Papa (已搬遷) 新店位置

約了朋友一起tea, 貪石門站方便，食肆選擇多。與朋友決定這店與white wood cafe二選一，一人等一間，邊間有位就去邊間，點知這間一到就有位，唔諗，直入。睇相後，我揀左呢款，以為佢係近年好流行的梳乎厘。雖然佢個名係pancake, 但望落實在太厚，所以我有呢種妄想。食物到，一睇到，即時好失望，但佢又冇寫錯，只係我諗多左。但因為太厚，所以感覺乾左啲，好膩。好快飽，食唔哂；幸好有新鮮西柚汁，可以消消滯。鍾意食pancake 的，胃口又不大，可以考慮兩個人叫一份😉

住沙田區，但好少嚟石門。成日聽朋友講石門有好多好嘢食，趁今日放假就同男朋友嚟咗石門。行咗一圈見到有好多餐廳都好吸引，但見到呢間PAPA係街角，幾光猛，覺得好靚，喺餐廳門口見到個餐牌覺得價錢都唔算貴，就決定食呢間！我好鍾意食西餐，食過好多地方嘅漢堡包，所以今晚又叫咗漢堡包食。漢堡包啲肉通常都好乾，但呢間漢堡包啲肉係食到肉汁。超好味！男朋友就叫咗個意大利飯，佢講都唔錯，dinner set 仲包飲野，麵包同甜品。整體都好滿意！

星期五7點去到唔洗等位入到去環境舒適裝修唔錯有枱客人好嘈 餐廳比較細好應聲 只想快d食完走價錢頗貴 兩個set400幾蚊冇前菜叫左兩個set, set至不過係加碟飲品同甜品冇湯/沙津一個炭燒美國肉眼牛扒，一個香煎海爐魚配柚子牛油汁牛扒同爐魚味道都唔錯牛扒叫7成熟都好嫩甜品係一舊Brownie。3個人黎 兩舊Brownie擺係同一隻碟度 俾兩隻叉我地 冇另外俾碟佢舊brownie好硬 仲要燶嘅⋯分開碟俾把刀好難咩？

今晚約咗兩個朋友黎石門食飯，初頭朋友諗住食韓燒，最後見PAPA都幾多人，之前又食過佢嘅早餐，我記得服務好好，咁就試下啦。頭盤叫左個墨西哥脆片、帶子刺身同芝士配凍肉。芝士凍肉好好味，如果芝士個味再隆啲就更好！帶子刺身夠新鮮，不過就有d貴。重點黎喇，主菜叫咗海鱸魚同豬鞍，兩樣都好好味呀！先講海鱸魚，個皮好脆好香，魚肉好滑又唔會腥，個無花果又整得好好味（問返朋友先知個舊叫無花果）！個豬鞍仲勁，我真係未食過咁好食既豬鞍，好彩今日一個朋友唔食牛，一個朋友唔食羊，所以叫咗個豬，真係估唔到佢咁好食，好夠冧又食唔到有渣，我哋同返侍應講話佢個豬鞍好好食，佢都話好多客都係咁講！服務依舊唔錯，都好勤力咁不停幫我杯茶加水，下次可以再黎！

父親節同爸爸去咗PAPA食飯，爸爸叫咗一份Prime牛排，牛排上枱已問到好香炭燒味，切開好juicy, 我試咗一小件，好耐無食過咁好味牛排！下次必須自己order 一份！我自己食羊架，侍應話係紐西蘭羊架，味道非常好，唔會太羶！媽媽食咗佢最鐘意嘅沙律，有6款不同口味沙律，每款都非常吸引！餐廳還推出咗很多夏天特飲，非常吸引！不過今日都係飲咗我最喜歡手工啤，因爲出面無呢隻牌子買，所以只可以喺度飲！仍然保持很好水準，值得讚！難得石門有間咁好味餐廳，一定會繼續支持！

如題。這裡環境不錯。落地玻璃讓陽光照入店舖, 台與台之間的距離也不算迫, 實在舒服, 感覺悠閒。點了個Carbonara意粉, 但真的不好吃。味道太淡, 只能說是一個很普通的忌廉意粉, 實在令人失望。希望其他食物味道會比較好。另外, 價錢比起同區的西餐也屬偏貴的, 可能貴在環境, 不過食物的味道確實比環境重要。p.s. 另外, 待應上餐的時候, 在我這碟邊留了一個油印啡啡的手指模, 感覺不太衛生。不過, 其實待應的服務態度不錯的。本想給劣評的, 但其實可能還有很多比它差的餐廳。就中評吧。

放假一早就起左身，同朋友去行山，行山前緊系要食個靚早餐啦。我地今次去左石門間papa 食西式breakfast。叫一份toast 配一杯野飲～可以揀coffee tea or juice 咁～我揀左個bacon and egg toast with salad ，因為我不嬲都覺得煙肉同蛋系絕配。而朋友就揀左大啡菇toast。個大啡菇我都試左一啖～整得好juicy ~有驚喜！餐廳環境又靚坐得又舒服，裝修都有花過心思，最好最好系人流唔太多，得閒都會多d黎食早餐。

被裝修同其他人食緊既野外觀吸引入去，食完感想：飲品papa tea非常淡及走甜，像溝了水，沙律唔知咩yellow中牛油果有雪味，海鮮意粉海鮮零鮮味，意粉太硬及未熟，卡幫尼意粉用料奇怪（有雲耳）及無芝士味。因為是母親節，本想帶媽媽食些好吃的，真令我大失所望。

今日同班姊妹茶聚, 揀咗石門 PAPA.之前經過好多次都未入過去, 今次終於有機會幫襯啦下午茶選擇唔多, 價錢都偏貴.我揀咗個 "吞拿魚+蛋" 法包 & 熱檸茶, 賣相好靚呀! 味道正常, 價錢...$52+10% (係餐牌已經係屬於平餐)呢度雖然未可以滿足到我嘅味蕾, 但係食物既賣相可以睇得出廚師好有心機。環境都唔錯，靜靜地，地方算闊落，坐得幾舒服，唔會同隔離枱迫埋一齊。今次同姊妹茶聚好開心呀!

好日都唔會去一次石門，但原來無想像中咁偏僻，都有唔少餐廳食肆，日式、茶餐廳、台灣菜、西餐應有盡有，呢日就俾呢間街角西餐吸引住。裝修睇得出花過心思，空間寬敞舒適，燈光柔和，俾人休閒放鬆既感覺餐牌選擇多，但可能因為價錢偏高既原因，晚市都無乜人食，得我地同另外一台家庭客。以一間想做高檔次既西餐黎講，呢間感覺有啲美中不足，侍應都比較後生，落單方面唔純熟，要講幾次先明白落到單。PAPA YELLOW (烤雞肉、芒果、牛油果、雜菜、油醋汁) $88沙律菜種類單一，如果可以增添紫生菜或火箭菜會更好，個人認為餐廳自調既油醋汁偏酸左啲，如果加甜醋會開胃好多。水果類唔夠新鮮，牛油果熟到有啲爛，芒果偏生但可以接受，雞肉唔會太鞋，份量適中，但食起黎似水煮多過烤製。香燒青檸香茅魚柳配意大利燴飯 $118份量如圖見，唔多，應該岩岩好夠女士食。魚柳好厚肉，肉質實又唔散，表皮煎得剛好微焦，香口、無雪藏味。燴飯奶油味香濃，飯粒煮得恰到好處，夾生、有咬口。蒜香和牛粒 $58食唔出係咪和牛，但火候適中，肉質稔軟唔韌，唔需要特別調味都好食。DINNER SET包埋甜品同餐飲，如果嗌檸茶檸水以外要+$15，但感覺唔值，ICED

Papa在石門，都好近屋企，附近沒有什麼西餐廳。舊年年底來過，食物環境服務都幾好。所以都有推給朋友家人。但最近再來食個午餐，叫三個餐，兩個要退回廚房。另外一個餐是一個很簡單的早餐所以不用退。退回的兩個餐分別為美國牛扒和慢煮豬柳，五成熟的西冷扒出來的時候似八九成熟，重做的除了味道淡而無味還可以。慢煮豬柳完全乾到切都切唔入，切的時候整張枱都在動。退回廚房，侍應都唔敢叫我再叫同樣的，我只好叫一個意大利麵。味道也是淡而無味。三日後有另外的朋友又叫我去papa食lunch，我已經有點保留，但改唔到其他的餐廳。只好硬著頭皮，小心叫餸。有朋友叫海鮮面，我就叫了一個pizza。這兩樣也是淡而無味。pizza 和外國的microwave pizza 差唔多。廚師的味覺是有什麼問題嗎？還是我的味覺呢？其他的朋友也是覺得淡味。服務方面，真的是要提升一下(一大下)，我好似沒有見過他們的笑容，點菜時無乜反應，沒有眼神的接觸，沒有任何推薦。做野唔係好夠醒目。我覺得我沒有要求過份，只是想有普通西餐廳的服務。菜餐廳的侍應都比他們醒目，我好懷疑他們對西餐廳服務的認識和經驗，餐廳有冇俾他們一些基本的training。我應

我個人好鍾意乾淨舒適的餐廳, 喺石門少之有少, 呢間確實令我加足分比佢哋, 環境乾淨, 服務又有禮, 講真, 香港地服務唔好, 真係搵鬼黎食喇我哋叫左兩個SET DINNER, 以呢個價錢黎講, 真係好抵食, 有嘢飲, 有甜品, 加$28仲有湯, 真係抵食我好鍾意食牛, 叫左個西冷牛, 7成熟, 食落一樣好霖, 好有肉味呀~ $238老公就叫左個豬鞍扒, $208, 我自己對豬就麻麻, 不過佢哋真係整得好好味, 好軟, 好JUICE, 好有口感, 又唔乾喎~ 真係唔知點整架呢?唔怪得佢哋成日都咁FULL啦~ 抵讚之選, 我絶對會再黎, 下次要再試下佢羊扒

因為渣打信用卡訂座有優惠，所以同朋友渣車到呢間餐廳食Dinner，附近有停車場，可以泊車，之後等左5分鐘左右就已經可以入座，價格合理，唔算貴，叫左兩個菜，加兩支啤酒，味道算唔錯，份量都好足夠，環境舒適，服務都唔錯。

知道石門開咗間西餐廳， 咁就諗住同屋企人一齊去試下， 一行四個人入到餐廳， 個環境畀人一個好笑嘅感覺。 不過我喺度諗， 啲嘢咁貴， 好似好高級咁， 會唔會係冇料扮四條㗎？之後就叫咗一份炸魷魚圈， 一份baby back ribs， 一份Orange salad，兩碗磨菇湯同一份西班牙海鮮……首先嚟咗個炸魷魚圈， 新鮮即炸熱辣辣，好正，$50幾蚊抵畀！之後就上咗個沙律,而我一向就對沙律冇乜好感, 咁我就諗住食少少就算啦! 食落之後個感覺幾清新啲生果又幾新鮮， 啲生菜唔會好似出面咁苦，所以我都差唔多食咗一半~再嚟就嚟咗個蘑菇湯，蘑菇湯好香再加埋啲松露油真係一流😂然後就係baby back rips同西班牙海鮮飯。豬肋骨好淋啲肉汁好juicy,不過上層啲肉冇咁淋同有少少乾，希望可以改善下。另外海鮮飯好足料，即煮即食係最好味嘅😆😆整體我都好滿意，呢個價錢有咁嘅質素係值得嘅，希望有機會再試唔同嘅美食🤤🤤

幾日前同幾個女仔朋友去石門一間西餐廳 gathering，環境不錯，侍應太度好，不過食物呢...重有進步空間啊...叫左個 YELLOW PAPA 沙律🥗 $88呢個沙律有 烤雞肉 芒果 牛油果 同 雜菜 配一個酸酸地既沙律汁，顏色豐富 擺得好靚。雞肉嫩滑 有肉汁 無調味，唔似一般烤雞香口，食落似白烚...原汁原味。芒果就好甜好味，全部撈埋沙律汁食酸甜醒胃。炭燒西冷扒 紅酒汁 $208西冷扒叫了七成熟，同樣賣相討，份量十足，切果陣要用啲力...塊扒幾結實，內裡嫩紅，應該是我想要的七成熟...有肉味，不過肉質超結實，咀嚼要花點時間了紅酒汁無味... 上台時牛扒已經是微溫，唔熱... 西班牙海鮮飯 $278飯是兩至三人份的，裡面有魚、帶子、蝦、墨魚仔、青口，舖滿飯面好吸引，海鮮都好味，不過飯就咸左啲... 黑松露油野菌薄餅 $108成餐最好食就係pizza，一放落台就聞到香味，好多菇，芝士多到有拉芝效果，薄餅脆口，野味得黎不油不膩，好味！食物普通，價錢都偏貴，不過環境ok，坐得舒服👌🏿