Orchid Tree Restaurant (已結業)

今日專門入去大埔行下，就入左大尾督搵食！我地兩對情侶最鐘意周圍試食，咁啱朋友聽聞呢間餐廳不錯，我地就去試左呢度。入到餐廳環境覺得不錯，位置很寛闊，枱與枱之間空間感很足夠，感覺在這裡跟朋友高談闊論也不會太打擾到旁邊枱。一入到門口，有室內以及戶外位置，那裡的待應生也很親切，服務頗有親切感，感覺很有禮貌！不像連鎖餐廳般刻板的笑容和打招呼方式。最後，我地坐左戶外位置，覺得很舒服，很有假日的悠閒感！😎還看到旁邊枱有小朋友，餐廳有特意為小朋友而設的BB座。而每枱亦有一瓶大瓶的檸水以供客人自己飲用，見到餐廳的細心之處。總括來說：Pizza好食👍🏻濃濃的芝士和脆口的餅底豬手👍🏻是餐廳推介，個人也喜歡，因為肉質鬆軟，而且豬手皮不會太硬！但下午餐的肉眼牛扒（$98餐價）連湯同飲品，我地點了五成熟，味道是不錯，但肉質頗為硬身👎🏻！硬到有點咬不下！😭可能下次要點較會高價的澳洲肉眼扒！薯條香脆！甜品多選擇，而且賣相不錯！焦糖布丁🍮正！總括而言，謝謝餐廳供我一個舒適美味的悠閒下午飯時光！這裡的招待很有人情味！👍🏻👍🏻👍🏻值得一讚，會再光顧！

Boxing Day 三人入大尾督午飯，Search 到依間新餐廳諗住試一試。餐廳聖誕節無特別加價，非常抵食。份量仲要好大份。首先來蒜蓉包同餐湯。水準正常。跟住來主菜。一來到，有點嚇親，個雞排大過我塊面。煎得好香，肉質都好滑。牛排同豬排主菜都不錯，都係好稔好入味。再加半價的甜品，揀左一份心太軟，正常的，滿足的一餐

見天氣涼涼地，星期六同朋友入大美督行下，順便食埋lunch，見依間環境好舒服就入去試下，叫左手打牛肉漢堡，肉質好juicy, 仲加埋餐廳秘制醬汁，同個漢堡包非常夾好好味，另外炸薯條好脆口好食！然後亦叫左德國咸豬手同青芥末三文魚pizza, 咸豬手個皮好薄脆，但肉質好淋，味道很好，師傅手勢一流。青芥末三文魚pizza好食，個批底係餐廳自家制，厚薄好均勻，pizza面既三文魚加上青芥末醬好夾，外面餐廳好少食到，整體黎講大家都非常滿意，會下次再去！