OWO

营业中

休息中

本來只睇open rice不寫食評，但農曆年前經過金鐘PP3，見到呢一間新盆栽植物店，見到一棵檸檬樹好吸睛就入去睇吓，點知原來係一間coffee shop。入到去叫咗一份牛角包同一杯cap，牛角包不過不失，但杯cap就不得了，好明顯咖啡師挑選了特別併配豆來沖奶啡，不但風味特別而且啡與奶味道非常平衡，層次分明。差不多食完走人，男店主(應該係)問有冇興趣試試佢哋研發緊嘅新飲品Kopi，有得試當然試吓啦。原來Kopi即係煉奶咖啡，但OWO呢個係濃縮版要用shot杯飲。。。飲第一小啖，好強烈，啡味好出，配合煉奶令後勁更持久。店主話Kopi係隱藏menu，唔會响價目表見到，要試吓就要客人自己主動問吓喎

朋友喺灣仔返工，我就覺得幾爽喇。周圍都有咁多好嘢食 ，唔似九龍灣一啲特別都冇😑灣仔區好似所有出名、特別同強勢嘅餐廳都會喺附近，又特別多Cafe。呢一間真係啱啱開業仲做緊soft opening , 裝修都係簡約為主. 門口有啲綠色嘅植物, 如果要揀舒服嘅一定唔係佢! 我哋都係諗住試試佢，食完個晏晝行過嚟飲杯咖啡。我揀咗杯dirty 佢就揀咗piccolo! 永遠最終都係我會飲咗佢個杯😅一嚟見到佢杯size細杯啲，精緻啲，拉花又靚啲，同埋個口味又真係啱我多啲。我個杯dirty就咖啡濃啲苦啲, 可能冇將杯野攪勻黎飲（聽專業人士講dirty 係唔需要攪勻飲嘅)所以初初飲會比較濃咖啡, 飲到尾就會多番啲奶香味。dirty 係飲佢每一啖都有唔同嘅層次同變化. 新張期間仲有九折同埋可以試佢哋嘅cake ! 雖然係細細舊不過質地都唔錯！唔知佢遲啲有啲咩食呢？