影片
相关文章
行完大潭水务文物径，误打误撞上了巴士入赤柱，被餐厅门口负责招徕客人的叔叔招了入来，误打误撞选了Ocean Bay 作为晚膳的地方。当时五时左右，餐厅竟然还有供应lunch set, 价格一律为$158, 收费合理。夕阳西下，金黄色的阳光影照入餐厅内，气氛浪漫醉人。行完山的我们点了肉类及淀粉质以补充体力：烧汁肉眼扒牛扒选了七成熟，在不是牛扒专门店食牛扒，实在不想点太生呢！虽然是七成熟，但仍算滑嫩不粗糙，口感带嚼劲。边位更带有少许脂肪，油香四溢。伴菜有炸薯条及蒜蓉杂菜，味道不俗。烟三文鱼三文治烟三文鱼大大块，而且每片面包上有两三片之多，甚为慷慨。烟三文鱼咸度及烟熏味适中，并没有遮盖三文鱼本身的鲜甜。法包外层烘得脆脆的，而内里则烟韧，涂上牛油，简单而可口。沙律菜以黑醋汁调味，黑醋汁中加了糖以中和酸味。随餐奉送的橙汁（可选其他饮品）是果汁先生，味道正常。
继续阅读
走入赤柱，又再回味以前的日子。每次都好多人好逼，好有气氛。到了最后，行到累了，我们就找吃的。沿著正街行，有数间主打外国风情的餐厅，行了一round，最终决定吃「Ocean Bay」。因为没有book 台，只好walk in 等位，庆幸店员先安排了一张有预约的台给我们，但限时个半小时。OK啦～谁叫我们没有订位。店员都好有效率，即坐下即下单。我们一行四人点了四个set dinner 及炸薯条。餐饮 菠萝汁用胶杯盛载的饮品，总是觉得没有了那份感觉…而且又不环保…菠萝汁够甜，又有点微酸，OK好饮。三文鱼沙律烟三文鱼摆成花形上碟，外观上已很吸引。而沙律菜都新鲜，配上少少黑醋汁，是个开胃前菜。主角来了！烧美国安格斯肉眼牛扒(6 oz) HKD 178.00我点了五成熟，上到台面时，果然是半熟状态。切开还有血淋淋的感觉。但可能是我这块扒有筋吧，好难切开….好难切…但肉质是OK的，只是某些部份难切。底下垫住的是紫薯蓉，我是第一次吃到这样的配搭，紫薯蓉甜甜的，又有蕃薯的纤维，感觉几健康。而配菜都有调过味，吃起上来也好吃，不错。另一个主菜是海鲜意大利粉 hkd 178.00不得不赞这个意粉好好味，意粉的软硬度适中，而且调味也很出色，就算不加芝空粉或是TOBASCO都好出色。海鲜的份量也适中，没有过少。我们四人还点了一个炸薯条做小食。炸薯条 HKD 58.00份量是外国人size 吗？超大份的！一上台，邻座的食客见到都不禁哗了一声。真的好够份量。虽然是份量大，但是口感却是一般呢，这真的令人大失所望。因为是翻炸的！薯条一被翻炸，就会有点儿不脆…这种口能不讨好，不脆但又未去到稔…像是吃到了过左期的薯条。另外，有试了A小经的野菌意大利饭，都好好味。个人觉得，「Ocean Bay」的意粉类主食做得比其他出色。
继续阅读
今日去左赤柱庆祝anniversary, 开头都无特定谂食咩，都系搭车入去时先谂。赤柱大街有好几间餐厅，都系对住个海。最后我地拣左呢间Ocean bay! Set dinner 有10多款main courses 拣，配沙律/汤＋餐饮(除了普通个d drinks, 还可选择红/白酒同champagne)Main course 的side dish有d杂菜同紫薯蓉(如果有得拣其他side dish 都好d！)大热天时，我地拣左系室内食。咁岩可以平排而坐，望住个海，感觉非常不错!Service可以接受，但叫佢地加水，叫左2 次才记得。价钱尚算合理for weekend dinner $178 +10% per head
继续阅读
因为爬龙舟的关系，呢期我不时系赤柱出没。今晚两个人黎到赤柱揾食，想避开连锁店，发现沿住海边既都系好游客生意feel，餐牌都好接近，连门口姐姐都话我地知其实间间都差唔多，最多送个甜品俾我地LOL 既然佢咁诚实，我地就入去试下啦！$168有两个course，仲任拣饮乜，由于做完运动想饮啤酒，有我最爱既Hoegaarden，都几岩我心意！龙虾汤同三文鱼沙律都算唔错，唔系好出众，但试得出唔系求其，而且份量都几大。烧肉眼扒 Grilled Rib Eye Steak (US Angus, 8oz, medium rare)虽然肉质唔系特别靓，但一定要赞赞佢烧既火喉好好，以呢个质素既肉、咁既价钱黎讲，真系好正，锁得住肉汁，完全系medium rare。炸鱼薯条 Fish and Chips我好钟意食呢D魔鬼食物！咁讲好夸张：但呢间可能系我系香港食过最似London街边个种Fish and Chips！之前有食过三四百蚊一份的高级Fish and Chips，但始终就算鱼来货有几靓，炸功先系重点。呢度既Fish and Chips系外脆内软，够哂热之余系煮得岩岩熟，好难得！最后姐姐送的甜品系New York Cheese Cake。由于芝士我真系唔好，加上呢个Cheese Cake真系比普通更普通，而同伴又唔好甜品，所以食唔哂。环境景色都唔错，加上高质惊喜Fish and Chips同$168实惠价钱，我决定下次番黎赤柱都要再黎！
继续阅读
今日，同朋友去赤柱揾番呢间餐厅食饭顺便倾心事。餐厅见我地坐左就俾左个餐牌，算系几细心。望下个餐牌，个餐牌系靓咗；由于我地两个女仔唔想食红肉；就叫左炸鱼薯条和蒜香海鲜意粉；我就叫左烟三文鱼沙律：嘢饮就叫左Champagne。餐厅的桌布用左牛仔布，好独特。而且有西布牛仔风味。由落单到上香槟大约三分钟，算系几快嘅。香槟系house wine:香槟唔够气，唔算好噎！无咩酒味。沙律方面，我觉得三文鱼变左切条，而且三文鱼无咩脂肪：幸好个沙律用黑醋做，食落去酸酸地。之前做用片，见唔到纹理。三文鱼睇唔到纹理，又食唔到鲜味。炸鱼薯条，薯条系同原只薯肉切条。食落去好有薯肉，略嫌冻左啲。鱼柳食落好滑，食落去好淋。如果再热番少少，就好啦。鱼肉唔太干身。值得再试蒜香海鲜意大利粉，蒜香味好重。但虾肉无咩味。意粉唔算太淋，带子略嫌太簿身左啲，但都算滑口。佢少量青椒、黄椒做点缀。
继续阅读