NUTTEA (灣景廣場) (已結業)

Aeon shopping後，見到有nuttea 係隔離，忍唔住飲左杯Best seller - 伯爵朱古力堅果奶蓋茶。好濃郁嘅朱古力堅果奶蓋，奶蓋有朱古力味得嚟又唔係太甜，厚身嘅堅果奶蓋好好味，比普通奶蓋還要厚身，仲要食落冇咁罪疚感🥰🥰🥰伯爵茶好清香，好有茶味，我叫咗走甜，清香嘅伯爵茶配上濃郁嘅朱古力堅果奶蓋，簡直是絕配，果然係Number one嘅選擇我欣賞佢哋唔用膠飲管，係用木製嘅嚟食奶蓋🥰🥰仲有愛護環境同動物嘅理念💕💕感覺上每一次光顧，都係用行動來表示支持，仲要好好飲，同感覺冇咁肥😂😂🙈🙈

今日行完aeon經過見到呢間 主打朱古力榛子 奶蓋茶既鋪頭， 其實呢間喺葵廣都有分店，之前試過一次，覺得好好飲， 今次又嚟encore😛今次嗌咗微糖少冰， 但係因為有朱古力， 所以甜度唔會太低， 但感覺又健康咗🤔 奶蓋厚厚一層鋪滿面， 用木匙羹筆起一啖 嚟食好香濃😋， 而茶嘅味道就好清純， 加埋一齊食冇得輸。真心如果從來冇試過呢間嘅話一定要試下，因為佢同出面所有茶飲店都唔同， 榛子奶蓋係獨一無二👍👍👍除咗新界，我記得佢係港島都有分店㗎，大家不妨試下😋

午飯後行Aeon見到有堅果奶茶好想試, 便透過OpenRice 買咗呢杯台灣紅肉堅果奶茶試吓，點知飲落味道不但飲唔到茶味，而家比一般奶茶更淡味，好失望，我應該唔會再幫襯！

買左紅玉堅果奶茶，原來係無無無無奶蓋嘅一杯奶水，奶水，奶水，真心好失望，十分之難飲好淡，買左4杯俾同事真係想搵個窿喱埋，下次會睇清楚個名，奶茶，奶茶，唔係奶蓋茶！！！好唔開心！但係個服務員態度好好有得俾糖漿我加番落去！算係一杯甜奶水。想加番奶蓋係無可能嘅，要俾錢買一杯呀$58淨奶蓋，唸住試下咩係紅玉茶，平時飲開宇治嘅，今次見$25蚊做優惠價就試下，早知買烏龍奶蓋$29就無咁嬲呀，差左個蓋字就呃左我買。

去完百貨公司購物完，攰攰地想飲杯野，就順手係度買啦。之前未飲過呢間，但餐牌望落去同平買開既有啲啲唔同，絕大部份飲品都係有堅果，抱住一試無妨既心態就買杯有個牌寫住”用鏟子喝堅果奶”，就叫左佢地每日限買100杯既伯爵朱古力堅果奶蓋茶打開個蓋望見都吸引面頭有朱古力粉同厚厚既朱古力奶蓋！！唔怪之得話要用鏟飲既奶蓋，奶蓋好杰同好creamy! 濃濃既朱古力味！好似食緊雪糕甘用飲管飲既係濃濃既伯爵茶，好香。將啲奶蓋同伯爵茶搞混黎飲好夾！甜甜地，好creamy ge 伯爵茶，仲有啲粒粒堅果，又有啲有口感！唔錯，好味！

難得今日天氣好啲，朝早嗱嗱臨約朋友去荃灣西做吓運動，跑下海旁點知去到之後，發現同出門時既陰天🌥️相比，真係有好強烈嘅對比🆚，太陽好勤力地開工！🥵勉強跑完步之後，就行去附近搵吓有啲咩食，揾個位坐低回下氣🤭跑咗咁耐，梗係要搵嘢飲飲吓啦，喺荃灣西一路直行，大概10分鐘就到Aeon超市，入去涼下冷氣先嘩！一推開門已經聞到好大浸香味喎，好似係啲堅果🌰既味道周圍望下就見到間呢間專賣呢堅果茶嘅手搖舖，叫NUTTEA未試過依間手搖舖啊，平時飲開都係嗰啲普通嘅珍珠奶茶🧋水果茶呀，真係未試過堅果茶睇吓個Menu，堅果🌰茶果版有三大熱賣產品，第一個就係伯爵朱古力堅果奶蓋茶，咁梗係唔執輸要試吓啦！服務員💁‍♂️態度親切佢主動問我洗唔洗調教冰同甜度，仲教埋我應該點樣享用呢杯堅果茶！伯爵朱古力堅果奶蓋茶每日限量100杯，好開心我今日可以試到，仲有呀呢杯野飲主打純素，冇用牛奶冇用奶精，感覺好夠健康我今日做咁多運動都係想健康啲啫，依杯嘢飲就啱晒啦！一打開，朱古力奶蓋味道好濃郁，好似食緊雪糕咁，好啱而家熱辣辣嘅天氣，伯爵茶底亦都好香，鐘意飲伯爵茶既朋友一定要試呀By the way, 服務員💁着住 「堅持做對的事」既衫 幾

芝士奶蓋飲就飲得多，估唔到連堅果都可以整成奶蓋。Nuttea就係主打堅果奶蓋嘅飲品店，有唔少分店，今日行經荃灣就特登黎買番杯。荃灣分店係位於灣景廣場aeon地下，係出口附近，所以要行入少少先會見到。  店面同其他分店一樣，都放咗一棟棟唔同嘅堅果柱，隔離仲介紹咗堅果奶嘅製作過程，可以話係非常用心，等客人飲得放心。  首推伯爵朱古力堅果奶蓋茶！每日限定100杯，賣相非常吸引，有種漸變嘅效果，上面係朱古力堅果奶蓋，下面係伯爵茶，由深啡到淺啡色。第一啖可以先用鋪頭專設嘅小剷子筆一啖朱古力堅果奶蓋黎食，奶蓋有住濃濃嘅朱古力香味，用堅果整嘅奶蓋一樣係咁綿滑。第二啖可以鈄鈄地飲。第三啖可以將堅果奶蓋同伯爵茶攪拌，伯爵茶有種淡淡嘅茶香味，加上香濃嘅奶蓋，簡直係對味蕾上嘅衝激~ 

隨住大家環保意識增加，身邊好多媽媽級朋友都為家庭買多左植物奶及堅果奶。本身我都唔係特別愛牛奶，而當買茶啡飲品時有更多選擇，我都會想試試。之前都去過nuttea幾次, 通常都選佢地嘅水果堅果奶，今次試試飲奶蓋茶😊堅果奶蓋的香味好豐富，濃厚；色澤比普通奶蓋深啲，帶有堅果嘅淡啡色。奶蓋嘅份量都好多，有啲意想不到！堅果奶蓋估唔到好厚身，上面加左堅果碎，增加口感。奶蓋也很順滑。四季春茶味清香，配合埋濃郁嘅奶蓋，互相中和有一番特別嘅滋味。飲完之後，也有滿足嘅飽肚感😊下次去街嘅時候，都可以選擇啲特別嘅手搖飲品。而喺屋企，除咗牛奶之外，都可以試吓植物奶。交替飲唔同類型嘅植物奶，吸收唔同種類的營養都幾好。都推介食的健康嘅朋友試試。

今次我哋去荃灣睇戲，等睇戲嘅時間嚟到灣景廣場行下及食野😊在超級市場部的一層，旁邊有啲食店，我哋去nuttea買咗一杯伯爵朱古力堅果奶蓋茶飲。飲第一啖嘅時候即刻感覺幸福！好濃郁好柔滑奶蓋呈朱古力啡色，細密泡沫浮係朱古力伯爵茶上。輕輕溫柔地飲出層次感。奶蓋係用堅果造成，有果仁嘅香味。朱古力及伯爵茶味道都幾夾，茶中佛手柑嘅味道及紅茶嘅味道令飲品聞落去更有果香，朱古力及堅果嘅豆果味道加埋好豐富😊一杯味道濃郁嘅茶飲真係令呢個weekend 加上一份滿足感😊如果之後nuttea有分店可堂食就更好😊 有個地方慢慢坐低，如可以用玻璃杯裝着堅果奶蓋茶，先用小匙羹品嚐鹹鹹甜甜嘅奶蓋味道，再喝一口茶，感覺更幸福！

依日嚟左AEON行街，夏天熱辣辣行到有啲口渴但又想飲手調飲品，見到依間NUTTEA幾吸引喎😛之前淨係聽過佢個名，行街都見到有好多分店，但今次都係第一次試。感覺上比一般台式手調飲品健康啲，飲品冇牛奶冇化學奶精，啱哂對奶類敏感嘅人👍🏻👍🏻今次揀左杯伯爵朱古力堅果奶茶，係店舗嘅王牌推介，每日限量100杯，仲係人氣榜嘅TOP 1添!!!!怕肥嘅我梗係揀左少甜少冰😂😂😂 少甜可以飲到更香嘅茶味，茶味更加突出😋店舗好貼心，杯蓋上面有張label，list左飲呢杯飲品嘅教學，咁先可以真正享用到依杯飲品😌😌😌飲品上層有朱古力粉，開蓋嗰陣要小心啲，飲之前用鏟子先食堅果奶蓋，奶蓋有堅果仁碎亦都好香濃好厚身，食到咁上下就溝埋伯爵茶一齊飲，伯爵茶本身比較清，溝埋奶蓋一齊就有另一番風味，十分之夾，最後飲完都唔會口渴。雖然相比起其他台飲價錢少貴，但飲完十分滿足又夠飽肚😆😆😆😆

位於AEON 入邊, 都幾容易搵。Order左兩杯嘢飲，大約等5分鐘，都算快。朋友叫咗伯爵朱古力奶蓋，見好多人都推介，我都試上一啖，文字suggest 要飲一下試吓茶味，第一下感覺茶味好濃郁，飲到差不多的時候就絞碎，混合朱古力的香味，朱古力好creamy, 相信小朋友都會好喜歡， 對我來就可能會覺得偏甜同太濃， 下次可以叫少甜都得。我個杯比較清淡，我的確也比較喜歡清淡的飲品。第一下飲落去茶味好濃郁，香香嘅茉莉花味，之後就吸入堅果🌰， 多一種口感。 睇咗poster 嘅介紹,經過嘅種植都非常之講究，要經過長時間種種、好天氣再加上收割技術配合才能獲取好的堅果，而感覺上那些堅果真的很新鮮. 整體來說，價錢對得上質素, 在夏天熱辣辣的時候飲真係好爽。

週未食飽飽去行街，行完Donki 行一田再行Aeon ，荃灣真係應有盡有，行幾多次都行唔哂🤣🤣🤣行到攰，又係時候口痕😋行到Aeon 尾尾，係電梯位後面發現一間隱世un 小店真係好隱蔽，隻眼大啲都睇唔到🙈🙈🙈香港人行街點可以唔配手搖飲品？Menu 多到花多眼亂😵‍💫唔知揀邊個好新出個粉紅荔枝堅果奶蓋茶好似幾吸引不過見到佢個人氣榜有我最中意嘅伯爵茶，即刻轉軚😬😬😬堅果奶蓋好特別，奶味之間帶點點果仁嘅咸味，中和咗個朱古力濃郁嘅甜味，然後下面個茶底有淡淡嘅伯爵茶香🥰好正👍🏻👍🏻👍🏻因為係商場入面唔方便除口罩，所以我問店員拎咗個外賣紙套，店員都好好人😊

📍初嘗Nuttea，有意外驚喜！呢間荃灣分店位於荃灣景灣廣場嘅AEON嘅超市裡面。🔻舖頭風格清新高尚，木質更顯簡約風，而且鋪面乾淨企理，冇笠癡癡嘅感覺，所以環境衛生一流呀。🔻餐牌選擇好多，無論愛好茶、奶茶、咖啡或者果汁都應有盡有！而今次選擇伯爵朱古力堅果奶蓋茶，因為舖頭都極力推薦！😄🔻伯爵朱古力堅果奶蓋茶（$48）飲品大細劃一，個人認為都還可以。蓋頂有提示要用45度傾斜大啖飲，咁樣先可以飲得均勻。奶蓋都好厚實，我好鍾意厚奶蓋、好creamy嘅野，但佢厚得嚟冇一種甜膩感。最欣賞係佢有豐富嘅層次，伯爵茶底、中間有似金莎嘅碎堅果、上面有朱古力mousse奶蓋同可可粉，喜出望外😋。🔻如果大家想試一啲特色啲台灣飲料，呢個係個不二選擇。

唔知點解NUTTEA就係有一種吸引力，每次經過都想嗌一杯，好掛住佢嗰種接近雪糕同忌廉之間嘅果仁奶蓋☺️今日行完荃灣Donki，見到AEON地下原來都有一間，喺店面諗咗好耐究竟要伯爵朱古力堅果奶蓋茶，定係試吓其他新嘢”菠蘿堅果奶蓋茶(夏日限定)”，最後都係揀咗前者，因為同人朋友未飲過。店員好快就整好喇，用鏟仔鏟起朱古力奶蓋，真係好似食緊甜品咁樣，厚身又幼滑❤️ 傾斜杯身45度，飲奶蓋同埋朱古力茶，厚實嘅奶蓋溝埋冰涼清香嘅朱古力茶，係其他手搖飲品舖頭比唔到嘅味道。 最後就係兩者預先係杯入邊溝埋一齊，好似飲緊朱古力奶咁樣，正。

食完晏又去左AEON超市買啲日用品俾阿女，隊友話去買枝野飲，我就叫佢不如去Nuttea度買啦，又有益又好飲，仲要喺超市側邊就有。我自己不嬲都係Nuttea粉絲，好多杯都好鍾意飲，貪佢100%純素，就算對奶敏感都唔怕飲，有omega3同高蛋白質，好味得黎仲要有益唔怕肥。佢地既堅果奶用上五種堅果，用淺慢烘焙方法，可以keep到最佳營養，冷壓萃取研磨同濾水乳化，又香又滑，可以配咖啡，配茶，配生果，甚至配牛油果或者芝麻都得添，非常多配搭。我地今日就揀左伯爵朱古力堅果奶蓋茶，店員好細心問我使唔使少甜少冰，呢杯茶喺2019年台灣奶茶節攞左金獎架，朱古力用左100%純朱古力，再加印度產地格雷伯爵茶，濃濃既奶蓋上再灑上朱古力粉，佢限量供應100杯架咋。奶蓋好挺身，可以用摌子食，非常濃郁好味。