Oomaki (K11 Musea)

营业中

休息中

今天和老公帶貓貓去K11 musea逛街，早上11：30的時候看見food court 沒有什麼人，亦沒有禁止寵物內進，而且我被這間日本餐廳的餐牌吸引了，便來這裡吃午餐。由於我們還點了其他餐廳的食物，所以便坐在美食廣場內的位置，而不是餐廳內。我點了三文魚刺身壽司手卷盒$158和海膽醬帶子魚籽卷$78，海膽醬三文魚籽的味道相當不錯，鮮甜美味，每一口都充滿著淡淡的海膽和魚籽香氣，只是賣$78有點貴。至於壽司手卷盒包括了枝豆，三文魚刺身，以及幾款壽司，三文魚刺身幾新鮮的，至於幾款壽司都的味道都挺好的，枝豆則正常味道。總結來說，雖然$158這個價錢在美食廣場有點貴，但這裡是K11 musea ，香港頂級商場，沒有便宜的東西，而且日本菜都差不多這個價錢，至於服務，你在美食廣場就不要求有什麼服務了，你當是自助的日式快餐店便行了。最重要是寵物都可以在美食廣場吃東西，如果帶寵物來吃，立即划算很多，因為基本上可以帶寵物吃的餐廳全部都十分昂貴。

K11 musea 隱世日式餐廳 仲免加一✨✨✨✨✨✨✨✨✨✨✨✨✨頂級刺身拼盤 $298刺身全部都好新鮮🥰海膽好鮮甜 呢個價錢係超抵件件刺身都大大件✨▫️▫️▫️▫️▫️▫️▫️▫️▫️▫️▫️▫️拖羅刺身壽司手捲飯+湯 $168壽司好食 特別係木盒上面個舊呢個價錢既拖羅刺身都好出色 ❤️唔太輸比刺身拼盤好多 但當然無刺身拼盤咁厚切🙈▫️▫️▫️▫️▫️▫️▫️▫️▫️▫️▫️▫️三文魚刺身壽司手捲飯+湯 $158我係為左舊油甘魚壽司而叫油甘魚入口即溶 食到好幸福🥰🥰仲有好多切粒既三文魚刺身 老實講 多都最後係食唔哂🤣▫️▫️▫️▫️▫️▫️▫️▫️▫️▫️▫️▫️整體黎講 呢間cp值超過雖然鋪頭係foodcourt 個層但鋪頭入面係有自己既座位（約6個）我大推呢間日式壽司店！▫️▫️▫️▫️▫️▫️▫️▫️▫️▫️▫️▫️味道：8/10環境：6/10 （喺food court入邊的確會扣啲分）服務：8/10抵食：9/10

雖然都知food court（仲要遊客區）都實無嘢好，但洗唔洗真係咁又貴又唔好食🤡叫左個set 叫Nara ，個三文魚沙律開始接受，啲芝麻、蔥花配落三文魚到唔錯。但係其他例如啲枝豆出黎係室溫盤咁上（姐係無雪嘅冷盤），而且有幾條細粒到蔥花咁🤡 舊吞拿魚腥得黎又硬又咬唔開🤡 舊唔知咩貝都腥腥地（但可接受）然後手卷舊左口魚係算食得落，但紫菜淋曬，同埋都唔係話好食。其實話曬都$150，可唔可以認真少少處理 （不過可能佢會話我俾得$150）

員工服務差，我地表明左堂食，佢地叫我地係收銀處俾左錢先再就座。佢地提供既用餐位置有8個座位，但埋邊4個位既地下係有一大灘水漬，員工眼見都有6個以上，但我地點完餐坐低左，無一個員工話我地知係坐低等野食送上，定係要出去收銀處旁既出餐區拎。最後我地等左10分鐘，眼見遠處既出餐區好似係放左我地點既野食，再問問前面既女職員我地叫左既野食係送上唻定係要自己拎，佢塊面係隔住個口罩都感覺到佢黑緊我面，佢話係要自己出去拎。之後佢地啲員工係只會自己係咁傾計，係唔會理你有客人坐係度，完全唔會同你交流，唔會同你打招呼。食物方面，壽司係整定，你叫既時候就執俾你食，放壽司個盒係無冷凍的（附圖），其間有廚房員工係備餐枱下面個雪櫃，拎左兜野出唻聞，好似睇下係咪臭左咁樣。

本身想食番另一間餐廳，但因為已經無得落單，見仲有間都靚靚地嘅日本野就試下啦。毫無懸念叫左個香煎三文魚拉麵再轉個地獄湯底盛惠$118，本身都覺得少貴啦，等左5-10分鐘左右，出到黎見到個賣相同份量都好ok wo, 睇得出廚師都幾有心機整，煎得好靚好香仲要兩大片，個地獄湯都有驚喜夠辣同夠熱辣辣，通常平時食日本嘅辣湯都唔會辣，呢到好似就番香港人口味，拉麵口感都係自己鐘意食爽身掛湯，foodcourt黎講算唔錯，值得一試

餐廳價錢 Foodcourt味道 不知所謂🐟🍣餐廳: Oomaki 地區: 尖沙咀蒲燒鰻魚定食 HK$118 - 望落都OK 食落唔OK 味道醒醒地 太多細骨 湯好淡 沙律同飯正常壽司 八貫 HK$148 - 壽司細細件 魚生好單薄 唔新鮮 食完成set好似冇野落肚咁結論: 係foodcourt入面見呢間有啲人買又試下 坐係入面bar枱 得7個位左右 空間OK 價錢係foodcourt入面算貴 點知食物質素係咁差 好失望 同價錢成反比 食返出面foodcourt果層既野好過環境衛生: 🌕🌕🌕🌗🌑食物味道: 🌕🌗🌑🌑🌑服務態度: 🌕🌕🌕🌑🌑

事緣朋友介紹話K11有一間日本嘢幾好食嘅，咁就行過去試吓啦。點知點餐嘅時候職員態度都好惡劣。其實我應該早啲睇OpenRice嘅留言⋯我就唔會嚟呢度食，因為有好多人都話嗰間舖頭職員態度好差，有啲貼錢買難受嘅感覺，同埋食物又唔係平。本人覺得可以有多少少服務質素。其實公司有冇投訴直線？？？？如果冇我強烈建議要開返一個直線電話或者專收投訴嘅email。真係好想同你哋公司嘅老闆反映一下！其實你啲員工真係好唔掂。幾時可以換過一批新嘅？做服務行業～態度呀唔該好返少少，同埋啲侍應小姐要經過訓練之後先可以做！！因為佢哋連侍應嘅基本素質都冇。其實你哋返工返到咁串，不如唔係好就返啦！好影響你哋公司招牌㗎！

K11呢間sushi唔知點解成日都覺得俾人低估咗定係因為有人講過之前職員態度問題，所以就唔敢去試？其實個人黎講我覺得態度一般，但野食係唔差架，就好似你睇圖咁樣你見到個賣相同埋個味道都水準！火炙裙邊壽司好好味好甘香，中間蟹棒肉又鮮味又靚，我覺得如果嫌貴的話唔合理，你睇佢個樣就知道唔係好好看看你求其響地鐵站連鎖店買嗰啲啦。成個presentation我覺得已經好靚，壽司飯又唔會散收收，燒和牛壽司果件個汁同d肉好夾，好食！

食物質素一般，招牌手卷的紫菜極林，咬唔開！刺身OK。職員態度極差，點餐時有點猶疑因食物相好吸引想散叫，正準備點時，被店員不禮貌地叫行開讓後面一位先，對方只是剛到，且同我一樣都要慢慢睇餐牌。當時只有我和這位客人，並無其他人排隊……取餐時，態度亦不好😔😔如早見到其他會員的評語真的不會幫襯！！

好耐冇嚟過K11 musea Food playground食飯，啲舖頭都變咗唔少但鍾意佢菜式選擇夠多，行完一個圈都唔知食咩好，好彩朋友幫我決定咗😌呢間日本嘢有賣卷物、手卷、日式便當、咖喱飯▶️ 照燒雞扒定食Teriyaki chicken set ($98)成個set包沙律、中華沙律、白飯、雞扒、麵豉湯沙律落咗粟米粒同芝麻醬，好和風味道中華沙律有質感，似海蜇口感麵豉湯用粉沖，味道唔鹹雞扒煎得香脆🐔尤其雞皮，肉質鮮嫩多汁，照燒汁唔會杰撻撻或太過濃味不過如果厚肉啲會正啲🍚米飯加咗飯素，味道唔寡，不過唔係珍珠米，硬身咗少少-成個餐味道中規中矩，冇話特別出眾服務唔係好好，可能比較忙碌？明明出咗餐，但係個beep beep冇響食物亦要等15分鐘左右先有Food court環境就幾舒服嘅，感覺唔擠迫，下午茶時間去唔會好多人搵唔到位不過價錢偏貴，咁樣就$100

今日閑逸去到呢個K11食飯啦，等到11:30先開門，然後再落單，點餐嘅時候一名女職員紮頭髮嘅同埋一名男職員態度非常惡劣，聽唔到你叫我開汽水蓋，你咪再叫過囉，然後話你係咪唔識聽中文，其實呢大家距離唔係太遠，完全係聽到你哋講啲乜嘢㗎，所以呢未食個餐已經可以寫食評非常厲害，我都係第一次。我應該睇清楚個OpenRice嚟食飯囉，估唔到啲態度真係咁惡劣。如題。

- 員工態度差 (女員工), 比面色顧客睇, 語氣不知所謂, 貼錢買難受。差D以為自己拎緊免費餐- 食物質素差, 我點了 豚肉鍋配飯$118。先講豚肉, 難食。米, 差過快餐店D米, 唔好預期係似樣既日本米/珍珠米, 你會失望。別讓相片吸引你, 你會失望。菜, 也不好食。得蟹柳叫擺得落口。

服務態度太差，問佢有冇儲分Apps佢話無（而事實上係有嘅！）叫咗碗面辣到完全食唔到！（本人已經係食到好辣嘅野！諗住問佢攞杯水洗下啲辣味話無水！無水你點煮面？！浪費咗我$138蚊！！出食物又慢，完全唔值咁嘅價錢！難怪好少人幫襯！😤😤

Oomaki 🍣｛K11 food court 日本菜精選}兩款定食的用料大同小異 有醬油湯底烏冬 加上炸豆卜 壽司木板上放有五種海鮮刺身 三文魚 魷魚 海蝦等等 一件青瓜 一件玉子小卷 沙律盤一半是混有沙律醋的凱撒沙律 分別配上三文魚及吞拿魚刺身 另一半疊了一堆毛豆 份量誠意十足 絕對夠一人吃飽的三文魚刺身壽司手卷盒 [$148]比較印象深的是最大一件的多邊魚手握壽司 多邊魚油脂豐富 大概是用了腩肉的位置 炙燒後味道有點像煎比目魚扒 推薦單點這款壽司呢☺️拖羅刺身壽司手卷盒 [$158]另一件手握壽司是吞拿魚 味道還算新鮮 包在外面的紫菜不夠脆 建議先吃了手握壽司 保留口感 價錢上有其他更好的選擇 比較推薦吃多邊魚 😋味道 3.5 / 5💰價錢：$100-150 /人📌位置：尖沙咀梳士巴利道18號Victoria Dockside K11 Musea B2樓Food Playground 203A號舖🌿舒適度：4 / 5 (K11 food court座位寬敞 有梳化座椅 唯食用環境附近人來人往 平日則較少人流）🍽️用餐時間：無限

第一次嚟K11 Musea嘅food court食嘢，原來出咗地鐵之後都要行到幾入先到呢個food court，揀咗呢間食壽司手卷嘅，都幾多定食套餐選擇～🔘拖羅刺身壽司手卷盒 $158喜歡吞拿魚所以點呢個餐，有赤身、中拖羅同大拖羅刺身，仲有吞拿魚蓉手卷，刺身質素非常唔錯，有魚油香，仲有七件壽司卷物同腐皮烏冬，好味又夠晒飽肚!!🔘照燒雞扒和食盒 $127感覺幾多嘢食，營養都幾均衡，有沙律菜、壽司、雞扒、炸物，差啲唔記得仲有湯同飯，雞扒份量多，肉質幾嫩，另外估佢唔到炸物會有多春魚，好耐冇食過而又幾好食～🔘七彩辣三文魚手卷 $48手卷係招牌菜，點都要試吓，我會形容佢為一件巨大化嘅壽司，三文魚好食夠肥美，加上香蔥同辣味沙律醬作點綴~🔘明太子雞翼 +$19🔘芝士年糕 +$19Order定食可以半價追加小食，咁都幾抵食嘅，值得追加小食~