Our Little Dream (已結業)

店舖位於將軍澳，店名”Our Little Dream”已經表明係店主嘅一個小小夢想。原來店主係90後廚師夫婦，對烹調充滿熱情，對世界亦有無比希望，希望透過食物為世界帶來溫暖。-他們有兩個兒子，客人都會見到他們在店舖，而大兒子更會幫忙招呼客人，相當醒目。他們店舖嘅裝修唔係太似食店，更似一個家，有sofa，有小朋友玩樂嘅角落，入到店舖像入到他們的家一樣，在這裏享受晚餐感覺溫暖。-店主非常用心，每一道菜在餐牌都有仔細描述，上枱亦由廚師親自奉上並且講解菜式特點，資訊太多小編唔係專業好多都聽唔切忘記咗，唯有下次再嚟再聽多一次。-店舖主打西班牙菜，小編同朋友今次冇叫主菜，反而叫幾款西班牙Tapas，貪心啲試多幾款開心啲。-🌹前菜前菜係兩件黑色，原來係墨魚汁天婦羅，內面係一件多汁嘅帶子，底下有他們自家製嘅蒜蓉醬。-🌹煙燻粟米凍湯這個湯用氣泡碗盛載，已經不簡單，加上表面嗰球状煙泡，更是超凡，將幾粒粟米灑落煙泡，煙泡會爆開，視覺效果非常吸引。除咗視覺效果之外，湯本身都不簡單。粟米湯係將甜粟米炒香之後用攪拌機打成，再將蘋果木嘅香味逼入湯中，令本身粟米嘅香甜更香。太好味但份量少少，小編覺得唔夠喉。另外可唔

帶住細路就黎左將軍澳呢間Our Little Dream，因爲見呢度有個遊樂區比小朋友玩，等大人可以輕鬆一下自己食飯。遊樂區有書有玩具，裝修都唔錯。下午茶餐有4款甜同6款鹹揀，價錢$68一款，某啲款可加錢加雪糕或者加料，包咖啡茶，可加$12升級果汁或朱古力，免加一，價錢超抵喎。今日叫左兩款鹹嘅試吓先。黑松露多士黑松露多士一客四件，多士烤得超脆而入面有好香嘅黑松露醬同芝士，外面仲加左少少灑上香草既黑松露醬圓點點綴。簡單但好味嘅一份小食。炸雞 炸雞 一客6件，外皮超脆又唔鹹，而雞肉嫩滑，點伴碟嘅芥末蜜糖醬更好味。見到smoothies超吸引，即刻升級先。Mango Lassie 跟餐加$16Mango Lassie嘅芒果味又唔假又好滑，好味道。Berry Yoghurt 跟餐加$16呢杯Berry Yoghurt就好鮮甜，仲有好多粒粒核咬吓，口感相對上冇咁滑。野食飲品都唔錯，今餐大人細路都開心。