Oliva (已結業)

今次係我一生人第一次寫食評. 而原動力係來自哩餐飯對我好大打擊!哩間野就算唔係成世食過最難食都肯定係十年內食過最難食嘅一間.一黎見到d包凍冰冰已經心知不妙!點知連湯都凍嘅.熱係好基本嘛!之後黎salad, 咸到哩! 完全食唔到.最經典係所謂厨師推介嘅肉眼扒,居然當豬扒咁整, 用搥仔dup過! 超難食!見佢裝修幾靚點知係金玉其外....如果有人覺得好食, 就應該冇野佢会覺得難食.俗語有云:「屎唔嗅都覺得好食」

lunch同同學係其他餐廳無位之下去左oliva~平時oliva都好full~叫左個忌廉吞拿魚蝴蝶粉~忌廉湯，今日係西蘭花忌廉湯，好綠色蝴蝶粉比想像中大碟，吞拿魚唔算好多~好味既~朋友叫左紅咖哩雞扒意粉，香味好似公仔麵，食落都OK~學生價$30

今年提早了跟朋友慶祝生日。12月26日boxing day 都唔爆,我地仲早早book咗位,哈!5個人,平均每人$83,都OK抵食,環境氣氛不錯,食物整體上都幾好食。不過食物選擇不多,尤其小食方面,如果再加多些種類會更好。

25/OCT約左舊同學釗食晚飯兼敍敍舊，本來Pan都來，可惜他還有function要做，遲點才來到~著我們二人吃住晚飯等~其實妹子吃甚麼都沒所謂喇~所以將話事權交由釗發板！本來帶妹子到附近大坑渠吃越南菜，可惜他忘記位置，行了一圈也找不到，最後帶了妹子去Oliva，沒想到呢~Oliva環境比較幽雅寧靜，設計上挺令人舒服，燈光已於晚市調整到暗淡，襯上蠟燭光，氣氛和諧~侍應領我們到枱與枱之間的二人座，地方偏狹窄之餘，還有被別的客人看著，有些不自在的感覺！於是著侍應調到近窗邊的位置~6人座枱即被隔做2人枱，其實妹子認為大方點可以吧！況且餐廳人也不算多~鬆動點會比較好~1)餐包餐包已經切好一舊舊，配以一碟黑醋~餐包是切定的，不脆之如凍冰冰，妹子因此用來點湯吃2)小食用一個茶杯放著幾條蔬菜條，分別有甘筍條~青瓜條，已經預先放定枱面，配以千島汁，妹子其實感覺有點兒那個不衛生及不新鮮，不過都吃了2條小青瓜，釗連掂都未掂過！3)餐湯妹子要了西蘭花忌廉湯，忌廉湯是淡淡的青綠色，沒有西蘭花碎，湯不算太杰身也不稀身，但妹子挺愛這個的；而釗則點了羅宋湯，妹子看到他的湯面浮起淡淡油光~4)豬仔肶配意大利飯妹子想吃

一入門口就見到一碟一碟預先倒好的黑醋mix橄欖油(好唔衛生啫) 本身好鍾意食意大利黑醋, 不過, 都係第一次食如此難食的黑醋餐桌上已有一籃麵包(又係唔衛生) 麵包又凍又硬又乾 西蘭花湯, 事實係普通忌薕白湯, 一d西蘭花碎都冇 淡咖喱白汁海鮮長通粉 $37-炸咖喱角內的咖喱味道-長通粉煮得唔錯 -海鮮係數粒冰鮮蝦, 少量蜆肉及少量碎魷魚 香煎肉眼扒配蒜汁跟飯 $37-白飯又凍又硬又乾又實, 超難食 -蒜汁香濃, 好味道 -肉眼扒, 中間位置的肉都唔錯, 不過扒邊的肋位都硬過石, 有四分一係食唔到 Ice Cuppucino +$10 好難飲, 冇啡味, cream 太多, 似飲cream 多 dOliva 門面靚靚, 裝潢唔錯, 嘿...... 食物品質, 差到不得了~

本人今晚特意為慶祝結婚週年而到來此餐廳為慶祝,貪佢環境在元朗區夠美觀.大約8時左右啦.在門外見到都有幾個人等枱,於事入去攞位,我到左收銀附近問個waitresses攞位及問佢要等幾多張枱,佢先問左我幾位之後就好快咁搭左句"好快就有啦等等啦"..我見都有4-6個人係到等緊我諗都係3,4張枱到咪等一陣囉...不過都唔夠10分鐘到一次過有幾張枱同時埋單跟住就有位入座啦(不過安排我哋入座個位收銀小姐就禮貌冇乜囉...只係講左句.."你係x小姐呀..座個張枱啦..)一座低好搞笑地有個waitresses即刻同我哋講.."通知你哋一聲我哋今日麵包派晒,冇麵包派啦"..跟住個眼神好似問緊我仲會唔會係到食咁囉...我搭佢一句冇問題佢先入水吧攞兩杯水&幾條青瓜,西芹,甘筍+千島醬出來,可惜好乾好似擺左好耐咁,我加埋個小朋友有3個人但係都係得兩杯水供應..唉:.......(:問個waitresses有咩餐湯,佢只係好簡單講羅宋湯或忌廉湯(哈..真係好茶餐廳咁呀一d都唔襯個環境呀...算數).我哋叫左兩份晚餐,一客咖哩雞意大利飯,一客紅酒燴牛肋骨,味道都幾好味架而且又夠熱...不過就等左好耐囉..差唔多食

今日臨放工時, 睇到飲食男女介紹呢間意大利餐廳, 見佢有豬仔骨做特價, 98蚊, 於是即刻打電話佢問佢做完特價未? 聽電話個小姐話未, 於是夜晚就走去食啦.點知, 去到大概8點左右, 仲要等6張枱, 不過好快就有位, 但個位就好迫, 郁大D動作都撞到隔離枱, 一坐低就有待應攞藍包嚟, 頂, 凍既, 仲好難食添! 扮晒high 咁, 都未食過D意大利餐廳既面包咁難食, 之後就叫左個特價豬食骨, 個待應話會細D, 諗住是但啦, 都嚟到, 點知, 等左好耐, 黎到超細舊, 搵笨. 無肉食!再叫左個龍蝦意大利天使面, 竟然超正, 好熱, 仲好大碟, 值得一讚.不過D待應既態度就超差, 特別係個女仔, 佢好似聾咁, 叫緊佢都扮聽唔到.呢間嘢, 都唔知點解可以仲開分店, 一定唔會再去, 兩個人食左260蚊, 不知所謂.

Been to the Tsuen Wan Oliva before, had great service and good food, so not worried to try the Oliva in Yuen Long. Besides, the restaurant was crowded!Interior decorations: similar to the Tsuen Wan branch- slightly "antique-feel", chandeliers, photographs lining the walls, ... I like it!Staff: Waiters/waitresses were polite, but they all seemed to be very busy the whole time, made me tired seeing them walk around so quickly!! Food: honey roasted pork knuckle ; steak ; +$20 each for soup (bors

餐廳環境幾靚,價錢雖然唔算平,星期日中午唔知食咩好,所以去試下,食物真係好一般,先講餐前湯,忌薕湯太稀,羅宋湯唔夠酸但好咸,主菜:白汁牛柳長通粉--牛柳又碎又un, 白汁魚柳--魚柳好鞋口, 辣汁番茄墨魚仔意粉--汁太甜凍檸茶唔夠凍兼好淡,另外所有waiter的態度都好唔耐煩咁既樣,問其中一個攞辣椒仔,又冇左件事,餐具唔夠清潔,雖然係第一次幫襯,但應該都唔會再有第二次幫襯啦

好唔掂，點唔掂??1. 餐前飽 - 一入門口你會見十幾籃包放o係入口附近張枱面，你一入座就會放o係你枱面。凍嘅，風乾左嘅，一開始就覺得唔妥。2. 蔬菜條 - 又係十幾廿杯放定o係水吧鋪塵兼風乾，用嚟放佢嘅杯係茶餐廳載清茶d杯，不過佢有d唔同，因為佢d係有漬嘅，disgusting。3. 餐湯(西洋菜cream soup) - 凍嘅，或者話微暖啦。頂..........加20蚊連餐飲叫嘅。點飲??4. Caesar salad - 比較正常的一碟...大碟少少會好d囉5. 紅酒小牛排 - 要medium熟。牛小排分量ok但係un少少，有個細焗薯伴碟，心諗會係熱定凍呢??焗薯喎...又唔熱，應該係用雪櫃焗出嚟架囉嘅。6. 燒雞pizza - 全晚唯一出煙食物，i mean夠熱。水準 - 同麵包店6蚊件pizza水準有得fight! 驚喜7. 餐飲 - 叫左2杯凍檸茶，以為穩陣喇掛，可能近排糖水有價，杯野自動變少甜...唉...連杯野都唔掂。8. Service - 冇咩....不過d位有d迫，待應成日好o係身邊走嚟走去好annoying，唔expect 咁囉，或者我個位唔好掛!9. 環境

之後食過佢既LUNCH,覺得OK, 所以又再來食DINNER又係一坐底就俾左一籃麵包, 另加幾條青瓜甘荀配千島汁麵包同瓜條都新鮮好食什扒餐, 出乎意料地好食不論係豬羊牛等, 都整得唔錯, 連埋煙肉和斯華力腸, 好豐富反而是日推介的燒豬仔骨就差少少一來等得耐二來無乜肉食, 燒得又比較乾身, , 下次都係轉回大路的西冷 / 肉眼 好了但埋單只係 $210, 價錢又唔貴而且仲送了一張紅酒COUPON, 可以下次再來試下

臨近婚期原來要戒口不易，因為總有不斷的派帖/聚舊飯局，而且要就人時間地點選擇極為有限。參加不到大大小小的誘人飯局，週六被逼逗留元朗，還好Oliva都有心太軟安慰我!　選這裡除了環境舒適怡人，還因為位置靠近大大小小婚紗店。等同學放工，兩點多才入座，供應的仍然是午餐，索價只$37+10%(平日還不收加一)，內容則介紹如下：　餐前包-意大利黑醋與橄欖油還是照舊預先倒好，麻麻的安排；不過餐前包已由粉靡無味，變成外脆內軟的小餐包，質素改進了不少，當然如熱點會更好。　意大利菜湯/蘑菇忌廉湯-前者質感濃俗卻味淡，很難飲；相比之下忌廉湯口味較正常，但漿糊的口感似是粉開，也是水準以下之作。　主菜-選擇也不少，是日豬、牛、羊各有支持者；我吃的是紅酒汁煮羊仔脾，三肥七瘦的羊肉香騷嫩滑，加上醬汁十分芳香可口，不過薯菜的焗薯不熱又沒多少味道；也試了友人的紅酒汁肉眼扒，火候不錯肉質柔嫩，只是調味略淡，欠了一點香口惹味。另一份主菜蜜桃煮豬柳就沒胃納再試了，因為還有甜品後著!　朱古力軟心蛋糕伴雪糕($48)-曾經吃過意大利芝士餅、蘋果金寶、泡芙塔、士多啤梨拿破侖，水準都一般，因此對心太軟的憧憬也不大；果然，心太軟本身

今日提早同爸爸慶祝父親節, 特登搵D特別啲嘅嘢食. 諗起上次同朋友食過都唔錯, 所以諗住俾個驚喜爸爸. 環境唔錯, 都幾有情調同氣氛, 不過地下比較滑, 所以出入要小心. 食物方面...我哋叫咗一客凱撒沙津, 一客南瓜鷄車打芝士意粉, 一客青咖哩鷄意大利飯, 一客細夏威夷 Pizza, 一客茄汁青口, 一客焗田螺同埋一客細意大利芝士蛋糕.其實一座底就會有前菜送, 通常係麵包(配橄欖油, 醋), 今次仲有新鮮蔬菜 - 甘筍, 青瓜同西芹添. Tips: 唔夠可以叫佢添. 麵包 - 放得耐咗, 唔夠香軟. 蔬菜 - 好新鮮, 好味. 凱撒沙津 - 味道唔錯, 材料新鮮, 個汁夠味. 南瓜鷄車打芝士意粉 - 意粉係車碌形, 好香芝士味, 好味. 青咖哩鷄意大利飯 - 唔辣, 味道ok. 爸爸話鍾意呀. 夏威夷Pizza - 唔夠海鮮 Pizza 好食, 不過都 ok. 茄汁青口 - 個汁幾好, 但係啲青口超細. 焗田螺 - 味道ok, 但係啲田螺唔係應該有個殼嘅咩?!意大利芝士蛋糕 - 唔太甜, 好芝士味, 好味. 雖然爸爸話出面九龍啲意大利餐廳好食好多, 但响元朗區嚟講都算 ok. 出面啲

以前OLIVA係無套餐的 (晚市), 所以試過一次之後我都無再來幫襯星期行過, 見到原來佢地中午係有SET的, 加上款款都係 $37, 所以又走了入去一來先給了一籃麵包 加一碟黑醋欖油麵包OK, 但如果配牛油更佳湯 : 什菜湯, OK, 料都唔少菠菜忌廉湯, 仲好飲, 值得推介主菜白汁蘑菇雞意粉, 意粉有咬口, 白汁雞都唔錯煎龍利柳配薯菜, 龍利柳好大的一條, 略嫌煎得唔夠香口, 另加一隻焗薯配煙肉碎白汁, GOOD, 絕對係有誠意餐茶最差,凍檸茶 : 茶底係熱茶加冰而成, 來到冰又溶晒茶又無味, 唔得但以餐湯和主菜的水準, 都值得再返來幫襯的環境 : 唔錯, 西餐廳來講係元朗都算係高級招呼 : 坐低之後, 要到落ORDER個時, 侍應見到我地無水先識送兩杯過來抵食 : 都係抵食的, 雖然星期六日要加一

食物方面算不錯但服務態度就真的很差果日雖然係夜晚 但人客不多首先我同老婆進入餐廳個部長係10呎遠既地方望住我地冇出聲要我地行埋去佢身邊同佢講 : 2位入到席後睇完餐牌招手諗住叫野食個女侍應一副唔情願個樣行埋黎我點左一客鵝肝牛柳要求要蒜蓉汁可能我地大鄉里唔知道高貴的意大利餐廳鋸扒冇蒜蓉汁個女侍應立即面黑碌大雙眼望住我講 : 我地呢度冇蒜蓉汁跟住就靜左 冇左下文我再硬住頭皮問個皇帝女: 請問你地有咩汁個皇帝女諗左一陣 可能諗緊個意大利文名詞點樣翻譯中文好彈左兩隻字出黎 : 燒汁ok 就燒汁 我再點左一個芝士火鍋點完個皇帝女馬上用近乎搶的力度把餐牌從我地手中奪走我同老婆當時四眼相望 目定口呆攪乜鬼 我地幾時得罪左人自己都唔知就算d野食幾好味都冇用 下次一定唔會再黎我寧願去隔離街邊食車仔麵 就算阿姐將隻手指插落碗麵度拎上檯我都唔介意