NeNe Chicken (新都會廣場) (已結業)

一早約左幾個朋友去呢間明星效應既炸雞店，去到攞飛排隊等位都唔算太耐，等左大半個鐘就有位，因為限時90分鐘，所以要齊人先入得既！由於係等位期間已唸定食咩，所以一坐底我地就叫🐔🐔，我地叫左2款炸雞，韓式甜辣炸雞+大蔥炸雞；本來想叫輕量級蛋卷，點知話冇（心唸有點奇怪），迫住食勁量級蛋卷！炸雞先上，賣相一般，甜辣炸雞個醬偏甜，大蔥雞個汁就冇咩驚喜。勁量級蛋卷黎到，睇個樣都ok, 口感都唔錯！整體黎講一般，服務人員都係，唔知係咪太忙，語氣不太溫柔；另外，希望店內注意碗碟器皿，每隻碟都爛左幾個位置

韓色炸雞店襲港，最新開了著名韓國藝人劉在鍚代言的Nene's Chicken，以「雞」為全菜式之選。Nene's Chicken的裝潢很簡單，有點像快餐店的感覺，炸雞、烤雞有多款口味，有骨無骨、單併雙併任均選擇。三個女生的開年飯局，揀了推介的韓式甜辣炸雞和蒜香炸雞（雙併），還有瑰麗芝士雞，真係雞全部都係雞！三種口味都各有特色，甜辣口味很開胃，而且也不算太辣（符合香港人口味）；蒜香炸雞蒜味不濃，但吃下去很惹味；至於瑰麗芝士雞略嫌芝士不足，伴碟的薯條似乎炸得太過硬脆；至於炸雞不算太過油膩，但咬下去炸的熱度一般，可能店內冷氣太大令雞很快變冷？？　至於飲料點了 Shark Attack和柚子梳打，沒有太大驚喜，而且定價也有點貴。姊妹開年飯局，選了大熱的韓食炸雞新開的店子，但四隻碟子有三隻都有破口。。。炸雞可以點無骨雞柳、雞翼或雞槌甜辣雞很惹味，而且不會太辣芝士雞的配搭很fusion，有薯條、意粉，或是韓式泡菜炒飯瑰麗芝士雞的賣相很不錯，要是韓國吃到的話，應該整盤都是滿滿的芝士！雞肉算嫩，不過炸粉好像厚了一點，也不夠熱騰騰餐飲一點也不便宜，店員不會主動給水，要詢問才會倒給你稍為有點睇頭的汽水，味

新都會廣場終於都裝修完一部份．有返D食市．而未裝修好已經開名會開既Ne Ne Chicken 係我期待既食店之一😌開左即刻去試下先！ 每次Lunch經過見好多人起門口．由於新店就想試既關系連餐牌都無睇過．入到去座底睇餐牌就發現大獲了🙈成個餐牌每樣野都重量級咁．我地得兩個人到底食得D咩？無唸過Lunch唔會有D輕量小小既Set．唔怪得每次門口咁多人．無三五成群起呢間食店根本食唔到幾多野🤔建議多人先好去！由於無可能食得晒我地唯有點正常係最出名既炸雞啦．．．我地叫左雙重滋味炸雞今次試招牌+初雪炸雞滿心期待既炸雞上檯．見到仲有芝士薯片即刻心心眼左．但一放入口😰點解實同唔脆既😵失望．．．再先試招牌炸雞．皮係好脆但肉無乜味唔夠滑初雪炸雞味比較濃同香．都可以接受．但又未到食完想再食．D雞又偏細隻．有D根本食緊炸既脆皮裡面得舊骨肉都無😳點解可以咁既？？飲品佢同一般炸雞店一樣有韓啤有酒既特飲．但由於仲係lunch之後要返工既關系．我地只係點左梳打我揀左青提子梳打．都幾好味！仲有好多其它野無試過．再黎既話真係要多人先OK．可以試多D款

韓風持續大行其道，舊區商場相繼開了韓式食店，而葵芳新都會廣場緊貼潮流又開了一間NENE CHICKEN。身為美食公主的我當然要搶先試菜，第一日職員在店前準備多塊炸雞免費試食，原味炸雞塊皮很香脆，肉質雖沒有肯得基的雞上脾般滑嫩但不會Over-cooked至太乾韌，不妨一試～  進店時得知今天只有炸雞，沒有燒/烤/焗雞，我和朋友是想食炸雞，故不掃興。餐碟印有公雞圖案很可愛，點餐後先上前菜，貌似西瓜，但原來是酸瓜，口感爽脆，酸味清新醒胃。雙重滋味炸雞(無骨雞件)，一次過試哂兩款口味——香蒜芝士味及甜酸醬味。 香蒜芝士炸雞，佈滿蒜蓉芝士粉的雞皮炸得厚身而香脆，乾身而不油膩，雞肉入味充滿芝味，加上脆脆的香蒜芝士薯片，三重「芝」味！甜酸醬味炸雞，口感則相反，炸雞皮佈滿醬汁但沒有因汁多而軟塌，依然有微脆口感，肉質軟腍，肉汁豐富，味道猶如中式糖醋排骨般酸甜醒胃又消滯，平衡了香蒜芝士味炸雞的乾燥感，相得益彰！滋味無窮，份量十足很飽肚，我們差點吃剩，而隔離枱二人顧客更要打包，外賣盒$1個。份量適合4人以上用餐，下次要帶多d朋友來，一次過想試多d口味，而朋友則建議要設2人餐讓顧客有更多組合選擇。

聽聞nene在葵芳開了新分店，嗜吃炸雞的我們當然也不會放過這個機會，來朝一朝聖。傍晚時分，店內只有一枱客人，所以不用等位便可以直接進入。先問店員有否松露蜜糖牛油炸雞，店員支支吾吾說不出來，只叫我們選擇其他炸雞。再問另一個店員，也是什麼都不知道，真叫人失望！一間店舖的店員們竟然不清楚自己工作的食店有什麼吃，雖然我明白這是新店，店員對餐牌未有深入認識不要緊。但對於客人點餐上的疑問不去尋求答案，反而只叫客人點其他食物，這樣的服務質素還有更多改善空間。最後，我們點了初雪炸雞和韓式香辣炸雞的雙拼(去骨)$202，等了很久，炸雞到了。初雪炸雞表面灑了薯片及不少帶有甜味的芝士粉，外皮香脆，但炸雞沒有雞味，整個口感單調，只有脆、甜、鹹。而韓式香辣炸雞有過多的醬汁舖滿炸雞，醬汁味道不太討好，吃了一件香辣炸雞後，便沒有意慾再吃。這次炸雞之行，令人大失所望。