OPPA韓國燒肉店

营业中

休息中

這間韓國燒肉店已經在旺角開業多年，記得曾經晚上來到，但已經滿座要等位就沒有吃到，這天下午未到晚餐時間，看見餐廳有空位，終於可以嚐得到了！餐廳牆上畫有塗鴉，貼有韓文字的標語牌，加上吸油煙的管道和鐵的碗筷餐具，感覺韓風滿滿的。入座後職員先送上四款前菜和一籃生菜，前菜有泡菜、醃蘿蔔、芽菜和芝麻海帶，然後職員會把泡菜放進燒烤盤上，再倒入蛋漿。由於太多款牛肉都想嚐嚐，所以一於點了一個和牛拼盤，每款都可以品嚐一下。♡牛氣沖天和牛拼盤$458🥩所有牛肉放在這個牛型的木盤上，賣相非常吸引啊！有美國上肩胛肉、美國牛小排、美國下肩胛、日本A4上腦肉、日本A4牛肉眼、1++韓牛肉眼、澳洲和牛頸脊、澳洲和牛舌。有美國、日本、韓國、澳洲的牛肉，全部味道都很好吃，肉質肥瘦剛好，牛肉味濃郁，沾上桌上提供的醬汁吃味道更惹味呢！而燒烤盆旁邊的雞蛋泡菜，不論是半熟形態還是凝固成雞蛋泡菜，配牛肉吃都很不錯，更添韓式風味啊！這個用生菜🥬包住肉的韓式吃法，把牛肉放在清新的生菜裏一起吃可以解油膩感，我覺得再加上泡菜，味道酸酸辣辣的更加好吃唷！🔥另外燒烤爐雖然看不到明火，但是火候很夠，燒肉很快就可以吃了，而且不黏底，不會有燒焦的黑

好耐冇韓燒，旺角方便就腳，路過見到幾韓下，所以入黎方試吓。🐂 牛氣沖天和牛拼盆 $458- 這盤和牛拼盆包含了多種優質的牛肉部位,包括美國上原、美國牛小排、美國下肩胛,以及日本A4級背肉、上脖肉和牛眼肉。肉質細緻多汁🍲 真露煮蜆 推廣優惠 $98- 真露煮蜆這道菜食材新鮮。🍹 甜過初戀 $38梨汁柚子味的碳酸飲料清新爽口,不會過於甜膩。🍹 擺明喑戀 $38 青檸提子味的碳酸飲料,口感清爽酸甜。價錢OK，坐低都幾似去咗韓國燒烤店。

🥁一日不見如隔三秋，究竟有幾耐無見過魷魚妹？熊妹都唔知道。難得夾到時間出黎見面，當然帶佢食佢鐘意的好西喇。成日都講好想食燒肉，熊妹就揀左間位於旺角洗衣街食韓國燒肉店《OPPA Korean Restaurant》。📌《OPPA Korean Restaurant》位於洗衣街好多年，熊妹好多年前都黎食過和牛拼盤，同而家嘅價錢好似都冇加減，喺物價通脹嘅年代，即係變相係減咗價啦，讚！📌牆上塗滿graffiti🎨，七彩繽紛嘅裝潢，仲有韓國燒肉店好興嘅鐵筒凳，成件事咁rock and roll🪇，真係好岩燒肉feel。📌今次睇中食呢個和牛二人餐，岩岩好今日星期二黎踩到呢個優惠，開心🥳。和牛二人餐，$328澳洲180日穀飼安格斯 100g100g有三大塊，安格斯牛肉肉質厚實，好有咬口，少少肥肉位，油脂分怖好平均，食落口肥美之餘又出牛味，可以包埋生菜包、泡菜一齊食，yummy!A4 和牛 100g100g有三大塊。就咁望落啲雪花❄️分怖已經好靚仔好靚女。輕輕燒每面大概15秒，望住佢收縮收血水🩸，再變成熟肉，成個過程真係既期待又治癒。然後再夾上黎食，好掂呀！入口好軟淋的雪花牛，油脂位好少，好重牛味，不用

【油尖旺區】【OPPA韓國燒肉店】同經理哥食佢生日飯，喺旺角唔知揀咩好，就翻兜咗喺 1am1123 嗰陣已經試過嘅呢間韓燒。因為上次試過覺得唔錯，費事再諗。經理哥第一次食呢間，所以我強推咗佢試 $458 嘅「和牛拼盤」，上次試完已經念念不忘，我就唔介意試多次喇，好食嘅嘢嘛。佢係有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊、澳洲和牛舌，風味不減，都仲係咁正。加上開爐附送嘅開胃小菜、爐邊蛋，成件事非常恰當，經理哥都對呢度啲牛肉讚不絕口。嘢飲方面，我就試「異地眷戀」，即係荔枝忌廉奶梳打，經理哥就試我上次致敬女同事嘅「擺明暗戀」，係菠蘿提子梳打嚟。兩者都唔錯，明知都係好簡單嘅原料溝出嚟，但係飲落係幾好就得啦。埋單 $504，我又點會要經理哥去破費吖，祝佢生日快樂啦。。。（地址：旺角洗衣街117號建煌華廈地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

OPPA喺旺角洗衣街已經開咗好多年 收工後同同事成日都嚟食🥩呢度嘅裝修好韓風 圓筒形嘅凳加鋁枱 點菜之後就會上韓式前菜同加泡菜爐邊蛋 感覺超地道🇰🇷我哋兩個人點咗一個牛氣沖天和牛拼盤 已經有8款唔同嘅牛部位🐂ꕥ 美國上肩胛肉 ꕥ 美國牛小排ꕥ 日本A4背峰肉ꕥ 日本A4上腦肉ꕥ 日本A4牛肉眼ꕥ 1++韓牛肉眼ꕥ 澳洲和牛頸脊ꕥ 澳洲和牛舌個人至鍾意嘅就係牛肉眼 日本A4嗰隻就油花充足 入口有溶化感 而1++韓牛就有好香牛味 兩種截然不同嘅感覺🤤牛小排油脂平均 肉質軟稔 牛頸脊肉汁多 較有嚼勁 一邊咬一邊有肉汁滲出 而另外少有嘅牛背峰 入口都好嫩又帶有油花香✨其實成個platter嘅肉我哋都好滿意 而且份量都好多 絕對食到飽飽🤰🏻

韓燒喺香港一直都好受歡迎，最正嘅地方係配埋大量蔬菜同埋配菜（如泡菜、烤蒜、芽菜），可以包住燒好嘅肉一齊食，健康又惹味。今日去旺角睇模型時，發現隔離嘅 OPPA韓國燒肉店有多國和牛，立即狗衝😋🔥 佢哋嘅和牛拼盆$458 就可以有唔同國家嘅頂級和牛，包括美國上肩胛肉嘅嫩滑、牛小排嘅濃郁香氣，日本 A4 背蜂肉同上腦肉嘅絕佳油花，仲有 1++ 韓國牛肉眼同埋澳洲和牛頸脊、和牛舌，呢啲和牛肉質細膩，每一種都唔同牛香同口感，唔同地方都有自己嘅獨特風味。而且份量足夠兩個人食飽飽， 超抵食呀🫶🏻

OPPA韓國燒肉店一間正宗韓國燒烤店OPPA,餐廳位於九龍旺角洗衣街117號建煌華廈地下,餐廳裝修以韓國燒烤店風格為主,牆身七彩塗鴉,橙色鐵桶當櫈和橙色電油桶當枱腳,好有特式,好似置身於韓國燒烤店的感覺,餐廳主打韓式燒烤,不停播放強勁k-pop,,服務員招呼殷勤有禮。韓式燒烤前菜有泡菜,大豆芽菜,紫菜和酸蘿蔔,服務員開爐即時倒入有泡菜粒嘅蛋漿製作泡菜蛋,泡菜蛋食落有嫩滑香濃蛋味。牛氣沖天和牛拼盤拼盤內有澳洲和牛舌,澳洲和牛頸肉,日本A4上腦肉,美國上肩胛肉,美國下肩胛,日本A4背峰肉,美國牛小排,日本A4牛肉眼 1++,韓牛肉眼眼,份量真不少,配有韓式醬汁和生菜,拼盤和牛肥瘦均勻,肉色粉紅清析,牛舌比較深紅,經過鐵板燒烤,牛味撲鼻,肉質嫩滑,點埋醬汁泡菜和生菜,口感好滿足。韓式部隊Shake Shake 飯飯內有泡菜,紫菜,洋蔥,午餐肉,芝麻,香蔥和雞蛋,服務員提醒食之前撈勻飯內嘅食材,材料豐富,啖啖飯都有多種食材和味道在口腔內亂竄,食到嘴舐舐。飲品有蜜桃椰果玄米茶和青檸提子梳打。

呢間韓燒店位於旺角洗衣街，提供多款肉類拼盤，更有特色小食同主食供應，價錢親民，地點方便，平日晚上好Full，記得要提早預約。餐廳設有通風系統，燒烤盤打橫擺，咁就唔會吸收咁多油，十分貼心。牛肉方面大大力推介牛氣沖天和牛拼盤，集齊多款部位，有美國上肩胛肉/牛小排/下肩胛、日本A4背峰肉/上腦肉/牛肉眼1++韓牛肉眼、澳洲和牛頸脊/牛舌、打卡之餘又高質，性價比高。泡菜煎餅好大一份，八大塊，外層微微脆身，內餡煙煙韌韌帶有口感，點埋醬汁可提升味道。烤爐旁邊可以追加要蛋捲，裡面放入大量泡菜，唔辣，惹味，口感豐富。前菜配料食完亦可添加，搭配牛肉更滋味。

今次第一次來試這間韓燒，選擇還可以都有和牛 黑毛豬，少少海鮮如帶子、鮑魚魷魚等，大部分肉都ok，而雞肉比較特出個西瓜冰賣相好好！但枱少又細，同座位就真係好唔舒服！環境好迫同窄！

仿如置身韓國食燒肉咁…餐廳牆身有大量色彩鮮艶既塗鴉，不停播住k-pop，加上鐵桶組成嘅枱櫈，好有韓國街頭feel，雖然地方唔太大，但顯得親切。食物方面：免費既😂食韓國嘢就一定有前菜，呢間前菜四小碟包括有泡菜、青瓜、紫菜、芽菜，特別推介泡菜同芽菜，仲可以refill👍🏻一開爐，職員就會倒入有泡菜粒嘅蛋漿即席製作泡菜蛋，滑滑好香口（refill就要$18，－d都唔貴）牛氣沖天和牛拼盤（超值價$458）入面有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼1++韓牛肉眼、澳洲和牛頸脊、澳洲和牛舌分量幾大，入口即溶。咩都有d唔使有選擇煩惱😂鰻鰻燒（$128）有6舊厚切鰻魚，再加一包鹽味紫菜燒到香口煙韌嘅鰻魚再包上－片紫菜口感簡直絕了。重點係咁樣食法會完全食唔到鰻魚d淡酸味，只會剩返啲鮮甜味👍🏻海鮮湯（$88）個湯大推，個樣睇落好似好辣。但係食落海鮮份量唔少，有虎蝦、蜆、八爪魚，充滿着海鮮嘅鮮甜味，－d都唔死辣。原個菠蘿冰（$78）見到真係叮一聲，成個菠蘿好大個。拎住影相打卡真心正加上沙冰好重菠蘿味飲極都仲有，消暑一流，特別係食完韓燒更加要下火🤗呢間餐廳環境乾

呢間之前食過味道都唔錯，又收得夠夜🕚所以今晚一行四人又嚟呢度食嘢，食耐咗都唔使趕住離開舖頭😆9:30pm之後有宵夜餐$328！宵夜餐裏面有牛&雞&豬，好抵食👍🏻另外我哋仲嗌咗份雜錦牛肉🐮$388肉質嚟講，整體呢一間嘅韓牛係最好食😋另外要讚一讚呢度嘅醬油蟹🦀$218（一隻）估唔到咁多膏咁甜🤭💓個蟹蓋用匙羹潷到勁多膏出嚟~成隻蟹啲蟹肉同蟹膏加個醬汁，連埋個飯一齊食好好味😍😍飲品方面🍍原隻菠蘿沙冰🍧$78好好食，又好解渴好飲，真係原隻連肉打出黎，好新鮮😋推介🧡

見呢間鋪頭疫情前已經喺度 依家都仲埃得住 簡直係屹立不倒！應該有好多捧場客👏🏻我哋初3 十點左右去到 試咗宵夜set好抵 埋單$361！💰一直收藏咗呢間鋪頭 見佢耐唔耐都會出set大部分set都好抵 有啲揀唔到🤔最後決定食宵夜set 但因為公眾假期 就冇得10點之後任飲！😢如果收工同同事過嚟任飲啤酒就好抵 鋪頭開到凌晨兩點🌌🌛宵夜set有曬豬牛雞🥩🍖🐔😋- 豬五花 150g🐷夠厚 有少少正常韓燒豬肉騷味 配辣豆瓣醬同埋生菜泡菜🤩 一流！- 豬西冷 150g🐷好大塊好厚豬扒 色澤幾好 新鮮豬肉色 冇五花腩咁肥 但有濃郁肉味 滿足各位食肉獸😋🍴- 牛頸脊 150g形狀係牛扒 牛味好濃好濃 少少筋 有油脂紋 所以好有牛油香！🥩🐂- 雞肉 100g可以食到一絲絲 嫩滑唔柴 但冇濃郁調味 比較單調🐓生菜任食， 值得一讚係 生菜係即洗 唔係洗定喺度擺到乾曬嗰啲！ 好脆好新鮮feel🥬配菜任食 有麻油豆芽 泡菜 芝麻海帶 同埋蘿蔔🇰🇷🥢如果覺得泡菜好濃味 都可夾醃蘿蔔配肉！ 解膩之選喔🥢缺點食完 衫同埋頭髮會有油煙味～ 同埋鋪頭本menu都比較油🙈但適應會過嚟幫手刮走烤盤燒焦嘅蒜蓉 值得一讚！✨👍🏻

突然幾位朋友相約，大家都話想食燒烤，之後就選擇呢間OPPA韓國燒肉店，入到餐廳，地方不大，但贏在有韓味，7點幾來到，都幾乎坐爆了。牛同豬我地都必定叫，味道幾好，服務員簡唔中會幫我地燒下，燒爐上仲可以煮泡菜蛋，之後仲叫咗個泡菜餅，另外仲有個凍鮑魚，呢個鮑魚真係好好味，又唔會難咬，凍食一流。

為咗食醬油蟹，喺OpenRice揀咗呢間🥰我哋叫咗醬油蟹、醬油蝦各一份。已經包含咗白飯，唔使另外再加錢😍😍醬油嘅味道調得啱啱好，屬於偏甜的。我好鍾意呢個味～ 不過我覺得蟹會好食過蝦🤣蝦我覺得有少少腥，蟹就完全唔腥～另外再嗌咗個牛嘅拼盤，我覺得唔好食🥲如果另外有鹽俾我哋點，應該會好食啲。因為雖然佢有醬比我地點，但係未到真係偏淡。如果下次只係叫醬油蟹，同埋其他小食，唔知可唔可以呢？唔想食燒肉🙈🙈🙈

整體CP值低，燒肉期間零服務全自助。其他同事食過話有oppa幫手燒，唔通呢間冇？食物方面：和牛肉質麻麻唔新鮮，味道一般。牛肉拌飯牛肉竟然帶腥氣，而且韌。原本想食菠蘿牛肉，職員推介圖4所謂菠蘿牛肉新品，價錢一樣但肉少50g。最後決定落單點知係中伏嘅開始首先介紹環節職員自己都話唔知自己講緊乜單單煮法過程已經有啲複雜，好唔容易將啲蔬菜炒埋一碟完成收工淋醬汁結果醬汁偏甜同牛肉配搭起來怪異至極，朋友個個推搪唔願食。大佬我比錢食㗎，唔好比啲咁嘅質素食物我啦。當客人係乜啊，餐廳新菜式試驗員啊？仲要客人自付嗰隻……正常韓燒蛋液唔應該係無限續添，我哋等到爐底燒乾都冇，詢問後職員表示需要掃描QR code比好評先有蛋液添。好失望好失望……俾錢買難受