Pancake Colours Cafe & Bar (已結業)

返學前, 揀了這裡來個晚餐, 因為想試試這裡的班戟. 地點置身現在樓上, 一定要經過現在先上到去. 格局就係一般樓上cafe, 適合一大班人一齊傾計多一點. 侍應先把我們領到廚房對出的位置, 環境係相當差, 要求下先將我們移至好一點的地方.正如之前所講, 這裡係比人傾計的地方, 設計上並不太適合晚餐, 都坐得不太舒服. 有一二四人套餐. 當然唔揀四人, 二人的一定要食薄餅, 不喜, 最後都係要了兩個一人套餐, 有湯+ 飯或意粉+ 飲品+ 甜品.洋蔥黑椒豬頸肉鐵板炒天使麵$62: 3分, 湯未到, 先來的係天使麵. 出菜都幾混亂. 其實這個應該不太難整, 但家下味道係幾惡頂. 豬頸肉實實的, 肉質係好差. 個洋蔥黑椒汁並不香口, 天使麵口感又唔好, 炒得沒有鑊氣, 吃不完了.忌廉湯: 1分, 上完天使麵一大輪先出現的餐湯, 味道又係極品. 好淡, 水一般.瑞士汁洋蔥肥牛鐵板炒意粉$62: 3分, 肥牛好老, 咬唔開, 個瑞士汁又太甜, 又係無鑊氣, 唔得.凍綠茶: 0分, 係非常非常淡, 基本上係無乜綠茶味. 奇怪的係這裡應該以飲品掛頭牌, 但係現在的水準係慘不忍睹.朱古力慕思: 0分,

朋友一班人下午上去食d嘢, 未入去就問人客食tea or dinner ??吓.. 4:30 p.m. ??? 坐20min!!!有waiter見到我們叫order 啦!嘩!!!!!!D waiter 仲慘過同佢乞食咁....!!!price 又唔係平around$ 70 - $90, 銀龍都好個佢!!!玩積木, Uno...etc (吓?...pomotion gift??)黑3 果個經理, 毫無禮貌, 剩係同女客人玩,D男客就當看不見!!!!仲要向D 客(發老彼) !! 其他waiter 只會玩同吹水!!!!!

到訪過兩次, 一次係雪糕咖啡, 另一次係香蕉smoothes. 已點了少甜, 但結果都很甜, 咖啡的味道更怪怪的. 老實說, 地方是不錯的, 有玩具, 又有雜誌看, 消磨時間挺不錯. 但也要注重一下飲品, 食物的質素.

本人於2007年8月23日晚上7:00pm在該餐廳食晚飯，起初看見餐廳的佈置都有好感，但由落單至起菜都要催好耐，價錢又貴，D嘢又唔好食，最差係侍應態度，個個叫極都只說"等等"，完全無人理會，直至9:30pm突然有位侍應走過來話因太多人，如我們現在埋單可亨九折優惠，當我們還未決定，他又話應該是九五折才真，我們便一口拒絕，心裏己經很不滿，直至10:00pm有位年紀校大黑口黑面的部長走過來，話我們這枱到了埋單時間，現在要幫我們埋單便行咗去，當佢攞住張單埋嚟，我哋問佢這裏有時間限制咩?，他口塞塞咁話一直都有，但事實，我朋友到過這餐廳食飯不只一次，從冇話過有時間限制，每次她和朋友都會坐好耐傾計，加上餐牌及帶位又冇講過有時間限制，好明顯當日因多人等位才作個大話，趕我吔走，如過有時間限制，我去旺角任何一間餐廳都得啦，唔洗上樓，對該餐廳所有人的態度非常不滿，最過份趕客走。

地方很大但設計很雜亂未到8時己坐滿人...很嘈...食物不錯...燒雞套餐等很久...不過那飯糰令人回味XDDD套餐都係80蚊左右有野飲...有甜品...有西湯...!!夠飽!!價錢還可以...但如果想靜靜傾計有點情調就完全不行='=

已去過pancake colours 2次, 昨天第三次,同12個frd 慶祝我生日。曾聽到好多bad comments about pancake colours, e.g. staff 無禮貌,又ng覺wor~~玩到咁上下有個女仔好polite 咁問我仲有冇咩需要ar, 要ng要上甜品ar咁~我地坐蛇皮長sofa, 咁多人逼左d 但冇法, 而且book 果時佢已經講左~~我好like 佢地ge 生果特飲, 不過比第一次好似細杯左~食物也ok, 炒意用鐵板上,好香,但比較多油。有朋友叫左一個用竹筒上ge 飯, d 蠔好似幾大隻~~有card / board game 玩,可以hea 幾耐ga~~overall 幾like lee 度ga!

由於是日在附近打完羽毛球, 就到就近的這間店鋪試吃. 一去到, 叫了七個人位, 那時的時間大約八時十五分, 個經理同我地講, 十時要交枱, 我地見食飯吾駛食咁耐呀, 跟住一口答應.入去飯枱期間, 有兩個發現.一. 大部份人都係年青的人二. 佢地每一張枱都梗有一樣board game入到去, 點好了飯菜, 其實這裡的西餐, 我不覺得值七十元這個價錢, 三十元內, 我絕對找到一間比佢更好食.吃過飯後, 找了一些board game 之類的玩意, 玩得非常開心, 各人都極之投入. 我那時終於明點解一定要十點叫我地走, 更明白個價錢究竟貴係邊... (記住, 如果只係四人以內, 我都覺得不用去了... )

幾日前book位時要求窗口位，準時去到竟被安排坐走廊位，話遲d轉番，食食下waiter 竟然請遲來的隔離枱轉窗口位，原來book位既目的係要坐走廊位。勁！黃薑飯唔知點解咁甜，蜆肉意粉有沙。sofa 同枱都唔match, 一坐落去好似跌落地。環境很嘈。失望！　非常失望！

娛民樂不像樓上咖啡室的樓上咖啡室，原因如下：（一）個樣唔似；（地方大、落地玻璃連吊燈）（二）賣相唔似；（大夥兒只想起Pizza Hut）（三）味道唔似；（意粉水汪汪得來仍有個譜）（四）服務唔似；（侍應唔鬼得閒應但食硬你）（五）價錢唔似；（未坐先講人頭計最低消費）不過，那香芋麻糬西多士倒有點中國風（重奶油味！），而那冰鎮的萊茵河之戀（即香茅蘋果玫瑰花茶）也挺抵飲（勝在夠大！）和交足功課的。

似餐廳多於ｃａｆｅ．好多人．等得唔耐．野食好一般．野飲過甜侍應的服務態度真係．．．．．．「仲差過茶記」我個ｆｄ講的．．．．．ｄ　ｃｈａｉｒ好似好貴咁．但係同張ｔａｂｌｅ唔ｍａｔｃｈ．．．令我地３個都一直屈住個身去食野．．．我食到．．．．胃痛．．．．．．

從未到過如此惡劣的食店！！！！！原先為朋友慶祝生日，一早親自到鋪頭Book位，book的時候看到book位紙旁邊有備註一欄，多口問句，個侍應就話因為係星期六有最低消費每人$58，我話之前都無家，於是個侍應又改口其實每人叫杯嘢飲都ok家啦。點知到真係去食的時間，原本Booking紙度備註的一欄又無端端寫上$58。唔係話每人最少叫杯嘢飲都ok的嗎？但到左又唔想再去第二度,也就算了。點知坐低一陣,d侍應又話店內唔夠位,要我地坐去第二度。即使我地唔想調，都煩到我肯調為止(根本唔係請人調而係要你調)。點知原來調我地去走廊位，有人走過都算了，最頂唔順的係個地板係有d問題的，每當有人走過張檯同張椅就會成張起左王再落番去，成張檯都震晒，那條走廊係直通廚房的，繁忙程度可想而知。最厲害的係每個人行路的力都唔同，一下大一下細，我同d朋友就好似坐「過山車」，一時高一時低。而且我地張檯根本係由兩set唔同的家具合拚來用，我張椅子高，我個朋友就低,都唔知點傾計，如果d人唔知，可能會以為我同我個朋友根本唔識，純粹搭檯。之後，我地叫侍應幫我地調去第二度,佢又話無位調唔到。由於真係頂唔順，最後只好離去。原本開開心心的生

一行10人同2個朋友預祝生日!真係好多人，訂左位都要等成大半個鐘!其中一位生日既女性朋友等到有d不耐煩一行10人被安排坐o向只可坐到8個女仔既sofa位!雖然我地男仔少但10個人坐真係迫爆，未開始食野而加要一前一後咁坐，真辛苦!叫左一個4人餐$3xx : 有一個pizza、2個main courses、一個小食拼盤、4個soup & drinks。pizza : 冇食到，d fd話麻麻、佢個樣都好麻麻肉醬闊面: 唔錯，cafe來講好好ga la焗葡汁龍脷黃薑飯: 幾好味拼盤: 雞翼、腸仔、薯角、龍蝦丸，薯角淡到嘔(佢一定冇灑過鹽囉)另外既人都叫單人餐($7x-8x)牛扒加煎飯團: 朋友話扒好un，唔好食，佢話飯團好味，但我地覺得一定係淘x既叮叮飯團!焗葡汁海鮮黃薑飯: 幾好，又有cheese 味帶子太極面x2 :太極面其實係黑白色意粉，朋友話帶子冇味，成碟野好啖cheese白汁意大利云吞: 汁ok啦，配薯蓉好味，云吞唔得啦，好粉呀飲品方面lychee soda 好難飲朋友話沙冰(即係"特飲")幾好喎green tea 類都唔掂coffe looks okay ~值得一讚係切餅費$30蚊

本來跟友人吃得頗開心的，但是一位向我們問意見的女侍應把我對這所餐廳的評價即時180度改變了。那位侍應向客人問意見時笑容欠奉，而且寫意見時寫得很慢，很多字不會寫，浪費了客人的時間。客人給予意見時，她竟然反駁客人的意見，態度極差劣。原本覺得食物還不錯，環境算是熱鬧的，但因為這位侍應不禮貌的對待後，我決定以後不會再光顧這間餐廳了。希望餐廳負責人認真改善員工的服務態度，飲食界乃服務行業，令客人稱心滿意才會令生意大增。若果只是提高價格，沒有相對地提高整體質素，流失顧客是必然的後果。

好難受開開心心見朋友點知坐水吧隔離, 杯碟叉匙不停交響,極度吵耳食物唔值呢個價,亳無特色pizza好酸竹筒飯無味每食淨少少就有人黎收野waitor, manager輪住睇錯時間走黎趕人走3次小食推廣忍唔住早d走又勁耐都埋唔倒單最難受既係有個亳無笑容既waitress走黎做問卷寫字慢,唔識寫字唔緊要要虛心呀寫出來給她,她卻一副早已知曉的樣子為自己伸辯告訴她怎寫,她更像埋怨別人說得不清楚更丟下一句"我的中文差"而且與顧客爭持調查是為了收集意見可不是澄清之前去過幾次銅鑼灣個間唔知會唔會都變成咁唔敢再去

水準很差...第一,坐位唔舒服,一坐成個人趺左落地咁...第二,食物唔惦,以豬肋骨為例,我肯定佢係出左一大輪水先燒,完全冇肉味...pizza同樣冇芝士味總括而言,唔會再去law...最搞笑係,間野做緊問卷調查,想問下關於限時既意見,即係2個人可坐2小時,4個人可坐3時...咁既水準,點叫人坐咁耐啊,搞好d食物先啦