Panash

营业中

休息中

餅店：Panash地點：灣仔軒尼詩道菜式：麵包糕點原味芝士蛋糕 $25見到Panash有三款芝士蛋糕，個人覺得原味芝士蛋糕個樣應該係用左最多芝士，所以就算貴少少都試試先。果然芝士蛋糕除左餅底之外，基本上都係厚厚芝士，口感滑溜厚身，味道都唔錯，唔係特別話好好食不過都唔差。賣相都無特別，店員用個膠袋裝比你，攞上手都凍凍地。服務員然後加隻膠叉比我，都方便食用。呢個價錢同質素合格啦。不過只收現金或者八達通。

平時返工前，我都會喺屋企食早餐。不過今日因為趕唔切🫢 所以去到公司附近先買個麵包做早餐😆 日日都經過呢間panash，今日總算有機會試吓佢嘅出品🤭藍莓芝士撻包 $15中間嘅藍莓醬，有少少流心嘅效果，同埋佢唔淨係分布喺中間，就算食邊邊位都有藍莓醬👍🏻 不過佢嘅芝士質感OK嘅，但芝士味就唔算好突出。個芝士撻包既size比我既手掌心大少少，食完都夠飽既，但係有少少漏，所以喺公司沖咗杯茶嚟飲，就啱啱好啦🤭

平時去 panash 通常都係買牛角包，常鍾意食，有好鍾口味給你揀，原味、朱古力、綠茶、焦糖等等等第一次買生日蛋糕🎂🎂🎂🎂非常多款式包羅萬有，眼花撩亂，個個都咁吸引👍👍👍👍，都唔知買邊個好。最後買了士多啤梨芝士蛋糕 $248寫生日牌另加$10味道不過不失，蛋糕夠鬆軟，但並沒有芝士味，似士多啤梨蛋糕多啲，有果凍餡，有兒時味道，回憶返晒嚟😘😘😘😘

路過這間麵包店好奇進去看看，原本想買凍餅/泡芙，但覺得價錢好像有點貴就還是乖乖買麵包。除了家庭袋裝包、冬甩、各種酥和麵包外，亦有聖誕限定款式，不過畢竟沒有試過，所以還是依自己的口味挑了兩款。香脆蘋果批(肉桂味)♥♥♥♥打開膠袋，大概是因為批上塗了糖漿，所以把上層的酥皮格黏走了XD入口非常酥脆、醬不太甜，加上微酸、口感還有點脆的蘋果，整體的口感以及味道都配合得好好，足夠甜而不油膩。但雖然寫著是肉桂味，但聞起來和吃起來也沒有特別濃的香味，比較偏向的甜香和酥皮少少的焦香。藍莓芝士撻包♥♥外觀上這個包看著很討喜，但吃著的口感味道都有點失望。芝士餡入口已經覺得太甜膩，藍莓也令它更甜。而底部的麵包外部太乾，但餡那面又顯得太濕潤，如果真的是一個撻皮效果可能會比較好。

逢星期三位於軒尼詩道嘅Panish都做九折優惠， 所以無論早餐同埋lunch hour都好多人擠湧去買但係鋪頭細細每次去買都需要一啲勇氣（因為疫情）。今日lunch time 見到唔太多人，就衝入去買， 同事就買左脆脆忌廉筒，佢話今次好食過之前， 唔會軟淋淋， 麵包皮會挺身一啲， 忌廉唔會太甜。 我買左杏仁丹麥條， 杏仁片脆卜卜，好香口， 杏仁片數量比之前少,丹麥條好有咬口，包面有脆白朱古力，甜甜地更易入口， 依個包都係我至愛！

每日諗早餐都係個煩惱，麻煩嘅我根本就唔鍾意每日嘅早餐係一樣，所以一起身就諗到出門口，但係逢星期三就唔使諗，因為依間Panash麵包店逢星期三所有麵包都會有9折, 變相逢星期三都會有目標！呢間麵包店有幾款麵包我都會好鍾意， 今次就選了這一款虎紋忌廉芝士麵包， 外層十分香脆， 質地有啲事法國麵包嘅感覺， 裏面嘅麵包好柔軟而且好有麵包嘅香味(由於有啲麵包店開始用平價嘅材料去做麵包， 所以有麵包味嘅麵包並不是必然的！） 。食到去中心位置有著不少嘅忌廉芝士， 麵包外面口感挺硬的裏面嘅芝士係軟心，形成對比，而且味道又唔會太濃烈，係一個唔錯嘅早餐選擇！

平日早上有位戴眼鏡嘅收銀員如果買麫包，冇散纸俾500元，佢會張個盤大力掉往枱面，再好暴燥地數$找俾我😡麫包好味，尤其係吞拿魚法包同芝士麻薯波波，但買個包都要受氣，下次冇散纸或百達通冇$就一定唔敢幫趁囉

不經不覺原來已經光顧了這家餅店好長的時間，由中學時代買麵包上學做早餐，到買蛋糕與家人慶祝聖誕節，到現在買麵包上班做早餐和為家人預備早點，真的有頗長的一段歷史。店面雖然不大，但麵包蛋糕的款式卻絕對不算少，而且由沒有餡料到內容豐富得可以做中午餐的都有。心水推介有相片中的迷你牛角麵包，一口一個非常可愛的size,我喜歡14元買六個與同事開心share,但你如果要獨食買一個亦可以，非常靈活。炸咖哩牛肉麵飽則是中午飯輕食之選，而且由於微辛辣的緣故亦可以刺激胃口，配一支蔬菜汁或有機豆漿都是不俗的選擇。

我是麵包控，所以胃一有空位，我就會買麵包食。今次又係食 panash，走入店鋪，依然是一陣一陣的新鮮出爐面包香撲埋黎。今次揀了黑米包。食落不軟熟，因為此包的特色就係多穀米，所以食落反而有咬口。但可惜，麵包不夠軟熟，而且食落不太香。都係之前個牛奶味麵包好味好多!

法式軟熟面包番工經常都會途經這家面包店，一直很想嚐試嚐試。因為每次經過，烤面包的香氣都會由店裡飄到店外，刺激著味蕾。今日就終於買了它法式軟熟面包嚐嚐。的確好軟熟，雖然面包不熱，但都能夠保持與熱乎乎的面包同樣的軟熟，真係難得。而且面包表面還撒了些糖粉，所以咬下去還有淡淡的甜味，令味道更豐富!

今天放工獨個兒在街上閒逛，偶爾經過一間日式麵包店，多年前曾是我每星期例必光顧的這間連鎖麵包店，數數手指已有兩三年沒有來過了，遂襯機入去行一轉，看看事隔多年後有沒有什麽轉變。入到去，想不到由擺設到裝修多年來都沒有太大改動，而麵包款式當中，也仍有著舊有的影子，當然少不了我當年至愛的一口芝士麻薯波波。而今次決定買了幾個芝士波波和北海道鮮奶球回家祭吓五臟廟。一口芝士麻薯波波，乃當年此店的暢銷產品，個個入到嚟都買番幾粒番屋企，全因它細細粒，容易食，外面焗得微脆，內裡軟糯煙韌，帶著淡淡芝士香味，不太肥腻飽肚，大可以一啖一個豪邁地吃，好味指數高企，還記以前可以一次過吃七八粒而面不改容。北海道鮮奶球，記得以前每逢出爐整間舖都香味四溢，那種濃濃的奶香加上麵包出爐的酥香，每每令人垂涎三尺，到麵包揣出來，焗得大大個脹卜卜，成個蛋糕的模樣，真想一啖咬落去……當然今天來到時是放工時份，早已過了出爐時間，但拆開包裝袋時，仍然奶香撲鼻，麵包微甜，鬆軟可口，多年前的味道依舊冇變。買了兩款麵包，埋單計數$34，跟多年前的價格差不多，想不到外面物價飛漲，但這麵包店卻沒太大加幅，可能以前已是偏貴的關係吧！但今天以三十多元買

收工經過見到！見啲餅都唔錯，所以入去揀幾件做飯後甜品，店光猛乾淨！店內都幾多客，買緊麵包做早餐，店內中間仲有個麵包櫃，所以店內好迫！蛋榚櫃又在門口，所以我揀餅時成日要避出入店人！西餅款式都幾多！到店員有時間招呼我，我揀咗兩件餅一樽布甸！店員即刻包好比我，蛋糕用盒，再加個膠袋袋埋樽布甸！可以八達通比錢方便！返到屋企打開，見比埋膠叉！拿破倫蛋糕：其實比較似木糠布甸，好滑好輕盈，唔太甜，所以唔膩！無拿破倫嘅脆口，好味！朱古力栗子蛋糕：其實見唔到栗子，朱古力忌廉好滑，上面兩支朱古力棒好濃！好味香滑焦糖布甸：好滑溜，唔太甜，焦糖味幾香！甜品唔貴，三樣$60都唔使！抵食！

一天走過，被那濃濃的烘培香氣吸引著而駐足，忍不住買了一個香草三文魚芝士酥$10和一個火腿芝士酥$9.5。麵包新鮮製造，咬下去鮮、香、脆、熱，全做到了，中間卻又鬆軟無比，縱使不會找到牛油的蹤影，每一啖都爆發著牛油勁香的味道，而三文魚芝士酥更帶有香草味，加上配合得宜、味道適中的饀料，口感豐富，令人回味。^-^配以一杯black coffee，一樂也！ 

母親節買了一個蛋糕應節~$145一個!是拿破崙!上面有6粒Strawberries，多汁大大顆!店員說中間有芒果夾心，中間芒果十分十分之少!中間有些朱古力、Cream，不太乾身，味道不見特別，平凡的!可是$145已經算很大個~最重要是媽媽開心!

母親節買了一個蛋糕應節~$145一個!是拿破崙!上面有6粒Strawberries，多汁大大顆!店員說中間有芒果夾心，我可是沒看見中間有芒果!中間有些朱古力、Cream，不太乾身，味道不見特別，平凡的!可是$145已經算很大個~最重要是媽媽開心!