Patisserie Yamakawa (已結業)

個人十分喜愛所有抹茶既食品見到雜誌介紹呢到既抹茶甜品成日都好想試但係經過一輪雜誌介紹既攻勢後每日放工都唔會見到呢條卷蛋終於"的"起心肝食飯時過去買定放工先拎結果無令我失望蛋糕質地比較濕而且好軟身唔會好似出面o個d咁硬身但係因為呢個原因所以表面塊皮好多裂紋搞到個賣想扣左好多分味道方面抹茶味好濃不過內裡既忌廉就甜左d紅豆分量非常小切一件出黎得2,3粒實在小得可憐最後建議大家想買既都係早d留定比較穩陣

今日係Four Seasons 完咗Event 後行左去IFC CitySuper，知道開咗間新舖於是特登走去試下。之前睇男女見到介紹呢間舖關於抺茶造嘅甜品製作認真， 唔同款式嘅甜品會配搭不同濃淡的抺茶， 而且全是來自日本的京都加上知道它們的蛋卷很出名， 所以就買左以下items︰1．栗子蛋卷好鬆軟， 好香蛋味食落好似綿花一樣。不過略嫌鬆散，其實東海堂都好味喎同抵啲。下次試下半島嘅出品先。2．抺茶布甸好濃郁嘅抺茶味！唔好以為佢好苦， 其實食唔慣甜嘢都覺得佢甜㗎。不過我覺得OK， 睇黎要試下佢其他抺茶甜品。3．Rich Chocolate and Passion Fruit Mousse呢個真係好好味呀！好Rich嘅朱古力味，甜度適中不過裡面嘅熱情果Filling就食唔出有熱情果味。Filling 下面有一塊朱古力脆脆增加層次～真係好正呀，連唔係好食甜品嘅男朋友都讚好。我好心急係的士上已經急不及待要食喇，連相都無影～呵呵。