Papa (已搬遷) 新店位置

今晚我地黎左Papa食晚餐🥣(京瑞廣場一二期而家開左好多餐廳🍴馬鞍山有野食啦😆)餐廳環境都幾舒服，個staff見到我地拎住好多野，就幫我地轉去4人圓枱，坐得舒服d 👍🏻晚市有set dinner $148-$238包左甜品🍮同一杯飲品🍹我地叫左<炭燒羊扒配薄荷香草汁☘️>羊扒賣相唔錯，有3大塊，肉質軟淋入味👍🏻不過切開就偏多肥膏><我地仲叫左<海鮮🐙墨汁意大利粉>墨汁冇新鮮墨汁應有既味，意粉🍝食落好易斷😕不過意粉份量都幾多海鮮每款仲有2隻，有蝦🦐、青口、墨魚仔另外叫左<Papa Orange沙律🥗>有雜果、好多蝦、同沙律菜🥙配個芒果醬汁🥭呢個沙律以$88黎講有d貴，因為生果唔甜，份量又唔多，個芒果醬汁唔夠甜😐餐湯係蘑菇湯🍄飲落有粒粒蘑菇蓉，味道正常總括黎講食物味道一般，以呢個價錢黎講偏貴><但服務唔錯，坐得舒服，唔嘈，幾啱傾計

同事相約一邊下午茶一邊開會，他們選擇了來這間西餐廳，西式下午茶的meau選擇並不多，我實際又唔系好肚餓，所以選擇起上來時真的是有困難，同事推薦不如和他一樣吃漢堡餐，於是我便點了份美國炭燒安格斯牛肉漢堡配薯條，餐飲要熱檸水，大概十分鐘時間食物便送來了，漢堡包用木板托底呈上，一黑一黄睇落非常特別及吸引，黑色的包是加入了竹炭去製造的，一口咬落中間的安格斯牛肉，嘩，非常鮮味及淋身，唔會太實，配埋新鮮的包夾著吃，真的芝味無窮，而黄色的包是芝麻漢堡包，同樣地好味道。木板的中間位置還有些紅洋蔥、蕃茄、酸青瓜及生菜，方面喜愛人仕任意添加，非常貼心， 套餐中還有一小桶的粗薯條，睇落細細桶，但食落份量原來好多的，到開會最後我地幾個人都清唔哂，埋單計埋加一要成$9x，餐廳環境清静，好適合三五知己假日聊聊天。

石門站不斷有新食店擁現的確是一種祝福，這間其實開了一段時間，今日終於走來試試！可能在京瑞算是中上價的餐廳，藍調的外牆加上簡約木系裝潢，而且服務殷勤，加上地舖透射陽光，給人舒坦的感覺！選擇也蠻多呢，普遍編向濃味： 西蘭花忌廉湯，奶味重的Latte！但對香茅魚Risotto的意大利飯有點失望，因為沒有risotto 的 chewy，好像未熟或煮理後放了一段時間的生飯feel, 吃下有點粉粉的口感。

平時成日去石門搵食都見到呢間Papa經常坐滿客人😆而餐牌都幾多野食幾吸引😍放假就黎試下呢到既Tea Set啦☕️✨經典窩夫配雪糕雜莓 雪糕可以簡朱古力、雲呢拿味🍨簡咗朱古力雪糕但我覺得嘛嘛地😕窩夫外脆內軟 食落好香雞蛋味🥚配埋香滑忌廉好好味好夾😋仲有唔少酸酸甜甜既雜莓 令整體味道更清新🍓迷你炭燒美國安格斯牛肉漢堡配薯條 個名聽落好吸引😍但黎到同我預期唔太相同🤣薯條雖然份量好多但唔脆又冇薯仔味⋯唔合格😐漢堡即叫即整黎到都係熱辣辣的！🔥夾住芝士、生菜、蕃茄同牛肉🥬🧀🍅安格斯牛肉幾香牛味都有肉汁同幾嫩！但味道都係比較普通 不過不失啦🤪Latte +$12非常普通 奶味唔香 咖啡味淡 拉花Hea整體味道無太大驚喜，無我想像中好味🤔回頭率低 因為呢個價錢有更多更好的選擇♥️例如Beans、Euro gogo等，差唔多價錢而且無加一，重點好味好多🤭！

經過石門，諗住食個晏，咁多間餐廳，點揀呢？突然見到間個門口幾靚，好，就入去試下。裝修唔錯，簡簡單單，又夠光猛，仲坐得幾舒服。中午時段，我地兩大一小，想叫兩份餐加兩個小食咁啦，不過餐牌得十零個餐揀，無其他嘢食可以加，有啲奇怪。算啦，叫兩份餐睇下咩料先。賣想還可以，可惜味道麻麻，卡邦尼意粉，淡到不能，沒半點芝士味。肉醬意粉，肉醬又硬又乾，偏鹹，兩碟嘅意粉又比較硬身，咖啡又係普通貨色，價錢$200，唔值，無下次。侍應服務態度係正常嘅，冇其他食評講到咁差。

| 蕃茄羅勒水牛芝士薄餅 | $148 (Dinner Set連餐飲和甜品) |呢個Pizza係我食過最神奇最住家嘅Margherita Pizza點解講住家？因為佢個薄餅底同芝士中間係夾住咗一塊塊蕃茄你係完全食到蕃茄嘅「鮮味」好似好新鮮但可惜佢啲蕃茄又唔係好食同埋食個陣會擔心啲蕃茄會一路食一路掉點鮮講神奇係因為我第一次見Margherita Pizza有咁嘅整法（可能我見識少）-| 香蒜大蝦扁意粉 | $148 (Dinner Set連餐飲和甜品) |呢一碟一上到嚟勁香，好似好好食食左一啖之後我望住我朋友講左句：「好味但冇味」其實後尾再諗，應該係好香但唔夠味，碟意粉真係有啲可惜如果再有味啲，真係幾唔錯-| Papa Summer | $88 |蘋果、蜜桃、西梅、士多啤梨、菠菜、藜麥、熱情果汁好鍾意好鍾意熱情果汁，同所有嘢都好夾！-最後要提一提個跟餐甜品Ummm食到最後，令我同朋友勁不解😂佢有兩粒仔蛋糕一個應該係咖啡味（呢個冇討論空間）另一個大家估係咩味？我食咗一啖食到咸咸地，又有陣油香，以為係開心果味仲心諗咁特別都唔錯！然後叫我朋友試下估下係咩點知我朋友估係牛油果味，奈何我未試過真嘅

石門開了不少餐廳，想找個可傾偈的地方和朋友食飯，選了這間PaPa，特別是黑松露飯 可以用難來形容，淡而無味埋單價錢兩人計$510 店員服務態度有待加強,年輕店員但是態度不夠熱誠。餐廳9點半左右已準備關門。以餐廳來說是較早的，但可能石門區內的商店也比沙田其他地方早關門

星期日專登揸車到石門搵食，本身想試果間餐廳未開，目測呢間比較人多，應該唔係大伏，所以就揀咗😌環境整潔，但大部分侍應相信是經驗不足，有啲未瞓醒嘅感覺😪點咗兩個Set Lunch:分別係margarita pizza 🍕 及 燒春雞。Pizza味道尤如超厚芝士夾蕃茄水加餅乾底，比百幾蚊得呢個質素落差好大隻春雞只係大件過舊薯角少少，仲要係翻炸，唔好話肉汁，乾到連滴油都無，食完之後好空虛整體味道非常一般，以呢個價錢，得出嘅食品質唔成正比，真係有點失望😑

經過見到餐廳裝修開揚而入嚟食，但人流聲大。Papa orange88蚊嚟講都幾足料，雜菜乾淨都新鮮。水果特別有哈密瓜同蜜瓜幾清甜。反而個芒果醬汁味道唔特出。炭燒豬鞍扒薯菜上菜時覺得樣子都幾好。食邊邊位置時第一、二件都有帶軟身，但愈食愈覺得乾身同有d硬。乾身完全靠個醬汁幫助下入口。紅蘿蔔仔幾甜，西蘭花就無乜味。煙三文魚意大利飯煙三文魚湯魚子混合出嚟既汁幾creamy，可惜飯有硬又有正常，令人覺得好似隔夜飯無解凍好煮唔熟既感覺。

今日又去我fd返工嘅石門Lunch啦! li個新區暫時係無辦法喺OP個App search到嘅, why not四圍揾下新野？地鐵站附近一間eye catching淺藍色嘅PAPA, 好似好吸引啵🤔•裝修得好靚, 有圓枱, 長枱,樓底高俾到嘅空間感係bonus. 置餐廳正中天花板嘅波波燈係要人拿拿臨打個卡der.•溫泉蛋肉醬扁意粉 (HKD88)Lunch hour座無虛席之下, 出菜都能非常迅速(亦都可能係較早前預備好的肉醬☺️). 還在出煙, 鋪滿牛肉碎同茄醬嘅意粉上面係一整隻流心蛋, 郁一郁, 震騰騰. 拮開蛋黃時濃香流心, 每一口意粉都啖啖肉醬麵質又夠爽口. 店家想必選用高質牛肉, 無落味精亦造到香濃嘅味道👍🏻•咖啡 (跟餐) 食完咁大碟意粉當然要飲返杯熱咖啡☕️提提神, 分開上嘅奶大杯啲會更加正☕️

第一次黎lunch, 未入到餐廳有個食裝修嘅感覺, 見lunch menu價錢都親民, set包飲品之外仲有其他加配嘅選擇, 加HKD10有是日餐湯. 趁時間尚早, 有人帶位入去坐先.•餐湯- 忌廉蘑菇湯 (+HKD10)原本無唸住order, 但見隔離枱個餐湯好似好正: 熱辣辣嘅蘑菇湯以小木盤托住, 附上脆脆麵包條, 濃稠而不油膩嘅湯靠大量鮮菇打成, 鮮忌廉嘅口感十足又smooth又暖胃.•香辣雜菌扁意粉 (HKD78)望落好似份量不多, 原來碟底都幾深, 估唔到西餐menu有粒辣椒🌶️黎講佢真係有夠辣的🤩. 恰到好處嘅Seasoning, 菇片全是大大塊厚切, 意粉沾上充滿蒜香的配料, 味道好豐富, encore之選

自從石門站附多左很多食肆，所以都漸漸成為我們假日的晚飯熱點 (我想有很多馬鞍山人都係咁唸)，位置近，駕車過來尚算方便，餐廳選擇也不少第一眼看到PAPA 就當然是被其名字及LOGO吸引左，最初還以為是親子餐廳，但原來也不是，從餐廳內部及餐牌食物種類可知一二，好靚的波波燈....不過小朋友在此用餐，家長也不用太煩惱，餐廳可提供BB椅及兒童餐具，也算是kids friendly，大人的餐具也是色彩鮮艷的不過我就沒有問到有沒有兒童餐選擇是日我們較早食晚飯，是大約7點左右的時間，或許正因時間較早，餐廳內也有不少是一家大細來吃飯沒錯，有了小朋友，整個家庭的作息時間很多時都會隨之提早點餐後，先送上餐包餐包暖乎乎的，還有牛油提供於是小朋友一個，我一個有個餐包打底，就不怕小朋友餓親要了一個沙律 PAPA yellow看來十分清新，餐牌上雖說是烤雞肉，但看來好像是烚雞胸多一點味道其實也不錯，如果略嫌淡口，還配有 特製沙律汁，酸酸甜甜，十分開胃經過這個沙律，意外地發現小朋友對牛油果沒甚麼興趣呢炭燒美國安格斯牛肉漢堡配煙肉車打芝士小朋友第一個反應就是要食薯條，唉.....我的目標很明確，就是十Juicy的漢堡

係papa食過兩次，第一次係飲咖啡，第二次就係食嘢俾我既感覺係一個字：差到爆！先不論食物質素如何，店內好多烏蠅，嚴重影響食慾！單點咖啡非常細杯，味道一般侍應態度一般，叫咗兩次埋單先應，失望！絕不推介

叫了外賣，試試這裡的豬鞍扒，看comment 說很好吃。外賣價是$188連餐湯/沙律，餐飲。外賣送到時還是暖暖的，凍檸茶包了保鮮紙不用怕弄跌。先吃沙律，不是最新鮮的感覺，靠黑醋汁襯托勉強吃了。豬鞍扒賣相正常，吃落嚇你一驚，明明暖暖的，肉質很實很硬，沒什麼應有的豬肉味，沒什麼調味，其實靚扒是不用什麼特別調味已很好，但它不是，用刀切很用力才能切開，很鞋口，不是凍了的問題，一是煮得過了龍，或是本身貨源就唔靚，就算有類似洋蔥汁點也無補於事，比起佳寶買急凍巴西豬扒自己煎唔會差太遠。配菜沒什特別，檸檬茶也是正正常常。咁既價錢咁既質素，半價都不了。

住左石門咁多年，你兩年終於有個新商場，食肆餐廳都多咗好多選擇。經常經過呢間餐廳見到好多人排隊，諗住應該唔會差得去邊，又咁啱屋企有嘢慶祝，就決定去呢度試新嘢食好啲，之不過今次嘅經驗令我哋好失望。餐牌入面嘅食物其實都算幾貴，我哋當然期望會有番咁上下質素。我哋叫咗湯、沙律同意粉。沙律算係過得去(其實將d菜撈埋一齊難食極有限)，但湯同意粉鹹到不得了，就算標榜唔落味精，咁鹹法都唔會健康得去邊啦。另外，我幫襯當日唔知係唔係借咗個場畀人開party定其實成日都係咁，好多五六歳嘅小朋友係餐廳入面跑來跑去，又玩氣球，又係咁尖叫，非常騷擾。食物已經唔好食，連環境都令人好失望。