Oliver's Super Sandwiches (創紀之城五期(apm))

营业中

休息中

偶爾見到Oliver’s Super Sandwich推出左睇落好似幾抵嘅Dinner Special，$70就有一個酥皮湯、一個主菜同埋一杯嘢飲，所以就決定同朋友一齊去試吓。一共有三個選擇：意粉、焗薯同埋意大利包。我同朋友都揀咗挪威煙三文魚、蜆肉、刁草忌廉汁拼肉醬扁意粉。開頭以為佢嗰張相只係啲特別嘅設計，點知上枱就發現原來個意粉真係咁嘅樣，有兩種唔同嘅醬，真係好特別。個人比較鍾意三文魚蜆肉忌廉汁。煙三文魚嘅份量都幾多，鹹鹹地咁配埋啲忌廉汁真係好好食。肉醬就同普通嘅差唔多。佢個扁意粉本身都煮得啱啱好，唔會過軟或者過硬，而且份量都係啱啱好，食完唔會覺得餓，又唔會飽到上心口。我哋其實都係為咗個酥皮湯先決定去食，果然佢冇令我地失望。個酥皮焗得好靚，真係好好食。個湯係粟米忌廉湯，有好多粟米，同埋個酥皮一齊飲，真係好正。我嗌咗熱茶，後尾先知原來係檸檬茶，杯茶熱得來又夠晒濃，同濃味嘅意粉好夾。成餐飯唯一覺得美中不足嘅就係佢啲座位唔算好舒服。不過如果有機會嘅話我都想試吓其餘兩款晚餐。

要來這店， 交通非常方便，商埸連接著觀塘港鐵站。很喜歡來這店吃早餐B5 早餐 蜜味雞扒、 炒蛋、 蕃茄 、 穀多士。~燒汁雞扒， 微微燒焦的雞皮 ，雞肉嫩滑，甜甜地的燒汁好入味，味道好好。滑滑的炒蛋，有色彩及健康的蕃茄，縠多士， 是一份豐富的早餐！B2 早餐車打芝士腸、炒蛋、蕃茄焗豆、烤蕃茄、迷你牛角包。~ 暖暖的茄汁焗豆，好滋味。車打芝士腸芝士完全融化， 味道不錯。即磨咖啡早餐習慣了要飲一杯醒神咖啡， 好鐘意飲這店的即磨咖啡，品質好有水準。早餐有B1-B10 款式選擇

放工同未婚妻係觀塘食晚飯，本身想係APM行完街先去工廈搵食，點知途經Oliver Super Sandwich見到有推廣優惠$68有齊酥皮湯、飲品、同主菜，見望落去唔多人食，乾淨企理，就打消咗去工廈覓食嘅念頭。主菜三選一，分別有意粉🍝、包🥖、焗薯🥔。今次我就揀咗焗薯。Oliver Super Sandwich係大家樂旗下嘅一個品牌，所以食嘅時候會發現有好多同大家樂相似嘅地方。例如酥皮湯同焗薯嘅薯仔跟大家樂食嘅幾乎係一模一樣。不過Oliver Super Sandwich就係焗薯上面加雞蛋同埋三文魚醬。焗薯整體食落去味道唔會太濃，配埋凱撒沙律🥗。成個餐先$68絕對係高CP值之選。

呢一間永遠都吃唔厭但係佢又唔算特別好食嘅餐廳我又再光顧haha。但係食過咁多次我都真係好少食佢嘅焗薯系列所以今日晏晝我就決定要試吓。我叫咗嗰個係雞肉焗薯嚟嘅。上碟嗰陣個焗薯仲係好熱辣辣，跟住仲見到啲面頭嘅芝士慢慢喺度溶化緊好正讀書就冇點樣調味嘅，而焗嘅時間都啱啱好唔會話好硬另外個雞肉嘅醬汁幾好食有少少蜜糖嘅味道配埋芝士好香口。啲沙律就不過不失普普通通啦，呢一個餐亦都配上一杯嘢飲我只係叫咗一杯檸檬水。整體呢一間餐廳嘅焗薯系列都唔錯下次會試試其他口味

今天到這邊工作，來到三點几，TEA一TEA吧！還記得月前續會時，有張25元現金劵，一定要盡快使用。　這分店格局細，但因為是平日，客人不多，環境寧靜，環境比高分。最後點了一個三文治Tea Set，再慢慢等待職員呈上美食。會員咭可享九折和25元現金劵，茶餐原價42 – 4.2 -25 = 補12蚊。抵!    蜜味火腿菠蘿車打芝士熱烘三文治　 菠蘿酸酸甜甜，但有鹹香的火腿來襯托，所以就變得更甜。還有車打芝士和烘烤過的全麥麵包，要大力咬呀咬！　熱奶茶　　以２個茶包沖泡，保証有茶香有茶味，成為滑溜不鞋口的淡奶茶，非香港絲襪奶茶的濃郁。

呢間連鎖餐廳其實我都食咗好多年都幾欣賞佢嘅麵包類比較少食佢其他野，所以今晚嘅晚餐就試一試佢嘅意粉。同朋友叫咗兩個唔同嘅套餐，有一個就係啲dinner special.只係需要$68就有一個意粉同埋酥皮湯仲有嘢飲添都算幾抵朋友就叫咗一個三文魚蜆肉忌廉汁配肉醬意粉而我呢就叫咗一個煙三文魚蜆肉叼草忌廉汁意粉配雜菜湯。個意粉一次過可以滿足晒兩個願望，個肉醬呢就比較濃昧而個忌廉汁比較淋身嘅，意粉就煮得有啲偏硬可能煮多幾分鐘會比較適合。酥皮湯就幾好飲嘅，湯係蘑菇湯，有住好濃嘅蘑菇香味而個酥皮亦都非常之香口，浸落個湯度食簡直一流。呢個意粉同上面嘅意粉其實都冇乜分別嘅只係無左肉醬，而個雜菜湯都做得唔錯用料十足。上枱都係熱辣辣整體來講呢一間都叫做唔錯嘅快餐店。

早幾日係觀塘apm想快快地揾個地方食個lunch，係apm要揾稍微平d同ok好食既餐廳都幾難，因選擇都好少。諗諗下就決定去呢間食！我地兩個人叫左個整意粉同焗薯仔餐，焗薯呢就味道普通，但係意粉就幾好食，呢個意粉一直係我最愛，而且都食得幾飽，兩個人食埋單一百二十蚊，雖然唔算好平既快餐，不過係apm食就算係咁啦，去apm food court 食都差唔多五六十蚊一個人，所以有時快快地唔想諗食咩都可以簡呢間！😆

一早買咗戲飛去apm睇戲，睇戲前約朋友食個tea醫肚先。apm有好多選擇，想快靚正又唔想食food court，我地揀咗Super Sandwich。⭐️熱香餅•蜜糖雞翼•雙層沙律三文治 HKD$56熱香餅鬆軟得嚟熱辣辣👍🏻蜜糖雞翼細細隻，但夠juicy🤤雙層沙律三文治入面有生菜蕃茄蛋沙律，食落開胃。⭐️蜜味火腿•菠蘿•車打芝士熱烘三文治 HKD$42芝士火腿加埋菠蘿酸酸甜甜咁，好味😋⭐️加芝士焗肉醬薯條 HKD$26芝士肉醬香濃，薯條乾身，但焗後偏腍，唔脆。跟餐包埋飲品。⭐️熱檸茶⭐️熱奶茶好滿足嘅tea set😋

Super Sandwiches分店有好多 但係偏偏屋企附近一間都冇 今次響apm行街碰上有tea set 好似都幾抵咁 所以決定坐底嘆番個下午茶餐 店面唔大 不過兩個人比較易搵位 自助形式 先付後有送餐服務我地揀左T2 係雙層沙律三文治×熱香餅×蜜糖雞翼 @$56每款都係兩件 岩曬兩個人share食 唔驚食到太full熱香餅都幾鬆軟下 加左小小honey會再好食d蜜糖雞翼冇咩蜜糖味 只係普通煎雞翼 都幾失望下😥 三文治整得好食 吞拿魚沙律同蛋沙律好夾味 配埋蕃茄同生菜 感覺好fresh好健康 加上佢採用既麥包乾身得黎好軟熟 實在值得一讚 果然係sandwiches專門店既出品👍👍

係觀塘做完運動之後都會黎食, 佢地既下午茶都有唔少選擇~ 份量同價錢就適中既~ 佢有幾款三明治同埋有D意粉比你選擇, 大概40至60蚊左右~ 再加埋野飲都唔算好貴~所以我覺得以一個下午茶黎講都算唔錯~遲D可能會再試埋個午餐或者晚餐!

其實平日响觀塘區食 lunch 都有 D 頭痛架, 不過好在周圍的餐廳夠多, 選擇也十分多, 我可以不停地試不同的餐廳。Oliver Super Sandwiches 開左响 apm 多年, 之前經常去, 但係裝修完之後沒有再去了, 因為不外乎是意粉同麵包, 同區有更好的選擇。今天經過見到有位又唔使排隊, 就好快買左個意粉 combo (跟磨菇), 加多 $6 轉 hot latte!熱磨菇湯夠熱又 creamy, 好濃味也夠滑!加 D black pepper 更惹味。意粉未食已聞到非常香的 truffle 味, 有很多切片磨菇。意粉硬度適中, 磨菇汁也好味, 每條扁意粉都沾上了磨菇汁, 好味呀。唯獨意粉份量不算太多。今年續左會, VIP 9 折, 用埋張 $25 coupon, 即時感覺抵 D!

今次要介紹嘅係喺觀塘APM嘅Supersandwiches。呢間連鎖餐廳都幾多分店，好似好耐冇食過就同男朋友去食個下午茶🙆🏻下午茶冇平時咁貴，所以如果大家想去食都建議大家食下午茶嗰個set！今次去食咗一個焗薯set！佢有得俾你揀焗薯上面嘅配料，而我就揀咗芝士西蘭花配焗薯😋上面嘅芝士係車打芝士，拎出嚟嘅時候已經溶咗喺西蘭花上面，放入焗薯裏面配埋一齊食，我感覺到天堂就係我附近😍😍😍😍佢個焗薯好鬼大舊，呢一個set仲會配埋一個蛋沙律牛角包，再加多一杯嘢飲🙆🏻單單係我呢一個set都夠我同男朋友當係下午茶咁食，都好滿足！仲有一碗餐湯，個羅宋湯就冇乜特別啦，都幾似罐頭湯🤔🤔🤔不過整體來講感覺都唔錯，60幾蚊就有咁多嘢食，都算抵食嘅！

今日朋友約放工後到觀塘APM逛街，逛街前，肚已經餓到不行了，便到APM的Oliver's Super Sandwiches吃晚餐。朋友單點了一份挪威煙三文魚‧蜆肉扁意粉配刁草忌廉汁 ($50)。而我點了一份挪威煙三文魚‧蜆肉‧刁草忌廉汁拼肉醬扁意粉套餐($79)，餐湯是黑松露忌廉磨菇湯，餐飲選擇了熱奶茶。因為套餐有餐湯和飲品，所以一份單點加一份套餐，大家便可以共享，而且較抵~從相中可以，黑松露忌廉磨菇湯中間的那點黑色便是黑松露了~ 黑松露份量不多，但味道已經很濃。忌廉磨菇湯很creamy，但太咸了~挪威煙三文魚‧蜆肉‧刁草忌廉汁拼肉醬扁意粉的份量不算多，不過醬汁足夠。肉醬中的肉碎有不少肥膏和筋... 不過整體味道還可以吧~熱奶茶的茶勁濃，奶很香，相當不錯。挪威煙三文魚‧蜆肉扁意粉配刁草忌廉汁，賣相單調，不過味道都還可以的。整體而言，意粉的份量較少，價錢算貴~

星期五黎到APM食晚餐，周圍都係人，見到super sandwiches 有位，即刻就決定晚餐係到解決。環境方面，餐廳地方較細，座位都比較少，通常都需要搭枱。枱都比較細張，放晒野食後基本上就無剩餘既空位啦。我地一共叫左兩個套餐落完單俾左錢，拎左號碼牌後，焗薯餐唔洗五分鐘就到，好快連千層麵亦送到啦，適合咩都要快既香港人。食物賣相都幾靚，我特別鐘意佢熱飲杯既設計，好有聖誕氣氛。1. 煙三文魚沙律碎蛋沙津焗薯 + 碎蛋牛角包+ 凱撒沙律配 蜆肉忌廉湯 飲 熱奶茶好鐘意黎間餐廳既焗薯，薯仔焗到軟淋淋，但又唔會乾爭爭。配上少少鹹既煙三文魚沙津，加埋入面既紫洋蔥，成個味道好夾牛角包好鬆脆，可惜碎蛋沙律無乜味。凱撒沙律份量就比較少，但蔬菜都算新鮮，麵包粒亦都脆口。忌廉湯好濃滑，入面好多磨菇粒，幾足料。飲品方面，熱奶茶入面用既係兩個茶包，所以茶味幾香，加左一包糖就岩岩好，好飲2. 肉醬千層麵 + 沙律拼薯條 配 雜菜湯 飲 熱朱古力千層麵既肉醬好足料，面頭亦加左好多芝士，可以好長既芝士絲，味道唔錯。粗薯條夠脆同埋夠熱，加埋蕃茄醬就己經好食。雜菜湯就比較普通，無乜特別。總括黎講，以焗薯同意粉黎講，價錢都

是日OT ，好彩apm都仲有好多夜收既餐廳可以搵食，行過super sandwiches，有塊大大既餐牌係店門前，好吸引我。因為呢個晚餐combo只係$68，挪威三文魚、蜆肉、刁草忌廉汁拼肉醬扁意粉、酥皮湯連飲品，好抵呀，平時單叫一個意粉都要$79... 一次過滿足晒兩個願望，還是比較偏愛肉醬意粉，因為醬汁比較濃郁。不過忌廉汁都唔錯仲有好多蜆肉。意粉係軟硬適中既，唔會太淋，岩我。可以太多人叫餐，酥皮湯係後上既。其實我本身麻麻地鐘意酥皮，但因為塊酥皮，令個湯飲到最後都仲好熱。湯係蘑菇湯，有好香濃既蘑菇香味，仲有d蘑菇碎，熱辣辣飲最正。