Outback Steakhouse (MOKO新世紀廣場)

营业中

休息中

今日約左朋友傾計食飯，我就揀左去outback 食，幸好朋友早到攞位，唔係又唔知等幾耐。見到匯豐卡做緊優惠推廣，價錢合理，而且套餐食物都啱食。由於朋友唔食牛，唯有揀海陸組合套餐A。餐包：黑糖包，味道甜甜的，又夠鬆軟。餐湯：粟米忌廉湯，味道幾好。凱撒沙律，正常，安全版。我地揀左芝士白汁燒蝦寬條麵，蝦肉彈牙，麵條煙韌，加上醬汁拌麵來食，好味。美國穀飼斧頭豬扒，豬扒好厚，肉質好腍。底下的米飯好入味。反而西蘭花有點失色，有青澀味。加拿大蟹腳，味道一般。

今日下午6點幾walk in，唔算等好耐。潮聖Outback黑糖麵包，黑糖麵包熱辣辣超鬆軟，而我最like就係個牛油whipped butter。仲有王牌炸洋葱花，已如炸薯條般逐條逐條分散，拿起1條沾醬就是了，好滿足。另外仲有凱薩沙律、餐湯。2個人吃，超飽。

聽聞outback lunch set好食，今日黎到moko見到有，當然要試下。先上黑糖包，上枱時仲係暖暖嘅，咬落外面少少脆，入面好鬆軟，搽埋牛油更加香。今日餐湯係粟米湯，有粒粒粟米，好飲但就嫌佢鹹左少少。仲有個沙律，食完咁多樣其實都飽左一段😂叫左芝士白汁燒雞肉雜菜寬麵，有啲辣，不過好香芝士味，係削左薄片嘅芝士落去，啲汁包住每條麵，不過雞肉就乾身左啲。另一份就叫左豬肋骨，好腍，唔洗切一拉啲肉就離骨。仲配薯條，係真·薯條，有薯仔味，仲有薯仔皮喺面，炸得外面好脆。整體黎講，lunch set真係好食又大份，絕對值得再食！

Outback真係久唔久就會食一次，因為會好掛住佢個黑糖飽，芝士薯條同chocolate thunder！無論幾多個人黎，都係必點🤤🤤🤤(Outback 既lunch 都好抵食既)兩個人黎晚餐，我地通常會叫芝士薯條+ 一碟澱粉類主菜+ chocolate thunder。暖暖既黑糖飽，真係極好味。唔過甜又鬆軟，如果可以比錢take away就好啦。因為佢係免費任添，真係有錢都買唔到🥺🥺🥺芝士薯條配上少少煙肉，點sour cream saurce，真係好味到傻左，堪稱最佳配搭🤤🤤今次叫既芝士白汁蝦麵比較淡口，自己落翻少少鹽，不過不失啦。最後既甜品真係世紀級邪惡😱濕潤濃厚既brownie+vanilla icecream+ cream+ chocolate sauce= chocolate thunder!!冷熱口感，朱古力配vanilla，無敵😱😱😱不過兩個人真係好難食得晒，呢度成四人份量，如果有細份就好啦~~~不得不提，今次既短髮女侍應服務好好，好親切，值得一讚🥰🥰

阿媽生日佢又鍾意食西餐咁就揀咗outback laLunch來講幾抵食。我就點左炸洋蔥超級好食勁鬆脆醬汁超夾喺出邊應該食唔到，牛肉串燒意大利飯醬汁非常好牛肉鬆軟香口，牛肋條醬汁BBQ醬非常好，牛肋條唔會太痴骨肉質鬆軟，薯條炸得非常脆口好食過麥當勞嗰啲多多聲。outback最出名係牛扒當然唔會唔叫啦,塊牛扒五成熟唔會太血淋淋咬落去非常鬆軟，廚師煮得非常好唔會好似出邊煮五成熟但變咗七成熟。仲有沙律幾新鮮配埋凱撒醬汁非常好味。

男友好鐘意食佢地既黑糖麵包，貪佢可以無限甘添，佢多數一個人食到4次refil仲有個洋炸蔥，都係每次必叫！而牛排都係保持到水準。加埋薯條每次食完都好滿足！每個月都食一次！

去咗moko睇戲，晚餐訂了位食outback, 之前試過幾間outback的其他分店都不錯，尤其尖沙咀中心嗰間。今次第一次試moko分店。 首先環境舒適，餐廳內的音樂不會太大聲太嘈。之前試過某間分店的音樂太大聲覺得好嘈。男朋友想食豬肋骨，之前食過回味，所以今晩決定再encore 😋😋一上枱是黑糖包！好味！好味到想encore, 但要留肚食其他好嘢燒豬肋骨好好味，醬汁調得入味，豬肋骨無so味！very good ！仲配埋個薯條仲叫咗一份香辣炸雞搥，有8隻，唔係好辣，我唔食得辣都覺得OK, 外脆內軟，炸得剛好肉質juicy! 仲有個blue cheese sauce點，但唔點都好夠味！香草蕃茄海鮮意粉，海鮮都多，蝦好彈牙，最鍾意食蝦意粉煮得不䭃不硬，上面仲有幾片巴馬臣芝士。蕃茄味濃，味道甚佳！推介！另外，觀察餐廳內侍應都好勤快👍總括，食物味道好，會考慮下次再來！

放工相約朋友黎到咗呢間Outback Steakhouse食澳洲菜，餐廳環境好舒適，裝修精緻，座位也比較寬敞，非常適合聚餐的好地方。香草蕃茄海鮮長通粉蕃茄味好濃郁感覺好開胃,而海鮮有青口蝦及小帶子,配埋長通粉味道唔錯! 燒雞肉芝士夾餅夾餅有四大塊，雞肉和芝士份量亦足，餅皮鬆軟 附上的薯條夠熱亦夠脆，十分好味香辣燒蝦飯辣味唔算太重，飯的份量岩岩好，但飯有點軟亦有點硬的飯焦，整體味道一般般。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

假日出街食飯真係一個難題，因為好多食嘢既地方都會無咗平日既優惠，加上泊車既地方又收得比平日貴同都未必有位比你泊。今日下午朋友提議食 Outback，因為 Outback 星期六至日都有 Lunch Set 真係好好，而且用新地商場既 App 重可以遙距取票，十分方便。因為用咗遙距取票，去到只等了十分鐘就有得入座喇。👍🏻 👍🏻 👍🏻 叫咗芝士白汁燒雞肉雜菜寬麵同燒加拿大有骨黑毛豬扒。先上例湯、沙律同無限添食既黑糖麵包。芝士白汁燒雞肉雜菜寬麵 ($128) : 有濃烈白汁芝士既香味同味道，雖然有點膩，不過真係好好味，有紅椒、荷蘭豆、蘿蔔、雞肉、西蘭花等材料 ; 雞肉燒得香口，一啲都唔嚡。👍🏻 👍🏻燒加拿大有骨黑毛豬扒 ($148) : 見到實物嚇了一跳，因為真係好好好大塊，而且重好厚身 ; 黑毛豬扒下面重係飯同蘆筍，未食就覺得飽哂。😆 😆 豬扒豐腴多汁，相當惹味。👍🏻 👍🏻

朋友提起話outback既lunch set 高質又抵食，所以今日特登出門去試下因為moko 最近，所以去左moko既分店食，不過可能週末關係，又係lunch time ，好多人等位 等左十零廿分鐘之後，終於入得點左餐之後首先上既係黑糖麵包，連平時極唔中意食包既frd 都贊口不絕，鬆軟又香，熱辣辣既時候切開最正，食完一份我地忍唔住再叫多一份沙律同湯味道都不俗我點左黑毛豬扒，真心大份，雖然好食不過已經食唔曬 

下午茶的選擇不少。燒雞肉芝士夾餅 $72起初以為只有燒雞肉芝士夾餅, 原來還有薯條跟上, 非常豐富。雞肉燒得香口, 不會過乾。除了雞肉, 夾餅中間還有磨菇, 煙肉和芝士, 沾上醬汁, 味美。果仁朱古力芭菲 $54芭菲比較硬身, 需時解凍, 朱古力味濃, oreo餅乾增添朱古力味。底層mousse質感有如木糠布甸, 軟綿順滑。鋪上一層香蕉, 帶來果甜香氣。中間有大量oreo朱古力碎, 甜度急升。整杯吃不出有果仁, 一問之下, 原來店員忘記灑上果仁碎, 店員建議重新製作, 因差不多吃完, 而且實在飽了, 吃不下婉拒了。凍檸檬茶 (無限refill)

8:15pm黎到，等左15分鐘就有位，但餐廳既人好多。黑糖麵包等左好耐先黎，side dish同蘑菇湯到咗先上，可能人太多焗唔切，一樣咁好味，加埋cream cheese perfect!其實尋日先同朋友去完尖沙咀outback ，但因為今日侍應們既反應極快，所以要打返個好評。叫左兩杯smoothie ，我果杯coco berry每次黎都叫，梛奶味好濃，適合中意飲甜野既朋友。另外果杯菠蘿香蕉沙冰好淡味，如果甜d會好d。Steak揀左$399prime 既果隻，一貫水準，medium rare肉質粉嫰，honey garlic 好好味，但有一條asparagus 黃左。Side dish烤南瓜好甜好好味，仲有少少核桃，不錯。意粉好creamy，質地好滑，芝士好味，蝦好彈牙。最令我驚喜嘅係本來我話打包晒三樣嘢食，牛扒食剩一半，意粉果度得返幾隻蝦，仲有三塊南瓜。侍應誤會左丟左南瓜同意粉，牛就擺左係枱度。餐廳職員同我講返員工誤會，丟左，我當下係算啦，俾返啲南瓜我得啦，意粉都食晒架啦，估唔到餐廳重新煮過一份意粉俾我，搞到我十分唔好意思。謝謝餐廳既心意，你地既反應極快。雖然人多令到服務無其他分店咁

每次黎outback都會食佢必食既黑糖包,點埋牛油真係好好食,夜晚去食仲可以無限refill,包包腔一定會好鍾意!不過佢其實仲有好多選擇都好好食牛油果蟹餅($88)蟹肉味好重而且蟹肉亦好多,加埋牛油果感覺好清新,配埋脆片食好夾啊!香草蕃茄海鮮長通粉($148)雖然有蒜蓉包作伴碟但蒜蓉味不夠重而包亦略嫌不夠脆,不過蕃茄味好濃郁感覺好開胃,而海鮮有青口蝦及小帶子,配埋長通粉好好食!雪糕朱古力軟餅依個亦都係每次黎必叫!上層冰凍既雪糕再加忌廉再加暖暖既朱古力蛋糕,每一啖入口都好治癒啊,嗜甜既朋友一定會鍾意😋P.s.建議大家如果覺得做vip會員貴既話可以download outback既app免費做會員,咁就可以全單9折又可以草分換食物😝

今日星期日放假黎到估唔到仲有午餐set 約$120起1點幾黎到,等到25分鐘左右一坐低叫埋餐就上黑糖包真係有7成係因為掛住個黑糖包先黎食! always miss it叫左芝士忌廉烤雞意粉大家聽到個名應該都覺得好漏,冇錯, 最後食完的確好漏食左一半就食唔落了一定一定要同人share唔係你會後悔的!朋友叫左個魚柳既餐 佢果個有配炒飯, 好好食咁 後悔冇叫佢果個跟餐包個餐湯, nothing special野飲 可選可樂,檸茶,檸水,奶茶coffee.  個杯勁肥 勁大 勁高完全飲唔哂   唔想浪費既人可以叫佢唔好沖咁滿

我好鍾意食西餐！outback係經常黎嘅西餐廳！呢度有BB櫈！方便帶小朋友嘅家庭！一坐低侍應就比張填顏色俾小朋友！非常好！可以比小朋友聽下顏色，唔使煩住家長落單！而且有小童餐！分量中非常大！係外國版兒童餐！而且價錢60幾蚊咋！非常抵食！對我小朋友來講根本就食唔晒！哈哈份量真係唔少！比大人食都得啊！肉醬意粉，醬汁比較稀咗啲，麻麻哋必啲點嘅芝士薯條！炸得香脆可口！好好食仲有炸蘑菇！每次必食嘅菜式！蘑菇大大粒入口多汁！配埋個醬汁一流！