Oliver's Super Sandwiches (創紀之城五期(apm))

营业中

休息中

因來這商場維修電話第一次來這店，開放式Coffee Shop 地方不大⋯⋯當日來了一份茄貝通粉早餐，跟奶茶購票後自己找位置坐下等吃奶茶夠香夠滑、真的可以提晨一條肥肥大大的英式兵加腸，兩隻炒滑蛋，烤番茄、炸薯餅仲有兩片多士。配搭，等同茶餐廰的早餐，但份量就比較大，番茄湯底相當杰、茄味超濃郁、酸甜開胃、腍滑的通粉仍保持咬口！而脆皮多汁甜烤番茄，做法非常簡且健康的，滑蛋有蛋汁，香腸也是充滿肉汁的，炸薯餅充滿薯味且脆口但略油貳麥包兩塊連皮、太豐富幾乎好滯...是一個會令人感滿意的小型全餐。

話說有日行街行到攰攰地想坐低食d野見到呢間個menu好似好吸引就試下啦好中意食南瓜旣我即刻簡左呢個餐menu影得好靚不過真實係d南瓜太多多到跌晒出黎有d似分開食個薄餅同d南瓜咁南瓜粟米芝士薄餅 6/10d餡多到跌出黎南瓜好淋好甜不過個sauce略嫌酸左少少薯條反而有驚喜係近期食過最好食旣！熱辣辣唔油膩又好脆整體唔算差旣不過好好食就唔算喇

今日要過個客度攞嘢，見有啲時間就喺佢公司附近嘅Oliver’s Super Sandwiches食咗個大早餐先上去。今日就叫咗個炸魚早餐，佢入面有黑松露炒蛋，炸魚，蕃茄，同埋牛角包。個早餐一擺埋你，就聞到一陣黑松露獨有嘅石油氣味，個蛋都叫炒得好滑，但要加啲鹽先好食！焗炸魚就。。。應該係啲現成貨，個炸粉都好厚雖然炸得好脆，咁加埋啲他他醬（一定要兩包）都好過其他快餐店嗰啲魚柳嘅！個番茄就好熟，好juicy，但係唔夠燶，冇咁香口！個牛角包都係啲現成嘅，但焗熱左都尚算OK！杯即磨咖啡都係正正常常喺咖啡機度撳出嚟，咁就唔多講啦！食完個靚早餐又係一日嘅開始喇！

一個Good Morning，當然離不開吃一頓豐富又美味的早餐近排早上返工經常都光顧這裡這餐廳裝潢簡單、座位雖然不多但亦可稱上舒適！開放式廚房能夠滿足客人的感官無論三五知己還是單獨靜坐也是不錯選擇今天經過就試了這個新堆出早餐~價錢不便宜但可接受脆炸魚柳（配它它沙律醬）、黑松露炒蛋、烤蕃茄迷你牛角包、配一杯熱飲！牛角包，外皮夠曬脆，咬落又夠鬆軟， 魚柳薄薄的粉炸到外脆內嫩，香口得黎好Juicy . 烤蕃茄在此店大部份早餐都有雖得一片但切得都幾厚、甜酸開胃、也食得出新鮮~早上食些鮮蕃茄有一種健康感覺松露炒蛋份量十足的炒蛋，上面佈滿了很多小粒黑松露，新鮮熱辣，散發着蛋香和松露香氣咖啡甘香順滑、相當對辦！店員好有禮貌，非常抵讚而且佢哋服務好有效率~購票後唔洗五分鐘啲食物已經黎到!

今朝等阿女學野之時，去左APM食個豐富早餐。其實好多舖頭都未開，所以就直接入咗嚟Super sandwiches食大早餐。 點左個B2餐，因為好喜歡茄汁豆，又有至愛嘅牛角包🥐😆。點定餐就坐埋位等店員送餐，過程都好快，唔使5分鐘。但意想不到嘅係所有食物都熱辣辣(好合乎佢哋個slogan喎)，呢樣好緊要，因為今日天氣真係好凍！另外想講腸仔係有芝士响入面，啱晒喜歡芝士味嘅我，size都有返啲份量👍🏻其實我麻麻地鍾意食蕃茄，但呢個厚切都唔錯，一啲都唔酸。最後嘆返杯咖啡，因為係普通即磨咖啡，所以味道比較遜色同苦。

返工早餐我多數選擇食三文治, 貪佢方便可以一邊睇公司電郵, 一邊食。如果朝早有時間, 我會去食 Super sandwiches。呢排佢有個take away 優惠早餐, $30 有一個包配茶/咖啡。今日我買左磨菇蛋牛角包+熱即磨咖啡。磨菇同雞蛋既份量適中, 味道係不錯, 但可惜因為係外賣, 拎到返公司個包已經凍左同壓扁左, 所以有點扣分。咖啡一般, 奶味不重, 都幾大杯的。但總括黎講都好抵食。Oliver's Super Sandwiches 地址: 觀塘APM 2樓L2-13 

我選了佢嘅早餐B3，挪威煙三文魚粟米炒蛋，蜜味火腿，雞肉早餐腸，炒蕃茄配穀物包， 飲熱latte 。成個早餐都不錯，熱辣辣，最有驚喜係佢個長條型嘅穀物包，外脆內軟，冇估到呢個早餐有咁特色嘅麵包，值得一試，黎返過 “good morning”

只當佢普通quick lunch 可以了，當然不是什麼很好的西餐。quick lunch 勝在真係煮得勁快，幾分鐘就上菜又夠熱。本身想食黑松露意粉，但收銀哥哥聽錯了，叫咗三文魚意粉，不過唔緊要，試吓囉。我叫set ，有湯有意粉，野飲加了九蚊。個白湯夠熱，菇味夠香，都不錯。意粉都夠熱，味道適中，沒有太鹹之類什麼的，正常發揮。我加了九蚊叫了熱檸茶，是茶包，水夠熱幾好。埋單七十三蚊，沒有優惠，坐得幾舒服都幾好。十二點二入去又立即有位。分數係野食來得超級快、夠熱、坐得舒服，食埋就始終普通quick lunch，不能算作好好味的意粉。

行經呢間Cafe，諗起好耐無幫襯過，又被呢個精選晚市套餐所吸引，只需$70就有酥皮湯，主菜及飲品，即刻有把聲音係我腦海出現.........."入黎啦....入黎食啦"三款主菜中，點選呢客蜜味火腿.車打芝士.磨菇配意大利包，包即磨咖啡/熱茶就無需再加錢，點了即磨咖啡 (一杯份量都唔細)主角一樣唔小嘢，帶少少脆身嘅意大利包，夾住蜜味火腿，微熔車打芝士及磨菇，仲有多汁嘅蕃茄片，食起黎一D都唔乾，簡單配料但味道唔錯!勁多料食緊意大利包之際，呢個酥皮忌廉粟米湯出場啦不禁用匙更篤爛個酥皮後，酥皮塊伴住香甜粟米湯一齊食，相當邪惡，小心燙口食晒成個套餐真係超級飽，下一次試下個意粉先..........................

記起中學時代的Super Sandwiches對我黎講已經算係貴價餐廳LOL出黎做野之後有時食lunch都會去食下焗薯，lunch set主要可以選擇Pasta或者焗薯，另配餐湯或餐飲，$60-$70算幾抵食。Pasta質素不錯，但我比較中意食焗薯餐，特別推介挪威煙三文魚沙律加碎蛋沙律焗薯，賣相好靚，好似2球軟雪糕，而且好好味。唔好比焗薯份量騙到，絕對能令你感受到滿滿的飽足感~焗薯熱辣辣出爐，薯味香濃，挪威煙三文魚沙律帶有燻香風味，沙律甜味中和了鹹香味，再加口感香滑的碎蛋沙律，雙重滋味。

今日去官塘做完野，去行下 APM廣場，周圍不算太多人，行到攰了，食個快靚正的午餐及休息下，就想起 Oliver's super sandwich。可能很久沒有來了，發現有很多新餐，最後決定点了海蝦海鹽檸檬汁意粉，看看餐名~海鹽配檸檬汁就知道是絕配。侍應姐姐很快就送上餐來，看外觀已經不錯了，有大大隻海蝦，新鮮可口，意粉的口感軟硬度適中，自己非常喜歡，再配上海鹽檸檬白汁，果然沒有令人失望，非常好味，整個意粉都配合得很好。

Eat is Life, Eat is Love,這店係APM分店，未入門已見這slogan，所以愛自己，一定要食好啲。哩度有送餐服務，叫咗餐坐定定，就有野食。宜家仲有手機點餐服務，可以用手機點餐同畀錢，以後再唔駛再排隊了今日早餐叫咗個芝士腸，炒蛋，茄汁豆，牛角酥，加杯提神的咖啡牛角酥係迷你size，但入口，個牛油香同包酥脆，真係好好味芝士腸，皮係脆皮，切開，裏面的芝士流晒出嚟，入口好有芝士味，同脆口，加上滑滑炒蛋咖啡，好香咖啡味

We are coming here for our quick lunch 🥙 🥗 We ordered one ☝️ super combo E11 - Norwegian smoked salmon with egg salad and one mix salad - small size ( can choose 1-2 items. Very nice, very flexible, delicious... healthy food 🥘🥳😏🤤😪🥳The point is, Soup is definitely fabulous, fantastic, delicious 🤤 and rich flavour I will come back again because good taste. But price is not that very good. We just order two salads, we paid 135 already.

進到店內，坐進空位，頓時發現店裡環境有欠衛生。地上有頭髮、食物碎屑，沙發上同是。再次選擇這店是因為食物賣相好，味道也好。但這次店舖衛生情況卻令我有點失望。初用Scanning QR code下單，不到五分鐘，食物就到齊了。黑松露牛肝菌忌廉蘑菇扁意粉（素食） - 黑松露香味濃郁，意粉質地偏硬身，挺有口感。蘑菇非常入味。挪威煙三文魚·碎蛋沙律法式三文治 - 麵包質地較硬身，煙三文魚不太新鮮，味道過腥。還好，喝一口熱鮮奶咖啡，感覺好一點。Oliver’s Super Sandwiches 的食物質素我是欣賞的，希望此分店的衛生情況能有有改善。

一個人10點就出到apm，要等朋友，又未食早餐，去搵間餐廳食個大早餐，享受下先。呢個時候Apm唔多選擇，super sandwiches有早餐，望落都幾吸引。嗌完先知原來仲有碗粉，好大份呀😂😂不過慢慢坐，慢慢食都ok ge。薯餅好好食，多士唔係普通白面包，就咁搽牛油食都好食呀！而個粉係配濃湯既，湯底夠濃厚，好味！食食下都差不多飲得哂碗湯😂跟餐我嗌左咖啡，個人就覺得濃左啲，多少少奶就更好！😋