很多香料，讓食物的味道更加豐富所以間中食一兩餐就好，食得太多怕會水腫今天就來衝擊味蕾啦！其實我第一次食巴東牛展，不要看到小小的一碗，裡面有5-6塊牛展，而且是厚厚的，啖啖肉，味道有點辣，送飯一流最讓我驚喜的是很有牛肉味如果胃口大的要試一下。雞肉冬陰功湯粉材料豐富，喜歡冬陰功酸酸辣辣的，十分開胃，湯粉除了雞肉還有菇和泰式香料，而且有多款麵類可以選擇。不得不提餐點的份量都很足，雞肉和麵量都很多！值得再次光臨

嗌外賣，早上大約11:00am已落單，想12:00送到，職員話要12:15先到。諗住遲少少都ok就照落order。點知到12:30都未黎，打去問佢先話岩岩出車，等到12:52 先送到，足足遲左大半個鐘。我個lunchtime剩番15分鐘比我食… 你遲唔緊要，你送唔倒咪預早同我地講，我地最多cancel張單。好多機場區員工都會貪方便嗌呢間野外賣，但你送餐服務做到咁，點幫襯呀？個炒飯仲要勁少雞肉… 絕對唔會再幫襯呢間野

雞，全部都係雞~又食海南雞飯！香港今年真係熱得離譜，搞到經常都想搵D東南亞嘅餐廳，好似特別有feel咁。依間海南雞份量幾足料，望到啲黃皮已經加咗分。表面令面，雞肉、雞皮同脂肪比較夠平均。唔會肥膩，又唔會煮到乾柴，「鞋」肉。油飯色澤唔錯，乾濕比例好，算做到粒粒分明，唔似糊仔米飯咁濕淋淋。另上醬汁純粹當Bonus味道，因為主食本身已經入味，差在睇下個人係咪鍾意再重口味D。我就覺得唔沾醬都好OK~

今日lunch 想食泰國嘢, 叫左外賣拎返屋企食, 貪佢平, 42蚊有湯有嘢飲,星期一至五每一日都有唔同款叫左個青咖哩牛腩配白飯,辣辣地,椰香味出另外加左$15印度煎餅,配咖哩一流

最近遠道去東涌探朋友，到咗午餐時間佢話帶我食好嘢。朋友群之中佢都出名對食要求高，心諗依度係美食沙漠會有咩好嘢呢？原來係屋苑包圍下嘅小廣場有間「隱世泰國餐廳」。室內設計有啲泰國貴族風，以柔和色調配搭，令人感覺舒服放鬆。中央位置設置飲品沖調吧，成個觀感更增添氣派。另外食物方面，夏日炎炎個人想食濃味野開胃下，於是揀咗黃咖哩牛肉飯。牛肉份量多，肉質嫩滑，配上濃郁黃咖哩十分掛汁。微辣黃咖哩帶有清甜椰奶味，質地濃稠。以咖哩粉平衡整體咸度，配上小蕃茄天然酸甜味，入口順滑舒服，開胃下飯。朋友果然無介紹錯，下次去outlet 行街可以過嚟自私食，或者一大班朋友係度搞飯聚都係好選擇。

一向俾人叫美食沙漠嘅東涌 竟然有一間好好食嘅泰菜😍😍 係用言語都無法解釋到嘅感動🥹 嘢食份量足夠👍🏻 足味足料‼️冬陰功湯河🔥酸辣味做得好足夠！當中椰味都唔會冇咗✨入面仲有啲蝦🦐 新鮮唔會梅 菇類不過不失 唔臭就得👍🏻 以後東涌街坊食泰菜唔洗下下都要出城啦 東涌就食到珍多冰❄️夏日熱辣辣🥵食完熱河粉要飲番杯凍飲🫶🏻 非常重椰味 唔會溝咗水咁款 入面配料都俾得幾多😚呢一餐真係好滿足呀😆😆‼️‼

本人係常客，發覺員工態度愈來愈惡劣，沒有改善，近日更對身為客人的我無理取鬧，令人受氣，吃本來是令人開心的事，但這間店員工實在過份，不會再去，劣評！！！此店內員工簡直為老闆倒米。

泰國野好醒胃，酸酸甜甜，最岩冇咩胃口的日子。今次介紹東涌呢間泰國餐廳。位置上佢都唔近地鐵站，從地下鐵行過黎要大約五至十分鐘左右。職員好似都係泰國人，服務態度良好。值得一提的係餐廳的裝潢好泰國風，燈飾紅紅紫紫，配上紅色的牆身，所以餐廳都偏暗。食物方面，我地點左青木瓜沙律，冬陰公，香葉辣肉碎炒飯。每一樣都幾好食。同侍應口中得知部分食材係在泰國運返嚟，難怪咁有泰國的風味。總括黎講，呢間餐廳都值得一試，雖然價錢上佢唔係平。