NUTTEA (灣景廣場) (已結業)

NUTTEA: 用左五種堅果研磨而成既奶蓋茶之前朋友極力介紹一間用堅果奶做奶蓋既鋪頭比我，最近就開到黎荃灣，趁住今日得閒就去試試🤣舖頭係位於AEON超市隔離，採用左木系為主題，而且旁邊放在5種堅果，原來係佢哋用左呢5種堅果黎製作“堅果奶”，包括腰果、榛子、杏仁、核桃同埋澳洲堅果😙真係真材實料呀！係仔細睇下，原來佢既奶蓋只有堅果無加到”奶”，我無講錯！佢哋既奶蓋同出面個D用芝士、牛奶個D唔同，佢哋除左無加奶之如，仲係透過冷壓研磨同乳化而產生堅果漿，之後再用過濾水乳化🤩製作過程寧捨特別，而且仲好健康添！作為一個抹茶粉絲，二話不說就揀左呢杯排名第二既宇治抹茶堅果奶蓋茶($40)！佢既奶蓋好厚身佔左成杯既1/3，而且上面仲鋪滿左一粒一粒既堅果碎，睇落同平時既奶蓋好唔同😆第一啖先試下D奶蓋，比較厚實挺身，我都真係第一次食咁香堅果味既奶蓋，好特別好特別🤩佢哋仲比左一個小鏟仔客人黎鏟D奶蓋黎食，都幾得意😍抹茶味道唔會好苦澀，搭配落堅果奶蓋都幾特別，成杯飲完都唔會好膩😋大滿足！📍NUTTEA (灣景廣場) (荃灣)荃灣大河道88號灣景廣場購物中心AEON超級市場地下G15號舖

疫情咁嚴重，好多野做唔到，搞到心情都嘛嘛地。呢種情況，最好就有一點甜既野氹下自己😏同朋友傾開，想飲啲甜得黎又比較健康既野～朋友一聽到就介紹左呢間用堅果奶做主打既鋪頭俾我～心裏面就默默bookmark左，有機會就一定要去試。😼今日落雨天，口淡淡，最好緊係飲番杯好野調劑下心情🤓放左工，拉埋男朋友搭去荃灣西鐵，跟水牌去AEON出口出～一直行就到啦～超方便～入到AEON係近雪櫃果邊直行就到架啦。一到埗，立即睇下有咩飲品推介先！好多口味～花多眼亂，但奶蓋一直係首選，所以都focus係果行飲品list~咦～見到伯爵朱古力堅果奶蓋茶咁特別既，有齊哂我鐘意既元素～仲有3粒星星推介，就試試佢啦。男朋友就揀左四季春堅果奶蓋茶～因為佢鍾意簡單既～而且都有一粒星星架。由於疫情唔想喺出邊飲，我都盡快趕番屋企品嘗。伯爵朱古力堅果奶蓋茶😋，我叫左少冰，杯蓋上有教學，我都有跟足架，當一大啖飲，入口係濃濃既奶蓋，係飲得出有堅果味！有別一般奶蓋～奶蓋堅厚😂加上有伯爵茶底，整個感覺唔漏，伯爵茶味好出！👍最後將奶同茶攪拌埋一齊飲，朱古力都唔會搶走個堅果奶同茶味。四季春堅果奶蓋茶😋，同樣少冰，雖然我飲咗個朱古力奶蓋茶，再飲佢嘅

主打果仁堅果🌰茶♪───Ｏ（≧∇≦）Ｏ────♪健康之選 NutTea平時飲珍珠奶茶水果茶多堅果奶堅果茶係一個幾好嘅選擇灣景廣場地下 Aron超市入面裝修簡約美🤓應該開咗冇耐 好新淨(._.*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*我叫咗個伯爵朱古力奶蓋😎喂 堅係好好飲上面嘅奶蓋同埋朱古力係用匙羹畢尼食 鹹鹹地帶有香濃朱古力味奶香味🤪 食到咁上下嘅奶蓋可以停手先剩返一半用嚟撈勻伯爵茶一齊飲 Yo 學Mirror話齋 飲出個天地!冒一次險 發一次電😆下面係個menu. 主要 分堅果奶 堅果汁 奶蓋 咖啡即將湧出新一批幼齒 試左再講！😝

成日星期三都會入Aeon買野，總會經過這間店，但一直都未試過！今日心血來潮去試下先😋望下menu先，佢同其他飲品店最唔同既係，佢地採用堅果奶去沖製飲品，而唔係採用奶精或者牛奶之類去沖製，令到一d本身對奶敏感既人，可以飲得更加放心👍👍而佢地店面採用左木系做主題，旁邊亦會show佢地會用邊d nuts去製成個飲品base, 提高透明度🤗今次我同朋友叫左兩杯都係top 1既飲品，分別一熱一冷，試下係咪真係感好飲先今次叫左伯爵朱古力堅果奶蓋，凍既！！同埋紫米堅果奶，熱既！！野飲來到啦🎉🎉野飲好吸晴，因為厚厚既奶蓋鋪面，仲有濃濃既朱古力粉灑在面頭，底下係我最鍾意既Earl Grey🤩店員仲好細心教我地點飲👍首先係試食下個奶蓋先，5....好濃既朱古力味道，再黎45度去飲下茶同奶蓋既感覺，嘩！！好清香既伯爵味，奶蓋同伯爵茶混埋一起好夾😙另一杯熱飲都到了🎊第一啖飲落去係紫米露既感覺，不過佢比正常甜品店既甜度淡d, 但對我黎講剛剛好，整體都好好飲，飲依杯，絕對可以頂肚，飲完好飽😁

又黎心掛掛想食Nuttea嘅純素奶蓋,自從食過第一次之後就無法自拔荃灣店開左無耐第一次幫襯,今次食粉紅莓紅同埋朱古力伯爵,兩種唔同顏色嘅奶蓋各有特色奶蓋又濃厚又滑,粉紅奶蓋有淡淡士多啤梨味,同時不失榛子嘅香味,士多啤梨茶用士多啤梨冰打成,見住店員磅住啲士多啤梨,落左好多粒,超足料朱古力奶蓋嘅朱古力味超濃,伯爵茶香濃順口幾種意荃灣分店嘅裝修,比其他分店闊落,睇落感覺更加好,仲可以睇住店員沖調嘅過程,更加放心

今日同女朋友係荃灣行街，突然發現呢到竟然又開多左間nuttea平時返工都會同同事一齊買黎飲，事關佢個奶蓋真係無得彈，今日見到又搞到我忍唔住要買啦Menu同其他分店無咩分別，都係主打堅果奶蓋茶，最出色最受歡迎依然係伯爵朱古力堅果奶蓋茶荃灣分店仲有得外賣送到，只要叫夠價錢，差唔多成個荃灣都可以送，唔洗特登係熊貓到比運費買貴野平時飲得多奶蓋，今日想試下新野，呢杯西瓜堅果汁，睇住店員用新鮮西瓜肉攪出黎，唔係用糖漿飲落好重西瓜味，似西瓜汁不過因為加左堅持果奶，口感濃厚啲香芋堅果奶，中意香芋既朋友一定要叫，勁香！不過香芋比較大粒，飲落有啲咬口。飲完呢杯香芋堅果奶勁飽肚，真係可以當正餐咁食都得呀，超高質！！

同好友係附近shopping完 搵下附近有咩飲品店買飲品飲下 朋友搵到呢間之前佢飲過好味道嘅nuttea 佢話我知呢到嘅奶蓋只有堅果無加牛奶 感覺更加有營養同健康 叫左伯爵朱古力堅果奶蓋同埋焙茶堅果奶蓋烏龍茶 見到就已經好想飲 朱古力呢杯有少少髒髒感覺 濃濃朱古力夠晒吸引 焙茶奶蓋顏色較淺睇到綿滑嘅奶蓋 店員介紹可以用個鏟筆奶蓋食 食落非常之creamy同埋好香滑 無芝士奶蓋嗰種咁膩 係實在又營養嘅奶蓋 讚餐牌寫呢杯朱古力係冇加牛奶，100%朱古力同伯爵茶，有朱古力味得嚟又唔會太甜，有伯爵茶去平衡下係一個唔錯嘅配搭，奶蓋絕對係大加分至於杯焙茶堅果奶蓋烏龍茶兩者嘅配合非常清新茶香 個人更鐘意呢杯 淡淡茶香漫漫滲出 佢呢度嘅奶蓋就咁食已經好似食緊一個甜品咁 令人滿足!

一直都聽講Nuttea個奶蓋好好味☺️今日終於經開可以試下了。睇到有2️⃣款都好想飲嫁，繽紛火龍果奶蓋茶同蘋果脆脆楓糖堅果奶蓋茶🍎，由於想小冰，咁問左店員，佢話原來繽紛火龍果奶蓋茶係沙冰黎😫因為我係絕對不食沙冰😂所以就簡左蘋果脆脆楓糖堅果奶蓋茶蘋果脆脆楓糖堅果奶蓋茶($38)蘋果茶同奶蓋條界好分明😂上面加左脆脆同埋淋左楓糖。茶底係有蘋果味🍎小小甜，幾好味🤩奶蓋要用匙羹不黎食好癲😂好厚同埋唔會話好易變左水稀稀咁😆堅果味濃，同其他奶蓋好唔同，好好食😋而加埋上面啲脆脆同楓糖一齊食係增加左口感，成杯野真係無得彈😂😂😂😂😂推薦？🟡🟡🟡🟡🟡必飲😆

呢間嘅飲品好多人都推介,估唔到喺荃灣都開咗分店,特登過嚟試下架點咗杯朱古力榛子堅果奶，朱古力味好濃沃， 仲食到一粒粒幼細嘅榛子粒。由於係堅果奶嘅關係，口感唔係純牛奶咁幼滑，有少少質感，而且堅果味好濃，好有飽肚感下午茶飲一杯 ，真係好滿足呀ps 荃灣店新開張有優惠，11月內購買全單減5蚊

之前係新浦崗飲過一次佢地既伯爵朱古力堅果奶蓋茶，估唔到開到黎工作地點附近😍食完lunch經過唔想太飽就試下烏龍茶🍵本身自己好鐘意榛子味既野，點可以唔加埋奶蓋，重要係佢地招牌菜tim！🤪帶返office慢慢享用，跟住佢地個3步曲，先用匙羹食咁啲奶蓋，係久違既榛子味🤤比起一般芝士奶蓋，堅果奶蓋質地實啲，份量好足料，食左好多啖都重有一大半；第二步，45度角傾斜就咁飲，個人認為打開杯蓋先可以同時飲到奶蓋同茶，如果唔打開杯蓋會卡住左啲奶蓋，剩係飲到茶🤣最後用吸管搞暈佢茶奶合一，再飲～一開始真係唔怕食多啲奶蓋先，到最尾茶奶合一左都重有好多奶蓋係上面😂不過要試晒3步曲，最好搵地方企定定/坐定定會無咁論盡😮‍💨注意⚠️暫時只收現金，好好彩我無拎錢落樓，店員肯幫手整左先👍🏻返上樓拎完錢落去一手交一手唔洗再等🥰