PAPER STONE BAKERY

营业中

休息中

同朋友行街經過見到好似幾靚入去睇下凡購買就可以+$買嘢飲都幾抵幾吸引而且選擇都多，好多咖啡款式都有。面包有bagel，scone，cake，蛋撻etc基本上講得出嘅都有賣賣相好吸引好多都想試而且價錢唔算貴。最後買左muffin都唔錯幾香口感鬆軟唔會太甜下次經過會再買

頭先喺呢間麵包鋪 買兩件芝士蛋糕 側邊貼住$32兩件, 去到時有位比較胖嘅女售貨員( 不是歧視, 因為有兩個售貨員一個瘦一個較肥， 所以咁樣形容以兹識別）收費， 當時我大意，冇即刻check 價錢， 上車後先發現收我兩件$38（原價$19一件）， 完全唔係標示咁樣。。 咁我就返去同胖售貨員講， 佢就答我，兩件價係要同曲奇一齊買， 但係我望曬店舖所有有字嘅地方， 都唔見到有提及曲奇， 仲要成間舖都見唔到有曲奇呢樣野貴。。。 我就同佢講你哋咁樣即係呃人， 佢就話：‘’咁你而家係咪買一件$19？‘’， 我就覺得而家係間舖呃人，所以我就話我兩件都唔要。。 但我當時本來諗住佢會退返錢，所以我放咗2件蛋糕喺車， 跟住我就去車帶番返嚟。。。 返到間舖，見到好長龍， 佢就好惡咁同我講排隊。。。 好在當時另一個瘦嘅女售貨員就問咩事， 個胖售貨員就同個瘦嘅售貨員講 話我搞錯咗，話我要退錢。。。 跟住瘦售貨員一睇到就話：買兩件係$32喎！ 跟住個胖售貨員一聽到係 自己搞錯仲亂咁作嘢， 竟然係即刻掉頭走咗去。。。 好在瘦售貨員叫我唔好嬲，我即退返錢畀你（收多咗嘅$6 ）我都唔明點解個胖售貨員，唔check清楚

前日係黃埔行街既時候，經過Paperstone，見到佢地最近出左個英式伯爵茶系列，身為包控既我即刻入去睇，最後仲買左幾款返屋企試😍🔸️英式伯爵茶忌廉果釀盒子方包 $19佢係一個用伯爵茶味嘅盒子方包裏面有唧有伯爵茶忌廉，面頭再鋪滿各種果仁，食落超有口感🤩，茶味同果仁味道幾夾👍🏻🔸️英式伯爵茶檸檬燕麥奶貝果 $23伯爵茶加燕麥奶呢個配搭好新穎，Bagel 口感煙韌，檸檬味同伯爵茶味喺口入面混合 ，食落好開胃 👍🏻 🔸️英式伯爵茶海鹽法包 $15麵包鬆軟，食到有海鹽，比較健康。😙🔸️英式伯爵茶方包 $15麵包超軟熟，個人覺得茶味最濃，好啱配埋果醬同生果整吐司。🔸️英式伯爵茶忌廉醬 $12呢款忌廉醬主要係用伯爵茶同奶油做 ，個醬味道好清新滑身，甜而不膩，真係會食到停唔到口 ，好香！😝📍Paper Stone Bakery紅磡黃埔花園聚寶坊(第11期)地下G13號舖

👉Mr. Banocolate 香蕉朱古力慕絲蛋糕(5吋) $288話說家父其實都係外協😂今年唔諗住自製蛋糕去打動佢就送佢個睇落極grand嘅朱古力蛋糕🎂頂層擠花咁靚嘅朱古力忌廉加點精緻又唔太浮誇嘅日本朱古力脆珠鬍鬚牌旁係帶有金箔嘅美國碧根果仁啱哂低調又不失氣概嘅父親😎由頂到底 外到內滿滿超濃郁嘅朱古力除咗朱古力海綿蛋糕外中層再夾點熟得剛好嘅香蕉片味道真係絕配整體口感好smooth好彩家父滿意✌🏿

Paperstone最近出左個英式伯爵茶系列，身為earl grey迷嘅我第一時間買幾款返去試，真係幾正😍先嚟講下英式伯爵茶忌廉果釀盒子方包，係用伯爵茶味嘅餅皮包住啱啱攪好嘅忌廉同果醬，好甜美好輕盈，茶味同果醬嘅酸甜味道相融合，好好味。仲有好多nuts，增加口感，幾夾👍🏻再嚟係英式伯爵茶檸檬燕麥奶貝果，bagel好鬆軟，檸檬味同伯爵茶味喺口入面混合，加上燕麥嘅質地，好好食😋第三款係英式伯爵茶海鹽法包，用鬆軟嘅麵包包住鹹甜嘅伯爵茶醬，好好味，鹽同茶嘅味道好搭👍🏻第四款係英式伯爵茶方包，麵包好軟好嫩，茶味清新，好啱配埋果醬、奶油等。講開醬，今次佢仲出埋個英式伯爵茶忌廉醬，呢款忌廉醬主要係用伯爵茶同奶油做嘅，好滑身，味道好豐富，啱晒搽方包！好香！👍🏻👍🏻👍🏻全部面包個伯爵茶味都好濃，味道豐富而獨特，口感清新鬆脆，做high tea一流😝

Paper Stone Bakery (紅磡)📍紅磡黃埔花園聚寶坊(第11期)地下G13號舖約咗朋友嚟屋企玩買咗啲甜品招呼佢哋呢間麵包店嘅甜品一直都好高買咗以下呢幾款新出嘅丹麥酥丹麥酥嘅酥皮層次分明外面仲包咗朱古力 雪到好脆口 美味💓中間嘅cream有啲鹹鹹地 幾特別🥭芒果丹麥酥芒果肉排到成都玫瑰花咁一睇落去已經好吸睛🍓無花果雜莓丹麥酥無花果同雜莓都好新鮮🍌焦糖香蕉丹麥酥香蕉嘅份量好多 好有飽足感而且啲香蕉粒粒好熟 夠晒甜🥝奇異果丹麥酥奇異果肉切成粒粒 present得好靚🥖呢度嘅麵包都唔錯自己幾鍾意食呢度嘅法包唔會太硬 過一日食用焗爐焗返起佢都好軟熟多穀海鹽法包 有幾款穀物喺入面紅菜頭小紅莓海鹽法包 用咗紅菜頭有紅色幾吸引 而且仲有粒粒小紅莓

Paper Stone Bakery HK主打歐式麵包,法包,西式甜品,牛角酥,各類麵包日式麵包港式麵包就見得多,香港主打歐式麵包既店唔多見,一般都係以牛角酥為主既小店或連鎖店黃埔有間歐式麵包新店更獨家推出玉桂卷及小法包系列，一家要試試。每日新鮮制作,結合亞洲口味烘焙品低甜健康好食Paper Stone Bakery黃埔店法包軟q,外皮脆,中間有彈性,口感豐富牛角丹麥酥,有牛角酥既酥香,牛油香氣又有丹麥酥既口感脆度加上新鮮水果清新既忌廉奶油加上水果口感更突出非常好食地址：九龍紅磡黃埔花園第十一期地下G13 號舖（聚寶坊）查詢電話：2722 1623營業時間: 星期一至五：7:30 am–9:00 pm；星期六、日及公眾假期：7:30 am–9:30 pm  

炙燒菠蘿丹麥酥 奇異果丹麥酥 海鹽牛油法包 紅菜頭小紅莓海鹽法包 我哋嗌咗呢四樣麵包真係好有特色好香甜佢哋嘅水果10分新鮮配搭得好好好有法國嘅味道香港嘅麵包舖唔多見，所以我好鍾意去有好多唔同嘅分店，所以做得好出色方便大家購買價錢適中，配上佢哋嘅朱古力香味甜甜適合當甜品食價錢適中，分量十足，食完10分飽肚配上茶都好出色仲有佢哋都係熱辣辣的，即叫即整，所以我都覺得好唔錯大家都可以嚟食一食，當早餐都好飽肚好唔錯的

又到了一年一度既母親節每年到左呢個節日一定會同媽媽出去食餐飯今年仲買埋佢最愛既慕絲蛋糕睇得出佢好滿意呢個蛋糕Lady Berry 藍莓芝士慕絲泡芙蛋糕一共有3層，表層有新鮮藍莓同開心果碎中間係黑加侖子藍莓忌廉芝士慕絲夾心有吉士忌廉泡芙最底有海綿蛋糕同朱古力脆脆佢既芝士慕絲好絲滑酸酸甜甜又帶有芝士既香氣第一次食到蛋糕有吉士泡芙吉士既甜味同藍莓好夾最底既脆脆又增加口感Dressy Hat 士多啤梨紅桑子慕絲見到呢個咁靚既甜品都買多件成個表面都係濃郁既士多啤梨同紅桑子味內裡仲有新鮮士多啤梨果粒2者配合得非常好

我咁鐘意食蛋糕, 真係未試過買4件蛋糕都唔好食😭 , 等我逐件介紹: 第一件比利士朱古力蛋糕, 冇朱古力味, 硬實Mouse質地+底層朱古力蛋糕; 第二件藍莓芝士蛋糕, 冇芝士味, 食剩1/3件; 第三件特濃朱古力紅莓蛋糕, 又係mouse質地, 冇味唔好食; 最後一件, 什錦果仁撻, 果仁好硬唔好味, 總之一句, 四件都差, 好難食, 不食也罷！真係冇下次, 連酸種麭包都吸引唔到我, 真係好食極有限! 點解d人會話好食㗎, 美心, 東海堂都好食過佢!

今天在紅磡分店買了三個bagel 🥯買的時候沒有發現重量輕了不小回家用食用磅磅了各Bagel 發現每個小了20g現在一個只有110g 同埋bagel已經沒有之前剛開張買時咁煙韌厚實！不是因為輕了20g而覺得物非所值只係已經食唔番好似以前我在Vancouver 食到的bagel 咁煙韌！有D失望~希望呢間麵包店會見到我的留言因為真係好想食番之前個種煙韌厚實嘅質感~

之前成日聽人話依間bagel好食，經過paper stone就買左個紅菜頭同蒜蓉法包試下。店鋪裝修係歐美風格，入面D bagel顏色幾豐富，綠色紅色紫色，望落都幾吸引，應該都會忍唔住買來試下。入面仲有蛋糕賣，外型都幾靚，都見唔少人買，下次都可以試下。紅菜頭bagel係凍既，口感都幾軟，味道唔算特別，可能本身自己無特別中意食bagel，蒜蓉包係熱既，好香，味道有驚喜，越食越好食，下次會再試下其他味道既bagel

位於黃埔花園嘅歐式麵包店Paper Stone，標榜無添加健康優質麵包，一行入去充滿新鮮出爐嘅麵包香味，麵包架上款式好多，樣樣賣相都好吸引，搞到樣樣都想試。#巴斯克芝士小法包 $22這款配搭近年都喺唔同麵包店度見過，但通常都係用法式焦糖燉蛋配法包，Paper Stone係用basque chesse做餡心，面層有燒焦糖，芝士味唔係話好濃，做到流心感覺，口感滑溜，比例上係甜味多於芝士香味，不過唔屬於好甜，加上法包一齊食可以中和甜味，呢個法包都超級脆，一咬落去飛到周圍好多法包碎。將巴斯克芝士同埋法包二合為一，升級享受。#經典肉卷 $22我覺得個酥皮出色過豬肉餡，酥皮鬆到爆，一切開超級甩皮，做到千層而且層層薄如紙，個豬肉餡唔係好大舊，實實地，味道就係西式嘅調味，唔會話好濃味，食一條豬肉卷已經好飽肚。#Paper Stone Bakery地址：紅磡黃埔花園聚寶坊(第11期)地下G13號舖

玫瑰莓果丹麥酥 Rośee Berry🌹美味指數：👅👅👅👅(4/5)口感豐富而且好鬆軟，幾有層次，細細件食落唔會太多，做飯後甜品都幾啱～ 加上賣相好靚，再加埋上面有個心心嘅牌，適合做情人節嘅小甜品💖

行過餅店見到蛋糕好靚，我買俾老公食，老公感到甜蜜又驚喜。士多啤梨朱古力慕絲蛋糕有5吋，最上面係生果，新鮮草莓及紅桑子，見到都覺得仲係好新鮮。心型朱古力是立體但唔係實心，感覺唔會太sweet ，蛋糕入面係慕絲，食落去好輕盈，唔好覺得好油膩，開胃既紅桑子果醬及香滑的法國朱古力忌廉最下層是朱古力海綿蛋糕，很鬆軟，食落覺得唔錯，可以跟閨中密友分享下。整體而言，我將蛋糕放在籃子內，老公一打開就係粉紅蛋糕，勁開心，so sweet Rosée Berry 玫瑰莓果丹麥酥丹麥酥好香牛油味，麵包既一半沾上朱古力醬及果仁碎，果仁碎都好多，口感豐富，輕芝士感覺唔錯，細細件唔會好heavy，仲有新鮮草莓同無花果,整個丹麥酥勁靚，我哋都好鍾意。