影片
开饭介绍
夫妻档经营，同时兼任大厨，菜式精致，充满诚意，乐于与客人交流。这是间宠物友善餐厅，欢迎客人携同宠物内进。
继续阅读
附加资料
真正由厨师烹调出嚟嘅食物，全自家制，无添加、无味精、无防腐剂
营业时间
星期一至五
12:00 - 14:00
18:00 - 21:00
星期六至日
12:00 - 16:00
18:00 - 21:00
以上资料只供参考，请与餐厅确认详情
随心所欲，路过餐厅🍴门口，望入去，感觉不错，就锁定目标吧🤩。 一进入内，空间感十足，左面还设有儿童乐园🎠区，一套湖水绿梳化🛋️，有樱花🌸树，墙壁上有活动小鱼🐠🐟图案，由于是节日，还有大大棵的圣诞节🎄🎁及圣诞装饰❄️🎅🏻☃️。 另一边就是一排的半梳化🛋️座，座位不算多，只有几张枱。这小店是由一对夫妇👩❤️👨营运，有2个仔仔，他们的大仔👦🏻还化身为小店长，负责落单及「招呼」客人，👦🏻非常活泼好动，溶入每枱客人中，到了我们处，还坐下，每事问，十分搅笑。 我俩点了 ～自家烟熏猪腩片🥓卡邦尼🍝 ：好多芝士🧀，形成一座芝士山🧀，味道香浓，意粉好滑，口感不错👍🏻炸鱼薯条🍟 ～ 刚炸起的鱼手指及手切薯条，热腾腾，份量还可以😌，好正😋窝夫🧇配雪糕🍨 ～朱古力酱 ～ 甜甜蜜蜜，开开心心🥰，当然要食埋甜品，窝夫🧇都好脆，有4件，但雪糕🍨只得一球，少咗啲，有2球会好一点😌到我们离开时，👦🏻还依依不舍，与男友玩一会才肯罢休，细仔此时也走来凑热闹，玩埋一份，好可爱的小孩🤩，带给我俩片刻的欢乐🥳由于是家庭式经营，上菜速度不算快，唔赶时间就会觉得好享受，总好过限时限刻的食店😌
继续阅读
将军澳南呢边有好多人气食肆，当中有间餐厅比较低调，一直都想试下佢！Our Little Dream由一对90后夫妻成立，佢地兼任大厨同侍应，大仔都会一齐帮手，呢种家庭式经营特别温馨🫶🏻 主厨热爱烹饪，曾经系星级餐厅工作，将宝贵经验总结成一本食谱，创造出独一无二既菜式。餐厅地方好大，但只有一半座位比食客坐，另一半变成儿童游乐场，有梳化同玩具，岩哂小朋友放电~ 佢仲系一间宠物友善餐厅，欢迎客人带埋宠物黎玩添🐾以小店黎讲menu都有好多选择，由汤﹑小食﹑前菜﹑pizza至主菜都有。Lunch Set既价钱都几抵食~ 不过少d野拣。呢度得两夫妇打理餐厅，已经想像到佢地由备料﹑烹煮﹑去到清洁都系亲力亲为，真系唔容易呀🙌🏻♢ 🌽烟熏粟米冻汤 $67呢个汤用气泡碗装住，成个fine dining咁气派非凡！粟米汤质地浓稠，够哂香甜，带住少少烟熏味，好特别。原来厨师都花左唔少心机架~ 佢将粟米炒香后用搅拌机打成汤，再将苹果木既香味渗入汤，难怪可以做到咁独一无二既味道！♢ 🍳低温慢煮蛋黄薯蓉 $68呢道菜简直系视觉享受！一块块薯片围住粒蛋黄，好似朵花咁靓~ 仲有D金萡系顶，满满既高级感！蛋黄火候控制得好好，经慢煮后呈现半流心既状态，味道香浓。蛋黄底下系鲜压薯蓉，口感绵滑，配埋薯片一齐食好正！♢ 🍔Mini Burger $118一个价钱食到3个口味，分别有龙虾堡﹑手指鱼同BBQ手撕猪。每块包都有焗过，包皮微脆又够软熟。最钟意既系手指鱼burger，炸得金黄酥脆，D炸粉同鱼柳combine得好好。♢ 🦞龙虾意粉 $328卖相不得了~ 个presentation可以同高级餐厅媲美！两大条新鲜龙虾肉，肉质弹牙，仲帮你起埋壳。个意粉酱都非常正，听讲大厨用左龙虾头去熬d龙虾汁出黎，真材实料，唔会好似出面咁用番茄酱就算~ D意粉软硬度都煮得岩岩好，好挂汁，每一啖都食到香浓既龙虾汁。♢ 🍫OLD Chocolate $58朱古力味好香浓，仲有好多忌廉，中和左朱古力既甜度，味道刚好。睇得出呢间小店一家都对厨艺好有passion，每样野都做到好仔细，对出品有要求，由卖相到味道拍得住高级西餐厅✨ 佢既汤同小食特别impress到我~ 几十蚊食到咁高质素，非常抵😍 而主菜都价钱合理~ 不过上菜时间有少少慢，始终佢地得两公婆一脚踢，所以大家要比多少少耐性喔。希望大家都可以黎支持呢间追梦既小店 — Our Little Dream❤️
继续阅读
无仔细睇食评，星期六晚去咗将军澳Monterey Place间Our Little Dream，成个过程可谓充满惊喜😂😆首先进入餐厅，由一位身穿围裙小朋友，过来招呼接待，虽然小店员年纪轻轻（佢话我估中佢6岁要🤫🤐），做起事上来井井有条，十分有趣。佢落单会写英文同画公仔，准确无误。 仲有我哋想转枱，佢仲帮我哋再抺多次枱，确保卫生。 👍🏻后来，除咗小店员，仲有个约两岁嘅细佬系度，睫毛长长，周围走，仲嚟撩我哋玩，劲可爱。睇真啲个menu，先知系对90后夫妇开嘅家庭式小店，小店员就系哥哥，感受到哩家人嘅热诚，仲好有爱。💖讲返食物，首先嚟嘅系红菜头浓汤，红菜头味道浓郁，不过不失。再嚟嘅系自家制嘅8吋手拉薄饼，味道拣咗番茄酱，材料加咗鸡肉，pizza 好脆又热辣辣，好好食😋！最后系龙虾意粉，龙虾有两大条肉，肉质弹牙新鲜。个人较钟意清淡口味，所以觉得意粉酱汁稍多，过于浓味。另意粉虽然系加咗底嘅，不过男士一定都会觉得份量唔够。餐饮拣咗热菊花茶，味道清甜，几好饮。整体食物质素同味道都系中上，只系份量略为细份。服务好特别，我得到小店员同意，俾大家睇下佢认真嘅工作时嘅表现，佢为哩间餐厅加唔少分🤩。如果有小朋友嘅，仲有好大嘅空间俾佢哋自由玩同活动，又有小梳化坐，好relax。不过有一点一定要提：赶时间嘅就千祈唔好去，因为每份食物都用心制作，大家记住要耐心等候。☝🏻
继续阅读
餐厅系由90后夫妇开，食物质素高价钱合理仲有夫妇六岁长子小店长，由带位去推介食物，落单到收钱都系佢一脚踢，一个非常聪明嘅小可爱，一间很用心好有爱嘅餐厅，多谢你带比我咃一个欢乐嘅星期六！
继续阅读
好少写食评，但呢间小店好值得支持🧡感觉到佢哋用心制造食物，出品有质素😋👍今次试咗龙虾意粉同黑松露多士，十分推介👍😋💯希望下次试埋出名嘅卡邦尼意粉😁加上有2位超级可爱又乖又叻嘅小美男喺度💙💙一定会再帮衬😋😁
继续阅读