影片
电话号码
63400903
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
今日週末放假想來個本地輕旅行, 特意到愉景灣Hea下. 係東涌坐愉景灣巴士可到愉景商場 D deck, 好方便，入到去有個新既溜冰⛸️場，有d小朋友玩緊，好熱鬧。地下出左商場大空地週末就有市集，好多攤位賣衣物服飾，亦有多間特色餐廳及酒吧餐廳。今日黃昏特意選左間很有情調既網紅餐廳打打卡。享受異國風情。依間係土耳其菜餐廳，我係後門入（兩邊入口：近商場/海邊公園）。我係海邊個邊入餐廳，門口有幾張「心形」情侶座位，晚上著晒燈成個心形光圈超靚。我都好鍾意❤️ 亦有多個戶外茶座給喜愛吹下風既食客；而前門就係室內梳化位，環境微暗播住歌好舒服😌。影完相入返室內食咁就唔怕凍。羊肉串燒：好惹味，兩串都好大串，肉質又滑嫩。而且有原隻綠尖椒，味道係較為辣，但幾過癮，有埋配菜夾埋一齊食中和返味覺👅。牛肉鐵鍋🔥熱烘烘上菜，而且味道偏濃味，將飯拌勻食好好味😋。牛肉碎碎的質感幾好。特飲：土耳其熱茶茶色偏深，茶味特別香濃，飲落好潤喉，亦好適合食濃味食物。而冬天飲杯熱野暖下肚都好舒服。土耳其咖啡☕️食款咖啡超特別，我曾經上網看過當地人製作。先將咖啡及糖粉放入瓶中，不用加水。之後將瓶放進已加熱的沙堆中不停來回摩擦，🔥熱力會令瓶內充滿水份，最後成為一杯香濃咖啡。甜甜甘甘的好好飲。甜品/雪糕都賣相好靚值得一試！
继续阅读
入秋第一炮節目，當然係由梅窩行山行到去愉景灣，行完身水身汗就要醫肚愉景灣有一間海邊土耳其餐廳，趁未晚市，嚟個飽肚tea先食土耳其菜，唔會少得肉串嘅，羊肉串平時比較少食，呢間燒得好彈牙嫩口，同坊間嚡熠熠好唔同，以迷迭香調味，更具土耳其風味可以揀配飯或薯條，薯條大大嚿好夠飽仲有大大條青椒，燒得幾香爽，仲有好開胃嘅沙律第一次見到土耳其pizza原來係長條尖形，餅底既薄且脆又唔會乾身，裡面鋪滿切碎咗嘅牛肉，以土耳其風味調製，就算冇加芝士都勁香口土耳其嘅甜品都少見，果仁蜜餅原來都好signature，一碟有4件餅加一球雲呢拿雪糕蜜餅甜甜地好酥化，隔個layer都有nuts，好香開心果味，亦同雲呢拿雪糕好夾呢度連土耳其咖啡都有喎，即叫即燒可以出去望吓店員點燒製咖啡，沖出嚟好香草本味如果唔好herbal，嗌佢地嘅招牌咖啡都好香濃，亦不失土耳其風味
继续阅读
《海景異國情調🌼》———————————————-#PashaTurkishCuisine 🇹🇷-Weekend去咗愉景灣chill下，搵咗間特色土耳其菜enjoy ，喺呢個海景靚地方relax吓超正🤤-🥖 雞肉串麵包麵包嘅質地結實，裡面有海量雞肉串嘅手撕肉同生菜番茄，層次大滿足😌-🍕 土耳其披薩造型好特別，餅底薄身，焗得幾酥脆，上面鋪滿牛肉同芝士，非常之值得一試！-☕️ Turkish Coffee 之前已經好想有試吓土耳其咖啡特別嘅熱沙沖煮方式，店員好貼心仲比我哋親身嘗試自己沖，感覺夠哂新奇好玩🥳 經反覆沖煮而萃取出精華，超正！-🍦Turkish Vanilla & Pistachios Ice Cream雪糕黏稠度好高，有種煙煙韌韌嘅感覺🤗 我哋揀咗開心果湯土耳其雲呢拿味，味道香醇濃稠🫣-🧀 Kunefe 奶酪蛋糕呢款土耳其甜品好有驚喜，食唔停口，焗過嘅奶酪芝士令整份甜點無咁死甜，趁熱食仲拉到絲😝 上面仲有開心果碎，口感一流😎-⭐ 參考價錢︰土耳其Pizza：$138雞肉串麵包：$100Kunefe 奶酪蛋糕：$88Turkish Coffee：$68Turkish Vanilla & Pistachios Ice Cream: $60🍌 抵deal 指數：8/10
继续阅读
之前放假無咩做，就去咗愉景灣閒逛加食嘢。星期六嘅愉景灣人流唔多，等車搭車都好輕鬆舒服。之前試過星期日入去，人超多～今次試咗間土耳其餐廳，網上睇相，被佢手臂咁長嘅PIZZA吸引咗，另外見到有自家製的土耳其雪糕，所以就決定食。環境方面，最吸睛的餐廳設有二人心形座位，啱晒情侶打卡。餐廳有室內及室外用餐區，環境舒適，空間感充足，週末假期朋友或家人嚟呢度都唔錯，我哋當日都有一班外籍人士聚餐呢。談回食物，MENU上面選擇多，只係PIZZA我哋都有3款想試，奈何空間同QUOTA都有限，根本無可以試晒，最後就揀咗其中一款。Hallomi Salad香烤乳酪蔬菜沙律 $88呢款沙律好特別，上面有３大塊烤過嘅芝士。佢嘅口感就類似豆乾，但係多少少咬口，同埋濕潤啲。食落同埋有淡淡芝士嘅味道，鹹鹹地咁個人幾鍾意。配上新鮮嘅沙律菜好開胃又健康。Sac Tava土耳其燉牛肉鐵鍋 $158呢個燉牛肉鐵鍋份量只係一人份，但真係超多，一個人有咩可能食得晒。因為用用鐵鍋整，嚟到嗰陣，香氣四溢，牛肉香、芝士香、蕃茄香同飯香，未食已經流晒口水！牛肉用咗唔同香料、加埋洋蔥、青椒、蕃茄等配料，零舍惹味，超好送飯。Mevlana Pide 土耳其披薩 $138土耳其特色薄餅形狀好似船咁，好特別，長過我手臂，打卡一流。我哋呢個薄餅揀咗羊肉，所以船身盡是羊肉碎同芝士。餅底薄身，外皮似焗熱嘅歐包咁酥脆。雖然薄，但口感都保持有咬口。你睇，中間嘅氣孔～～羊肉加芝士，不乏羶味🐑，但可接受。羊嘅油脂配上不突兀嘅芝士，互相融合產生嘅化學效果，真係令人食完一塊又一塊～呢款土耳其經典船型Pizza，真係值得一試！！Turkish Coffee $68嚟之前有上網見過土耳其咖啡沖煮嘅方式好特別，首先將咖啡粉放入銅壺，然後放銅壺喺沙堆上面遊走加熱。當咖啡煮沸時，店員就把湧上來的咖啡倒出，然後繼續加熱，反覆沖煮而萃取出精華。第一次見到咁樣沖咖啡，感覺好新奇～Baklava with ice cream果仁蜜餅跟開心果雪糕 $88呢度嘅甜品幾特別，坊間少有。因為最近開心果大熱，所以我都叫返個開心果甜品～果仁蜜餅嚟到時仲係暖嘅，口感又鬆又脆，上面淋有少許蜜糖同開心果碎，好有層次感。配埋個雲呢拿味雪糕一齊食，有種冰火冷熱交融嘅感覺，完全係多重口感同味蕾享受。本來係開心果味雪糕，但最初畀錯咗，所以事後店員送返一球開心果雪糕畀我哋，好開心！土耳其雪糕同平時雪糕口感唔同，感覺好似比較重身同埋濃稠，我哋仲發現佢原來可以微拉絲XD好有趣～之後GOOGLE返先知道，原來傳統土耳其雪糕會加入蘭莖粉，從而增加黏稠度，令到小販拉長雪糕時不易斷開，今次長知識！
继续阅读
想望下海景除咗入西貢 愉景灣都是個好地方🎪大白灣沙灘仲搞咗個Splashtopia嘉年華 嗰充氣彈床遊樂區啱哂一家大小黎個happy weekend!! 係海邊走走之餘發現海傍唔少特別餐廳🤪呢間Turkish餐廳舖前成個等身土耳其雪糕模型🍦成功吸引咗眼球!!。。。🦔✢ Lamb Köfte 科夫塔羊肉 $168由打開嗰蓋嗰下見到成個dish咁grand真係幾愉悅的🥰配菜有得比你揀: Rice/chips! 薯粉控係鍾情於薯條嘅🙋🏻♀️份量多到痴咗線之男人都肯定夠飽！主角羊肉煎到3大塊漢堡扒咁樣 頗有厚度 滿滿羊味 呢個時候加點Yogurt Meze 口感清新啲~ 甚至啲沙律菜都幾高質 特別表揚爽口紫椰菜蘿蔔絲^^ 唔會過生! 幾鍾意佢菜、肉、澱粉份量都好平均地比好足 ✢ Mevlana Pide 穆拉納皮德 $138係當地食過嘅Pide(薄餅)係偏香烤更脆口 因為都係由石窯出爐的 但係pasha呢度試嘅Mevlana Pide都唔遜色🧏🏻♀️都係我第一次食一整份由尖頭到尖尾嘅薄餅🤣多咗份麵團嘅彈性+煙韌感 食落反而無咁熱氣 係2個人share食都好易濟😂餡料亦有一定厚度 特式菜黎講真係幾抵食！ ✢ Eggplant with Yogurt Meze 茄子配酸奶開胃菜 $65睇圖以為係有好明顯嘅茄子舖面😂點知係smash埋一齊 反而效果幾好!! 開頭店員提議會唔會想配搭法包咁食 好好彩無點太多 用黎蘸薄餅都好足夠😝肉眼可見嘅洋蔥蕃茄粒沉浸係健康嘅olive oil中 細味品嘗下會驚現茄子味 口感酸酸地嘅涼拌幾開胃 ✢ Kunefe 庫納法奶酪蛋糕 $88食土耳其甜品是基本吧😏去過當地好有信心講 食到幾啖你已經係人上人！但好好彩呢份Kunefe甜度調整過後已經相對迎合我地口味😂除咗舖面嘅靚靚Kataifil小麥碎 特別在焗過嘅芝士夾心令整份甜點無咁死甜 趁熱食仲拉到絲興奮仔 開心果碎嘅點綴係加分位 個人認為值得一試！
继续阅读