Okashi Galleria x Calbee Plus (已結業)

好開心！今日同朋友去利東街間日式coffee shop 先發現原來香港有Calbee 專門店！一入店鋪就見到有個小型工場，真係好得意，令我諗起日本嘅杯麵博物館 😆雖然食炸嘢好熱氣，但見到薯片咁新鮮，而且香味十足，真係點都要試試！除左香港嘅限定味－避風塘香辣味之外，仲有BBQ味，雙重芝士，朱古力醬，以及原味。薯片都有得選擇波浪型或平切。如果對薯片唔係太大興趣，都可以考慮原味或芝士味薯條。由於我哋唔太肚餓，所以只係選擇咗波浪型避風塘香辣味薯片。咁啱當時有個promotion 係送埋一個芝士薯條，就順便試埋！😋薯片好香脆，一食落去覺得都幾重避風塘炒嘢嘅味道，幾特別。芝士薯條質感唔錯，但略兼欠缺芝士味。其中一個亮點就係發現原來香港已經有薯條三兄弟（我發現得太遲！）。以後去日本終於唔駛再買同一樣嘢啦！食完薯條仲可以買埋零食！方便！整體而言，絕對值得一試，但未必會成日去食。😋

一心以為係熱的新鮮炸薯片，点知不熱，同外面一包包買既薯片冇分別。原味好淡，少少咸味也沒有。又不太脆。薯片份量足夠。雪糕就幾好味。食到重味牛奶。雪糕份量可再多一圈。另送左芝士條，這個就好熱了。本身以為成條脆，原來吾係。裡面係林的，煙un個種。不好吃。芝士味又吾夠。送既但份量也很多。2個人食也足夠。MTR A3出，也很容易找，不太遠。這條街環境也很美，比較新建，很容易看得出，找得。總結：超市買一包仲好食

還記得新店開張時掀起嘅熱潮，日本都冇見過卡樂B要排隊，人氣爆登搞到一直好想試下。係灣仔做完野周圍逛逛，無意中穿過街市走出人群，走到一條格格不入嘅街，整條街好整潔走高檔路線，有好多紅燈籠同藝術裝飾，我而家先知原來出名嘅喜貼街就係呢度😂，一路走到尾，嘩！原來卡樂B就係到😂。原本冇心理準備黎，既然無意中都行到黎，今次一定要品嚐新鮮卡樂B薯片了😂。唔知係咪佢嘅人氣比人吹噓得太誇張，原來冇我想像中咁特別，薯片並不是我想像中的熱辣辣，應該係炸完之後被放涼了，所以都係凍嘅，其實同包裝薯片唔差太遠，我呢杯冇咁燶感覺冇咁熱氣，我㨂左原味薯片+朱古力醬，加左朱古力醬好好味，不過略嫌真係太太太少，我請職員幫我加多少少醬，佢話日本規定係咁少，冇辦法啦。原味薯片+朱古力醬套餐連一杯汽水（$41），本人認為係貴左啲嘅！試一次就夠了😛！

一場出到省城，琳琳種種嘅宅卡B盡現眼前，經典嘅BBQ口味卡樂B薯片都有出宅卡B，本身已經味道出色，依家口感更十足，感覺新鮮，而且還做買一送一優惠，令人喜出望外。和風焦香醬油味宅卡B，略嫌味道有點造作，還是經典原味好。我當然被「抹茶」牽引著，雖然知道鹹抹茶一定係古靈精怪，都忍不住一試，比一般薯片厚身，綠色薯片充滿抹茶香氣，鹹中帶甜，味蕾過癮，一試無妨。P.S兩者更有換購優惠價架！

Calbee plus一年之前來自日本的calbee 跑來香港開了一家現點現炸的薯片店當時掀起了一陣子的熱潮去吃個薯片還得要排一條長長的隊時至今日熱潮早就退散了隊不用排了現在買現炸食品或雪糕還會送你芝士味薯條一杯但說真的現炸跟平常買到包裝好的其實味道沒什麼差別只是多了一點點暖暖的溫度吧一樣是那麼好吃薯條我不太喜歡那個芝士味有點奇怪但身為calbee的粉絲去試一試看一看也是必須的吧我覺得好吃不等於你純屬個人意見愛分享

上次去食完個薯條之後真係食過返尋味，今次見到團購有優惠又忍唔住再買，我仲毒埋朋友一齊去食（咁先可以食多幾隻味嘛）。我張 coupon 係食 churros 連雪糕，不過我以為有得揀玉桂味，原來的鹽味!老實講食咸味 churros 我真係第一次 。估唔到食得落 wor 佢好熱嗰陣食口感非常正，咸咸地點埋隔離個牛奶雪糕，一熱一凍雙重享受。不過你問我好唔好食我就覺得個雪糕先係亮點，奶味濃但唔會好 creamy 剛好中和 churros 油膩。至於朋友叫左限定 gei 櫻花蝦薯片，咸香四散，係好夾的，不過我個人唔太喜歡咁海鮮味豐富的零食，所以覺得普通，但朋友就覺得好好食，都係 gei 夠脆夠熱嘛

Just a year ago, this shop caused a stir and there were tons of people queueing to try it out.Obviously I didn't.This year, they have launched some Jagabee potato sticks that are only sold in Hong Kong.I was really lucky because my friend managed to get a pack as her friend went to Calbee to get them.Basically they are crunchy potato sticks and I would describe the taste as sweet, buttery and spicy.As a potato fan, I like any potato related snacks so I really liked it.

消失的人龍後，很快便買到新鮮的薯條，叫了原味，粗薯條味道好味👍薯條粗身鬆脆另外，它可以叫套餐，有可樂、罐裝、枝裝四洲飲品選擇。叫了一枝無糖烏龍茶，茶味濃，較苦澀。

食完晚飯仲口痕，來到利東街Calbee店食雪糕先！店裡有各種零食，另外不定期會有工作坊和活動舉辦，一般下午經過都會人生人海，反而晚上前來會比較輕鬆，可以在店內進食區慢慢品嚐美食。餐牌可參考一下:本來只打算叫 富樂果+日本3.5生乳軟雪糕($35) ，但芝士味波浪薯片做緊promotion，只需$10，所以不管quota也落了order🙈。雖然雪糕的杯身比常見快餐店的細小，但其實份量也不能少看，滿滿的，幾乎看不到空隙！雪糕入口真的很軟滑，奶味濃，再食穀類加果乾，脆脆的又煙韌，同時食又滑溜又有咬口，口感十足。而薯片頗新鮮，略嫌未夠爽脆，可能期望太大，不過芝士味帶咸正合心意，挽回不少分數，令我一片接一片不能停手呢。*記得要留意薯片過了一陣子就會變軟身，要盡快食呀

一心打算朝聖順道買限定版熱浪宅卡B送人，差不多12點左右到店，見櫃臺有三盒，我無留意價錢所以向店員查詢，佢只告訴價錢，但無順便同我講今日只賣剩這三盒，好正常逛完最尾至攞貨埋單啦，所以到樓上看看係一個自製百力滋、碗麵同糖果嘅工場，不過製百力滋要預約上堂，兜左個圈落樓下⋯⋯居然棟左個牌今天售罄無名火起「哦」個店員，頭先你唔講佢仲要叫我聽日再黎過，我家住屯門，車費、時間就算有都唔係咁嘥囉，既然一場黎到，嬲爆都要試下即做堂食版薯片，有波浪同普通兩種薯片選擇，香港限定避風塘口味期望係熱嘅即炸薯片，好失望，係唔熱嘅，好在味粉十足，辣味同鹹味夠惹味⋯⋯確實好失望

出開港島區今日終於都有機會去卡樂B嘅店面，原來不經不覺已經開左一年我都未去過。雖然佢間舖個地址係灣仔，但係原來行過去都有一段距離。最近上網都見到佢出左隻限量Jagabee慶祝香港店嘅一週年。呢次係熱浪crossoverJagabee，不過3點幾去到已經賣晒喇！難得去開但係買唔到有d可惜啊！唔緊要啦，佢都仲有其他味道嘅即製薯片，帶唔走都食住堂食先啦！之前喺日本食過都算係人龍之店，今日去到灣仔呢一間反而覺得有d 冷清。香港呢間無咩人排隊買即整薯片，亦都可能係因為佢嘅流量唔多，我覺得d 薯片唔夠熱啊！今次叫左個套餐試左個香港限定嘅避風塘香辣味薯片+軟雪榚，個味道食落有d 似熱浪，無咩特別。反而個軟雪榚有d 驚喜wor，好重奶味又夠滑，我鍾意啊！另外，我會用薯片點雪榚一齊食，雪榚嘅甜解左薯片嘅辣，又ok wor！佢個餐仲有杯汽水嘅，有齊晒薯片嘅好朋友，食完覺得自己好放肆啊！雖然佢嘅薯片唔夠熱，未試過嘅都可以試下嘅！

This place had huge line ups when they opened but not anymore. I'm glad I never lined up when this place was packed, but I'm also glad to have come when they got quieter. It's good and worth trying if you are walking past but don't have super high expectations - it's basically soft-serve ice cream with potato chips. Also, this is pretty much all I bought there so can't comment on the snacks.

講到食薯片，最出名一定係日本牌子《卡樂B》。各位薯片迷期待已久嘅薯片概念店終於登陸香港灣仔喜帖街。店鋪裏面有開放式嘅薯片製作工場， 薯片製作嘅過程一目了然。即炸新鮮薯片有波浪同埋平切兩種選擇， 今次我就揀咗波浪形，波浪形狀可以吸附更多調味料， 而且食落比較脆身。口味方面就揀咗香港限定嘅避風塘口味。 套餐價加埋一杯汽水38蚊， 貴就貴咗啲， 不過身為薯片超級迷嘅我， 一定要試下新鮮炸嘢薯片係咩口味。鮮炸嘅薯片摸上手熱辣辣， 食落夠曬脆身， 不過避風塘口味就毫不特別， 唔夠蒜香同埋椒鹽味， 反而食落有啲似媽咪麵， 而且味道太鹹， 用兩杯汽水送都唔夠。對於係薯片嚟嘅我難免會有啲失望， 希望會有其他更加特別嘅薯片口味， 為我哋帶來驚喜啦。

啱啱開嗰陣勁多人排隊搞到我都想去試下啱啱我有日係附近 去到又冇人排緊 就去試下 點知完全係失望我同朋友總共叫左3份薯片同一份薯條咁薯片就波浪型同平切都有揀味就分別係芝士（平切），避風塘（波浪）同燒烤（平切）薯條就係要左原味可能係期望太大啦 冇想像中咁好食特別係薯條 係唔脆既......啲薯片既味亦冇特別 得過且過咁總括而言 其實唔係話難食 但講到話咁多人排隊要去買 同咁既價錢 緊係會大期望啲 而佢係滿足唔到我既期望平時係超級市場買返屋企食會開心啲

朋友去大阪o個陣狂話卡樂B D薯條幾正,其實佢登陸香港之後我一直無時間去,o個日行過利東街決定去朝朝聖~~如果我唔係一個人的話一定會點薯片+雪糕呢個組合,可惜我一個人,佢呢個set分量太大,最後我只係點左薯條,原味.以為佢得幾條,估唔到個兜咁細都幾多下,加上佢真係好熱,所以都可以食好耐,雖然唔係好多調味料,但原汁原味新鮮炸出來嘅薯條好香馬鈴薯味,有下次!等緊食嘅時候大家不妨睇下佢製作薯片/薯條嘅過程丫~~~